1 Пачаби 17
17
Голиафил хӀинкъалаби
1Пилистимал рагъде къачӀана ва Ягьудиялда бугеб Сохоялде бакӀарана гьезул аскар; Сохоялдаги Азекаялдаги гьоркьоб бакӀалда Эфес-Дамималда къайи чӀван чӀана гьел.
2Шаулгун гӀизраилазул аскар бакӀарана Эла абураб расалъиялде ва пилистимазда данде рагъизе къачӀана. 3Пилистимал цо гохӀда чӀана, гӀизраилалги – гьезда дандбитӀун бугеб гохӀда. Гьезда гьоркьоб расалъи букӀана.
4Пилистимазул рахъалдасан анлъго натӀгун бащалъи#17:4 6,5 натӀ – гӀага-шагарго 3 метр. черхалда бугев Голиафин цӀарги бугев цо речӀчӀухъан вачӀана цевегӀан. Гьев кколаан Гаталдаса чи. 5Гьесул ботӀрода мазгарул такъия лъун букӀана ва черхалдаги мазгарул къолден ретӀун букӀана. Гьеб къолденалъул цӀайи щуазарго шекел#17:5 5000 шекел – гӀага-шагарго 57 кило. букӀана. 6Бохдуздаги мазгарул гьарурал накабазул щурмал ретӀун рукӀана ва мугъзада нахъа бан мазгарул хъалхъанги букӀана. 7Гьесул хочол гӀоркь букӀана рессарухъабазул гӀурул чарх гӀадаб кӀудияб; хочол мацӀалъул цӀайи анлънусго шекел#17:7 600 шекел – гӀага-шагарго 7 кило. букӀана. Гьесда цеве-цеве вачӀунев гьесул хъалхъан баччулев чиги вукӀана.
8Голиаф вахъун чӀана ва мухъилъ эхетарал гӀизраилазул рагъухъабазде ахӀана:
«Щай нуж рагъизе къачӀарал? Гьав дун гурищ пилистимав, нуж гурищ Шаулил лагъзал? Нужер бокьарав тӀаса вищун дида данде вагъизе вачӀаян абе гьаниве. 9Дунгун вагъизеги вагъун, дун чӀван гьесда бажарани, ниж нужер лагъзаллъун лъугьина ва нужеда цере хӀалтӀулел рукӀина. Амма дун бергьани ва дица гьевги чӀвани, нуж лъугьина нижер лагъзаллъун ва нуж нижеда цере хӀалтӀулел рукӀина».
10«Жакъа дица инжит гьабила ГӀизраилалъул аскар! ВитӀе дида данде вагъизе чи!» – ян ахӀун тӀадеги жубана гьес.
11Пилистимасул гьеб хабар рагӀидал, Шаулги тӀолалго гӀизраилалги кӀудияб ургъаликье ккана ва кутакалда хӀинкъана.
Давуд гӀизраилазул аскаралъул къайи чӀвараб бакӀалде вачӀин
12Давуд вукӀана Ягьудиялда бугеб Бет-Лехемалдаса ефратилазул чи – Йишайил вас. Микьго вас вукӀана гьесул. Ригь арав, бихьиназда гьоркьов бищун кӀудияв чи вукӀана гьев. 13Йишайил лъабго кӀудияв вас Шаулил рагъухъабазда цадахъ рагъде ун рукӀана: тӀоцевесев васасда цӀар – Элиав, кӀиабилесда – Авинадав, лъабабилесда – Шамма букӀана.
14Давуд бищун гьитӀинав вукӀана. Бищун кӀудиязул лъабгояв Шаулида цадахъ ана. 15Давуд, цин Шаулихъе ун, цинги жиндирго инсул гӀи хьихьизе рокъове тӀадвуссун вукӀунаан.
16Пилистимав кӀикъого къоялъ щибаб рогьалида ва бакъанида вачӀун гӀизраилазда дандвитӀун эхетана.
17Цо къоялъ Йишайица жиндирго вас Давудида абуна:
«Вацазе чӀералъул таргьаги, анцӀго чедги босун, хехго дозухъе а. 18Гьаб анцӀго хӀанги босе азарилбетӀерасе сайгъаталъе. Вацазул ахӀвал-хӀал цӀехе ва къваригӀараб-тараб бугищалиги лъазабе», – ян. 19Гьел Шаулида ва гьесул рагъухъабазда цадахъ пилистималгун рагъизе ун Эла расалъиялда рукӀана.
20Давуд радалго тӀаде вахъун, гӀиялги цоги вехьасда тӀад къан тун, босун таргьа-къайигун, нухде къокъана Йишайица абураб гьабизе. БитӀун гьев гьезул къайи чӀвараб бакӀалде щвараб мехалъ, къватӀире рахъиналъул ахӀи бан рагъде хӀадурлъулел ратана аскариял. 21ГӀизраилалги пилистималги кьер-кьер гьабун цоцада дандритӀун чӀана.
22Кодоб букӀараб къайиги цо ворчӀухъанасда аскӀоб тун, Давуд вацазул ахӀвал-хӀал цӀехезе рагъухъаби чӀараб бакӀалде вортана. 23Вацазда кӀалъалев вукӀаго, пилистимазул рахъалдасан Голиафин цӀар бугев Гаталдаса речӀчӀухъан вачӀана цевегӀан ва долго рагӀабиги абун ахӀдана. Гьеб Давудида рагӀана. 24Голиаф вихьанщинахъе киналго гӀизраилал кутакалда гьесухъа хӀинкъун тӀурулаан.
25ГӀизраилаз цоцада абулеб букӀана:
«Балагье цо дов чиясухъ! ГӀизраил инжит гьабизе къваригӀарав чийин дов. Гьев чӀварав чиясе кӀудияб бечелъи кьезе рагӀула нилъер пачаяс. Гьединго гьесие жиндирго ясги кьезе йигейила, гьесул инсул хъизан-къаялдаса тӀокӀаб магъалоги тӀалаб гьабизе гьечӀебила», – ян.
26Цинги аскӀор рукӀарал чагӀазда цӀехана Давудица:
«Дов пилистимавги чӀван, гьаб инжитлъи ГӀизраилалда тӀаса босарав чиясе щибилая доб букӀине бугеб? Гьавго щив, суннат гьабичӀев#17:26 Бал. Байб. 17:10-11. Суннат гьаби – Аллагьас жиндиргун КъотӀи гьабураб халкъалъул чи жив вукӀиналъул гӀаламатлъун кколаан гьеб. пилистимав, чӀагояв Аллагьасул аскаразде гьадин рогьал разе ккани?»
27Гьадинги додинги гьабизе бугин дов чӀварав чиясеян гьез добго хабар такрар гьабуна.
28Гьедин Давуд рагъухъабазда гаргадилев вихьидал, гьесул кӀудияв вац Элиавил цӀакъ ццин бахъана ва гьес абуна:
«Мун гьанив щиб гьабулев вугев? Лъида тӀаде рехун тараб авлахъалда гьадинги гьитӀинаб доб гӀиял рехъен? Дида лъала дур хӀалихьалъи ва дур рекӀел квешлъи. Рагъухъ балагьизе бокьун вачӀарав чи вуго мун гьаниве», – ян.
29Давудица абуна: «Щиб дица гьабураб квешлъи? Дица кӀал рагьизегойищ бегьулареб?» – ин.
30Гьесда аскӀоса нахъе вилълъун, цоги чиясда кӀалъана Давуд добго жоги бицун, халкъалъги цебехунго бицараб такрар гьабуна. 31Давудил кӀалъай рагӀидал, гьез гьеб Шаулихъе щвезабуна, ва Шаулица гьесда хадур чагӀи ритӀана.
32Давудица Шаулида абуна: «Щивниги хӀинкъуге абе дов пилистимасукьа. Гьале дун, дур лагъ, ина гьесда данде ва чӀван рехила гьев».
33«Бажаруларо духъа дов пилистимасда данде вагъизе. Мун гьитӀинав гӀолохъанчи вуго, довин абуни гьитӀинаб къоялдасаго хӀалбихьи щварав рагъухъан вуго», – ян абуна Шаулица.
34Цинги Давудица абуна:
«Инсул гӀияда вехьлъи гьабурав чи вуго дун, дур лагъ. БачӀун гъалбацӀалъ, ялъуни циялъ рехъалъа чахъу хъамун араб мехалъ, 35гьелда хадув вортулаан дун, ва гьелда тӀадги речӀчӀун, кӀалдиса бахъулаан гьеб. Гьеб дида тӀад речӀчӀани, дица, щекъерги ккун гӀодоб кьабун чӀван рехулаан гьеб. 36ГъалбацӀ букӀа, ци букӀа батӀалъи гьечӀого, гьедин чӀвалаан. Дов суннат гьабичӀев пилистимасеги гьебго жо букӀине буго, щайгурелъул чӀагояв Аллагьасул аскаразде рогьо балеб бугелъул дос. 37ГъалбацӀалъул ва циялъул квачӀикьа дун чанги хвасар гьавурав БЕТӀЕРГЬАНАС дов пилистимасул квердасаги хвасар гьавила».
Цинги Шаулица абуна: «Вахъа, гьедин батани. БЕТӀЕРГЬАНАС кумек гьабеги дуе!» – ян.
38Шаулица жиндирго рагъде ретӀунеб ретӀел ретӀана Давудида. Мазгарул такъияги лъуна гьес Давудил ботӀрода ва черхалда къолденги ретӀана. 39Къолденалда тӀасан хвалченги борчана Давудица ва, цебе киданиги ретӀараб жо букӀинчӀелъул гьеб, дове-гьаниве хьвадизе хӀалбихьана.
«Дие санагӀат гьечӀо гьадин. Дун ругьунав гьечӀо гьал къолдабазде», – ян абуна гьес Шаулида ва тӀаса рахъун рехана гьел. 40Кодобе вехьасул тӀилги босана, лъарахъа тӀаса бищун щуго цӀвакараб гамачӀги лъуна вехьасул къвачӀиниб ва ганчӀал речӀчӀулеб алатги босун, пилистимасда данде вилълъана.
Давудица Голиаф чӀвай
41Хъалхъан баччулев чигун цадахъ пилистимавги лъугьана Давудида данде вачӀине. 42ТӀадвитӀарав, берцинаб куц-мухъалъул Давудида бер чӀвайдал, пилистимас гьев малъие гьавичӀо, щайгурелъул гьев гьитӀинав чи вукӀиндал.
43Пилистимас Давудида абуна: «Дун дуе гьойищ вугев, тӀилги кодоб ккун, мун дида данде вачӀине ккани?» – ян. Ва, жиндирго аллагьзабазул цӀарги бахъун, нагӀана кьуна гьес Давудие.
44Пилистимас Давудида абуна: «АскӀовегӀан вачӀа, дица зобалазул хӀанчӀазе ва гӀалхул жанаваразе, гьез тӀутӀун базе рехизе букӀине дурго къаркъала!» – ян.
45Давудица пилистимасе жаваб кьун абуна:
«Мун хвалченгун, хечгун ва хъалхъангун вачӀунев вуго дида данде, дунин абуни вачӀунев вуго дуца рогьо бан жинда тӀад кӀал кӀалъарав ГӀизраилалъул аскаразул Аллагьасул – Гучал Аскаразул БЕТӀЕРГЬАНАСУЛ кумекгун. 46Жакъа БЕТӀЕРГЬАНАС дир кверде кьезе вуго мун, ва, мунги чӀван, дур бетӀер нахъе къотӀизе буго. Гьале гьаб жакъа къоялъго пилистимазул жаназаби зобалазул хӀанчӀазе ва гӀалхул жанаваразе гьез тӀутӀун разе рехизе руго, ва тӀолабго дунялалда лъазе буго ГӀизраилгун Аллагь вукӀин. 47Гьанире ракӀарун ругелщиназда лъазе буго гьебмехалъ БЕТӀЕРГЬАНАСУЛ хвасарлъи я хвалчабазда, я хучдузда бараб букӀунареблъи. Гьаб рагъги БЕТӀЕРГЬАНАСУЛ бугелъул, Гьес нуж киналго нижехъе кверде кьезе руго».
48Давудида тӀад речӀчӀизе пилистимав гӀагарлъулаго, Давуд гьесда данде векерана. 49КъвачӀинибе кверги бегьун, гамачӀ босана Давудица, ва, гамачӀ речӀчӀулеб алаталдаги бан, хьвагӀун биччан тана битӀун пилистимасул нодо бакьулъе. Гьеб гамачӀ пилистимасул нодоялда къана, ва гьев кӀалагъоркье речӀчӀана. 50Гьедин пилистимасда тӀад бергьенлъи босана Давудица. Хвалчаца вагъун гуреб, гамачӀги речӀчӀун чӀвана пилистимав. 51Давуд гьесда аскӀове векерана, ва тӀадеги къулун, пилистимасул хвалчен лъалинисан бахъана. ЧӀван пилистимавгун, Давудица гьеб хвалчаца гьесул бетӀер тӀаса къотӀана.
Жидер бахӀарчи хун вукӀин бихьидал, кьурун нахъги руссун, тӀуризе лъугьана пилистимал. 52Гьебмехалъ ГӀизраилалъул ва Ягьудиялъул рагъухъабазда гьоркьоб ахӀи-хӀур бахъана, ва Гайалдеги Экроналъул кавабахъеги щвезегӀан тӀуризаруна пилистимал. Гаталде ва Экроналде щвезегӀан чӀван гӀодор лъурал пилистимазул къаркъалабазул цӀун букӀана Шаарималде унеб нух. 53Гьениса тӀадруссиндал, пилистимазул къайи чӀвараб бакӀ хъамал гьабуна гӀизраилаз. 54Давудица пилистимав Голиафил бетӀер Иерусалималде босана ва гьесул ярагъги жиндирго чадриниб жаниб лъуна.
Шаулица Давуд рагъухъабазул цевехъанлъун тей
55Пилистимасда данде унев Давуд вихьидал, Шаулица абуна жиндирго аскаразул бетӀер Авнерида: «Авнер, дов гӀолохъанчи лъил вас кколев?» – ин.
Авнерица абуна: «Дур гӀумруялхӀа, бетӀерчӀахъад, дида лъаларо», – ян.
56«Лъил вас дов кколевали лъазабе», – ян абуна пачаяс.
57Пилистимавги чӀван Давуд тӀадвуссиндал, Авнерица гьев Шаулихъе вачана. Давудихъ кодоб пилистимасул бетӀерги букӀана.
58«Мун лъил вас кколев, гӀолохъанчи?» – ян цӀехана гьесда Шаулица.
«Бет-Лехемалдаса Йишайил – дур лагъасул – вас вуго дун», – ин жаваб кьуна Давудица.
S'ha seleccionat:
1 Пачаби 17: АварАК
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2005-2023
1 Пачаби 17
17
Голиафил хӀинкъалаби
1Пилистимал рагъде къачӀана ва Ягьудиялда бугеб Сохоялде бакӀарана гьезул аскар; Сохоялдаги Азекаялдаги гьоркьоб бакӀалда Эфес-Дамималда къайи чӀван чӀана гьел.
2Шаулгун гӀизраилазул аскар бакӀарана Эла абураб расалъиялде ва пилистимазда данде рагъизе къачӀана. 3Пилистимал цо гохӀда чӀана, гӀизраилалги – гьезда дандбитӀун бугеб гохӀда. Гьезда гьоркьоб расалъи букӀана.
4Пилистимазул рахъалдасан анлъго натӀгун бащалъи#17:4 6,5 натӀ – гӀага-шагарго 3 метр. черхалда бугев Голиафин цӀарги бугев цо речӀчӀухъан вачӀана цевегӀан. Гьев кколаан Гаталдаса чи. 5Гьесул ботӀрода мазгарул такъия лъун букӀана ва черхалдаги мазгарул къолден ретӀун букӀана. Гьеб къолденалъул цӀайи щуазарго шекел#17:5 5000 шекел – гӀага-шагарго 57 кило. букӀана. 6Бохдуздаги мазгарул гьарурал накабазул щурмал ретӀун рукӀана ва мугъзада нахъа бан мазгарул хъалхъанги букӀана. 7Гьесул хочол гӀоркь букӀана рессарухъабазул гӀурул чарх гӀадаб кӀудияб; хочол мацӀалъул цӀайи анлънусго шекел#17:7 600 шекел – гӀага-шагарго 7 кило. букӀана. Гьесда цеве-цеве вачӀунев гьесул хъалхъан баччулев чиги вукӀана.
8Голиаф вахъун чӀана ва мухъилъ эхетарал гӀизраилазул рагъухъабазде ахӀана:
«Щай нуж рагъизе къачӀарал? Гьав дун гурищ пилистимав, нуж гурищ Шаулил лагъзал? Нужер бокьарав тӀаса вищун дида данде вагъизе вачӀаян абе гьаниве. 9Дунгун вагъизеги вагъун, дун чӀван гьесда бажарани, ниж нужер лагъзаллъун лъугьина ва нужеда цере хӀалтӀулел рукӀина. Амма дун бергьани ва дица гьевги чӀвани, нуж лъугьина нижер лагъзаллъун ва нуж нижеда цере хӀалтӀулел рукӀина».
10«Жакъа дица инжит гьабила ГӀизраилалъул аскар! ВитӀе дида данде вагъизе чи!» – ян ахӀун тӀадеги жубана гьес.
11Пилистимасул гьеб хабар рагӀидал, Шаулги тӀолалго гӀизраилалги кӀудияб ургъаликье ккана ва кутакалда хӀинкъана.
Давуд гӀизраилазул аскаралъул къайи чӀвараб бакӀалде вачӀин
12Давуд вукӀана Ягьудиялда бугеб Бет-Лехемалдаса ефратилазул чи – Йишайил вас. Микьго вас вукӀана гьесул. Ригь арав, бихьиназда гьоркьов бищун кӀудияв чи вукӀана гьев. 13Йишайил лъабго кӀудияв вас Шаулил рагъухъабазда цадахъ рагъде ун рукӀана: тӀоцевесев васасда цӀар – Элиав, кӀиабилесда – Авинадав, лъабабилесда – Шамма букӀана.
14Давуд бищун гьитӀинав вукӀана. Бищун кӀудиязул лъабгояв Шаулида цадахъ ана. 15Давуд, цин Шаулихъе ун, цинги жиндирго инсул гӀи хьихьизе рокъове тӀадвуссун вукӀунаан.
16Пилистимав кӀикъого къоялъ щибаб рогьалида ва бакъанида вачӀун гӀизраилазда дандвитӀун эхетана.
17Цо къоялъ Йишайица жиндирго вас Давудида абуна:
«Вацазе чӀералъул таргьаги, анцӀго чедги босун, хехго дозухъе а. 18Гьаб анцӀго хӀанги босе азарилбетӀерасе сайгъаталъе. Вацазул ахӀвал-хӀал цӀехе ва къваригӀараб-тараб бугищалиги лъазабе», – ян. 19Гьел Шаулида ва гьесул рагъухъабазда цадахъ пилистималгун рагъизе ун Эла расалъиялда рукӀана.
20Давуд радалго тӀаде вахъун, гӀиялги цоги вехьасда тӀад къан тун, босун таргьа-къайигун, нухде къокъана Йишайица абураб гьабизе. БитӀун гьев гьезул къайи чӀвараб бакӀалде щвараб мехалъ, къватӀире рахъиналъул ахӀи бан рагъде хӀадурлъулел ратана аскариял. 21ГӀизраилалги пилистималги кьер-кьер гьабун цоцада дандритӀун чӀана.
22Кодоб букӀараб къайиги цо ворчӀухъанасда аскӀоб тун, Давуд вацазул ахӀвал-хӀал цӀехезе рагъухъаби чӀараб бакӀалде вортана. 23Вацазда кӀалъалев вукӀаго, пилистимазул рахъалдасан Голиафин цӀар бугев Гаталдаса речӀчӀухъан вачӀана цевегӀан ва долго рагӀабиги абун ахӀдана. Гьеб Давудида рагӀана. 24Голиаф вихьанщинахъе киналго гӀизраилал кутакалда гьесухъа хӀинкъун тӀурулаан.
25ГӀизраилаз цоцада абулеб букӀана:
«Балагье цо дов чиясухъ! ГӀизраил инжит гьабизе къваригӀарав чийин дов. Гьев чӀварав чиясе кӀудияб бечелъи кьезе рагӀула нилъер пачаяс. Гьединго гьесие жиндирго ясги кьезе йигейила, гьесул инсул хъизан-къаялдаса тӀокӀаб магъалоги тӀалаб гьабизе гьечӀебила», – ян.
26Цинги аскӀор рукӀарал чагӀазда цӀехана Давудица:
«Дов пилистимавги чӀван, гьаб инжитлъи ГӀизраилалда тӀаса босарав чиясе щибилая доб букӀине бугеб? Гьавго щив, суннат гьабичӀев#17:26 Бал. Байб. 17:10-11. Суннат гьаби – Аллагьас жиндиргун КъотӀи гьабураб халкъалъул чи жив вукӀиналъул гӀаламатлъун кколаан гьеб. пилистимав, чӀагояв Аллагьасул аскаразде гьадин рогьал разе ккани?»
27Гьадинги додинги гьабизе бугин дов чӀварав чиясеян гьез добго хабар такрар гьабуна.
28Гьедин Давуд рагъухъабазда гаргадилев вихьидал, гьесул кӀудияв вац Элиавил цӀакъ ццин бахъана ва гьес абуна:
«Мун гьанив щиб гьабулев вугев? Лъида тӀаде рехун тараб авлахъалда гьадинги гьитӀинаб доб гӀиял рехъен? Дида лъала дур хӀалихьалъи ва дур рекӀел квешлъи. Рагъухъ балагьизе бокьун вачӀарав чи вуго мун гьаниве», – ян.
29Давудица абуна: «Щиб дица гьабураб квешлъи? Дица кӀал рагьизегойищ бегьулареб?» – ин.
30Гьесда аскӀоса нахъе вилълъун, цоги чиясда кӀалъана Давуд добго жоги бицун, халкъалъги цебехунго бицараб такрар гьабуна. 31Давудил кӀалъай рагӀидал, гьез гьеб Шаулихъе щвезабуна, ва Шаулица гьесда хадур чагӀи ритӀана.
32Давудица Шаулида абуна: «Щивниги хӀинкъуге абе дов пилистимасукьа. Гьале дун, дур лагъ, ина гьесда данде ва чӀван рехила гьев».
33«Бажаруларо духъа дов пилистимасда данде вагъизе. Мун гьитӀинав гӀолохъанчи вуго, довин абуни гьитӀинаб къоялдасаго хӀалбихьи щварав рагъухъан вуго», – ян абуна Шаулица.
34Цинги Давудица абуна:
«Инсул гӀияда вехьлъи гьабурав чи вуго дун, дур лагъ. БачӀун гъалбацӀалъ, ялъуни циялъ рехъалъа чахъу хъамун араб мехалъ, 35гьелда хадув вортулаан дун, ва гьелда тӀадги речӀчӀун, кӀалдиса бахъулаан гьеб. Гьеб дида тӀад речӀчӀани, дица, щекъерги ккун гӀодоб кьабун чӀван рехулаан гьеб. 36ГъалбацӀ букӀа, ци букӀа батӀалъи гьечӀого, гьедин чӀвалаан. Дов суннат гьабичӀев пилистимасеги гьебго жо букӀине буго, щайгурелъул чӀагояв Аллагьасул аскаразде рогьо балеб бугелъул дос. 37ГъалбацӀалъул ва циялъул квачӀикьа дун чанги хвасар гьавурав БЕТӀЕРГЬАНАС дов пилистимасул квердасаги хвасар гьавила».
Цинги Шаулица абуна: «Вахъа, гьедин батани. БЕТӀЕРГЬАНАС кумек гьабеги дуе!» – ян.
38Шаулица жиндирго рагъде ретӀунеб ретӀел ретӀана Давудида. Мазгарул такъияги лъуна гьес Давудил ботӀрода ва черхалда къолденги ретӀана. 39Къолденалда тӀасан хвалченги борчана Давудица ва, цебе киданиги ретӀараб жо букӀинчӀелъул гьеб, дове-гьаниве хьвадизе хӀалбихьана.
«Дие санагӀат гьечӀо гьадин. Дун ругьунав гьечӀо гьал къолдабазде», – ян абуна гьес Шаулида ва тӀаса рахъун рехана гьел. 40Кодобе вехьасул тӀилги босана, лъарахъа тӀаса бищун щуго цӀвакараб гамачӀги лъуна вехьасул къвачӀиниб ва ганчӀал речӀчӀулеб алатги босун, пилистимасда данде вилълъана.
Давудица Голиаф чӀвай
41Хъалхъан баччулев чигун цадахъ пилистимавги лъугьана Давудида данде вачӀине. 42ТӀадвитӀарав, берцинаб куц-мухъалъул Давудида бер чӀвайдал, пилистимас гьев малъие гьавичӀо, щайгурелъул гьев гьитӀинав чи вукӀиндал.
43Пилистимас Давудида абуна: «Дун дуе гьойищ вугев, тӀилги кодоб ккун, мун дида данде вачӀине ккани?» – ян. Ва, жиндирго аллагьзабазул цӀарги бахъун, нагӀана кьуна гьес Давудие.
44Пилистимас Давудида абуна: «АскӀовегӀан вачӀа, дица зобалазул хӀанчӀазе ва гӀалхул жанаваразе, гьез тӀутӀун базе рехизе букӀине дурго къаркъала!» – ян.
45Давудица пилистимасе жаваб кьун абуна:
«Мун хвалченгун, хечгун ва хъалхъангун вачӀунев вуго дида данде, дунин абуни вачӀунев вуго дуца рогьо бан жинда тӀад кӀал кӀалъарав ГӀизраилалъул аскаразул Аллагьасул – Гучал Аскаразул БЕТӀЕРГЬАНАСУЛ кумекгун. 46Жакъа БЕТӀЕРГЬАНАС дир кверде кьезе вуго мун, ва, мунги чӀван, дур бетӀер нахъе къотӀизе буго. Гьале гьаб жакъа къоялъго пилистимазул жаназаби зобалазул хӀанчӀазе ва гӀалхул жанаваразе гьез тӀутӀун разе рехизе руго, ва тӀолабго дунялалда лъазе буго ГӀизраилгун Аллагь вукӀин. 47Гьанире ракӀарун ругелщиназда лъазе буго гьебмехалъ БЕТӀЕРГЬАНАСУЛ хвасарлъи я хвалчабазда, я хучдузда бараб букӀунареблъи. Гьаб рагъги БЕТӀЕРГЬАНАСУЛ бугелъул, Гьес нуж киналго нижехъе кверде кьезе руго».
48Давудида тӀад речӀчӀизе пилистимав гӀагарлъулаго, Давуд гьесда данде векерана. 49КъвачӀинибе кверги бегьун, гамачӀ босана Давудица, ва, гамачӀ речӀчӀулеб алаталдаги бан, хьвагӀун биччан тана битӀун пилистимасул нодо бакьулъе. Гьеб гамачӀ пилистимасул нодоялда къана, ва гьев кӀалагъоркье речӀчӀана. 50Гьедин пилистимасда тӀад бергьенлъи босана Давудица. Хвалчаца вагъун гуреб, гамачӀги речӀчӀун чӀвана пилистимав. 51Давуд гьесда аскӀове векерана, ва тӀадеги къулун, пилистимасул хвалчен лъалинисан бахъана. ЧӀван пилистимавгун, Давудица гьеб хвалчаца гьесул бетӀер тӀаса къотӀана.
Жидер бахӀарчи хун вукӀин бихьидал, кьурун нахъги руссун, тӀуризе лъугьана пилистимал. 52Гьебмехалъ ГӀизраилалъул ва Ягьудиялъул рагъухъабазда гьоркьоб ахӀи-хӀур бахъана, ва Гайалдеги Экроналъул кавабахъеги щвезегӀан тӀуризаруна пилистимал. Гаталде ва Экроналде щвезегӀан чӀван гӀодор лъурал пилистимазул къаркъалабазул цӀун букӀана Шаарималде унеб нух. 53Гьениса тӀадруссиндал, пилистимазул къайи чӀвараб бакӀ хъамал гьабуна гӀизраилаз. 54Давудица пилистимав Голиафил бетӀер Иерусалималде босана ва гьесул ярагъги жиндирго чадриниб жаниб лъуна.
Шаулица Давуд рагъухъабазул цевехъанлъун тей
55Пилистимасда данде унев Давуд вихьидал, Шаулица абуна жиндирго аскаразул бетӀер Авнерида: «Авнер, дов гӀолохъанчи лъил вас кколев?» – ин.
Авнерица абуна: «Дур гӀумруялхӀа, бетӀерчӀахъад, дида лъаларо», – ян.
56«Лъил вас дов кколевали лъазабе», – ян абуна пачаяс.
57Пилистимавги чӀван Давуд тӀадвуссиндал, Авнерица гьев Шаулихъе вачана. Давудихъ кодоб пилистимасул бетӀерги букӀана.
58«Мун лъил вас кколев, гӀолохъанчи?» – ян цӀехана гьесда Шаулица.
«Бет-Лехемалдаса Йишайил – дур лагъасул – вас вуго дун», – ин жаваб кьуна Давудица.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2005-2023