लूको 24
24
यीशु यह्च़ा श्रींङी
(मत्ती 28:1-7; मरकु 16:1-8; यहून्न 20:1-10)
1पर हप्ता ओ मुण्डो ध्याड़ा रिंङ मुंजे सरके दोरे मेच़मीरे दुह रूठे बासारंङ चीज़ारे अंऊ दोच़ी तेयार लहसी ताहरेर, रेंज़ा कब्रङ अतिरे। 2दोच़ी रघ कब्रो दोरच़ी एखा तंङातोर, 3पर अंद्रेग इलजे प्रभु यीशु फुक माह खोक्शातोर। 4दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे। 5दोरे मेच़मीरे बेवा इलिरे दंङ पुंज़ा कोंङा लेह खड़े तोईरे दंङ दोकु गंङमी ज़ि दोतंङ कुहतोर, केहरे श्रींङी दोबि सिए दोतु बिचंङ छिला पेट्रातंई? 6दुह देहर माह, पर षिङे इलज़ा तोह, हिद लांई कि दोई गलील प्रदेशंङ बंङज़ा दोहपल केहतु हखा कुहते, 7“दिह ज़रूरी तोह कि गेह मीहू योह पापीतु गुहड़िंङ च़ुमसा योग, दंङ क्रूसंङ केओर, दंङ षुमु ध्याड़ो थल षिङे योग।” 8दंङ दोऊ गप्पारे दोतिंङ हिद अति, कि यीशु ज़ि दिह गप्पारे ज़रुर कुहते।
9दंङ कब्रङ ज़ि यह्च़ा दोच़ी दुह सनी चेला तिंङ ए ऊई भत्ते मीहतिंङ दिह भत्ते गप्पारे कंज़ातोर। 10अच़ि चेला तु हखा दिह गप्पारे कुंई कि दोरे मगदल शहरो मरियम ए योअन्ना ए याकूबो याह मरियम ए दोतंङ साते ऊहई मेच़मीरे लाह तोईरे। 11पर दोतु गप्पारे दोतिंङ कथा ओ ठ्रोह चेहसिरे, दंङ दोति दोतु टोहकठे विशवास माह शुई। 12दंङ पतरसे अहच़ा कब्रो हखा ज़रका रंणी दंङ कोंङा शुहचे सिर्फ खमज़ेर तंङातोह, दंङ छि शुहचे तोहई दोऊ हेरानी चेहके एनोह चुंखा अहच़ा इलि।
इम्माऊसो अमरिंङ झुह्ट चेला तंङ साते
(मरकु 16:12-13)
13दुए ध्याड़ारिंङ यीशु झुह्ट चेलारे इम्पाऊस मिन्दु नगरीऊ हखा इपि लेहकी तोईरे, अंऊ यरूशलेम शहरंङज़ि निज़ मील (11 किलो मीटर) ओईतार तोहई। 14दंङ दोरे दुह गप्पारे अंऊ शुहते, एनातु विचंङ गप्पा लेह इबि लेहकी तोईरे। 15अपेहल दोकु एनातु बिचंङ गप्पा लाहतेर ए रूहक्च़ातेर, दंङ यीशु दोतु कछंङ अंज़े दोतंङ साते जोई लेहती। 16पर परमेश्वरे दोतु टिरारे झांह ठ्रोह बंद लहसी तहरे कि दोरे यीशुबि सेहषी मरपोर। 17यीशु ज़ि दोतंङ साते कुंई, “दिह छि गप्पारे शुहरे अंऊ केहच़ी जोज़ा-जोज़ा केनातु बिचंङ लहज़ातंई?” दोरे चसा इलिर दंङ दोतु मोह्द रिंङ परेशानी तोहई। 18दिह रेड्रीरंङ दोतु बिचंङ च़ि किल्योपास मिन्दु इच्च़ा मीह ज़ि कुहतो, “शायद कांह यरूशलेम शहरंङ इच्च़ा ए झांह ठ्रोह इच्च़ा मीह शुनाह, अच़ि दि माह ञेंहच़ा कि दिऊवर देहर छि शुहते?” 19“यीशु ज़ि दोतंङ रुहक्तो, छि गप्पारे?” दोच़ी दोबि कुहतोर, “नासरत नगरो यीशु मसीहू गप्पा अरी परमेश्वर ए भत्ते मीहतु कछंङ कम ए बचनरिंङ सामर्थी भविष्यवक्ता तोहई। 20यहुदी मोह्ड़े पुरोहित ए यहुदी मुख्या दुह च़ुमसी लाहतोर कि दोबि सिमी सज़ा रंड्री जूंस; दंङ दोच़ी दोबि क्रूसंङ चढ़ाके केहतोर। 21पर ञेंतिंङ उम्मीद तोहई कि दोई ए इस्राएल देशो मीहतिंङ रोम देशो मीहतु गुलामी दोरच़ी छुटकारा रमतो। दंङ दिह भत्ते गप्पारे शुहचे तोग षुमु ध्याड़ा शुहचे इलज़ा, 22दा ञेंहतु मंडलीऊ बिचंङज़ि रेह मेच़िमिच़ि ला ञेंहरे ठट् लेह केहतोर, अरी तोग मुंजे सरके कब्रङ इलदेर। 23दोच़ी कुट्रातोर कि यीशु फुक दोर तिंङ माह दंङ दिह कुट्रा अन्देर कि ञेंहच़ी स्वर्गदूतारे खंयातो, अच़ि कुट्रातेर कि यीशु षीङे तोह। 24दंङ ञेंहतु साथीतु बिचंङज़ि रेह मीहरे कब्रङ इलदेर, दंङ छना मेच़िमी च़ि कुहतेर दोच़ी ध्वांए खंयातेर; कि यीशु दोर तिंङ माह तोहई।” 25दोहपल यीशु ज़ि दोकु झुल्ला चेला तु हखा कुंई, “हे मुर्खारे, छिला धिर भविष्यवक्ताज़ि पवित्र शास्त्रारिंङ च़ेहसी ततोर केहच़ी दोतु टोहकठे बिशवास लहज़ी महसे खरे चेहच़ातन। 26दिह ज़रूरी तोहई कि मसीह ज़ि दिह भत्ते दुख उठाएपोतो दंङ यच़ाह एनोह महिमा रिंङ प्रवेश लोहतो।” 27दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।
28दोहपल दोरे दुह नगरीऊ कछंङ पिचा इलिर अंऊर दोरे इपि लेहकी तोईरे। यीशु बि खंड्रीरंङ साते झांह चेहसाते कि दुह तुंखा इबि तते। 29पर दोच़ी दिह कुचे यीशु बि रुमज़े लहरिर, “ञेंतंङ साते बंङज़ु, छना कुचे ञोंकोल शुहचे इलज़ा दंङ हंयार शुहचे इलज़ा। दंङ दुह दोतंङ साते बंङज़िमी थल्जी तोंखा अच्च़ा इलि।” 30अपेहल दुह दोतंङ साते बगत ज़ेई बंङज़िरी, दंङ दोई रोटी लेहपच़े परमेश्वरो धन्यवाद लहरी, दंङ थकशे दोतिंङ रंड्री लेहती। 31दोहपल दोतु टिरारे अल्सा इलिरे; दंङ दोच़ी दुह सेह्के केहरिर, दंङ यीशु दोतु तुईज़ी रिहप्सा इलि। 32दोकुई एनातु बिचंङ कुड़िर, “अपेहल दुह अमरिंङ हेन्दंङ साते गप्पा लाहते पवित्रशास्त्रो मतलब कंड्राते, दंङ छि हेंदु सेहमरिंङ उम्मीद माह शुहतेआ?” 33दोरे दोथरे अहच़ा दंङ यरूशलेम शहरो हखा यह्च़ा इलिरे, दंङ दुह सनी चेलार ए दोतु साथिरे ठ्रोहका खोक्शातोर। 34अपेहल दोरे दोर तिंङ पिचातोर ता दोच़ी दुह सेहदि चेलाज़ि कुईर कि, “प्रभु यीशु मसीह हेले षिङे इलज़ा दंङ पतरस बि तंङशद।” 35दंङ दुह झुह्ट चेलाज़ि अमु भत्ते गप्पारे दोतिंङ कंज़ातोर दंङ दिह लाह कि अपेहल यीशु रोटी खंणी लेह लेहकी तोहई ता दोच़ी दुह सेहच़े च़रतिर।
यीशु एनोह चेला तिंङ तंङफी
(यहून्न 20:19-23)
36दोरे दिह गप्पारे कुट्री ए लेहकी तोईरे कि यीशु ऐनाह ए दोतु बिचंङ अंज़े प्रगट शुहचे इलि दंङ दोतंङ साते कुहतो, “केतिंङ शांति खोकसी जूंस।” 37पर दोरे भत्ते बेवा इलिरे, दंङ दोच़ी चेहतिर कि ञेंहरे अरीया आत्मा तंङातन। 38यीशु ज़ि दोतंङ साते कुंई, छिले बेवातंई? दंङ केहच़ी सेहमरिंङ शक छिले लहज़ातंई? 39“गिऊ गुहड़ ए कोन्ज़ारे खांई कि गेह दुहए शुगाह! गीहबी पछ रेंऐ खांई छना कुचे आत्माबि रूहसपारे शाह माह शुहबी छना गिऊ दोहर खंड्रातंई।”
40दिह कुचे यीशु ज़ि एनोह गुहड़ कोन्ज़ारे कंज़ातो। 41अपेहल महस खुशी रंङ साते दोतिंङ विशवास माह शुई कि यीशु षीङे इलजे तोहई, दंङ दोरे ठट् शुहचे इलजी तोईरे, दंङ यीशु ज़ि दोरे रुहक्ती, “छि केहच़ी देहर छाह बगत तातंई आ?” 42दंङ दोच़ी यीशु बि लाहमसी मह्छ़ खन्नी रान्दोहर। 43यीशु ज़ि मह्छ़ लेहपच़े दोतु तुईज़ी ज़तो। 44दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।” 45दंङ यीशु ज़ि पवित्रशास्त्र ञेंच़िमी थल्जी दोतिंङ मदत लहरी, 46दंङ दोतंङ साते कुतोह, “पवित्रशास्त्रा रिंङ झांह च़ेहसी तोह कि मसीह ज़ि दुख उठापोतो, दंङ तीसरा ध्याड़ारिंङ सिए दोतु बिचंङज़ि षिङे योतो, 47दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो। 48केहरे दिह भत्ते गप्पातु गवाह शुई। 49दंङ गेह घेंङा ए केहतु टोईच़ी पवित्र आत्माबि च़रपोग, अतु वाईदा गिऊ बाह ज़ि लहसी ततो। पर केतिंङ दोहपल तचेक यरूशलेम शहरंङ रुमज़ी लेह्पोतो अपेहल तचेक केतिंङ स्वर्गो दोरच़ी सामर्थ माह खोकसोतो।”
यीशु सर्गो हखा इबी
(मरकु 16:19,20)
50दंङ यीशु दोतिंङ शहरंङच़ि धह्कते बैतनिय्याह नगरो कछंङ रेंज़ा शिली, दंङ एनोह गुहड़ खेका लेह दोतिंङ आशीष रेंई। 51दंङ दोतिंङ आशीष रेंऐ यीशु दोतंङ शत्ह शुहचे इलि दंङ स्वर्गो हखा रेंज़ा शीलिरे। 52चेलाज़ि प्रभु यीशु अराधना लहरिर दंङ महस राजी शुहचे यरूशलेम शहरो हखा वापिस अच़ा अतिरे; 53दंङ दोरे लगातार यहुदी मंदिरंङ ठ्रोहका शुहचे परमेश्वरो स्तुति लोहवा लाहतेर।
S'ha seleccionat:
लूको 24: LBFNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 24
24
यीशु यह्च़ा श्रींङी
(मत्ती 28:1-7; मरकु 16:1-8; यहून्न 20:1-10)
1पर हप्ता ओ मुण्डो ध्याड़ा रिंङ मुंजे सरके दोरे मेच़मीरे दुह रूठे बासारंङ चीज़ारे अंऊ दोच़ी तेयार लहसी ताहरेर, रेंज़ा कब्रङ अतिरे। 2दोच़ी रघ कब्रो दोरच़ी एखा तंङातोर, 3पर अंद्रेग इलजे प्रभु यीशु फुक माह खोक्शातोर। 4दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे। 5दोरे मेच़मीरे बेवा इलिरे दंङ पुंज़ा कोंङा लेह खड़े तोईरे दंङ दोकु गंङमी ज़ि दोतंङ कुहतोर, केहरे श्रींङी दोबि सिए दोतु बिचंङ छिला पेट्रातंई? 6दुह देहर माह, पर षिङे इलज़ा तोह, हिद लांई कि दोई गलील प्रदेशंङ बंङज़ा दोहपल केहतु हखा कुहते, 7“दिह ज़रूरी तोह कि गेह मीहू योह पापीतु गुहड़िंङ च़ुमसा योग, दंङ क्रूसंङ केओर, दंङ षुमु ध्याड़ो थल षिङे योग।” 8दंङ दोऊ गप्पारे दोतिंङ हिद अति, कि यीशु ज़ि दिह गप्पारे ज़रुर कुहते।
9दंङ कब्रङ ज़ि यह्च़ा दोच़ी दुह सनी चेला तिंङ ए ऊई भत्ते मीहतिंङ दिह भत्ते गप्पारे कंज़ातोर। 10अच़ि चेला तु हखा दिह गप्पारे कुंई कि दोरे मगदल शहरो मरियम ए योअन्ना ए याकूबो याह मरियम ए दोतंङ साते ऊहई मेच़मीरे लाह तोईरे। 11पर दोतु गप्पारे दोतिंङ कथा ओ ठ्रोह चेहसिरे, दंङ दोति दोतु टोहकठे विशवास माह शुई। 12दंङ पतरसे अहच़ा कब्रो हखा ज़रका रंणी दंङ कोंङा शुहचे सिर्फ खमज़ेर तंङातोह, दंङ छि शुहचे तोहई दोऊ हेरानी चेहके एनोह चुंखा अहच़ा इलि।
इम्माऊसो अमरिंङ झुह्ट चेला तंङ साते
(मरकु 16:12-13)
13दुए ध्याड़ारिंङ यीशु झुह्ट चेलारे इम्पाऊस मिन्दु नगरीऊ हखा इपि लेहकी तोईरे, अंऊ यरूशलेम शहरंङज़ि निज़ मील (11 किलो मीटर) ओईतार तोहई। 14दंङ दोरे दुह गप्पारे अंऊ शुहते, एनातु विचंङ गप्पा लेह इबि लेहकी तोईरे। 15अपेहल दोकु एनातु बिचंङ गप्पा लाहतेर ए रूहक्च़ातेर, दंङ यीशु दोतु कछंङ अंज़े दोतंङ साते जोई लेहती। 16पर परमेश्वरे दोतु टिरारे झांह ठ्रोह बंद लहसी तहरे कि दोरे यीशुबि सेहषी मरपोर। 17यीशु ज़ि दोतंङ साते कुंई, “दिह छि गप्पारे शुहरे अंऊ केहच़ी जोज़ा-जोज़ा केनातु बिचंङ लहज़ातंई?” दोरे चसा इलिर दंङ दोतु मोह्द रिंङ परेशानी तोहई। 18दिह रेड्रीरंङ दोतु बिचंङ च़ि किल्योपास मिन्दु इच्च़ा मीह ज़ि कुहतो, “शायद कांह यरूशलेम शहरंङ इच्च़ा ए झांह ठ्रोह इच्च़ा मीह शुनाह, अच़ि दि माह ञेंहच़ा कि दिऊवर देहर छि शुहते?” 19“यीशु ज़ि दोतंङ रुहक्तो, छि गप्पारे?” दोच़ी दोबि कुहतोर, “नासरत नगरो यीशु मसीहू गप्पा अरी परमेश्वर ए भत्ते मीहतु कछंङ कम ए बचनरिंङ सामर्थी भविष्यवक्ता तोहई। 20यहुदी मोह्ड़े पुरोहित ए यहुदी मुख्या दुह च़ुमसी लाहतोर कि दोबि सिमी सज़ा रंड्री जूंस; दंङ दोच़ी दोबि क्रूसंङ चढ़ाके केहतोर। 21पर ञेंतिंङ उम्मीद तोहई कि दोई ए इस्राएल देशो मीहतिंङ रोम देशो मीहतु गुलामी दोरच़ी छुटकारा रमतो। दंङ दिह भत्ते गप्पारे शुहचे तोग षुमु ध्याड़ा शुहचे इलज़ा, 22दा ञेंहतु मंडलीऊ बिचंङज़ि रेह मेच़िमिच़ि ला ञेंहरे ठट् लेह केहतोर, अरी तोग मुंजे सरके कब्रङ इलदेर। 23दोच़ी कुट्रातोर कि यीशु फुक दोर तिंङ माह दंङ दिह कुट्रा अन्देर कि ञेंहच़ी स्वर्गदूतारे खंयातो, अच़ि कुट्रातेर कि यीशु षीङे तोह। 24दंङ ञेंहतु साथीतु बिचंङज़ि रेह मीहरे कब्रङ इलदेर, दंङ छना मेच़िमी च़ि कुहतेर दोच़ी ध्वांए खंयातेर; कि यीशु दोर तिंङ माह तोहई।” 25दोहपल यीशु ज़ि दोकु झुल्ला चेला तु हखा कुंई, “हे मुर्खारे, छिला धिर भविष्यवक्ताज़ि पवित्र शास्त्रारिंङ च़ेहसी ततोर केहच़ी दोतु टोहकठे बिशवास लहज़ी महसे खरे चेहच़ातन। 26दिह ज़रूरी तोहई कि मसीह ज़ि दिह भत्ते दुख उठाएपोतो दंङ यच़ाह एनोह महिमा रिंङ प्रवेश लोहतो।” 27दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।
28दोहपल दोरे दुह नगरीऊ कछंङ पिचा इलिर अंऊर दोरे इपि लेहकी तोईरे। यीशु बि खंड्रीरंङ साते झांह चेहसाते कि दुह तुंखा इबि तते। 29पर दोच़ी दिह कुचे यीशु बि रुमज़े लहरिर, “ञेंतंङ साते बंङज़ु, छना कुचे ञोंकोल शुहचे इलज़ा दंङ हंयार शुहचे इलज़ा। दंङ दुह दोतंङ साते बंङज़िमी थल्जी तोंखा अच्च़ा इलि।” 30अपेहल दुह दोतंङ साते बगत ज़ेई बंङज़िरी, दंङ दोई रोटी लेहपच़े परमेश्वरो धन्यवाद लहरी, दंङ थकशे दोतिंङ रंड्री लेहती। 31दोहपल दोतु टिरारे अल्सा इलिरे; दंङ दोच़ी दुह सेह्के केहरिर, दंङ यीशु दोतु तुईज़ी रिहप्सा इलि। 32दोकुई एनातु बिचंङ कुड़िर, “अपेहल दुह अमरिंङ हेन्दंङ साते गप्पा लाहते पवित्रशास्त्रो मतलब कंड्राते, दंङ छि हेंदु सेहमरिंङ उम्मीद माह शुहतेआ?” 33दोरे दोथरे अहच़ा दंङ यरूशलेम शहरो हखा यह्च़ा इलिरे, दंङ दुह सनी चेलार ए दोतु साथिरे ठ्रोहका खोक्शातोर। 34अपेहल दोरे दोर तिंङ पिचातोर ता दोच़ी दुह सेहदि चेलाज़ि कुईर कि, “प्रभु यीशु मसीह हेले षिङे इलज़ा दंङ पतरस बि तंङशद।” 35दंङ दुह झुह्ट चेलाज़ि अमु भत्ते गप्पारे दोतिंङ कंज़ातोर दंङ दिह लाह कि अपेहल यीशु रोटी खंणी लेह लेहकी तोहई ता दोच़ी दुह सेहच़े च़रतिर।
यीशु एनोह चेला तिंङ तंङफी
(यहून्न 20:19-23)
36दोरे दिह गप्पारे कुट्री ए लेहकी तोईरे कि यीशु ऐनाह ए दोतु बिचंङ अंज़े प्रगट शुहचे इलि दंङ दोतंङ साते कुहतो, “केतिंङ शांति खोकसी जूंस।” 37पर दोरे भत्ते बेवा इलिरे, दंङ दोच़ी चेहतिर कि ञेंहरे अरीया आत्मा तंङातन। 38यीशु ज़ि दोतंङ साते कुंई, छिले बेवातंई? दंङ केहच़ी सेहमरिंङ शक छिले लहज़ातंई? 39“गिऊ गुहड़ ए कोन्ज़ारे खांई कि गेह दुहए शुगाह! गीहबी पछ रेंऐ खांई छना कुचे आत्माबि रूहसपारे शाह माह शुहबी छना गिऊ दोहर खंड्रातंई।”
40दिह कुचे यीशु ज़ि एनोह गुहड़ कोन्ज़ारे कंज़ातो। 41अपेहल महस खुशी रंङ साते दोतिंङ विशवास माह शुई कि यीशु षीङे इलजे तोहई, दंङ दोरे ठट् शुहचे इलजी तोईरे, दंङ यीशु ज़ि दोरे रुहक्ती, “छि केहच़ी देहर छाह बगत तातंई आ?” 42दंङ दोच़ी यीशु बि लाहमसी मह्छ़ खन्नी रान्दोहर। 43यीशु ज़ि मह्छ़ लेहपच़े दोतु तुईज़ी ज़तो। 44दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।” 45दंङ यीशु ज़ि पवित्रशास्त्र ञेंच़िमी थल्जी दोतिंङ मदत लहरी, 46दंङ दोतंङ साते कुतोह, “पवित्रशास्त्रा रिंङ झांह च़ेहसी तोह कि मसीह ज़ि दुख उठापोतो, दंङ तीसरा ध्याड़ारिंङ सिए दोतु बिचंङज़ि षिङे योतो, 47दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो। 48केहरे दिह भत्ते गप्पातु गवाह शुई। 49दंङ गेह घेंङा ए केहतु टोईच़ी पवित्र आत्माबि च़रपोग, अतु वाईदा गिऊ बाह ज़ि लहसी ततो। पर केतिंङ दोहपल तचेक यरूशलेम शहरंङ रुमज़ी लेह्पोतो अपेहल तचेक केतिंङ स्वर्गो दोरच़ी सामर्थ माह खोकसोतो।”
यीशु सर्गो हखा इबी
(मरकु 16:19,20)
50दंङ यीशु दोतिंङ शहरंङच़ि धह्कते बैतनिय्याह नगरो कछंङ रेंज़ा शिली, दंङ एनोह गुहड़ खेका लेह दोतिंङ आशीष रेंई। 51दंङ दोतिंङ आशीष रेंऐ यीशु दोतंङ शत्ह शुहचे इलि दंङ स्वर्गो हखा रेंज़ा शीलिरे। 52चेलाज़ि प्रभु यीशु अराधना लहरिर दंङ महस राजी शुहचे यरूशलेम शहरो हखा वापिस अच़ा अतिरे; 53दंङ दोरे लगातार यहुदी मंदिरंङ ठ्रोहका शुहचे परमेश्वरो स्तुति लोहवा लाहतेर।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.