1 Пачаби 19
19
Давуд чӀвазе Шаул къеркьей
1Шаулица жиндирго вас Ионатанида ва киналго чукъбузда лъазабуна Давуд чӀвазе кколин. Амма Ионатание цӀакъ хирияв вукӀана Давуд. 2Ионатаница Давудида бицана гьелъул хӀакъалъулъ, ва гьес абуна:
«Дир эмен Шаулица мун чӀвазе сабаб балагьулеб буго. Мун метер радал, цӀодорлъи гьабун, цо бакӀалда вахчун чӀа. 3Мун вахчараб бакӀалда гӀагарлъухъе дун эменгун цадахъ вачӀина, ва гьениб дур хӀакъалъулъ инсуда кӀалъай гьабила. Хадуб кинабго дудаги бицина».
4Давудил хӀакъалъулъ лъикӀабщинаб бицана гьениб Ионатаница жиндирго эмен Шаулида, ва гьес инсуда абуна:
«Дир эмен, дур лагъ Давудие щибго квешлъи гьабуге, щайгурелъул гьес дуеги щибго зарал гьабичӀелъул. Гьелъул гӀаксалда, гьес дуе гӀемераб лъикӀлъи гьабуна. 5Жиндирго гӀумруялда хӀинкъи букӀаниги, пилистимавги чӀвана; доб мехалда БЕТӀЕРГЬАНАС тӀолабго ГӀизраилалъе кӀудияб бергьенлъиги кьуна, ва гьелдаса вохун вукӀана мунги. Щибго гӀилла гьечӀого Давудги чӀван, гӀайибго гьечӀев чиясда данде мунагь гьабун щай дуе?»
6Шаул Ионатанихъ гӀенеккана ва гьев гьесие гьедана: «БЕТӀЕРГЬАНАСУЛ цӀаралхӀаги Давуд чӀвазе гьечӀо», – ян.
7Цинги Ионатаница Давудиде ахӀана ва гьесда кинабго ккара-тараб бицана. Гьес Давуд Шаулихъе вачана, ва цевего гӀадин, Шаулил рокъов гьесие хъулухъалъе чӀана гьев.
Давуд Шаулихъа лъути
8Нахъеги рагъ ккана, ва Давуд пилистимазда данде вагъизе вахъана. Гьеб рагъулъги гьес тушбабазул хӀур гьабуна, ва хутӀарал пилистимал лъутун ана.
9Цо къоялъ кодоб ккун хечгун рокъов жанив гӀодов чӀун вукӀаго, БЕТӀЕРГЬАНАС квешаб рухӀ рещтӀинабуна Шаулиде. Давудица бакънал рачана. 10Цинги Шаул хантӀан Давудида хеч къазабизе вортана, гьев къелъ рекӀинавизе хиялгун, амма Давуд нахъе кӀанцӀун гьеб хеч къадалъ къана. Гьеб сордоялъ Давуд лъутун хвалдаса ворчӀана. 11Гьебмехалъ Шаулица Давудил рокъоре чагӀи ритӀана сордо борчӀун гьенир хал ккун чӀаян ва радакье гьев чӀваян буюрухъгун. Амма Давудил лъади Михалаца гьеб кинабго гьесда бицана.
«Гьаб сардилъ дурго гӀумру хвасар гьабун лъутичӀони, метер мун чӀвазе вуго», – ян абуна гьелъ гьесда.
12Цинги Михалаца гордухъа гӀодове лъугьине кумек гьабуна Давудие, ва гьев лъутун ворчӀана. 13Хадуб Михалаца босун терафим лъуна гьесул бакӀалда бусада; гьелъул ботӀрода цӀцӀел квасул гӀертелги бана, ва Давудил ретӀелги тӀаде рехун тӀупана гьеб.
14Шаулица Давудида хадур чагӀи ритӀун рачӀиндал, Михалаца гьев унтун вугин абуна.
15Гьебмехалъ Шаулица гьесде раккизеян чагӀи ритӀана ва гьезда лъазабуна: «Бусенгун цадахъ восе дов гьаниве дида цеве, дица чӀвазе вукӀине!» – ян.
16Амма гьел гьенире щведал, ботӀрода цӀцӀел квасул гӀертелги бараб терафим гурони батичӀо бусада.
17Шаулица Михалада гьикъана: «Щай дунги махсароде ккун, дир тушман лъутизе виччарав дуца?» – ян.
«Дун виччан течӀони, дица мун чӀвала», – ян абуна дос жиндаян жаваб кьуна Михалаца.
Давуд Рамаялде Шамуилихъе лъути
18Давуд лъутун Рамаялде Шамуилихъе ана, ва Шаулица гьабурабщинаб гьесда бицана. Цинги гьел Найоталде рилълъана ва гьенир чӀана.
19«Давуд Рамаялда бугеб Найоталда вуго», – ян абураб хабар Шаулихъе щвана. 20Шаулица гьенире гьев кквезе чагӀи ритӀана. Амма Шамуилил нухмалъиялда гъоркь Аллагьасе рецц гьабулел аварагзабазул къокъа бихьидал, Шаулил чагӀазда тӀадеги Аллагьасул РухӀ рещтӀана, ва гьелги Аллагьасе рецц гьабизе лъугьана. 21Шаулида гьеб рагӀидал, гьес тӀадеги чагӀи ритӀана, амма гьелги лъугьана Аллагьасе рецц гьабизе. Лъабабилеб нухалъги ритӀана Шаулица чагӀи, амма гьелги лъугьана Аллагьасе рецц гьабизе. 22Ахирги гьев живго нухде вахъана, Рамаялде ине къасдгун, ва Секуялда бугеб кӀудияб лъадал гъуялда аскӀове щвана. Шамуилги Давудги кир ругелан цӀех-рех гьабуна гьес; гьел Рамаялъул Найоталда ругилан бицана гьесда.
23Шаулица Найоталде нух босана. Амма гьесда тӀадеги рещтӀана БетӀергьанасул РухӀ ва, Аллагьасе реццги гьабулаго, унев вукӀана гьев Найоталде щвезегӀан. 24Аварагзабазда релълъун, тӀаса бахъун гӀабагун, Шамуилида цевеги Аллагьасе рецц гьабизе лъугьана Шаул; гьеб хӀалалъ, тӀубараб къоялъ ва сордоялъ, чӀарбида кӀалагъоркье ккун вукӀана гьев. Гьединлъидалин гӀадамазда гьоркьоб аби ккараб: «Вай, Шаулгийищха авараглъун вахъарав?!» – абун.
S'ha seleccionat:
1 Пачаби 19: АварАК
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2005-2023
1 Пачаби 19
19
Давуд чӀвазе Шаул къеркьей
1Шаулица жиндирго вас Ионатанида ва киналго чукъбузда лъазабуна Давуд чӀвазе кколин. Амма Ионатание цӀакъ хирияв вукӀана Давуд. 2Ионатаница Давудида бицана гьелъул хӀакъалъулъ, ва гьес абуна:
«Дир эмен Шаулица мун чӀвазе сабаб балагьулеб буго. Мун метер радал, цӀодорлъи гьабун, цо бакӀалда вахчун чӀа. 3Мун вахчараб бакӀалда гӀагарлъухъе дун эменгун цадахъ вачӀина, ва гьениб дур хӀакъалъулъ инсуда кӀалъай гьабила. Хадуб кинабго дудаги бицина».
4Давудил хӀакъалъулъ лъикӀабщинаб бицана гьениб Ионатаница жиндирго эмен Шаулида, ва гьес инсуда абуна:
«Дир эмен, дур лагъ Давудие щибго квешлъи гьабуге, щайгурелъул гьес дуеги щибго зарал гьабичӀелъул. Гьелъул гӀаксалда, гьес дуе гӀемераб лъикӀлъи гьабуна. 5Жиндирго гӀумруялда хӀинкъи букӀаниги, пилистимавги чӀвана; доб мехалда БЕТӀЕРГЬАНАС тӀолабго ГӀизраилалъе кӀудияб бергьенлъиги кьуна, ва гьелдаса вохун вукӀана мунги. Щибго гӀилла гьечӀого Давудги чӀван, гӀайибго гьечӀев чиясда данде мунагь гьабун щай дуе?»
6Шаул Ионатанихъ гӀенеккана ва гьев гьесие гьедана: «БЕТӀЕРГЬАНАСУЛ цӀаралхӀаги Давуд чӀвазе гьечӀо», – ян.
7Цинги Ионатаница Давудиде ахӀана ва гьесда кинабго ккара-тараб бицана. Гьес Давуд Шаулихъе вачана, ва цевего гӀадин, Шаулил рокъов гьесие хъулухъалъе чӀана гьев.
Давуд Шаулихъа лъути
8Нахъеги рагъ ккана, ва Давуд пилистимазда данде вагъизе вахъана. Гьеб рагъулъги гьес тушбабазул хӀур гьабуна, ва хутӀарал пилистимал лъутун ана.
9Цо къоялъ кодоб ккун хечгун рокъов жанив гӀодов чӀун вукӀаго, БЕТӀЕРГЬАНАС квешаб рухӀ рещтӀинабуна Шаулиде. Давудица бакънал рачана. 10Цинги Шаул хантӀан Давудида хеч къазабизе вортана, гьев къелъ рекӀинавизе хиялгун, амма Давуд нахъе кӀанцӀун гьеб хеч къадалъ къана. Гьеб сордоялъ Давуд лъутун хвалдаса ворчӀана. 11Гьебмехалъ Шаулица Давудил рокъоре чагӀи ритӀана сордо борчӀун гьенир хал ккун чӀаян ва радакье гьев чӀваян буюрухъгун. Амма Давудил лъади Михалаца гьеб кинабго гьесда бицана.
«Гьаб сардилъ дурго гӀумру хвасар гьабун лъутичӀони, метер мун чӀвазе вуго», – ян абуна гьелъ гьесда.
12Цинги Михалаца гордухъа гӀодове лъугьине кумек гьабуна Давудие, ва гьев лъутун ворчӀана. 13Хадуб Михалаца босун терафим лъуна гьесул бакӀалда бусада; гьелъул ботӀрода цӀцӀел квасул гӀертелги бана, ва Давудил ретӀелги тӀаде рехун тӀупана гьеб.
14Шаулица Давудида хадур чагӀи ритӀун рачӀиндал, Михалаца гьев унтун вугин абуна.
15Гьебмехалъ Шаулица гьесде раккизеян чагӀи ритӀана ва гьезда лъазабуна: «Бусенгун цадахъ восе дов гьаниве дида цеве, дица чӀвазе вукӀине!» – ян.
16Амма гьел гьенире щведал, ботӀрода цӀцӀел квасул гӀертелги бараб терафим гурони батичӀо бусада.
17Шаулица Михалада гьикъана: «Щай дунги махсароде ккун, дир тушман лъутизе виччарав дуца?» – ян.
«Дун виччан течӀони, дица мун чӀвала», – ян абуна дос жиндаян жаваб кьуна Михалаца.
Давуд Рамаялде Шамуилихъе лъути
18Давуд лъутун Рамаялде Шамуилихъе ана, ва Шаулица гьабурабщинаб гьесда бицана. Цинги гьел Найоталде рилълъана ва гьенир чӀана.
19«Давуд Рамаялда бугеб Найоталда вуго», – ян абураб хабар Шаулихъе щвана. 20Шаулица гьенире гьев кквезе чагӀи ритӀана. Амма Шамуилил нухмалъиялда гъоркь Аллагьасе рецц гьабулел аварагзабазул къокъа бихьидал, Шаулил чагӀазда тӀадеги Аллагьасул РухӀ рещтӀана, ва гьелги Аллагьасе рецц гьабизе лъугьана. 21Шаулида гьеб рагӀидал, гьес тӀадеги чагӀи ритӀана, амма гьелги лъугьана Аллагьасе рецц гьабизе. Лъабабилеб нухалъги ритӀана Шаулица чагӀи, амма гьелги лъугьана Аллагьасе рецц гьабизе. 22Ахирги гьев живго нухде вахъана, Рамаялде ине къасдгун, ва Секуялда бугеб кӀудияб лъадал гъуялда аскӀове щвана. Шамуилги Давудги кир ругелан цӀех-рех гьабуна гьес; гьел Рамаялъул Найоталда ругилан бицана гьесда.
23Шаулица Найоталде нух босана. Амма гьесда тӀадеги рещтӀана БетӀергьанасул РухӀ ва, Аллагьасе реццги гьабулаго, унев вукӀана гьев Найоталде щвезегӀан. 24Аварагзабазда релълъун, тӀаса бахъун гӀабагун, Шамуилида цевеги Аллагьасе рецц гьабизе лъугьана Шаул; гьеб хӀалалъ, тӀубараб къоялъ ва сордоялъ, чӀарбида кӀалагъоркье ккун вукӀана гьев. Гьединлъидалин гӀадамазда гьоркьоб аби ккараб: «Вай, Шаулгийищха авараглъун вахъарав?!» – абун.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2005-2023