Luk 21
21
Bubul wela yiŋ Takela galaŋa inariy
(Mak 12:41-44)
1Yesus Takela ragu fom yeyiŋ inda gura uy neŋu kiŋ, lem gamudeyiŋ piray geyiŋ, yiŋ epe galaŋa yamiy keraŋa gamudeyiŋ indagu bokisda. 2Iŋgura bubul wela diya lemŋiŋ emariy patuw iŋgu neŋriy, iŋ gamudeyiŋ bulubuli yeratiŋ niŋgi otda kerariy. 3-4Iŋgura Yesus nigu giy, <<Na payiŋ sip daridigatem, bubul wela ini, lemŋiŋ emariy patuw, iŋ gamudeyiŋ beŋgoy sip kerat. Welalem atŋinda yiŋda kerata iŋgu kelyaŋ. Welalem atŋinda ini yiŋ gamudeyiŋ guway eti, go yiŋ baliya niŋgi bokisda kerata. Gu wela ini go, gamudeyiŋ iŋdagu bulakayiŋ sip, iŋgu atŋinda keraboŋyat, atebaw aŋyay yebyeba ragu diya kiyaŋ melaŋ,>> giy.
Yesus fom yeyiŋ Takela ragu bultip iŋgu nina giy
(Mat 24:1-2; Mak 13:1-2)
5Arya lem dip yiŋ Takela ragu fom yeyiŋ neŋusu nigu giyaŋa, <<Yiŋ sa wasiŋ wasiŋ tusu, yiŋ ulal wasiŋ wasiŋ Takela inaŋa iŋgu owsu, ya ini patak sip neryaŋa.>> Iŋgura Yesus nigu giy, 6<<Di ulal neŋgeta iŋgu, mat na daridugusu. Nal futtip iŋgu go, yiŋ sa diya soŋ niŋgi debani buŋta kipir yuŋ. Yuŋ sip. Yiŋ atŋinda iŋgu kekamitasu, amikŋiŋ daŋta lep,>> giy. 7Iŋgura yiŋ nigu Yesus miŋyaŋa, <<Muŋa lem, ulal iŋgu nal girara sip futtip? Tusu etaŋ giray futtiŋ niŋ neŋusu, iŋgura iŋankina ulal iŋgu futtugusu ginkina?>> Giyaŋa. 8Iŋgura iŋ nigu dariyiy, <<Di neŋ piryaŋ, lem guway epe nawi wana deŋusu, nigu gip, <Nansip na lem, welalem yuwayiŋ mulititi ragu iŋgu.> Tusu gip, <Nal patuw nuwamiy sip tiyat.> Gu di suŋ yipiraŋ go. 9Tusu emita di iŋap, ya beŋ dip yiŋ paŋer beŋbeŋ egata gip go, di reri tusu buwada ibapir go. Ulal mira iŋgu go patuw futtimitaŋ gutuŋgu, gu nal fukyiyi ragu iŋgu go, awru futtipir yuŋ.>>
10Iŋ atebaw nigu dariyiy, <<Tusu lem dip diya go yiŋ lem dip soŋ soŋ isi paŋer ep, Tusu asila diyap nawŋonda nina, yiŋ lem asila diya diya ragu isi paŋer ep. Tusu Taboŋ dip go yiŋ waraŋu Taboŋ diya diya isi paŋer ep. 11Tusu daŋ ini buŋta go niŋniŋa beŋgoy guway futtip. Tusu afu dip diya nawŋonda go, paspas, tusu miyay beŋgoy yuwayip. Tusu saba buŋta go, ulal beŋbeŋ neŋpiŋ, tusu ulal baŋ soŋsoŋ dakeradiŋ reri titi nina iŋgu futtip.
12Gu ulal atŋinda iŋgu futtiyaŋ melaŋ kiŋ niŋgi, patuw sip go yiŋ datowsu giyaditot piŋ. Yiŋ fom yeyiŋ soŋya, (Yuda ragu) nawŋonda, yiŋ kukara datowsu, duwadu le oyara dakeradip. Yiŋ nawi wana keraŋ daŋta liyaŋa guniŋ, iŋguniŋ yiŋ duwadu le Taboŋ Taboŋ tusu Gabman deŋyanda dakeradiŋ gaŋ yip. 13Arya keta iŋgura di kuka payiŋ delayin piraŋ. 14-15Iŋguniŋ di buwada buwada tiŋ, niŋ le kuka giray delayin nikina gipiraŋ go, nansip kuka maŋdanda kerakuna, tusu muŋa wasiŋ sadukuna. Iŋgura lem gon yiŋ kukara datongusu iŋgu, yiŋ kuka diragu sabirbir dagu tusu keraŋ daŋta lele ragu iŋgu atŋinda sip tipir yuŋ. 16Ewta mamta yiŋ tusu onta kakata yiŋ, asila diyap diragu sip, tusu debatayiŋ sip, yiŋ yit ager atyanda dakeradip. Iŋgura diragu dip diya go yurŋiŋ emap.#21:16 Yesus dagu muluŋa atŋinda go kabol iŋ suŋsuŋ dagu iŋguniŋ yur yiŋ emaŋa. Gu Yon Yudas gis go, keta diyara emara. Daŋ atŋinda nawŋonda welalem Kristu dagugo giya yuwta, arya daŋ dip diya nawŋonda go kabol iŋgu mat futtuwti. 17Tusu di nawi suŋnuwta iŋguniŋ, welalem atŋinda go yiŋ diniŋ tiŋ ager tip. 18Gu yepda taboŋ danda, diyap sip diya furyu eltipir yuŋ sip. 19Di muki gaŋ yipiraŋ, iŋgura di yararaŋ kiki ragu yaŋ iŋgu owsu, wasiŋ sip kip,>> giy.
Yesus Yerusalem bultip iŋgu nina giy
(Mat 24:15-21; Mak 13:14-19)
20Yesus atebaw nigu segu giy, <<Di paŋer lem neŋyip epe Yerusalem baliwusu kip go, di nigu iŋapiryaŋ, nal ya beŋ bultiti ragu go patuw nuwamiy tiyat. 21-22Nal iŋgura welalem Yudia eta iŋgu yiŋ awaŋa tuw tegeyiŋ buŋta lepiraŋ. Tusu welalem yiŋ Yerusalem nawŋonda eta iŋgu, yiŋ ya beŋ sowsu gakta diya lepiraŋ. Tusu welalem gon yiŋ ya sow le uyda eta iŋgu, yiŋ mulutuw ya beŋinda lepiryaŋgo. Giran nal iŋgu go Takela agosgos ketket dagu nali, Iŋgura kuka aboŋ Takela ragu parda eti iŋgu go, payiŋ peŋ sip futtip. 23Iŋguniŋ wela es yit, tusu wela apmonu sut sayuwta nal iŋgura go yiŋ awaŋa tiŋiniŋ yuŋ, yiŋ nina go, bubul sip. Nal iŋgura go murweŋ beŋgoy futtip, iŋguniŋ maykik Takela ragu welalem atŋinda buŋta pasikpiŋ. 24Ager lem epe paŋer dagu silayda yur yiŋ emamitap. Iŋgura yiŋ yuwayu le ya atŋinda daŋ ini baliyaŋa nawŋonda, oyara yakerayiŋ kip. Tusu lem dip Yuda nina yuŋ, yiŋ Yerusalem ep, yiŋ kiŋ le nal Takelara alayriy iŋgura, lem dip yiŋ Yerusalem ulaw kiyaŋa iŋgu fukyip,>> giy.
Emita Lem Urmiŋ epiŋ
(Mat 24:29-31; Mak 13:24-27)
25Yesus atebaw nigu giy, <<Nal iŋgura go, ulal baŋ soŋsoŋ ata buŋta tusu aliba buŋta, boyiŋ buŋta futtip. Arya daŋ buŋta go welalem atŋinda onaŋu onaŋu le buwaya pis tiŋ, iŋgura taŋtaŋu tip, yiŋ sigor beŋbeŋ selaŋ niŋgi akuri iŋap iŋgura. 26Ulal atŋinda saba buŋta nina yenpiŋ. Iŋgura welalem guway ulal daŋ buŋta futtip iŋgu nina reri goyi sip tusu le deŋya bariŋpiŋ. 27Nal iŋgura, welalem yiŋ Lem Urmiŋ neŋpiŋ yaŋeyiŋ diyap buŋta kusu muki soŋni beŋgoy tusu sinaraŋ soŋni beŋgoy isi epiŋ. 28Ulal iŋgu futtip go, di gaŋyusu, taboŋda ikpiryaŋ, giran nal Takela duwadidi ragu iŋgu patuw epyat,>> giy.
Di da fik iŋgu neŋu iŋapiryaŋ
(Mat 24:32-35; Mak 13:28-31)
29Yesus kuka luŋiyaŋ diyap giy, iŋ nigu dariyiy, <<Di da fik tusu da dip yit neŋpiraŋ. 30Di da uyay germiŋ utyanda futtiŋ neŋuta go, di iŋawta ata wasiŋ futtiti nina nal tigat. 31Gugu sip di ulal iŋgu futtiŋ neŋpiŋ go, di iŋapiraŋ, nal Takela ragu welalem soŋni yiŋ ulayiyi nina iŋgu go patuw nuwamiy epyat. 32Na payiŋ sip daridigatem, welalem nal inim dagu yiŋ emyaŋya melaŋ kiŋ ulal iŋgu futtip. 33Saba daŋ gis go fukyip, go kuka neragu go eltipiri yuŋ sip,>> giy.
Muluŋa yiŋ patak sip neŋtot piryaŋ
34-35Yesus atebaw nigu giy, <<Gu di neŋtot piraŋ, diyap miy diya di way muki nusu bururaw tuw kipiraŋ. Tusu diyap miydiya di ulal abaŋdan dagu nina buwada bultuw kipir. Di kabol guninaŋ iŋgura dakera diŋ pasikpiŋ go, iŋgu nal Takela ragu go awru sip futtidinpiŋ. Welalem atŋinda daŋ ini buŋta nal iŋgu futtiyin piŋ, roba garuŋa diya towti gugu sip. 36Nal atŋinda go di, olay tusu kipiraŋ. Tusu nal atŋinda di pananaw tuw kipiraŋ, Takela muki sadiyaŋ guniŋ. Iŋgura di ulal futtugusu iŋgu kelusu, iŋgura di Lem Urmiŋ deyiŋinda gaŋyip,>> giy. 37Nal atŋinda Yesus iŋ fom yeyiŋ indagu yawetira welalem sawanaŋ sayuw kiy. Gu sulap tuw kiy go, iŋ Olip tegeyiŋ buŋta low kiy. 38Arya welalem go, yiŋ suyiŋga sip waraŋusu, fom yeyiŋ inda epukiyaŋa kuka iŋdagu iŋiŋa nina.
S'ha seleccionat:
Luk 21: Madi
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024 Wycliffe Bible Translators, Inc. All rights reserved.
Luk 21
21
Bubul wela yiŋ Takela galaŋa inariy
(Mak 12:41-44)
1Yesus Takela ragu fom yeyiŋ inda gura uy neŋu kiŋ, lem gamudeyiŋ piray geyiŋ, yiŋ epe galaŋa yamiy keraŋa gamudeyiŋ indagu bokisda. 2Iŋgura bubul wela diya lemŋiŋ emariy patuw iŋgu neŋriy, iŋ gamudeyiŋ bulubuli yeratiŋ niŋgi otda kerariy. 3-4Iŋgura Yesus nigu giy, <<Na payiŋ sip daridigatem, bubul wela ini, lemŋiŋ emariy patuw, iŋ gamudeyiŋ beŋgoy sip kerat. Welalem atŋinda yiŋda kerata iŋgu kelyaŋ. Welalem atŋinda ini yiŋ gamudeyiŋ guway eti, go yiŋ baliya niŋgi bokisda kerata. Gu wela ini go, gamudeyiŋ iŋdagu bulakayiŋ sip, iŋgu atŋinda keraboŋyat, atebaw aŋyay yebyeba ragu diya kiyaŋ melaŋ,>> giy.
Yesus fom yeyiŋ Takela ragu bultip iŋgu nina giy
(Mat 24:1-2; Mak 13:1-2)
5Arya lem dip yiŋ Takela ragu fom yeyiŋ neŋusu nigu giyaŋa, <<Yiŋ sa wasiŋ wasiŋ tusu, yiŋ ulal wasiŋ wasiŋ Takela inaŋa iŋgu owsu, ya ini patak sip neryaŋa.>> Iŋgura Yesus nigu giy, 6<<Di ulal neŋgeta iŋgu, mat na daridugusu. Nal futtip iŋgu go, yiŋ sa diya soŋ niŋgi debani buŋta kipir yuŋ. Yuŋ sip. Yiŋ atŋinda iŋgu kekamitasu, amikŋiŋ daŋta lep,>> giy. 7Iŋgura yiŋ nigu Yesus miŋyaŋa, <<Muŋa lem, ulal iŋgu nal girara sip futtip? Tusu etaŋ giray futtiŋ niŋ neŋusu, iŋgura iŋankina ulal iŋgu futtugusu ginkina?>> Giyaŋa. 8Iŋgura iŋ nigu dariyiy, <<Di neŋ piryaŋ, lem guway epe nawi wana deŋusu, nigu gip, <Nansip na lem, welalem yuwayiŋ mulititi ragu iŋgu.> Tusu gip, <Nal patuw nuwamiy sip tiyat.> Gu di suŋ yipiraŋ go. 9Tusu emita di iŋap, ya beŋ dip yiŋ paŋer beŋbeŋ egata gip go, di reri tusu buwada ibapir go. Ulal mira iŋgu go patuw futtimitaŋ gutuŋgu, gu nal fukyiyi ragu iŋgu go, awru futtipir yuŋ.>>
10Iŋ atebaw nigu dariyiy, <<Tusu lem dip diya go yiŋ lem dip soŋ soŋ isi paŋer ep, Tusu asila diyap nawŋonda nina, yiŋ lem asila diya diya ragu isi paŋer ep. Tusu Taboŋ dip go yiŋ waraŋu Taboŋ diya diya isi paŋer ep. 11Tusu daŋ ini buŋta go niŋniŋa beŋgoy guway futtip. Tusu afu dip diya nawŋonda go, paspas, tusu miyay beŋgoy yuwayip. Tusu saba buŋta go, ulal beŋbeŋ neŋpiŋ, tusu ulal baŋ soŋsoŋ dakeradiŋ reri titi nina iŋgu futtip.
12Gu ulal atŋinda iŋgu futtiyaŋ melaŋ kiŋ niŋgi, patuw sip go yiŋ datowsu giyaditot piŋ. Yiŋ fom yeyiŋ soŋya, (Yuda ragu) nawŋonda, yiŋ kukara datowsu, duwadu le oyara dakeradip. Yiŋ nawi wana keraŋ daŋta liyaŋa guniŋ, iŋguniŋ yiŋ duwadu le Taboŋ Taboŋ tusu Gabman deŋyanda dakeradiŋ gaŋ yip. 13Arya keta iŋgura di kuka payiŋ delayin piraŋ. 14-15Iŋguniŋ di buwada buwada tiŋ, niŋ le kuka giray delayin nikina gipiraŋ go, nansip kuka maŋdanda kerakuna, tusu muŋa wasiŋ sadukuna. Iŋgura lem gon yiŋ kukara datongusu iŋgu, yiŋ kuka diragu sabirbir dagu tusu keraŋ daŋta lele ragu iŋgu atŋinda sip tipir yuŋ. 16Ewta mamta yiŋ tusu onta kakata yiŋ, asila diyap diragu sip, tusu debatayiŋ sip, yiŋ yit ager atyanda dakeradip. Iŋgura diragu dip diya go yurŋiŋ emap.#21:16 Yesus dagu muluŋa atŋinda go kabol iŋ suŋsuŋ dagu iŋguniŋ yur yiŋ emaŋa. Gu Yon Yudas gis go, keta diyara emara. Daŋ atŋinda nawŋonda welalem Kristu dagugo giya yuwta, arya daŋ dip diya nawŋonda go kabol iŋgu mat futtuwti. 17Tusu di nawi suŋnuwta iŋguniŋ, welalem atŋinda go yiŋ diniŋ tiŋ ager tip. 18Gu yepda taboŋ danda, diyap sip diya furyu eltipir yuŋ sip. 19Di muki gaŋ yipiraŋ, iŋgura di yararaŋ kiki ragu yaŋ iŋgu owsu, wasiŋ sip kip,>> giy.
Yesus Yerusalem bultip iŋgu nina giy
(Mat 24:15-21; Mak 13:14-19)
20Yesus atebaw nigu segu giy, <<Di paŋer lem neŋyip epe Yerusalem baliwusu kip go, di nigu iŋapiryaŋ, nal ya beŋ bultiti ragu go patuw nuwamiy tiyat. 21-22Nal iŋgura welalem Yudia eta iŋgu yiŋ awaŋa tuw tegeyiŋ buŋta lepiraŋ. Tusu welalem yiŋ Yerusalem nawŋonda eta iŋgu, yiŋ ya beŋ sowsu gakta diya lepiraŋ. Tusu welalem gon yiŋ ya sow le uyda eta iŋgu, yiŋ mulutuw ya beŋinda lepiryaŋgo. Giran nal iŋgu go Takela agosgos ketket dagu nali, Iŋgura kuka aboŋ Takela ragu parda eti iŋgu go, payiŋ peŋ sip futtip. 23Iŋguniŋ wela es yit, tusu wela apmonu sut sayuwta nal iŋgura go yiŋ awaŋa tiŋiniŋ yuŋ, yiŋ nina go, bubul sip. Nal iŋgura go murweŋ beŋgoy futtip, iŋguniŋ maykik Takela ragu welalem atŋinda buŋta pasikpiŋ. 24Ager lem epe paŋer dagu silayda yur yiŋ emamitap. Iŋgura yiŋ yuwayu le ya atŋinda daŋ ini baliyaŋa nawŋonda, oyara yakerayiŋ kip. Tusu lem dip Yuda nina yuŋ, yiŋ Yerusalem ep, yiŋ kiŋ le nal Takelara alayriy iŋgura, lem dip yiŋ Yerusalem ulaw kiyaŋa iŋgu fukyip,>> giy.
Emita Lem Urmiŋ epiŋ
(Mat 24:29-31; Mak 13:24-27)
25Yesus atebaw nigu giy, <<Nal iŋgura go, ulal baŋ soŋsoŋ ata buŋta tusu aliba buŋta, boyiŋ buŋta futtip. Arya daŋ buŋta go welalem atŋinda onaŋu onaŋu le buwaya pis tiŋ, iŋgura taŋtaŋu tip, yiŋ sigor beŋbeŋ selaŋ niŋgi akuri iŋap iŋgura. 26Ulal atŋinda saba buŋta nina yenpiŋ. Iŋgura welalem guway ulal daŋ buŋta futtip iŋgu nina reri goyi sip tusu le deŋya bariŋpiŋ. 27Nal iŋgura, welalem yiŋ Lem Urmiŋ neŋpiŋ yaŋeyiŋ diyap buŋta kusu muki soŋni beŋgoy tusu sinaraŋ soŋni beŋgoy isi epiŋ. 28Ulal iŋgu futtip go, di gaŋyusu, taboŋda ikpiryaŋ, giran nal Takela duwadidi ragu iŋgu patuw epyat,>> giy.
Di da fik iŋgu neŋu iŋapiryaŋ
(Mat 24:32-35; Mak 13:28-31)
29Yesus kuka luŋiyaŋ diyap giy, iŋ nigu dariyiy, <<Di da fik tusu da dip yit neŋpiraŋ. 30Di da uyay germiŋ utyanda futtiŋ neŋuta go, di iŋawta ata wasiŋ futtiti nina nal tigat. 31Gugu sip di ulal iŋgu futtiŋ neŋpiŋ go, di iŋapiraŋ, nal Takela ragu welalem soŋni yiŋ ulayiyi nina iŋgu go patuw nuwamiy epyat. 32Na payiŋ sip daridigatem, welalem nal inim dagu yiŋ emyaŋya melaŋ kiŋ ulal iŋgu futtip. 33Saba daŋ gis go fukyip, go kuka neragu go eltipiri yuŋ sip,>> giy.
Muluŋa yiŋ patak sip neŋtot piryaŋ
34-35Yesus atebaw nigu giy, <<Gu di neŋtot piraŋ, diyap miy diya di way muki nusu bururaw tuw kipiraŋ. Tusu diyap miydiya di ulal abaŋdan dagu nina buwada bultuw kipir. Di kabol guninaŋ iŋgura dakera diŋ pasikpiŋ go, iŋgu nal Takela ragu go awru sip futtidinpiŋ. Welalem atŋinda daŋ ini buŋta nal iŋgu futtiyin piŋ, roba garuŋa diya towti gugu sip. 36Nal atŋinda go di, olay tusu kipiraŋ. Tusu nal atŋinda di pananaw tuw kipiraŋ, Takela muki sadiyaŋ guniŋ. Iŋgura di ulal futtugusu iŋgu kelusu, iŋgura di Lem Urmiŋ deyiŋinda gaŋyip,>> giy. 37Nal atŋinda Yesus iŋ fom yeyiŋ indagu yawetira welalem sawanaŋ sayuw kiy. Gu sulap tuw kiy go, iŋ Olip tegeyiŋ buŋta low kiy. 38Arya welalem go, yiŋ suyiŋga sip waraŋusu, fom yeyiŋ inda epukiyaŋa kuka iŋdagu iŋiŋa nina.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024 Wycliffe Bible Translators, Inc. All rights reserved.