Marko 13
13
Noqngø̀m Tø̀ngnø vcatlv́m dang nv̀ng lv̀ngdø̀m àngni mvshv́lpvrárì
Mat. 24:1-51; Luk. 21:5-36
1Noqngø̀m Tø̀ngnø kèní Àng búng daqì ke, Àng coqcv́n tiqpèí Àng sv̀ng, “Svrapèá, èyà:ngò. Kadvngshìni te we lóngrì, kadvngshìni ngø̀r we chø̀mrì í ráì,” a:lòe.
2Yesuí àng sv̀ng, “Ngø̀r we chø̀m yarì sv̀ng èyà:ngò. Yayv́ng tiqchv̀ng mvdv̀m tiqchv̀ng vrvngshaq lóngrì nø, màrǿlshaq tiqchv̀ng gø màdvngvm,” a:lòe.
3Yesu nø Noqngø̀m Tø̀ngnø tvnu dang Zanlún Pung taq rung dvgvp, Piter, Yaku, Yohan nv̀ng Anderu maqí Àng sv̀ng, 4“Yadv́ng pv̀n nø kadvgvp í long má? Yadv́ng pv̀n vhømlv́m zà:mí mvshv́lpvrá nø kadø í we bung long má? Nøngmaq sv̀ng dètáshà lè,” wa mvyø̀:ní rø:tnòe.
5Yesuí kà pu:ngò nø̀ àngmaq sv̀ng, “Kagǿí gø nàmaq sv̀ng màshvmànlv́m rvt nàyáshìnø̀ng. 6‘Kristu nø ngà ǿngàe,’ wa dvpéshì vsv̀ng mvme bung long nø̀, vsv̀ng mvme kaq shvmàn bǿòe. 7Nàmaqí cìl vshvt we nv̀ng mvzàn shv̀ngkà ètá lóngnø̀ng dvgvp,mèsèrenø̀ngni. Yadv́ng pv̀n nø vhøm rà rì íe. Íwe lv̀ngdø̀m rvtø̀ nø shini mvhøqò. 8Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø vtit we vl longe. Íwe, yadv́ngpv̀n nø puqnøn zá pv́ngshì we wa íe. #Esa. 19:2; 2Dg. 15:6
Vrè ra dvgvp kadø wáshì rà we
Mat. 10:17-22; Luk. 21:12-17
9Nàmaq nàyáshìnø̀ng! Vsa:ngí nàmaq sv̀ng dvrá róng taq tèle bǿnø̀nge. Júrøt chø̀mrì taq gø, nàmaq sv̀ng nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng shvkse wáshìlv́m nàmaq rip nàdu lóngnø̀nge. 10Vrá, lv̀ngdø̀m àngni mvhøqò vzv̀ng kaq Dvbùshv̀ngkà nø vsv̀ng dvcì vrv̀m sv̀ng dvshvng ràe. #Mak. 16:15 11Àngmaqí nàmaq sv̀ng ètvpnø̀ng nø̀ kàngélv́m yv́ng tèle bǿnø̀ng dvgvp, nàmaqí kapà shø̀nlv́m wa nø vzv̀ngzv̀ng nøt mèbùmnø̀ngni. Wervtø̀ taq nàmaq sv̀ng kà èzívtnø̀ng dø wa èshø̀nnø̀ng. Kadø íe wani kà shǿnshú nø nàmaq mèínø̀ng, Shànshér Pvlàcè mv̀ng íe.
12Wedvgvp nø, àngnvmpèí àngnvmpè sv̀ng, àngpèí àngcèpè sv̀ng, shvtlv́m tvle bǿòe. Àngcèrìí gø àngpè àngmèmaq sv̀ng vtù lú:ngò nø̀ shvt dvzv́r bǿòe. #Mik. 7:6 13Ngà bø̀ng rvtnø̀ vsv̀ng shvngbeí nàmaq sv̀ng shèngovtnø̀nge. Íwe tìsi lv̀ngdø̀m høq tønshì gǿí mv̀ng nø, chutchv́ng we lún lú:ngòe. #Yoh. 15:21
Dvshà mvhøt vtvng àngni
14Íwe, vcat vrǿl dvzá:rò we nǿmshìlv́m lòng nø, rip mvdaq yv́ng shvrip lú:ngò we sv̀ng nàmaqí èyv̀ng bǿnø̀ng dvgvp,” (kàru yalòng røò gǿí laq cí:ngò), “Yuda móng vl rì nø rvzì ram sv̀ng laq vtshì. #Dan. 9:27; 12:4,10; Mat. 24:15-28; Luk. 21:20-24 15Chø̀m rv́gùng yv́ng vl gǿ nø, chø̀m vdòng kèní dvrè lushìlv́m wa nø̀ laq mvlashì. 16Rvmá hv́ng taq vl gǿ gø, bèlaq lushilv́m wa nø̀ chø̀m sv̀ng laq mvlo. 17Àngni welòng taq, cv̀mré góng í rì nv̀ng nong dvcøqshì rì nø dvshà longe. 18Yadv́ng pv̀n nø zǿngnè dvgvp màdúlv́m rvt mv̀ng vjú èrøtnø̀ng. 19Kadø íe wani àngni welòng taq nø, dvshà mvhøt vtvng í longe. Gvrayí muqlàng rvgaq nv̀mlat má:nò dvgvp kèní akvt høqshaq, welòng dø í we nø màvl dvr. Mèpvng gø màvl long. #Dan. 12:1
20Àngni welòng sv̀ng Kàngpèí la màdvtø̀ò nìnø, kagǿ gø lutshìlv́m màvl. À:ngí rvhiqshaq rì dvpvt nø, àngni welòng sv̀ng dvtǿa lú:ngòe. 21Wedvgvp tiqgǿgǿí nàmaq sv̀ng, ‘Yalà, Kristu yayv́ng vle. Ku, kuyv́ng vle,’ wa ra nìnø, mèkv́mnø̀ngni. 22Kadø íe wani mvdøng mvman we kristurì nv̀ng mvdø̀ng mvman kàdvtutshúrì bung long weí, bǿn daq nìnø, rvhiqshaq rì sv̀ng shvmànlv́m rvt mvshv́lpvrá nv̀ng vtiqlv́m rì àngmaqí wà lú:ngòe. #Drd. 13:1-5 23Wervt nàmaq nàyáshìnø̀ng. Ngàí nàmaq sv̀ng akvt kèní ni shvngbe dvtá bǿshà.
Yesu tv́n tiqkvt di daq we
24Dvshà mvhøt welòng mèpvng,
Nv̀m nø døvm nø̀
shvlá gø mvgávm we rvtø̀ tuq rae. #Esa. 13:10
25Kùrniprì gø muqlàng kèní vja daqe.
Muqlàng ramò jórnònggùnrì gø vnanshì longe. #Esa. 34:4
26Wekvt Vsv̀ng Àngcèpè nø jórnònggùn vtvng ó ngø̀rdvgùng nvngnvng, rvmøt zúnshì nø̀ lashì daq we sv̀ng vsv̀ng shvngbeí yv̀ng lú:ngòe. #Dan. 7:13 27Wekvt À:ngí Àng muqlàng dvzv́rrì dvzv́r daqò nø̀ rvgaq vtvng kèní muqlàng vtvng høq, vbìmv́r kèní Gvrayí rvhiqshaq rì sv̀ng dvkø̀ma:tnòe. #Zek. 2:6; Drd. 30:4; Mat. 13:41
Nv̀mgwè tø̀ng mvshv́lpvrá
28Nv̀mgwè tø̀ng mvshv́lpvrá kèní ècvnshìnø̀ng. Àng dvgv̀ng mvkuq nø̀, àngcvp gø shv́r long dvgvp nø, mvyù yùl ráì we sv̀ng nàmaqí èshánø̀nge. 29Welòng dø yadv́ng pv̀n vhøm mvnshì we sv̀ng èyv̀ng bǿnø̀ng dvgvp, Àng nø bv́ngkà chit yv́ng ni tvp níshì ráì we sv̀ng nàmaqí shá ràe. 30Ngàí jø̀ngjǿng vla:tnìni, yadv́ng pv̀n shvngbe nø yabàncèrì shini màle dvgvp ni vhøm rae. 31Muqlàng nv̀ng rvgaq vlevm nìgø, Ngà kàrì nø kadvgvp gø màlevm.
Kàngpè vtv́ng daq long pán vshat ca rà we
32Íwe weni wervtø̀ sv̀ng kagǿí gø mvsháò. Muqlàng taqlapmø vl we muqlàng dvzv́rrìí gø, Àngcèpèí gø mvsháò. Vpèí wa sháòe. 33Nàmaq nàyáshìnø̀ng. Pán vshat ècanø̀ng.#13:33 Kàru tiqmaq taq “Pán vshat ècanø̀ng sórí vjú èrøtnø̀ng” wa vrue. Pàwá wani wervtø̀ kadvgvp tuq ra we sv̀ng nàmaqí mèshánø̀ng. 34Kàngpè àngni tuq ra lòng nø chø̀m àngkàngpèí àng chø̀m sv̀ng àng vshuqrì kaq tvleò dá:ngí dvgá tiqmóng sv̀ng búngá:mì we nv̀ng vbónge. Àngmaq tiqgǿ nø tiqgǿ sv̀ng bv̀nlì vwá:laòe. Bv́ngkà vsóngshúpèí gø pán vshat vsònglv́m dvká:mòe.#Mat. 25:14; Luk. 19:12
35Wervtnø̀, pán vshat èca dánø̀ng. Kadø íe wani, chø̀m àngkàngpè nø kadvgvp tuqra we màshá. Dørø̀m í má, yaqdø̀ng mvlùng í má, dv̀nggú gírí í má, mø̀íni sháng mvgá í má, nàmaqí mèshánø̀ng!#Luk. 12:38 36Àng chvn vnv́n tuq daq kvt nàmaq èyøpnø̀ng we sv̀ng À:ngí leq mènàhǿmnø̀ng. 37Ngàí nàmaq sv̀ng yadø shø̀nò kà nø, shvngbe kaq shø̀nò we íe. Pán vshat ècadánø̀ng,” a:lòe.
S'ha seleccionat:
Marko 13: GSM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Rvcv́ngcè Kàru Gomidi Kristu Shvngø̀mré. All Rights Reserved.
Marko 13
13
Noqngø̀m Tø̀ngnø vcatlv́m dang nv̀ng lv̀ngdø̀m àngni mvshv́lpvrárì
Mat. 24:1-51; Luk. 21:5-36
1Noqngø̀m Tø̀ngnø kèní Àng búng daqì ke, Àng coqcv́n tiqpèí Àng sv̀ng, “Svrapèá, èyà:ngò. Kadvngshìni te we lóngrì, kadvngshìni ngø̀r we chø̀mrì í ráì,” a:lòe.
2Yesuí àng sv̀ng, “Ngø̀r we chø̀m yarì sv̀ng èyà:ngò. Yayv́ng tiqchv̀ng mvdv̀m tiqchv̀ng vrvngshaq lóngrì nø, màrǿlshaq tiqchv̀ng gø màdvngvm,” a:lòe.
3Yesu nø Noqngø̀m Tø̀ngnø tvnu dang Zanlún Pung taq rung dvgvp, Piter, Yaku, Yohan nv̀ng Anderu maqí Àng sv̀ng, 4“Yadv́ng pv̀n nø kadvgvp í long má? Yadv́ng pv̀n vhømlv́m zà:mí mvshv́lpvrá nø kadø í we bung long má? Nøngmaq sv̀ng dètáshà lè,” wa mvyø̀:ní rø:tnòe.
5Yesuí kà pu:ngò nø̀ àngmaq sv̀ng, “Kagǿí gø nàmaq sv̀ng màshvmànlv́m rvt nàyáshìnø̀ng. 6‘Kristu nø ngà ǿngàe,’ wa dvpéshì vsv̀ng mvme bung long nø̀, vsv̀ng mvme kaq shvmàn bǿòe. 7Nàmaqí cìl vshvt we nv̀ng mvzàn shv̀ngkà ètá lóngnø̀ng dvgvp,mèsèrenø̀ngni. Yadv́ng pv̀n nø vhøm rà rì íe. Íwe lv̀ngdø̀m rvtø̀ nø shini mvhøqò. 8Vsv̀ng tiqdvcì nv̀ng tiqdvcì, tiqmóngdàn nv̀ng tiqmóngdàn cìl vshvt longe. Àngyv́ngyv́ng nø rvgaq vnanshì we, dvkø vtit we vl longe. Íwe, yadv́ngpv̀n nø puqnøn zá pv́ngshì we wa íe. #Esa. 19:2; 2Dg. 15:6
Vrè ra dvgvp kadø wáshì rà we
Mat. 10:17-22; Luk. 21:12-17
9Nàmaq nàyáshìnø̀ng! Vsa:ngí nàmaq sv̀ng dvrá róng taq tèle bǿnø̀nge. Júrøt chø̀mrì taq gø, nàmaq sv̀ng nàdipmvtnø̀nge. Vrá, Ngà rvtnø̀ øpshú gàmzø̀rì nv̀ng koqkv́mrì mv́rdv̀ng shvkse wáshìlv́m nàmaq rip nàdu lóngnø̀nge. 10Vrá, lv̀ngdø̀m àngni mvhøqò vzv̀ng kaq Dvbùshv̀ngkà nø vsv̀ng dvcì vrv̀m sv̀ng dvshvng ràe. #Mak. 16:15 11Àngmaqí nàmaq sv̀ng ètvpnø̀ng nø̀ kàngélv́m yv́ng tèle bǿnø̀ng dvgvp, nàmaqí kapà shø̀nlv́m wa nø vzv̀ngzv̀ng nøt mèbùmnø̀ngni. Wervtø̀ taq nàmaq sv̀ng kà èzívtnø̀ng dø wa èshø̀nnø̀ng. Kadø íe wani kà shǿnshú nø nàmaq mèínø̀ng, Shànshér Pvlàcè mv̀ng íe.
12Wedvgvp nø, àngnvmpèí àngnvmpè sv̀ng, àngpèí àngcèpè sv̀ng, shvtlv́m tvle bǿòe. Àngcèrìí gø àngpè àngmèmaq sv̀ng vtù lú:ngò nø̀ shvt dvzv́r bǿòe. #Mik. 7:6 13Ngà bø̀ng rvtnø̀ vsv̀ng shvngbeí nàmaq sv̀ng shèngovtnø̀nge. Íwe tìsi lv̀ngdø̀m høq tønshì gǿí mv̀ng nø, chutchv́ng we lún lú:ngòe. #Yoh. 15:21
Dvshà mvhøt vtvng àngni
14Íwe, vcat vrǿl dvzá:rò we nǿmshìlv́m lòng nø, rip mvdaq yv́ng shvrip lú:ngò we sv̀ng nàmaqí èyv̀ng bǿnø̀ng dvgvp,” (kàru yalòng røò gǿí laq cí:ngò), “Yuda móng vl rì nø rvzì ram sv̀ng laq vtshì. #Dan. 9:27; 12:4,10; Mat. 24:15-28; Luk. 21:20-24 15Chø̀m rv́gùng yv́ng vl gǿ nø, chø̀m vdòng kèní dvrè lushìlv́m wa nø̀ laq mvlashì. 16Rvmá hv́ng taq vl gǿ gø, bèlaq lushilv́m wa nø̀ chø̀m sv̀ng laq mvlo. 17Àngni welòng taq, cv̀mré góng í rì nv̀ng nong dvcøqshì rì nø dvshà longe. 18Yadv́ng pv̀n nø zǿngnè dvgvp màdúlv́m rvt mv̀ng vjú èrøtnø̀ng. 19Kadø íe wani àngni welòng taq nø, dvshà mvhøt vtvng í longe. Gvrayí muqlàng rvgaq nv̀mlat má:nò dvgvp kèní akvt høqshaq, welòng dø í we nø màvl dvr. Mèpvng gø màvl long. #Dan. 12:1
20Àngni welòng sv̀ng Kàngpèí la màdvtø̀ò nìnø, kagǿ gø lutshìlv́m màvl. À:ngí rvhiqshaq rì dvpvt nø, àngni welòng sv̀ng dvtǿa lú:ngòe. 21Wedvgvp tiqgǿgǿí nàmaq sv̀ng, ‘Yalà, Kristu yayv́ng vle. Ku, kuyv́ng vle,’ wa ra nìnø, mèkv́mnø̀ngni. 22Kadø íe wani mvdøng mvman we kristurì nv̀ng mvdø̀ng mvman kàdvtutshúrì bung long weí, bǿn daq nìnø, rvhiqshaq rì sv̀ng shvmànlv́m rvt mvshv́lpvrá nv̀ng vtiqlv́m rì àngmaqí wà lú:ngòe. #Drd. 13:1-5 23Wervt nàmaq nàyáshìnø̀ng. Ngàí nàmaq sv̀ng akvt kèní ni shvngbe dvtá bǿshà.
Yesu tv́n tiqkvt di daq we
24Dvshà mvhøt welòng mèpvng,
Nv̀m nø døvm nø̀
shvlá gø mvgávm we rvtø̀ tuq rae. #Esa. 13:10
25Kùrniprì gø muqlàng kèní vja daqe.
Muqlàng ramò jórnònggùnrì gø vnanshì longe. #Esa. 34:4
26Wekvt Vsv̀ng Àngcèpè nø jórnònggùn vtvng ó ngø̀rdvgùng nvngnvng, rvmøt zúnshì nø̀ lashì daq we sv̀ng vsv̀ng shvngbeí yv̀ng lú:ngòe. #Dan. 7:13 27Wekvt À:ngí Àng muqlàng dvzv́rrì dvzv́r daqò nø̀ rvgaq vtvng kèní muqlàng vtvng høq, vbìmv́r kèní Gvrayí rvhiqshaq rì sv̀ng dvkø̀ma:tnòe. #Zek. 2:6; Drd. 30:4; Mat. 13:41
Nv̀mgwè tø̀ng mvshv́lpvrá
28Nv̀mgwè tø̀ng mvshv́lpvrá kèní ècvnshìnø̀ng. Àng dvgv̀ng mvkuq nø̀, àngcvp gø shv́r long dvgvp nø, mvyù yùl ráì we sv̀ng nàmaqí èshánø̀nge. 29Welòng dø yadv́ng pv̀n vhøm mvnshì we sv̀ng èyv̀ng bǿnø̀ng dvgvp, Àng nø bv́ngkà chit yv́ng ni tvp níshì ráì we sv̀ng nàmaqí shá ràe. 30Ngàí jø̀ngjǿng vla:tnìni, yadv́ng pv̀n shvngbe nø yabàncèrì shini màle dvgvp ni vhøm rae. 31Muqlàng nv̀ng rvgaq vlevm nìgø, Ngà kàrì nø kadvgvp gø màlevm.
Kàngpè vtv́ng daq long pán vshat ca rà we
32Íwe weni wervtø̀ sv̀ng kagǿí gø mvsháò. Muqlàng taqlapmø vl we muqlàng dvzv́rrìí gø, Àngcèpèí gø mvsháò. Vpèí wa sháòe. 33Nàmaq nàyáshìnø̀ng. Pán vshat ècanø̀ng.#13:33 Kàru tiqmaq taq “Pán vshat ècanø̀ng sórí vjú èrøtnø̀ng” wa vrue. Pàwá wani wervtø̀ kadvgvp tuq ra we sv̀ng nàmaqí mèshánø̀ng. 34Kàngpè àngni tuq ra lòng nø chø̀m àngkàngpèí àng chø̀m sv̀ng àng vshuqrì kaq tvleò dá:ngí dvgá tiqmóng sv̀ng búngá:mì we nv̀ng vbónge. Àngmaq tiqgǿ nø tiqgǿ sv̀ng bv̀nlì vwá:laòe. Bv́ngkà vsóngshúpèí gø pán vshat vsònglv́m dvká:mòe.#Mat. 25:14; Luk. 19:12
35Wervtnø̀, pán vshat èca dánø̀ng. Kadø íe wani, chø̀m àngkàngpè nø kadvgvp tuqra we màshá. Dørø̀m í má, yaqdø̀ng mvlùng í má, dv̀nggú gírí í má, mø̀íni sháng mvgá í má, nàmaqí mèshánø̀ng!#Luk. 12:38 36Àng chvn vnv́n tuq daq kvt nàmaq èyøpnø̀ng we sv̀ng À:ngí leq mènàhǿmnø̀ng. 37Ngàí nàmaq sv̀ng yadø shø̀nò kà nø, shvngbe kaq shø̀nò we íe. Pán vshat ècadánø̀ng,” a:lòe.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Rvcv́ngcè Kàru Gomidi Kristu Shvngø̀mré. All Rights Reserved.