Juan 17
17
Ri Jesús ku'an orar pakiwi rutijo'n
1Echiri' ub'i'im chi wa', ri Jesús xtzu'n chikaj y xub'i'ij:
«Nuqaw, xopon ru orayil; yaka k'u la uq'ij ri K'ajol la cha' jela' ri K'ajol la kuyak q'ij Rilal. 2Ma Rilal ya'om la che ri K'ajol la kataqan pakiwi konoje ri tikawex, cha' puq'ab' Rire k'o wi kuya k'aslemal na jinta utaqexik chike konoje ri eya'om la che. 3Ek'u wa k'aslemal na jinta utaqexik e ruma ri keta'max wach la, xew Rilal Lal Dios y na jinta jun chik, yey keta'max k'u uwach ri Jesucristo, ri xtaq lo la.
4»Ri'in nuyakom q'ij la wara che ruwachulew y xink'is u'anik ri xintaq lo la che u'anik. 5Ek'u wo'ora Nuqaw, yaka la nuq'ij chila' uk' la, jela' pacha' ri 'anom la chwe echiri' k'amaja' ne kajeqer ruwachulew.
6»Chike taq ri tikawex xeya la chwe che ruwachulew, nuq'alajisam china Rilal. Rike e e la, y xeya la panuq'ab' yey kitaqem ri tzij la. 7Y wo'ora keta'am wa': Ronoje ri ya'om la chwe, uk' la petinaq wi. 8Ma janipa ri xb'i'ij la chwe, nutzijom chike ri xeya la chwe, y rike xkikojo. Yey xketa'maj k'ut paqatzij wi ri'in uk' la in petinaq wi y Lal taqayom lo la we'in.
9»Ri'in kinelaj ko chiwach la pakiwi rike; na e ta pakiwi konoje ri tikawex, xew pakiwi ri eya'om la panuq'ab', ma rike e e la. 10Konoje ri e k'o panuq'ab', e e la. Jek'ula' ri', konoje ri e k'o paq'ab' Rilal, e we'in. Y ri yakb'al nuq'ij kaq'alajin kuma rike.
11»Yey ri'in kintzelej uk' la, na kinkanaj ta kan che ruwachulew; no'j rike kekanajik. Lal Santowilaj Nuqaw, chechajij ko la chupa ri b'i' la, ri eya'om la chwe, cha' chu'ana xa jun kik'u'x jela' pacha' nu'anom ri'in uk' la. 12Echiri' ri'in in k'o kuk' wara che wu'wachulew, xeb'enuchajij chupa ri b'i' la ri eya'om la chwe. Na jinta junoq chike xsachik, xew k'u ri jun xex wi sachinaq chik cha' e ku'ana janipa ri tz'ib'ital kan chupa ri Ch'a'tem la.
13»Ek'u wo'ora kintzelej tanchi uk' la. Pero xaloq' k'a in k'o che ruwachulew, kamb'i'ij taq wa' chike cha' lik kanoj ri kanima' che ki'kotemal, jela' pacha' ri ki'kotemal k'o wuk' ri'in.
14»Ri'in nuya'om ri Ch'a'tem la chike. Yey taq ri winaq re ruwachulew tzel kekilo ma na junam ta kik'u'x kuk', jela' pacha' ri'in na junam ta nuk'u'x kuk' ri e re ruwachulew. 15Na e ta k'u kinelaj chiwach la cha' keb'esaj la che ruwachulew, xew lik chechajij la chwach ritzel winaq. 16Rike na junam ta kik'u'x kuk' ri e re ruwachulew, jela' pacha' ri'in na junam ta nuk'u'x kuk' ri e re ruwachulew.
17»Ya'a k'u la chike keb'in jusuk' chupa ri Q'ijsaq e la, wa' e ri Ch'a'tem la. 18Jela' pacha' Rilal xintaq lo la chikixo'l ri tikawex che ruwachulew, jek'uri'la' ri'in keb'enutaq b'i rike chikixo'l ri tikawex che ruwachulew. 19Y kuma k'u rike, lik nuya'om wib' ri'in che u'anik ri rajawal k'u'x la, cha' jela' rike keb'in jusuk' chupa ri Q'ijsaq.
20»Yey na xew tane kinelaj chiwach la pakiwi rike, ma e kantz'onoj che'la pakiwi ri k'amaja' kakikoj ri nub'i' ruma kakita ri tzijonik kaki'an rike. 21Lal Nuqaw, kantz'onoj ko che'la chu'ana xa jun kik'u'x chikiwach junam quk' ri'oj, jela' pacha' ri'in uk' la y Rilal wuk' ri'in, cha' ri e k'o che ruwachulew kakikojo e rilal taqayom lo la we ri'in.
22»Ri yakb'al nuq'ij ya'om la chwe ri'in, xinya chike rike cha' chu'ana xa jun kik'u'x jela' pacha' Rilal y ri'in xa jun qak'u'x. 23Ri'in in k'o kuk' rike y Rilal k'o la wuk' ri'in cha' rike ku'an xa jun kik'u'x pa saqil wi. Jek'ula' ri' konoje ri tikawex che ruwachulew kaketa'maj e Rilal taqayom lo la we ri'in y lik k'ax kena' la ri nutijo'n, jela' pacha' lik k'ax kinna' la ri'in.
24»Lal Nuqaw, e janipa ri eya'om la panuq'ab', e kuaj ri'in keb'e'k'ola wuk' pa kine'k'ola wi, cha' kakil ri yakb'al nuq'ij ya'om la. Ma xex wi k'ax inna'om lo la, chwi echiri' k'amaja' ne kajeqer ruwachulew. 25Nuqaw, Rilal lik Lal jusuk', yey ri tikawex che ruwachulew na keta'am ta wach la. No'j ri'in weta'am wach la yey ri nutijo'n keta'am e Rilal taqayom lo la we ri'in. 26Lik k'ut nuq'alajisam chikiwach china Rilal y k'a kintajin ne che uq'alajisaxik wa', cha' ri rutzil k'u'x la chwe ri'in, kak'oji' kuk' rike y jela' kink'oji' ri'in pa kanima'» xcha'.
S'ha seleccionat:
Juan 17: acrN
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2009, Wycliffe Bible Translators, Inc. All rights reserved.
Juan 17
17
Ri Jesús ku'an orar pakiwi rutijo'n
1Echiri' ub'i'im chi wa', ri Jesús xtzu'n chikaj y xub'i'ij:
«Nuqaw, xopon ru orayil; yaka k'u la uq'ij ri K'ajol la cha' jela' ri K'ajol la kuyak q'ij Rilal. 2Ma Rilal ya'om la che ri K'ajol la kataqan pakiwi konoje ri tikawex, cha' puq'ab' Rire k'o wi kuya k'aslemal na jinta utaqexik chike konoje ri eya'om la che. 3Ek'u wa k'aslemal na jinta utaqexik e ruma ri keta'max wach la, xew Rilal Lal Dios y na jinta jun chik, yey keta'max k'u uwach ri Jesucristo, ri xtaq lo la.
4»Ri'in nuyakom q'ij la wara che ruwachulew y xink'is u'anik ri xintaq lo la che u'anik. 5Ek'u wo'ora Nuqaw, yaka la nuq'ij chila' uk' la, jela' pacha' ri 'anom la chwe echiri' k'amaja' ne kajeqer ruwachulew.
6»Chike taq ri tikawex xeya la chwe che ruwachulew, nuq'alajisam china Rilal. Rike e e la, y xeya la panuq'ab' yey kitaqem ri tzij la. 7Y wo'ora keta'am wa': Ronoje ri ya'om la chwe, uk' la petinaq wi. 8Ma janipa ri xb'i'ij la chwe, nutzijom chike ri xeya la chwe, y rike xkikojo. Yey xketa'maj k'ut paqatzij wi ri'in uk' la in petinaq wi y Lal taqayom lo la we'in.
9»Ri'in kinelaj ko chiwach la pakiwi rike; na e ta pakiwi konoje ri tikawex, xew pakiwi ri eya'om la panuq'ab', ma rike e e la. 10Konoje ri e k'o panuq'ab', e e la. Jek'ula' ri', konoje ri e k'o paq'ab' Rilal, e we'in. Y ri yakb'al nuq'ij kaq'alajin kuma rike.
11»Yey ri'in kintzelej uk' la, na kinkanaj ta kan che ruwachulew; no'j rike kekanajik. Lal Santowilaj Nuqaw, chechajij ko la chupa ri b'i' la, ri eya'om la chwe, cha' chu'ana xa jun kik'u'x jela' pacha' nu'anom ri'in uk' la. 12Echiri' ri'in in k'o kuk' wara che wu'wachulew, xeb'enuchajij chupa ri b'i' la ri eya'om la chwe. Na jinta junoq chike xsachik, xew k'u ri jun xex wi sachinaq chik cha' e ku'ana janipa ri tz'ib'ital kan chupa ri Ch'a'tem la.
13»Ek'u wo'ora kintzelej tanchi uk' la. Pero xaloq' k'a in k'o che ruwachulew, kamb'i'ij taq wa' chike cha' lik kanoj ri kanima' che ki'kotemal, jela' pacha' ri ki'kotemal k'o wuk' ri'in.
14»Ri'in nuya'om ri Ch'a'tem la chike. Yey taq ri winaq re ruwachulew tzel kekilo ma na junam ta kik'u'x kuk', jela' pacha' ri'in na junam ta nuk'u'x kuk' ri e re ruwachulew. 15Na e ta k'u kinelaj chiwach la cha' keb'esaj la che ruwachulew, xew lik chechajij la chwach ritzel winaq. 16Rike na junam ta kik'u'x kuk' ri e re ruwachulew, jela' pacha' ri'in na junam ta nuk'u'x kuk' ri e re ruwachulew.
17»Ya'a k'u la chike keb'in jusuk' chupa ri Q'ijsaq e la, wa' e ri Ch'a'tem la. 18Jela' pacha' Rilal xintaq lo la chikixo'l ri tikawex che ruwachulew, jek'uri'la' ri'in keb'enutaq b'i rike chikixo'l ri tikawex che ruwachulew. 19Y kuma k'u rike, lik nuya'om wib' ri'in che u'anik ri rajawal k'u'x la, cha' jela' rike keb'in jusuk' chupa ri Q'ijsaq.
20»Yey na xew tane kinelaj chiwach la pakiwi rike, ma e kantz'onoj che'la pakiwi ri k'amaja' kakikoj ri nub'i' ruma kakita ri tzijonik kaki'an rike. 21Lal Nuqaw, kantz'onoj ko che'la chu'ana xa jun kik'u'x chikiwach junam quk' ri'oj, jela' pacha' ri'in uk' la y Rilal wuk' ri'in, cha' ri e k'o che ruwachulew kakikojo e rilal taqayom lo la we ri'in.
22»Ri yakb'al nuq'ij ya'om la chwe ri'in, xinya chike rike cha' chu'ana xa jun kik'u'x jela' pacha' Rilal y ri'in xa jun qak'u'x. 23Ri'in in k'o kuk' rike y Rilal k'o la wuk' ri'in cha' rike ku'an xa jun kik'u'x pa saqil wi. Jek'ula' ri' konoje ri tikawex che ruwachulew kaketa'maj e Rilal taqayom lo la we ri'in y lik k'ax kena' la ri nutijo'n, jela' pacha' lik k'ax kinna' la ri'in.
24»Lal Nuqaw, e janipa ri eya'om la panuq'ab', e kuaj ri'in keb'e'k'ola wuk' pa kine'k'ola wi, cha' kakil ri yakb'al nuq'ij ya'om la. Ma xex wi k'ax inna'om lo la, chwi echiri' k'amaja' ne kajeqer ruwachulew. 25Nuqaw, Rilal lik Lal jusuk', yey ri tikawex che ruwachulew na keta'am ta wach la. No'j ri'in weta'am wach la yey ri nutijo'n keta'am e Rilal taqayom lo la we ri'in. 26Lik k'ut nuq'alajisam chikiwach china Rilal y k'a kintajin ne che uq'alajisaxik wa', cha' ri rutzil k'u'x la chwe ri'in, kak'oji' kuk' rike y jela' kink'oji' ri'in pa kanima'» xcha'.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2009, Wycliffe Bible Translators, Inc. All rights reserved.