Yohan 10
10
Vyv̀ng roqshú shvlá
1“Ngàí kàdøng vla:tnìni, vyv̀ng wáng vdòng sv̀ng bv́ngkà chit kèní màgóngshaq, shø̀ngshang tiqdang kèní rvlv̀ng ra gǿ nø vkǿ nv̀ng tølv́mshú íe. 2Bv́ngkà chit kèní gòng ra gǿ mv̀ng nø vyv̀ng roqshú íe. 3Àng sv̀ng nø bv́ngkà vsóngshúí bv́ngkà tánaòe. Vyv̀ngrì gø àng kà tae. À:ngí nø àng vyv̀ngrì bø̀ng goò sórí vtv́ng lap sv̀ng shø:lòe. 4Àng vyv̀ngrì shvngbe vtv́ng lap shvléò dá:ngí, àngmaq vzv̀ngzv̀ng àng die. Vyv̀ngrìí àng kà mvshá:lò rvtnø̀, àng mèpvng cà:nòe.#Yoh. 10:27 5Íwe màmv́r gǿ mèpvng nø àngmaqí mvcà:nò, dvshàshà àng yv́ngkèní vtnvme. Pàwá wani àngmaqí màmv́rrì kà sv̀ng màmvshá:lò,” a:lòe. 6Yesuí kàshvbóng yalòng shø̀:nò we ínìgø, À:ngí kapà sv̀ng shø̀:nò we àngmaqí mvcí:ngò. #Yoh. 16:25
7Wervt Yesuí vrá tiqkvt yadø a:lòe. “Ngàí kàdøng vla:tnìni, Ngà nø vyv̀ng bv́ngkà chit ǿngàe. #Shz. 118:20; Mat. 7:13-14; Yoh. 14:6 8Ngà vzv̀ngzv̀ng di rì shvngbe nø vkǿ nv̀ng tølv́mshúrì íe. Íwe vyv̀ngrìí nø àngmaq kà mvtáaò. #Yer. 23:1-2 9Ngà nø bv́ngkà chit ǿngàe. Ngà taqkèní gòng ra vsv̀ng kagǿ ínìgø chutchv́ng we lú:nò nø̀, góng mvnshì lé mvnshì sórí shønriqtø̀m lávm lún lú:ngòe. #Shz. 118:20; Yoh. 14:6; 1Kr. 3:15 10Vkǿ nø kǿlv́m, shvtlv́m nv̀ng catlv́m dvpvt wa di rae. Ngà mv̀ng nø, àngmaqí gø̀nshaq lúnlvm nv̀ng dvnglún lún dvzv́rlv́m dvpvt dø̀ng dakngà.
11Ngà nø vyv̀ng roqshú shvlá ǿngàe. Vyv̀ng roqshú shvlá nø vyv̀ngrì dvpvt Àng gø̀nshaq dvbǿmshìe. #Shz. 23:1; Esa. 40:11; Ezk. 34:11-23; Luk. 15:4-7; Yoh. 15:13 12Lv̀ngzvng nø vyv̀ng roqshú mvdø̀ng mø̀í. Vyv̀ngrì gø àngò mø̀íaò rvtnø̀, vyitmè#10:12 Vyitmè nø mvme te we vyit tiqpv̀n íe. di ra we yv̀ng bǿò kvt, vyv̀ngrì chut gu:rò nø̀ vtnvme. Wekvt vyitmèí vyv̀ngrì sv̀ng mvgaqkéò nø̀ bv̀ng dvka:ngòe. #Mat. 10:16; Dzr. 20:29; Tit. 1:11; 1Pt. 5:2,3 13Wepè nø lv̀ngzvng í dø tiqdvchá, vyv̀ngrì sv̀ng mvnøtnaò rvt vtshìvme.
14-15Ngà nø vyv̀ng roqshú shvlá ǿngàe. Vpèí Ngà sv̀ng èsháng nø̀, Ngàí gø Vpè sv̀ng shángò døni Ngà vyv̀ngrì sv̀ng Ngàí shángòe. Ngà vyv̀ngrìí gø Ngà sv̀ng èshánge. Vrá, Ngà gø̀nshaq nø vyv̀ngrì dvpvt dvbǿmòe. #Mat. 11:27; 2Tm. 2:19 16Yawáng kèní mø̀í we dvgá dø vyv̀ngrì gø Ngà vdánge. Werì sv̀ng gø Ngàí shøl ràe. Wekvt àngmaq nø Ngà kà ta long weí, tiqré wa ívm nø̀, vyv̀ng roqshú gø tiqgǿ wa ívme. #Ezk. 34:23; 37:24; Yoh. 11:52; Eps. 4:5; 1Pt. 2:25 17Tv́n tiqkvt Ngà gø̀nshaq vtvngshìlv́m dvpvt, Ngà gø̀nshaq dvbǿmòe. Wervt Vpèí Ngà sv̀ng èshòng we íe. #Pil. 2:8-9 18Ngà kaq shvt lún vsv̀ng kagǿ gø màvl. Ngà nø:tní gø̀nshaq tvlengshø̀ng we íe. Tvlelv́m vmíng vkv́ng gø, vtvngshìlv́m vmíng vkv́ng gø Ngà vdánge. Dvkv́mkà yalòng nø Vpè yv́ngkèní lúnò we íe,” wae.#Yoh. 5:26; 19:11
19Kà yarì rvtnø̀ vrá tiqkvt Yuda vsv̀ngrì vzø̀ng lú:ngì. #Yoh. 7:43; 9:16 20Àngmaq mvmeí, “Àng nø cáng dvchøp nø̀ dvrue. Pàwá Àng kà ètánø̀nge?” wae. #Mak. 3:21; Yoh. 7:20; 8:48 21Dvgámaqí nø, “Yarì kà nø cáng dvchøp vsv̀ng kà nø mø̀í. Cá:ngí nemànrì sv̀ng dvban lú:nò má?” wae.
Yuda vsv̀ngrìí Yesu sv̀ng ngá:lò we
22Wenila nø Yerusalemø Noqngø̀m Tø̀ngnø Chø̀mgun Bóy wàò nila í nø̀ rv̀ngtúng gø íe. 23Yesu nø Noqngø̀m Tø̀ngnø Solomon Kùngjv̀m taq di ke, #Dzr. 3:11; 5:12 24Yuda vsv̀ngrì nø Àng gùrgùr dvtǿngshì ráì nø̀, “Nàí nøngmaq sv̀ng kadvgvp høq vtiq dèzv́rshà ni má? Nà nø Kristu ni èí nìnø, dèdè dètáshà,” a:lòe. #Luk. 22:67
25Yesuí, “Ngàí dvtáshaq í we, nàmaq le mèkv́mnø̀ng! Vpè bø̀ng kèní wv̀ngò we bv̀nlì yarì nø Ngà dvpvt shvkse íe. #Yoh. 4:26; 5:36; 9:37 26Íwe nàmaq mèkv́mnø̀ng. Pàwá wani nàmaq nø Ngà vyv̀ngrì mèínø̀ng rvt íe. #Yoh. 6:64; 8:45 27Ngà vyv̀ngrì nø Ngà kà tae. Ngàí gø àngmaq sv̀ng shángò nø̀, àngmaq nø Ngà mèpvng cv̀ne. #Yoh. 8:47; 10:3-4 28Àngmaq sv̀ng Ngàí dvciqlvpat gø̀nshaq zǿngòe. Àngmaq nø kadvgvp gø màmvngvm. Ngà wur kèní àngmaq sv̀ng kagǿí gø tøl mvlú:nò. #Yoh. 5:28; 6:39; 17:12; 18:9 29Nga kaq vyv̀ng werì èzøng we Vpè nø, shvngbe mvdv̀m té ring Pè íe. Vpè wur taqkèní àngmaq sv̀ng kagǿí gø tøl mvdá:ngò. 30Ngà nv̀ng Vpè nø tiqgǿ wa íshàe,” wa vtá:nòe.
31Yuda vsv̀ngrìí Àng sv̀ng wvplv́m vrá tiqkvt lóng tǿòe. #Yoh. 8:59 32Yesuí, “Vpè yv́ngkèní bv̀nlì shvlá mvme Ngàí nàmaq sv̀ng dvtan bǿngà. Bv̀nlì yarì taqkèní kalòng rvtnø̀ Ngà sv̀ng lú:ngí wvplv́m èdv́nshà má?” wa rø:tnòe.
33Yuda vsv̀ngrìí, “Bv̀nlì shvlá rvtnø̀ Nà sv̀ng wvplv́m dá:nì we mø̀í. Nà nø vsv̀ng ni èí ke, Gvray í ra dø èshø̀n weí Gvray kaq shèyǿ:mò rvt íe,” wa vtá:nòe. #Mat. 26:65; Yoh. 5:18
34Yesuí, “Nàmaq Dvrá taq, ‘Nàmaq nø dvmø̀rì èínø̀nge, vl bǿngà,’ wa màru má? #Shz. 82:6 35Shànshér Kàru nø dvciqciq dìng we nøngmaqí sháìe. Gvray Mòngkà lú:nò rì sv̀ng À:ngí ‘dvmø̀rì,’ vl yà:ngà. #Mat. 5:17-18 36Ngà nø Vpèí shànshér dø shègak nø rvgaq tø̀m sv̀ng dèzv́r dakngà pè ǿngàe. Íni, ‘Ngà nø Gvray Àngcèpè ǿngàe,’ wvng rvt, ‘Nà nø Gvray kaq shèyǿ:mòe,’ wa pàwá èzershìnø̀nge? #Yoh. 5:17-20 37Ngàí Vpè bv̀nlì la mvwv̀ngò nø̀ngnø, Ngà sv̀ng mèkv́mshàni. 38Ngàí Àng bv̀nlì wv̀ngò we í nìnø, Ngà sv̀ng mèkv́mnø̀ng nìgø vtiqlv́m bv̀nlìrì sv̀ng dvbvng èkv́mnø̀ng lè! Wekvt Vpè nø Ngà vdòng taq vl nø̀, Ngà gø Vpè vdòng taq vl we nàmaqí èshá daqnø̀ng nø ècíng lóngnø̀nge,” a:lòe. 39Àngmaqí Àng sv̀ng vrá tvplv́m wàò we, Àng nø àngmaq yv́ngkèní yilshìá:mì. #Luk. 4:30; Yoh. 8:59
40Yesu nø Yordan tì kupa nv̀msvr lap, Yohaní nv̀mlat tìløpma yà:ngà yv́ngsv̀ng vrá tuqá:mì nø̀ weyv́ngø v̀lá:mì. #Yoh. 1:28 41Wekvt Àng yv́ng vsv̀ng mvme dì ráì nø̀, “Yohaní nø shálv́m mvshv́lpvrá pàgø mvwà yà:ngò. Íwe, yapè dang à:ngí shø̀n yà:ngà rì shvngbe nø dìng dá:rì,” wae. 42Weyv́ngø vsv̀ng mvme Àng sv̀ng kv́m bǿì. #Yoh. 8:30
S'ha seleccionat:
Yohan 10: GSM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Rvcv́ngcè Kàru Gomidi Kristu Shvngø̀mré. All Rights Reserved.
Yohan 10
10
Vyv̀ng roqshú shvlá
1“Ngàí kàdøng vla:tnìni, vyv̀ng wáng vdòng sv̀ng bv́ngkà chit kèní màgóngshaq, shø̀ngshang tiqdang kèní rvlv̀ng ra gǿ nø vkǿ nv̀ng tølv́mshú íe. 2Bv́ngkà chit kèní gòng ra gǿ mv̀ng nø vyv̀ng roqshú íe. 3Àng sv̀ng nø bv́ngkà vsóngshúí bv́ngkà tánaòe. Vyv̀ngrì gø àng kà tae. À:ngí nø àng vyv̀ngrì bø̀ng goò sórí vtv́ng lap sv̀ng shø:lòe. 4Àng vyv̀ngrì shvngbe vtv́ng lap shvléò dá:ngí, àngmaq vzv̀ngzv̀ng àng die. Vyv̀ngrìí àng kà mvshá:lò rvtnø̀, àng mèpvng cà:nòe.#Yoh. 10:27 5Íwe màmv́r gǿ mèpvng nø àngmaqí mvcà:nò, dvshàshà àng yv́ngkèní vtnvme. Pàwá wani àngmaqí màmv́rrì kà sv̀ng màmvshá:lò,” a:lòe. 6Yesuí kàshvbóng yalòng shø̀:nò we ínìgø, À:ngí kapà sv̀ng shø̀:nò we àngmaqí mvcí:ngò. #Yoh. 16:25
7Wervt Yesuí vrá tiqkvt yadø a:lòe. “Ngàí kàdøng vla:tnìni, Ngà nø vyv̀ng bv́ngkà chit ǿngàe. #Shz. 118:20; Mat. 7:13-14; Yoh. 14:6 8Ngà vzv̀ngzv̀ng di rì shvngbe nø vkǿ nv̀ng tølv́mshúrì íe. Íwe vyv̀ngrìí nø àngmaq kà mvtáaò. #Yer. 23:1-2 9Ngà nø bv́ngkà chit ǿngàe. Ngà taqkèní gòng ra vsv̀ng kagǿ ínìgø chutchv́ng we lú:nò nø̀, góng mvnshì lé mvnshì sórí shønriqtø̀m lávm lún lú:ngòe. #Shz. 118:20; Yoh. 14:6; 1Kr. 3:15 10Vkǿ nø kǿlv́m, shvtlv́m nv̀ng catlv́m dvpvt wa di rae. Ngà mv̀ng nø, àngmaqí gø̀nshaq lúnlvm nv̀ng dvnglún lún dvzv́rlv́m dvpvt dø̀ng dakngà.
11Ngà nø vyv̀ng roqshú shvlá ǿngàe. Vyv̀ng roqshú shvlá nø vyv̀ngrì dvpvt Àng gø̀nshaq dvbǿmshìe. #Shz. 23:1; Esa. 40:11; Ezk. 34:11-23; Luk. 15:4-7; Yoh. 15:13 12Lv̀ngzvng nø vyv̀ng roqshú mvdø̀ng mø̀í. Vyv̀ngrì gø àngò mø̀íaò rvtnø̀, vyitmè#10:12 Vyitmè nø mvme te we vyit tiqpv̀n íe. di ra we yv̀ng bǿò kvt, vyv̀ngrì chut gu:rò nø̀ vtnvme. Wekvt vyitmèí vyv̀ngrì sv̀ng mvgaqkéò nø̀ bv̀ng dvka:ngòe. #Mat. 10:16; Dzr. 20:29; Tit. 1:11; 1Pt. 5:2,3 13Wepè nø lv̀ngzvng í dø tiqdvchá, vyv̀ngrì sv̀ng mvnøtnaò rvt vtshìvme.
14-15Ngà nø vyv̀ng roqshú shvlá ǿngàe. Vpèí Ngà sv̀ng èsháng nø̀, Ngàí gø Vpè sv̀ng shángò døni Ngà vyv̀ngrì sv̀ng Ngàí shángòe. Ngà vyv̀ngrìí gø Ngà sv̀ng èshánge. Vrá, Ngà gø̀nshaq nø vyv̀ngrì dvpvt dvbǿmòe. #Mat. 11:27; 2Tm. 2:19 16Yawáng kèní mø̀í we dvgá dø vyv̀ngrì gø Ngà vdánge. Werì sv̀ng gø Ngàí shøl ràe. Wekvt àngmaq nø Ngà kà ta long weí, tiqré wa ívm nø̀, vyv̀ng roqshú gø tiqgǿ wa ívme. #Ezk. 34:23; 37:24; Yoh. 11:52; Eps. 4:5; 1Pt. 2:25 17Tv́n tiqkvt Ngà gø̀nshaq vtvngshìlv́m dvpvt, Ngà gø̀nshaq dvbǿmòe. Wervt Vpèí Ngà sv̀ng èshòng we íe. #Pil. 2:8-9 18Ngà kaq shvt lún vsv̀ng kagǿ gø màvl. Ngà nø:tní gø̀nshaq tvlengshø̀ng we íe. Tvlelv́m vmíng vkv́ng gø, vtvngshìlv́m vmíng vkv́ng gø Ngà vdánge. Dvkv́mkà yalòng nø Vpè yv́ngkèní lúnò we íe,” wae.#Yoh. 5:26; 19:11
19Kà yarì rvtnø̀ vrá tiqkvt Yuda vsv̀ngrì vzø̀ng lú:ngì. #Yoh. 7:43; 9:16 20Àngmaq mvmeí, “Àng nø cáng dvchøp nø̀ dvrue. Pàwá Àng kà ètánø̀nge?” wae. #Mak. 3:21; Yoh. 7:20; 8:48 21Dvgámaqí nø, “Yarì kà nø cáng dvchøp vsv̀ng kà nø mø̀í. Cá:ngí nemànrì sv̀ng dvban lú:nò má?” wae.
Yuda vsv̀ngrìí Yesu sv̀ng ngá:lò we
22Wenila nø Yerusalemø Noqngø̀m Tø̀ngnø Chø̀mgun Bóy wàò nila í nø̀ rv̀ngtúng gø íe. 23Yesu nø Noqngø̀m Tø̀ngnø Solomon Kùngjv̀m taq di ke, #Dzr. 3:11; 5:12 24Yuda vsv̀ngrì nø Àng gùrgùr dvtǿngshì ráì nø̀, “Nàí nøngmaq sv̀ng kadvgvp høq vtiq dèzv́rshà ni má? Nà nø Kristu ni èí nìnø, dèdè dètáshà,” a:lòe. #Luk. 22:67
25Yesuí, “Ngàí dvtáshaq í we, nàmaq le mèkv́mnø̀ng! Vpè bø̀ng kèní wv̀ngò we bv̀nlì yarì nø Ngà dvpvt shvkse íe. #Yoh. 4:26; 5:36; 9:37 26Íwe nàmaq mèkv́mnø̀ng. Pàwá wani nàmaq nø Ngà vyv̀ngrì mèínø̀ng rvt íe. #Yoh. 6:64; 8:45 27Ngà vyv̀ngrì nø Ngà kà tae. Ngàí gø àngmaq sv̀ng shángò nø̀, àngmaq nø Ngà mèpvng cv̀ne. #Yoh. 8:47; 10:3-4 28Àngmaq sv̀ng Ngàí dvciqlvpat gø̀nshaq zǿngòe. Àngmaq nø kadvgvp gø màmvngvm. Ngà wur kèní àngmaq sv̀ng kagǿí gø tøl mvlú:nò. #Yoh. 5:28; 6:39; 17:12; 18:9 29Nga kaq vyv̀ng werì èzøng we Vpè nø, shvngbe mvdv̀m té ring Pè íe. Vpè wur taqkèní àngmaq sv̀ng kagǿí gø tøl mvdá:ngò. 30Ngà nv̀ng Vpè nø tiqgǿ wa íshàe,” wa vtá:nòe.
31Yuda vsv̀ngrìí Àng sv̀ng wvplv́m vrá tiqkvt lóng tǿòe. #Yoh. 8:59 32Yesuí, “Vpè yv́ngkèní bv̀nlì shvlá mvme Ngàí nàmaq sv̀ng dvtan bǿngà. Bv̀nlì yarì taqkèní kalòng rvtnø̀ Ngà sv̀ng lú:ngí wvplv́m èdv́nshà má?” wa rø:tnòe.
33Yuda vsv̀ngrìí, “Bv̀nlì shvlá rvtnø̀ Nà sv̀ng wvplv́m dá:nì we mø̀í. Nà nø vsv̀ng ni èí ke, Gvray í ra dø èshø̀n weí Gvray kaq shèyǿ:mò rvt íe,” wa vtá:nòe. #Mat. 26:65; Yoh. 5:18
34Yesuí, “Nàmaq Dvrá taq, ‘Nàmaq nø dvmø̀rì èínø̀nge, vl bǿngà,’ wa màru má? #Shz. 82:6 35Shànshér Kàru nø dvciqciq dìng we nøngmaqí sháìe. Gvray Mòngkà lú:nò rì sv̀ng À:ngí ‘dvmø̀rì,’ vl yà:ngà. #Mat. 5:17-18 36Ngà nø Vpèí shànshér dø shègak nø rvgaq tø̀m sv̀ng dèzv́r dakngà pè ǿngàe. Íni, ‘Ngà nø Gvray Àngcèpè ǿngàe,’ wvng rvt, ‘Nà nø Gvray kaq shèyǿ:mòe,’ wa pàwá èzershìnø̀nge? #Yoh. 5:17-20 37Ngàí Vpè bv̀nlì la mvwv̀ngò nø̀ngnø, Ngà sv̀ng mèkv́mshàni. 38Ngàí Àng bv̀nlì wv̀ngò we í nìnø, Ngà sv̀ng mèkv́mnø̀ng nìgø vtiqlv́m bv̀nlìrì sv̀ng dvbvng èkv́mnø̀ng lè! Wekvt Vpè nø Ngà vdòng taq vl nø̀, Ngà gø Vpè vdòng taq vl we nàmaqí èshá daqnø̀ng nø ècíng lóngnø̀nge,” a:lòe. 39Àngmaqí Àng sv̀ng vrá tvplv́m wàò we, Àng nø àngmaq yv́ngkèní yilshìá:mì. #Luk. 4:30; Yoh. 8:59
40Yesu nø Yordan tì kupa nv̀msvr lap, Yohaní nv̀mlat tìløpma yà:ngà yv́ngsv̀ng vrá tuqá:mì nø̀ weyv́ngø v̀lá:mì. #Yoh. 1:28 41Wekvt Àng yv́ng vsv̀ng mvme dì ráì nø̀, “Yohaní nø shálv́m mvshv́lpvrá pàgø mvwà yà:ngò. Íwe, yapè dang à:ngí shø̀n yà:ngà rì shvngbe nø dìng dá:rì,” wae. 42Weyv́ngø vsv̀ng mvme Àng sv̀ng kv́m bǿì. #Yoh. 8:30
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Rvcv́ngcè Kàru Gomidi Kristu Shvngø̀mré. All Rights Reserved.