Lukas 16
16
U Talinhaga Tungkul tu Katiwala nu Mayaman a Lállake
1Nadid, kinagi pa ni Jesus tu disepulus na hide, “Tehhod a essa a mayaman a te katiwala. Te nagpilet nikuna a ginággastus nu katiwala u kabiyagen na. 2Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’ 3Kinagi nu katiwala tu sadile na, ‘Ánya dán gimitán kuway nadid? Ibutanák dán nu amo ko a katiwala na. Awan ko kaya a magtarabaho ti luta sakay masanikiyák be a máklimus. 4A, konna he i gimitán kuway tánni maski maibutanák tu tarabaho ko ay tehhodák palla a barkada a mangtanggap nikán tu bilay de!’ 5Kaya inessa-essa na a dinulawan u tehhod hide a utang tu amo na. Tinanung na u dipalongo, ‘Sangan utang muway tu amo ko?’ 6Timmábbeg siya, ‘Essa a datos a tapayan a langis.’ Sakay kinagi nu katiwala nikuna, ‘Salaáy u listaan nu utang mo. Magalisto ka! Mággetnod ka sakay isulat mo dálla a limma a pulo.’ 7Sakay kinagi na tu kaduwwa, ‘Ay hiko, sangan utang muway?’ Timmábbeg siya, ‘Essa a datos a kostal a trigu.’ Kinagi nu katiwala nikuna, ‘Salaáy u listaan nu utang mo hide, isulat mo dálla a walo a pulo.’ 8Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”
9Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet. 10U mapagkatiwalaan ti badit a bagay ay mapagkatiwalaan be ti dakál a bagay sakay ni deya man u mangdaya tu badit a bagay ay magdaya be tu dakál a bagay. 11Kaya ni awan kam mapagkatiwalaan tu kayamanan ti munduwáy, deya u magtiwala nikam tu tunay a kayamanan? 12Ni awan kam mapagkatiwalaan tu kayamanan nu agum ay awan kam be mapagkatiwalaan tu tatahoden a kayamanan a para nikam.
13Awan maare a pagsabayán a serbiyan nu essa a utusan u duwwa a amo dipo kaiyamutan na u essa sakay mahalán na u essa. Pagserbiyan na ti husto u essa sakay awan na pospusán u essa. Awan moy maare a pagsabayán a serbiyan u Diyos sakay u kayamanan.”
Nagkagiyan ni Jesus u Pariseo hide
(Mateo 11:12-13; 5:31-32; Markos 10:11-12)
14Nikuna masaneg iye nu Pariseo hide ay kinatawaan de ti Jesus dipo masássohan hide ti pilak. 15Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”
16“U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod. 17Pero mas alisto pa a mawan u langet sakay tu luta, nan mawanan ti bisa u kabadit-baditan a parte nu kautusan.
18U lállake a summina tu kabanga na sakay mákkabanga ti iba ay nangibábbey, sakay u mangkabanga tu bábbey a sininaan ay mángibabbey labe.”
U Mayaman sakay ti Lazaro
19Nadid, kinagi pa ni Jesus, “Te essa a mayaman a mágbabihisan ti mágkamahal a damit sakay makpal a sare-sare a makan ti aldew-aldew. 20Sakay tehhod be a essa a mahirap a putat ti talingo u bággi na, sakay mágkatdug tu pintuwan nu mayaman, u ngahan na ay ti Lazaro. 21U áasaan na a kanán ay u nágketápduk hide a mumo tu lamisaan nu mayaman. Kaya adeniyan siya nu aso hide sakay dáddeldelan u talingo na. 22Natay u mahirap kaya inyangay nu anghel hide u kaliduwwa na tu páppagyanan ni Abraham. Natay be u mayaman sakay nelábbáng. 23Sakay tu bállog nu págtatiis na tu lugar nu patay hide sakay timmangad u mayaman netánnawan na tu adeyo ti Abraham a kaguman na ti Lazaro. 24Kaya pimmákhaw siya, ‘Ama a Abraham, kagbiyanák pay, utusan mo pay ti Lazaro a ilogbut na u toldu na tu dinom sakay ipatuhog na ti dila kuwáy dipo maghirapák dán ti magdalob-dalubáy a apoy.’ 25Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina. 26Bakán la ina, tehhod a malawa sakay madisalad a ábbut ti pag-itan tamáy, kaya u katoy he ay awan makaangay hina sakay u katoy hina ay awan be makaangay he.’ 27Kaya kinagi nu mayaman, ‘Ni konna hod, Ama a Abraham, mákkekagbiyák niko a paangayán mo ti Lazaro tu bilay nama ko, 28dipo tehhodák a limma a kákkapatkákka a lállake hod, utusan mo siya a angay na hide pagkagiyán tánni awan be hide meangay ti lugaráy a paghirapan ko.’ 29Pero kinagi nikuna ni Abraham, ‘Katoy dán nide u insulat hide ni Moises sakay u insulat nu propeta hide kaya dapat de itod a sunudán.’ 30Timmábbeg u mayaman, ‘Awan itod hide sapat, Ama a Abraham. Pero ni angay nide u essa a natay dán sakay nabiyag a huway ay adággan de u kasalanan de hide.’ 31Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”
S'ha seleccionat:
Lukas 16: MBJC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pahanan Agta New Testament © Philippine Bible Society and Wycliffe Bible Translators, Inc., 2017.
Lukas 16
16
U Talinhaga Tungkul tu Katiwala nu Mayaman a Lállake
1Nadid, kinagi pa ni Jesus tu disepulus na hide, “Tehhod a essa a mayaman a te katiwala. Te nagpilet nikuna a ginággastus nu katiwala u kabiyagen na. 2Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’ 3Kinagi nu katiwala tu sadile na, ‘Ánya dán gimitán kuway nadid? Ibutanák dán nu amo ko a katiwala na. Awan ko kaya a magtarabaho ti luta sakay masanikiyák be a máklimus. 4A, konna he i gimitán kuway tánni maski maibutanák tu tarabaho ko ay tehhodák palla a barkada a mangtanggap nikán tu bilay de!’ 5Kaya inessa-essa na a dinulawan u tehhod hide a utang tu amo na. Tinanung na u dipalongo, ‘Sangan utang muway tu amo ko?’ 6Timmábbeg siya, ‘Essa a datos a tapayan a langis.’ Sakay kinagi nu katiwala nikuna, ‘Salaáy u listaan nu utang mo. Magalisto ka! Mággetnod ka sakay isulat mo dálla a limma a pulo.’ 7Sakay kinagi na tu kaduwwa, ‘Ay hiko, sangan utang muway?’ Timmábbeg siya, ‘Essa a datos a kostal a trigu.’ Kinagi nu katiwala nikuna, ‘Salaáy u listaan nu utang mo hide, isulat mo dálla a walo a pulo.’ 8Pinure nu amo na u katiwala a madaya dipo impeta na a mautak siya. Dipo mas malalake a maggimet ti paraan u makamundu hide a tolay tu biyag de nan u tolay hide a te ánteng tu Diyos.”
9Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet. 10U mapagkatiwalaan ti badit a bagay ay mapagkatiwalaan be ti dakál a bagay sakay ni deya man u mangdaya tu badit a bagay ay magdaya be tu dakál a bagay. 11Kaya ni awan kam mapagkatiwalaan tu kayamanan ti munduwáy, deya u magtiwala nikam tu tunay a kayamanan? 12Ni awan kam mapagkatiwalaan tu kayamanan nu agum ay awan kam be mapagkatiwalaan tu tatahoden a kayamanan a para nikam.
13Awan maare a pagsabayán a serbiyan nu essa a utusan u duwwa a amo dipo kaiyamutan na u essa sakay mahalán na u essa. Pagserbiyan na ti husto u essa sakay awan na pospusán u essa. Awan moy maare a pagsabayán a serbiyan u Diyos sakay u kayamanan.”
Nagkagiyan ni Jesus u Pariseo hide
(Mateo 11:12-13; 5:31-32; Markos 10:11-12)
14Nikuna masaneg iye nu Pariseo hide ay kinatawaan de ti Jesus dipo masássohan hide ti pilak. 15Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”
16“U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod. 17Pero mas alisto pa a mawan u langet sakay tu luta, nan mawanan ti bisa u kabadit-baditan a parte nu kautusan.
18U lállake a summina tu kabanga na sakay mákkabanga ti iba ay nangibábbey, sakay u mangkabanga tu bábbey a sininaan ay mángibabbey labe.”
U Mayaman sakay ti Lazaro
19Nadid, kinagi pa ni Jesus, “Te essa a mayaman a mágbabihisan ti mágkamahal a damit sakay makpal a sare-sare a makan ti aldew-aldew. 20Sakay tehhod be a essa a mahirap a putat ti talingo u bággi na, sakay mágkatdug tu pintuwan nu mayaman, u ngahan na ay ti Lazaro. 21U áasaan na a kanán ay u nágketápduk hide a mumo tu lamisaan nu mayaman. Kaya adeniyan siya nu aso hide sakay dáddeldelan u talingo na. 22Natay u mahirap kaya inyangay nu anghel hide u kaliduwwa na tu páppagyanan ni Abraham. Natay be u mayaman sakay nelábbáng. 23Sakay tu bállog nu págtatiis na tu lugar nu patay hide sakay timmangad u mayaman netánnawan na tu adeyo ti Abraham a kaguman na ti Lazaro. 24Kaya pimmákhaw siya, ‘Ama a Abraham, kagbiyanák pay, utusan mo pay ti Lazaro a ilogbut na u toldu na tu dinom sakay ipatuhog na ti dila kuwáy dipo maghirapák dán ti magdalob-dalubáy a apoy.’ 25Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina. 26Bakán la ina, tehhod a malawa sakay madisalad a ábbut ti pag-itan tamáy, kaya u katoy he ay awan makaangay hina sakay u katoy hina ay awan be makaangay he.’ 27Kaya kinagi nu mayaman, ‘Ni konna hod, Ama a Abraham, mákkekagbiyák niko a paangayán mo ti Lazaro tu bilay nama ko, 28dipo tehhodák a limma a kákkapatkákka a lállake hod, utusan mo siya a angay na hide pagkagiyán tánni awan be hide meangay ti lugaráy a paghirapan ko.’ 29Pero kinagi nikuna ni Abraham, ‘Katoy dán nide u insulat hide ni Moises sakay u insulat nu propeta hide kaya dapat de itod a sunudán.’ 30Timmábbeg u mayaman, ‘Awan itod hide sapat, Ama a Abraham. Pero ni angay nide u essa a natay dán sakay nabiyag a huway ay adággan de u kasalanan de hide.’ 31Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pahanan Agta New Testament © Philippine Bible Society and Wycliffe Bible Translators, Inc., 2017.