Lk 18
18
Li xmalka'an ut laj raqol aatin
1Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:
2“Sa' jun li tenamit kiwank jun aj raqol aatin li ink'a' naxxiwa ru li Yos chi moko naroxloq'iheb' li poyanam. 3Sa' li tenamit a'an kiwank ajwi' jun xmalka'an li na'ulyan rik'in chi xyeeb'al: «Chinaakol chiru li xik' na'ilok we». 4Chiru k'iila kutan laj raqol aatin ink'a' kiraj, ab'anan moqon chik kixye sa' xch'ool: «Us ta ink'a' ninxiwa ru li Yos chi moko nawoxloq'iheb' li poyanam, 5ab'anan us tinkol li xmalka'an a'in xb'aan naq nikinxch'i'ch'i'i. Mare anchal taachalyanq chi xk'eeb'al xtib'l injolom»”.
6Ut kixye li Qaawa': “Chek'e reetal li k'aru naxye laj raqol aatin ink'a' tiik xch'ool. 7Ma toja' ta chik li Yos ink'a' tixkoleb' li sik'b'ileb' ru xb'aan, li neke'yaab'ank re li xk'ab'a' chi q'eq ut chi kutan, us ta tixk'eheb' chi oyb'enink? 8Ninye eere naq tixkoleb' chi junpaat. Ab'anan, naq tol'elq li K'ajolb'ej, ma tolxtaw li paab'aal sa' ruuchich'och'?”.
Laj pariseey ut laj titz'ol toj
9Kixye ajwi' li jaljookil ru aatin a'in reheb' li neke'xk'oxla rib' naq tiikeb' xch'ool ut neke'xtz'eqtaanaheb' li junch'ol chik:
10“Wiib'eb' li winq ke'taqe'k sa' rochoch li Yos chi tijok; li jun a'an aj pariseey ut li jun chik aj titz'ol toj. 11Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in. 12Ka' sut nin'ayuunik chiru li xamaan, ninmayeja li xlajeetqil chixjunil li naweechani».
13“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.
14“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.
Li Jesus ut eb' li kok'al
(Mt 19,13-15; Mk 10,13-16)
15Ke'xk'am ajwi' chaq eb' li k'uula'al rik'in li Jesus re naq tixch'e'eb'. Naq ke'ril a'in eb' li xtzolom, ke'xq'us li ke'k'amok chaq reheb' li k'uula'al. 16A'ut li Jesus kixb'oqeb' ut kixye:
—Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos. 17Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.
Li Jesus ut li winq b'ihom
(Mt 19,16-26; Mk 10,17-27)
18Jun reheb' li xb'eenileb' li tenamit kipatz'ok re:
—At chaab'il aj Tzolonel, k'aru tinb'aanu re tweechani li junelik yu'am?
19Kixye li Jesus re:
—K'a'ut naq nakaye chaab'il we? Maajun chaab'il, ka'ajwi' li Yos. 20Laa'at nakanaweb' li chaq'rab': «Matmuxuk sumlaak, mat-kamsink, mat-elq'ak, matyoob'ank tik'ti', chawoxloq'i laana' laayuwa'».#18,20 Ex 20,12-16; Dt 5,16-20.
21Ut a'an kixye:
—Chixjunil a'in ak inpaab'ahom chalen chaq sa' insaajilal.
22Naq kirab'i a'in li Jesus, kixye re:
—Toj jun chik maa nakab'aanu: k'ayi jo'nimal wank aawe, jek'i reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.
23Naq kirab'i a'in, q'axal kiraho'k sa' xch'ool li winq, xb'aan naq naab'al xb'ihomal. 24Naq kiril a'in li Jesus, kixye:
—K'ajo' xch'a'ajkilal naq eb' li wankeb' xb'ihomal te'ok sa' li xnimajwal awab'ejihom li Yos! 25Ink'a' ch'a'aj naq junaq kameey taa'ok sa' ru kuux chiru naq junaq b'ihom taa'ok sa' li xnimajwal awab'ejihom li Yos.
26Toja' naq eb' li ke'ab'ink re ke'xye:
—Ani put truuq taakole'q?
27Kixsumeheb':
—Li ink'a' naru chiruheb' li winq, a'an naru chiru li Yos, chan.
Xtaaqenkil li Jesus
(Mt 19,27-29; Mk 10,28-30)
28Toja' naq kixye laj Pedro:
—K'e reetal, laa'o xqakanab' li k'aru wank qe ut xatqataaqe.
29Ut li Jesus kixye reheb':
—Relik chi yaal ninye eere: maajun li ak xkanab' rochoch, rixaqil, riitz'in, xna' xyuwa' malaj ralal xk'ajol sa' xk'ab'a' li xnimajwal awab'ejihom li Yos, 30taakanaaq chi ink'a' ta tixk'ul q'axal naab'al chik sa'eb' li kutan a'in, ut tixk'ul li junelik yu'am sa' li ruuchich'och' chaalel.
Rox sut li Jesus kixye resil li xkamik
(Mt 20,17-19; Mk 10,32-34)
31Li Jesus kixb'oqeb' li Kab'laju ut kixye reheb': “Chek'e reetal, yooko chi taqe'k Jerusalén ut taatz'aqloq ru chixjunil li ke'xtz'iib'a chaq eb' li propeet chirix li K'ajolb'ej. 32Xb'aan naq taaq'axtesiiq sa' ruq'eb' li maawa'eb' aj Judiiy; taa'eetz'uuq, taahob'e'q ut taachuub'aaq, 33ut, akaq xe'xrapi chi tz'uum, te'xkamsi. Ab'an sa' rox li kutan taawakliiq chi yo'yo”.
34Eb' a'an maak'a' ke'xtaw ru chirix a'in; toj muqmu chiruheb' li aatin a'in, ut ink'a' neke'xtaw xyaalal li yo chi xyeeb'al.
Li mutz' aj Jerikó
(Mt 20,29-34; Mk 10,46-52)
35Naq yo chi nach'ok li Jesus Jerikó, jun li mutz' chunchu chire li b'e, yo chi lemooxnik. 36Naq kirab'i li k'iila tenamit yookeb' chi nume'k, kixpatz' k'aru a'an. 37Ut ke'xye re naq a' li Jesus aj Nazaret yo chi nume'k.
38Toja' naq kixye chi kaw xyaab' xkux:
—At Jesus, ralalat laj David, chawuxtaana wu!
39Li yookeb' chi xik chi uub'ej ke'xq'us re naq tixkanab' choqink; a'ut a'an q'axal kaw chik kixjap re chi xyeeb'al:
—At ralal laj David, chawuxtaana wu!
40Kixaqliik li Jesus ut kixtaqla xk'amb'al chaq. Ut naq nach' chik wank, kixpatz' re:
—K'aru taawaj tinb'aanu aawe? chan.
41Kichaq'ok a'an ut kixye:
—Qaawa', chin'iloq ta.
42Li Jesus kixye re:
—Chat-iloq! Laapaab'aal xkolok aawe.
43Sa' junpaat ki'ok chi ilok ut kixtaaqe li Jesus, yo chi xnimankil ru li Yos. Ut chixjunil li tenamit, naq ke'ril a'an, ke'xk'e xloq'al li Yos.
S'ha seleccionat:
Lk 18: QQC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.
Lk 18
18
Li xmalka'an ut laj raqol aatin
1Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:
2“Sa' jun li tenamit kiwank jun aj raqol aatin li ink'a' naxxiwa ru li Yos chi moko naroxloq'iheb' li poyanam. 3Sa' li tenamit a'an kiwank ajwi' jun xmalka'an li na'ulyan rik'in chi xyeeb'al: «Chinaakol chiru li xik' na'ilok we». 4Chiru k'iila kutan laj raqol aatin ink'a' kiraj, ab'anan moqon chik kixye sa' xch'ool: «Us ta ink'a' ninxiwa ru li Yos chi moko nawoxloq'iheb' li poyanam, 5ab'anan us tinkol li xmalka'an a'in xb'aan naq nikinxch'i'ch'i'i. Mare anchal taachalyanq chi xk'eeb'al xtib'l injolom»”.
6Ut kixye li Qaawa': “Chek'e reetal li k'aru naxye laj raqol aatin ink'a' tiik xch'ool. 7Ma toja' ta chik li Yos ink'a' tixkoleb' li sik'b'ileb' ru xb'aan, li neke'yaab'ank re li xk'ab'a' chi q'eq ut chi kutan, us ta tixk'eheb' chi oyb'enink? 8Ninye eere naq tixkoleb' chi junpaat. Ab'anan, naq tol'elq li K'ajolb'ej, ma tolxtaw li paab'aal sa' ruuchich'och'?”.
Laj pariseey ut laj titz'ol toj
9Kixye ajwi' li jaljookil ru aatin a'in reheb' li neke'xk'oxla rib' naq tiikeb' xch'ool ut neke'xtz'eqtaanaheb' li junch'ol chik:
10“Wiib'eb' li winq ke'taqe'k sa' rochoch li Yos chi tijok; li jun a'an aj pariseey ut li jun chik aj titz'ol toj. 11Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in. 12Ka' sut nin'ayuunik chiru li xamaan, ninmayeja li xlajeetqil chixjunil li naweechani».
13“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.
14“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.
Li Jesus ut eb' li kok'al
(Mt 19,13-15; Mk 10,13-16)
15Ke'xk'am ajwi' chaq eb' li k'uula'al rik'in li Jesus re naq tixch'e'eb'. Naq ke'ril a'in eb' li xtzolom, ke'xq'us li ke'k'amok chaq reheb' li k'uula'al. 16A'ut li Jesus kixb'oqeb' ut kixye:
—Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos. 17Relik chi yaal ninye eere: ani ink'a' tixk'ul li xnimajwal awab'ejihom li Yos jo' junaq ch'ina'al, ink'a' taa'ok chisa'.
Li Jesus ut li winq b'ihom
(Mt 19,16-26; Mk 10,17-27)
18Jun reheb' li xb'eenileb' li tenamit kipatz'ok re:
—At chaab'il aj Tzolonel, k'aru tinb'aanu re tweechani li junelik yu'am?
19Kixye li Jesus re:
—K'a'ut naq nakaye chaab'il we? Maajun chaab'il, ka'ajwi' li Yos. 20Laa'at nakanaweb' li chaq'rab': «Matmuxuk sumlaak, mat-kamsink, mat-elq'ak, matyoob'ank tik'ti', chawoxloq'i laana' laayuwa'».#18,20 Ex 20,12-16; Dt 5,16-20.
21Ut a'an kixye:
—Chixjunil a'in ak inpaab'ahom chalen chaq sa' insaajilal.
22Naq kirab'i a'in li Jesus, kixye re:
—Toj jun chik maa nakab'aanu: k'ayi jo'nimal wank aawe, jek'i reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.
23Naq kirab'i a'in, q'axal kiraho'k sa' xch'ool li winq, xb'aan naq naab'al xb'ihomal. 24Naq kiril a'in li Jesus, kixye:
—K'ajo' xch'a'ajkilal naq eb' li wankeb' xb'ihomal te'ok sa' li xnimajwal awab'ejihom li Yos! 25Ink'a' ch'a'aj naq junaq kameey taa'ok sa' ru kuux chiru naq junaq b'ihom taa'ok sa' li xnimajwal awab'ejihom li Yos.
26Toja' naq eb' li ke'ab'ink re ke'xye:
—Ani put truuq taakole'q?
27Kixsumeheb':
—Li ink'a' naru chiruheb' li winq, a'an naru chiru li Yos, chan.
Xtaaqenkil li Jesus
(Mt 19,27-29; Mk 10,28-30)
28Toja' naq kixye laj Pedro:
—K'e reetal, laa'o xqakanab' li k'aru wank qe ut xatqataaqe.
29Ut li Jesus kixye reheb':
—Relik chi yaal ninye eere: maajun li ak xkanab' rochoch, rixaqil, riitz'in, xna' xyuwa' malaj ralal xk'ajol sa' xk'ab'a' li xnimajwal awab'ejihom li Yos, 30taakanaaq chi ink'a' ta tixk'ul q'axal naab'al chik sa'eb' li kutan a'in, ut tixk'ul li junelik yu'am sa' li ruuchich'och' chaalel.
Rox sut li Jesus kixye resil li xkamik
(Mt 20,17-19; Mk 10,32-34)
31Li Jesus kixb'oqeb' li Kab'laju ut kixye reheb': “Chek'e reetal, yooko chi taqe'k Jerusalén ut taatz'aqloq ru chixjunil li ke'xtz'iib'a chaq eb' li propeet chirix li K'ajolb'ej. 32Xb'aan naq taaq'axtesiiq sa' ruq'eb' li maawa'eb' aj Judiiy; taa'eetz'uuq, taahob'e'q ut taachuub'aaq, 33ut, akaq xe'xrapi chi tz'uum, te'xkamsi. Ab'an sa' rox li kutan taawakliiq chi yo'yo”.
34Eb' a'an maak'a' ke'xtaw ru chirix a'in; toj muqmu chiruheb' li aatin a'in, ut ink'a' neke'xtaw xyaalal li yo chi xyeeb'al.
Li mutz' aj Jerikó
(Mt 20,29-34; Mk 10,46-52)
35Naq yo chi nach'ok li Jesus Jerikó, jun li mutz' chunchu chire li b'e, yo chi lemooxnik. 36Naq kirab'i li k'iila tenamit yookeb' chi nume'k, kixpatz' k'aru a'an. 37Ut ke'xye re naq a' li Jesus aj Nazaret yo chi nume'k.
38Toja' naq kixye chi kaw xyaab' xkux:
—At Jesus, ralalat laj David, chawuxtaana wu!
39Li yookeb' chi xik chi uub'ej ke'xq'us re naq tixkanab' choqink; a'ut a'an q'axal kaw chik kixjap re chi xyeeb'al:
—At ralal laj David, chawuxtaana wu!
40Kixaqliik li Jesus ut kixtaqla xk'amb'al chaq. Ut naq nach' chik wank, kixpatz' re:
—K'aru taawaj tinb'aanu aawe? chan.
41Kichaq'ok a'an ut kixye:
—Qaawa', chin'iloq ta.
42Li Jesus kixye re:
—Chat-iloq! Laapaab'aal xkolok aawe.
43Sa' junpaat ki'ok chi ilok ut kixtaaqe li Jesus, yo chi xnimankil ru li Yos. Ut chixjunil li tenamit, naq ke'ril a'an, ke'xk'e xloq'al li Yos.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.