Bisalu 2
2
Durughulu du Yinyuni Yisyeme
1Ave yilumbu yi mumengu Patekote yimatolile, bango yitu bamabe baghukeme mbure mosi. 2Sundila, nduku djimarughe o djulu, djimabe nane mungudi wuneni. Nduku eni djimabase ndaghu adji bamabe baghukemine. 3Kaboghu, bakelabe ndimi nane milutsu mi mudji. Tsikekakunu, tsikesundughe na tsiketsane mu kale mutu. 4Botsu bamabasu na Yinyuni Yisyeme na bamabande uvose mambembu masusu, nane Yinyuni amaveyilaange kale mutu mumavose.
5O Serusaleme, wumabe baSwife bamayitsaange Nzambi, bamarughesene mu malongu motsu ma butambe. 6Ave bamawululu nduku eni, yinombu yi batu yikeghukeme. Yimakambulu tinde ukambulu, mumbari kale mutu amabaghulungu uvose mu dilongu dyandi. 7Bamasutu na bakebanyungilaange, novosaange rye: «Batu bebabe, bise Ngalile! 8Yike tsyeni twibaghululu, uvose dilongu di mutu-mutu? 9Va ghari etu, bamosi bise Patese, Medese, Elame, Mesopotami, o Sudé na Kapadose, basusu bise Pon na Asi, 10Firisi, Pafili, Yisipete, bamosi o musyengi wu Libi adji bambene na Sirene, na botsu abamarughesene o Rome, 11bise Kerete na Arabi. Va ghari etu, bane bamaburu baSwife, abane wandi bamarughesene o malongu masusu, bamavayile Nzambi baSwife yitu. Yike tsyeni twibaghululu uvose maboti ma Nzambi mu mambembu metu.» 12Botsu bamasutu na bamaghambu na dyuvose. Bamakewivulaange yiri: «Adidi tsyé diwendili?» 13Tumbe basusu, bamapedjingi botsu abamasinge Nzambi novose rye: «Badji mu malangi!»
Pyere evosili mughungi
14Pyere na dighumi na yilumbi yimosi, bamareleme va ghari mughungi, na Pyere akevose rye: «Bise Sudé, na djenu botsu abe dwitsani o Serusaleme, wulwanu adivyoyi na dyo ngadutsingule, limbighanu matudji. 15Batu beni babe bagha balange nane dwitasili, mumbari wisi aki kedi. 16Tumbe vave, adimavosu na mubiyitsi Sowele:
17“Mu bilumbu bi musitu, me Nzambi,
nyuveghe Yinyuni yami mu batu botsu.
Baane benu babaale
na ba baghetu bobighaange.
Minzambu myenu myulabaange biryaryamu,
mba binunu byenu byudoraange bandosi.
18Nine, mu bilumbu byébine,
nyusunze Yinyuni yami,
mu basalitsi bami botsu ba babaale
na ba baghetu.
Djowu botsu bobighaange.
19Menu nyulase bimaghe o djulu,
na bilimbe mu butambe,
vobe malungu, mudji,
na dimungi di nzumbili.
20Nyangu djutsime nokalughe piseme,
na tsungi djubenge nane malungu,
ne yilumbu yi Fumu yike rughe,
yilumbu ayube yineni mba yirange.
21Yike batu botsu abonengile Fumu,
boghobulu#Sow 3.1-5 .”
22Bise Yisrayele, wulwanu adi menu ngadutsingule. Djesu mwise Nasarete amabe mutu awu Nzambi amadulase munongu andi. Amadivaghe ave amamuveyile musughe wuvaghe bimaghe na bilimbe bi mangolu. Djandi amadughusu va ghari enu nane djenubeni dwididjabili. 23Nane djabeni Nzambi amakunzile mu dughanu dwandi ne mambu meni makelabene, djenu dumaghangise Djesu na batu baghane yitu, bakemughomine nomuboke va kurusu. 24Tumbe Nzambi amamudjeyise mu maghughe ma dufu, akemughabuse monyu, mumbari Djesu mbé aghorungule ughangu na mangolu ma dufu. 25Kaghe Davide amavose mu djandi rye:
“Nyimalabaange Fumu va wusu ami,
o mabaale mami, mumba ngéregheme.
26Ladibandu, murime ami wumabile mu nzangu,
na munu ami wiwimbili na yinyunge.
Ne dunyuru dwami dube dubase na yitu,
27mumbari Fumu aghonzile o bulongu bu djowu abafu,
na wughogharu bwé Yibyatsu yaghu Yisyeme,
yikebungene wusulemughe o ghari mbine.
28Wumandase manzile amebeyi o monyu,
wumbase na nzangu ave nyubile va wusu aghu#Nim 16.8-11.”
29Baane ba tadji, menu nine musughe wudutsingule na bureti mu dyambu di kaaghe etu Davide. Djandi amafu, na amatswighu na mbine andi djikilabene tena vave, va ghari etu. 30Djandi amabighe mumba amadjabaange yiri Nzambi amaleve pesi mu djabeni bwé, wumosi mu bateghule bandi obe yivinze yandi va yitsighe yi bukaghe. 31Mu posulu eni, Davide amabighe durambughulu du Kirisete o dufu. Adine amavosile rye:
“Asamamusile o bulongu bu bobafu,
na dunyuru dwandi dusamabole o ghari mbine#Nim 16.10.”
32Djesu eni nyiranguni, Nzambi amamughabuse monyu. Djetu botswanu tudji bambedji. 33Tate Nzambi amamatise Djesu o djulu. Djandi amamuveghe Yinyuni Yisyeme ayimavangenu. Djawandi amatupuyile yoni, adine dwilabi nowulu vave. 34Davide djabeni asamamate o djulu, tumbe amavose rye:
“Fumu Nzambi amatsingule Fumu ami yiri:
Yitsane omabale mami,
35tena nyusunze bavinitsi baghu otsi makulu maghu#Nim 110.1.”
36Mukute wotsu wu Yisrayele widjabi na bureti yiri Nzambi amamubyatse Fumu na Kirisete. Djesu édjine adji dutsi ghomine noboke va kurusu.»
Bango yitu bateghe
37Bapikile ba botsu abamawulu mbembu édjine baketsyemughe, na bamawivule Pyere na bilumbi bimosi yiri: «Bane ba tadji, yike tsyeni turungule wuvayile?» 38Pyere amabawaghule rye: «Fungulanu nodunde mabi menu, na kale mutu mbé obatusu mu dine di Djesu Kirisete. Vaghanu nane, mabi menu motandu, na dukedile Yinyuni Yisyeme. 39Nzambi amaghane wudivaghe ombu bane benu, djenubeni, na botsu abetsani o malongu mavale, batu botsu nane Fumu Nzambi obanengilile.»
40Pyere amabwévose pwele mambu, na amabawarise novose rye: «Singanu dughobutsu mumbari monyu enu, wukekakene na mutsanu wubive wu bulongu bwébubu!» 41Botsu abamawulu nosinge mbembu Pyere, bamabatusu. Mu yilumbu yeni, tangudji tosini-yiryeru (3 000) tsi batu bamasobene nowu mu yinombu.
Dibundu diteghe
42Temu tsyotsu, bamawulungu ndonzulu bilumbi na musighe, bakebeghange monyu dibure-ngudji, bamadjangaange nosambilaange va mosi. 43Kale mutu amawulungu keri, mumbari Nzambi amadughusungu pwele bilimbe na bimaghe mu nzalusulu bilumbi. 44Bango yitu botsu bamabangaange mbure mosi na bamaghabenaange byotsu abimabangaange byowu. 45Bamasumbisaange maboti mowu, na bakeghabenaange badoli djobotsu, nane kale mutu amabilaange na nzale. 46Bilumbu byotsu, na murime mosi, bamaghukemange o dulombili du ndaghu Nzambi. Bameneghabaange bighudji mu mandaghu mowu na bamadjangaange na nzangu na murime pwelele. 47Bamayitsaange Nzambi na mukute wotsu wumabanyungilaange. Na Fumu amabwesaange kale yilumbu mu yinombu yowu botsu abe amaghobulaange.
S'ha seleccionat:
Bisalu 2: PUNNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Bisalu 2
2
Durughulu du Yinyuni Yisyeme
1Ave yilumbu yi mumengu Patekote yimatolile, bango yitu bamabe baghukeme mbure mosi. 2Sundila, nduku djimarughe o djulu, djimabe nane mungudi wuneni. Nduku eni djimabase ndaghu adji bamabe baghukemine. 3Kaboghu, bakelabe ndimi nane milutsu mi mudji. Tsikekakunu, tsikesundughe na tsiketsane mu kale mutu. 4Botsu bamabasu na Yinyuni Yisyeme na bamabande uvose mambembu masusu, nane Yinyuni amaveyilaange kale mutu mumavose.
5O Serusaleme, wumabe baSwife bamayitsaange Nzambi, bamarughesene mu malongu motsu ma butambe. 6Ave bamawululu nduku eni, yinombu yi batu yikeghukeme. Yimakambulu tinde ukambulu, mumbari kale mutu amabaghulungu uvose mu dilongu dyandi. 7Bamasutu na bakebanyungilaange, novosaange rye: «Batu bebabe, bise Ngalile! 8Yike tsyeni twibaghululu, uvose dilongu di mutu-mutu? 9Va ghari etu, bamosi bise Patese, Medese, Elame, Mesopotami, o Sudé na Kapadose, basusu bise Pon na Asi, 10Firisi, Pafili, Yisipete, bamosi o musyengi wu Libi adji bambene na Sirene, na botsu abamarughesene o Rome, 11bise Kerete na Arabi. Va ghari etu, bane bamaburu baSwife, abane wandi bamarughesene o malongu masusu, bamavayile Nzambi baSwife yitu. Yike tsyeni twibaghululu uvose maboti ma Nzambi mu mambembu metu.» 12Botsu bamasutu na bamaghambu na dyuvose. Bamakewivulaange yiri: «Adidi tsyé diwendili?» 13Tumbe basusu, bamapedjingi botsu abamasinge Nzambi novose rye: «Badji mu malangi!»
Pyere evosili mughungi
14Pyere na dighumi na yilumbi yimosi, bamareleme va ghari mughungi, na Pyere akevose rye: «Bise Sudé, na djenu botsu abe dwitsani o Serusaleme, wulwanu adivyoyi na dyo ngadutsingule, limbighanu matudji. 15Batu beni babe bagha balange nane dwitasili, mumbari wisi aki kedi. 16Tumbe vave, adimavosu na mubiyitsi Sowele:
17“Mu bilumbu bi musitu, me Nzambi,
nyuveghe Yinyuni yami mu batu botsu.
Baane benu babaale
na ba baghetu bobighaange.
Minzambu myenu myulabaange biryaryamu,
mba binunu byenu byudoraange bandosi.
18Nine, mu bilumbu byébine,
nyusunze Yinyuni yami,
mu basalitsi bami botsu ba babaale
na ba baghetu.
Djowu botsu bobighaange.
19Menu nyulase bimaghe o djulu,
na bilimbe mu butambe,
vobe malungu, mudji,
na dimungi di nzumbili.
20Nyangu djutsime nokalughe piseme,
na tsungi djubenge nane malungu,
ne yilumbu yi Fumu yike rughe,
yilumbu ayube yineni mba yirange.
21Yike batu botsu abonengile Fumu,
boghobulu#Sow 3.1-5 .”
22Bise Yisrayele, wulwanu adi menu ngadutsingule. Djesu mwise Nasarete amabe mutu awu Nzambi amadulase munongu andi. Amadivaghe ave amamuveyile musughe wuvaghe bimaghe na bilimbe bi mangolu. Djandi amadughusu va ghari enu nane djenubeni dwididjabili. 23Nane djabeni Nzambi amakunzile mu dughanu dwandi ne mambu meni makelabene, djenu dumaghangise Djesu na batu baghane yitu, bakemughomine nomuboke va kurusu. 24Tumbe Nzambi amamudjeyise mu maghughe ma dufu, akemughabuse monyu, mumbari Djesu mbé aghorungule ughangu na mangolu ma dufu. 25Kaghe Davide amavose mu djandi rye:
“Nyimalabaange Fumu va wusu ami,
o mabaale mami, mumba ngéregheme.
26Ladibandu, murime ami wumabile mu nzangu,
na munu ami wiwimbili na yinyunge.
Ne dunyuru dwami dube dubase na yitu,
27mumbari Fumu aghonzile o bulongu bu djowu abafu,
na wughogharu bwé Yibyatsu yaghu Yisyeme,
yikebungene wusulemughe o ghari mbine.
28Wumandase manzile amebeyi o monyu,
wumbase na nzangu ave nyubile va wusu aghu#Nim 16.8-11.”
29Baane ba tadji, menu nine musughe wudutsingule na bureti mu dyambu di kaaghe etu Davide. Djandi amafu, na amatswighu na mbine andi djikilabene tena vave, va ghari etu. 30Djandi amabighe mumba amadjabaange yiri Nzambi amaleve pesi mu djabeni bwé, wumosi mu bateghule bandi obe yivinze yandi va yitsighe yi bukaghe. 31Mu posulu eni, Davide amabighe durambughulu du Kirisete o dufu. Adine amavosile rye:
“Asamamusile o bulongu bu bobafu,
na dunyuru dwandi dusamabole o ghari mbine#Nim 16.10.”
32Djesu eni nyiranguni, Nzambi amamughabuse monyu. Djetu botswanu tudji bambedji. 33Tate Nzambi amamatise Djesu o djulu. Djandi amamuveghe Yinyuni Yisyeme ayimavangenu. Djawandi amatupuyile yoni, adine dwilabi nowulu vave. 34Davide djabeni asamamate o djulu, tumbe amavose rye:
“Fumu Nzambi amatsingule Fumu ami yiri:
Yitsane omabale mami,
35tena nyusunze bavinitsi baghu otsi makulu maghu#Nim 110.1.”
36Mukute wotsu wu Yisrayele widjabi na bureti yiri Nzambi amamubyatse Fumu na Kirisete. Djesu édjine adji dutsi ghomine noboke va kurusu.»
Bango yitu bateghe
37Bapikile ba botsu abamawulu mbembu édjine baketsyemughe, na bamawivule Pyere na bilumbi bimosi yiri: «Bane ba tadji, yike tsyeni turungule wuvayile?» 38Pyere amabawaghule rye: «Fungulanu nodunde mabi menu, na kale mutu mbé obatusu mu dine di Djesu Kirisete. Vaghanu nane, mabi menu motandu, na dukedile Yinyuni Yisyeme. 39Nzambi amaghane wudivaghe ombu bane benu, djenubeni, na botsu abetsani o malongu mavale, batu botsu nane Fumu Nzambi obanengilile.»
40Pyere amabwévose pwele mambu, na amabawarise novose rye: «Singanu dughobutsu mumbari monyu enu, wukekakene na mutsanu wubive wu bulongu bwébubu!» 41Botsu abamawulu nosinge mbembu Pyere, bamabatusu. Mu yilumbu yeni, tangudji tosini-yiryeru (3 000) tsi batu bamasobene nowu mu yinombu.
Dibundu diteghe
42Temu tsyotsu, bamawulungu ndonzulu bilumbi na musighe, bakebeghange monyu dibure-ngudji, bamadjangaange nosambilaange va mosi. 43Kale mutu amawulungu keri, mumbari Nzambi amadughusungu pwele bilimbe na bimaghe mu nzalusulu bilumbi. 44Bango yitu botsu bamabangaange mbure mosi na bamaghabenaange byotsu abimabangaange byowu. 45Bamasumbisaange maboti mowu, na bakeghabenaange badoli djobotsu, nane kale mutu amabilaange na nzale. 46Bilumbu byotsu, na murime mosi, bamaghukemange o dulombili du ndaghu Nzambi. Bameneghabaange bighudji mu mandaghu mowu na bamadjangaange na nzangu na murime pwelele. 47Bamayitsaange Nzambi na mukute wotsu wumabanyungilaange. Na Fumu amabwesaange kale yilumbu mu yinombu yowu botsu abe amaghobulaange.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES