Hch 3
3
B'onc yoc win matz tac' sb'eyi
1A 'a jun 'el, yic a las tres yic yemc'ual, moln x'at Pedro yet' Juan 'a yatut Dios, yujto 'ixta yorail tzleslwi eb' israel ta'. 2'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha. 3Ax 'ix yiln win sc'och Pedro yet' Juan 'a yatut Dios cha. Ax yic wan yoch eb' 'a yamq'uil, 'ix sc'ann pax win jac stumn 'a eb'. 4Ax Pedro yet' Juan cha, 'ix 'och q'ueln eb' 'a winac.
—'Ochn̈ q'ueln 'ayn̈ on̈, xchi Pedro 'a winac.
5Yuj cha, x'och q'ueln win 'a eb', snan winac toq'ue tzyac' eb' jac stumin. 6Palta 'ix yaln Pedro chi 'a win 'ixtic:
—An tic, caw may in tumin. Palta 'ay jun tztac' wu'uj, a yet' 'oj in colwj 'ayach. Yuj spoder Jesucristo 'aj Nazaret, q'uen̈ wa'an, b'eyan̈, xchi Pedro chi 'a winac.
7Xlajw cha, 'ix 'och yamn Pedro chi 'a swach' c'ab' winac. 'Ix sto'n chan̈ lin̈an. Yajn̈j wal cha, 'ix 'och yip yoc winac, yet' sjaj yoc schab'il. 8'Ix q'ue lin̈njoc, 'ix syamn 'och win sb'eyi. 'Ix 'och win 'a yamq'uil yatut Dios yet' eb'. Xq'ue b'atnjoc win sb'eyi, xyaln win swach' paxti 'a Dios. 9Ax eb' 'anma 'ayc' ta', caw c'uxn xyil eb' sb'ey winac. 'Ix yab'n eb' yaln win swach' paxti 'a Dios. 10Yuj cha, caw 'ix sat sc'ojl eb' si'mb'il, tas 'ix 'aj win sb'o'i, yujto yojc eb', 'a junjn c'u wocn 'ejm win sc'an stumn 'a sti yatut Dios, 'a jun tzcuch Wach' Yilxi.
Xpaxtin Pedro 'a sti 'elt yatut Dios
11A win xb'o yoc cha, caw junn̈j yec' win yet' Pedro yet' Juan. Ax eb' 'anma smasnil, caw 'ix sat sc'ojl eb'. Yuj cha, 'ix syamn sb'a eb' smasnil 'a eb', yic 'ayc' eb' 'a jun scorredoral yatut Dios tzcuch Yic Salomón. 12Yic xyiln Pedro jun cha, 'ix yaln 'a eb' 'ixtic:
—Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈. 13A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol. 14A Jesús cha, yicn̈ej Dios yaji, caw tojl sb'eyb'al. Palta ax tic, ma'ix e chaj 'el 'a libre. Ax jun win ma'm cham 'anma xe c'an 'elt sjeloc. 15'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈. 16A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.
17Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac. 18Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail. 19Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic. 20A 'oj checnc paxt Jesús 'a scha'ejmal, atn Cristo, jun sic'b'il 'el yuj Dios 'a pecti', yuj qui wach'loquec. 21Palta a ticnec, yowlal 'oj can Jesucristo 'a satcha'an̈, masnto 'oj jawc jun tiempoal, ax sb'o yaj smasnil tas yu'uj. A Dios ya'jnac yal-l eb' schecb' pecti'. A eb' cha, caw yicn̈ej yaj eb'. 22Ax Moisés, yaljnac can 'ixtc 'a eb' qui mam quichmec: A Dios Cajlilec, a 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. Yowlal tzeyiclj smasnil tas 'oj yal 'ayex. 23Yujto tzann̈j mach matz yiclni tas 'oj yal jun schecb' Dios cha, 'oj satx can 'el 'a scal eb' quit chon̈b'ec, xchi Moisés 'a Ch'an̈ U'un̈.
24Jantcn̈ej eb' schecb' Dios 'e'nc pecti', yictax 'ayc' Samuel, c'uxn yaljnac can 'el eb' yab'xil jun tiempoal tzat jaw tic. 25Ax tic, eyit chon̈b' can e b'a yet' eb' schecb' Dios quet' on̈. Yuj cha, a yic ya'n can Dios strato 'a eb' qui mam quichmec, ya'n can pax 'ayn̈ec yet' eb'. Atn jun strato tic ya'jnac 'a Abraham, 'a yic yaln can 'ixtic: Yuj en̈til, 'oj wac' in yaxilal 'a eb' 'anma 'a junjn chon̈b' 'a yolyib'n̈q'uinl tic, xchi Dios 'a Abraham. 26A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.
S'ha seleccionat:
Hch 3: CSS
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia Chuj San Sebastian © Sociedades Bíblicas Unidas, 1999.
Hch 3
3
B'onc yoc win matz tac' sb'eyi
1A 'a jun 'el, yic a las tres yic yemc'ual, moln x'at Pedro yet' Juan 'a yatut Dios, yujto 'ixta yorail tzleslwi eb' israel ta'. 2'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha. 3Ax 'ix yiln win sc'och Pedro yet' Juan 'a yatut Dios cha. Ax yic wan yoch eb' 'a yamq'uil, 'ix sc'ann pax win jac stumn 'a eb'. 4Ax Pedro yet' Juan cha, 'ix 'och q'ueln eb' 'a winac.
—'Ochn̈ q'ueln 'ayn̈ on̈, xchi Pedro 'a winac.
5Yuj cha, x'och q'ueln win 'a eb', snan winac toq'ue tzyac' eb' jac stumin. 6Palta 'ix yaln Pedro chi 'a win 'ixtic:
—An tic, caw may in tumin. Palta 'ay jun tztac' wu'uj, a yet' 'oj in colwj 'ayach. Yuj spoder Jesucristo 'aj Nazaret, q'uen̈ wa'an, b'eyan̈, xchi Pedro chi 'a winac.
7Xlajw cha, 'ix 'och yamn Pedro chi 'a swach' c'ab' winac. 'Ix sto'n chan̈ lin̈an. Yajn̈j wal cha, 'ix 'och yip yoc winac, yet' sjaj yoc schab'il. 8'Ix q'ue lin̈njoc, 'ix syamn 'och win sb'eyi. 'Ix 'och win 'a yamq'uil yatut Dios yet' eb'. Xq'ue b'atnjoc win sb'eyi, xyaln win swach' paxti 'a Dios. 9Ax eb' 'anma 'ayc' ta', caw c'uxn xyil eb' sb'ey winac. 'Ix yab'n eb' yaln win swach' paxti 'a Dios. 10Yuj cha, caw 'ix sat sc'ojl eb' si'mb'il, tas 'ix 'aj win sb'o'i, yujto yojc eb', 'a junjn c'u wocn 'ejm win sc'an stumn 'a sti yatut Dios, 'a jun tzcuch Wach' Yilxi.
Xpaxtin Pedro 'a sti 'elt yatut Dios
11A win xb'o yoc cha, caw junn̈j yec' win yet' Pedro yet' Juan. Ax eb' 'anma smasnil, caw 'ix sat sc'ojl eb'. Yuj cha, 'ix syamn sb'a eb' smasnil 'a eb', yic 'ayc' eb' 'a jun scorredoral yatut Dios tzcuch Yic Salomón. 12Yic xyiln Pedro jun cha, 'ix yaln 'a eb' 'ixtic:
—Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈. 13A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol. 14A Jesús cha, yicn̈ej Dios yaji, caw tojl sb'eyb'al. Palta ax tic, ma'ix e chaj 'el 'a libre. Ax jun win ma'm cham 'anma xe c'an 'elt sjeloc. 15'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈. 16A jun win tzeyil tic, eyojc xon winac. Palta a Jesús x'a'n b'oxc winac, yujto a tzca'ch 'a qui c'ojl on̈. Yujn̈ej to tzca'ch qui c'ojl 'a Jesús on̈, yuj cha, 'ix b'ox win si'mb'il 'a e sat e masnil.
17Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac. 18Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail. 19Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic. 20A 'oj checnc paxt Jesús 'a scha'ejmal, atn Cristo, jun sic'b'il 'el yuj Dios 'a pecti', yuj qui wach'loquec. 21Palta a ticnec, yowlal 'oj can Jesucristo 'a satcha'an̈, masnto 'oj jawc jun tiempoal, ax sb'o yaj smasnil tas yu'uj. A Dios ya'jnac yal-l eb' schecb' pecti'. A eb' cha, caw yicn̈ej yaj eb'. 22Ax Moisés, yaljnac can 'ixtc 'a eb' qui mam quichmec: A Dios Cajlilec, a 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. Yowlal tzeyiclj smasnil tas 'oj yal 'ayex. 23Yujto tzann̈j mach matz yiclni tas 'oj yal jun schecb' Dios cha, 'oj satx can 'el 'a scal eb' quit chon̈b'ec, xchi Moisés 'a Ch'an̈ U'un̈.
24Jantcn̈ej eb' schecb' Dios 'e'nc pecti', yictax 'ayc' Samuel, c'uxn yaljnac can 'el eb' yab'xil jun tiempoal tzat jaw tic. 25Ax tic, eyit chon̈b' can e b'a yet' eb' schecb' Dios quet' on̈. Yuj cha, a yic ya'n can Dios strato 'a eb' qui mam quichmec, ya'n can pax 'ayn̈ec yet' eb'. Atn jun strato tic ya'jnac 'a Abraham, 'a yic yaln can 'ixtic: Yuj en̈til, 'oj wac' in yaxilal 'a eb' 'anma 'a junjn chon̈b' 'a yolyib'n̈q'uinl tic, xchi Dios 'a Abraham. 26A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia Chuj San Sebastian © Sociedades Bíblicas Unidas, 1999.