Luk 24
24
Ma mbəlawa ma Yezu
(Mt 28.1-9; Mk 16.1-8)
1Pas ma zlar me mbəsley meney ma luma tsəfəmey ana na, zla ta ləmɗa, taya ma dawam ka ɗay tsəvay, ta mal ata na ŋga na hay, ma ləmadəmərawa ka vaw ana. 2A da ndzafama na, beber ma tsəvay ana, ma bədəŋgwala ha ba, ma dzəka ha ka tsakay ma ɗay tsəvay ana. 3Andza taya ma fuləkwam na, ka ndzafama vagay ma Bay’ərlam Yezu sakay. 4Andza taya ma rəzla hiya kambəlaɓa na, ndaw hay daha tsew, ma ɓəmatar vaw, ta zana hiya ka vaw a wezley dey. 5Taya na, ma wasam ka vaw, ma toŋgadama 'ar ka dala. Arka ma ləvəmatar: «Ɗagay ka səpam ndaw ta dey ana da walaŋ ma ndaw ma mətsa na hay na, ka mey? 6Ŋga ka sləna dasakay, amana, ŋga ka mbəlawa ba. Sərafama ka guma ŋga, ŋga na ma tsakwar andza ŋga da Galiley mba na. 7A ləvey na: ‹Hayna ka mbəkafama har ka Bəzey ma Ndaw a har ma ndaw ma ŋgəsa na hay, ka daradama ka 'ar ma tuwaw ma gazləla ha na, aza ka da mbəlawa da meney ma makar ana.›» 8Arka taya na, ma sərafama ka guma na ŋga na hay tok. 9Taya ma məmawa da ɗay tsəvay, ma təkəradəmatara a sa ma gawla ŋga kurow kava kasləta na hay, ta sa ma ndaw hay. 10Ŋgwas ana hay na, Mariya ma Magdala, Zane ta Mariya maya ma Zak, ta ŋgwas na taya ma dam dzaya na hay na, ma səmawa, ma təkəradəmatara a maslaŋ hay tiyatsa. 11Ka slam dey ma maslaŋ hay a kafata na, andza guma ma 'ar me mbəɗey, kwa taya ka təɓama guma ma ŋgwas ahay tikay. 12Piyer na, me lətsey, ma hway ka ɗay tsəvay ana, ŋga ma gweɗəkwey, ama a da nəkey na petekeɗ yam aha, ŋga me mey a mbaw, ka 'ar vaw ŋga na na, tek ana a rəzla satsa.
Yezu a ɓatar vaw a gawla ŋga hay ka tsəveɗ ma Emayus
13Arka deŋe ta pas ana ŋga na satsa na, ndaw hay tsew da walaŋ ata, a dawam aha a wuraw ana daha a zəlamar Emayus, ma daw ŋga na da Zeruzalem na, a key ndzemdey tsew. 14A tsam aha ka 'ar vaw ta na ka tek ana ma kawa na hay. 15Andza a kəɗam aha waway ka 'ar vaw ta na na, andza a tsam aha guma na na, Yezu, ta 'ar aŋga, ma ndzafata ma dawam dzaya. 16Amana, tek rəzlaradatara dey ba, ma səradama. 17Ŋga ma ləvatar: «Ɗagay ka tsam zla na dzay ka tsakay tsəveɗ na, ka bəzay ma guma waray?» Arka taya ma lətsam aha, a katar tossa. 18Ndaw asləta da walaŋ ata, a zəlamar Kleopas, ma mbəɗar kava: «Da meney a neney na, da walaŋ ma ndaw ma ndzəmawa da Zeruzalem ana hay na, ma sərafa ka tek a neney ma kawa na kakay na, kah asləta tek eɗek!» 19Ŋga ma ləvatar: «Ɗagay na mey tok?» Taya ma mbəɗamar kava: «Tek ana ma kamar a Yezu ma Nazaret, ma ɓada vaw ŋga andza ndaw ma slafa ha na, da tek aŋga me key, da guma ŋga me tsey ka slam dey ma Bay ma Bəla, ka slam dey ma səkway tabiyaha. 20Nəkafama andza baba ɗuhwa na me key kuley lakwa na hay, ta bay lakwa hay ma haɗəkadama, ma ka dzuwama a memətsey, ka daradama ka 'ar ma tuwaw ma gazləla ha na. 21La na la pam aha dey na, ŋga na ndaw ma da ləhada Israyel ana. Ama, afəna satsa tok na, meney ma makar ana teseɗey, zla ma tek ana hay, ma kawa na. 22Arka sa tok na, ŋgwas hay daha da walaŋ ala ka həɓəmandar 'ar ba, ma dawam ka ɗay tsəvay ma lamɗa na, 23ka ndzafama vaw ŋga na kakay. Taya ma məmawa ma ləvəmandar waya, madurlam hay daha ka ɓəmandar vaw ba, waya ŋga daha ta dey. 24Ndaw hay da walaŋ ala ma dawam ka ɗay tsəvay, tek ana ma ndzafama na na, andza ma ŋgwas a hana hay ma ləvam ana; ama, ŋga na na ka nəkadəmərawa kakay.» 25Arka ŋga ma ləvatar: «Ndaw ma sərada tek akay ana hay, me key mazazaŋ ka me pey 'ar ana hay, ka guma ma ndaw sek hay ma tsəmawa tabiyaha na hay! 26Akwa na Kriste ka key tsetseh andza ha, ma da fuləkwey a maram aŋga kakay ɗaw?» 27Arka ŋga ma zlar ta Moyiz, ta ndaw sek hay tabiyaha, arka na, ma wandzaladatara da Mewindey Kokwoɗ ana hay tabiyaha ka tek na ma tsəmawa ka ŋga na. 28Ma husam a wuraw na andza taya ma dawam a huɗa na, arka ŋga na key a kada vaw ŋga, andza a daway təŋga dəreŋ. 29Taya ma təkamar ɗay, ta me ləvey aha kava: «Ndzakwama dzaya zləna pas a kəley aha, dəvaɗ a key aha sana.» Ŋga me fuləkwey, ma ndzam dzaya. 30Arka, andza taya ma ndzam ka slam ma tek me zəmey na, ŋga me zəgey peŋ, ma pəsafa mey, ma tsada, arka ma vəladatara. 31Arka na dey ta me wurey, taya ma səradama, amana, ma zəɗafata ba ka slam dey ta. 32Arka taya ma tsam ka 'ar vaw ta na: «Hana a tsandamar aha guma ka tsakay tsəveɗ na, mevel a la ma hay da hwoɗ a təɓam andza waw kakay ɗaw? Andza a wandzaladandamar aha bəzay ma guma ma Mewindey Kokwoɗ ana hay na.» 33Ka slam ana deŋe tsana, taya ma məmawa a Zeruzalem, taya ma ndzafəmata gawla ŋga na kurow kava kasləta na hay, ta sa ma mandala ta hay ma kusa hiya, 34ma ləvəmatar: «Bay’ərlam Yezu na, ka mbəlawa ba dərka na zləna, ka ɓar vaw ba a Simoŋ.» 35Arka taya tey na, ma təkəradəmatara tek ata ma kawa ka tsakay tsəveɗ ana, arka, a da səradama teŋgey na, ka peŋ aŋga ma tsada na.
Yezu a ɓatar vaw a gawla ŋga hay
36Andza a tsam aha andza neney na, Yezu ma ɓatar vaw da wuzlah ata, ma ləvatar: «Zozoy ka ndzey ta kuray.» 37'ərev ma həɓatar, ma wasam, hərway taya ma dzalam na a nəkam na tek ma tərafata. 38Ŋga ma ləvatar: «Ɗagay 'ərev a həɓakwar, ka dzalam andza ha, da mevel a kwar na, ka mey? 39Nəkafama ka har a ɗaw ta sek a ɗaw hay: neney na yah təŋga seŋgey. Ləmaməmaya, nəkafəmaya, haɗaw tek me tərey ka ndaw na, kwa slaw vaw, kwa ndasl na dakay seŋgey, nəkafama na ŋga ɗaw na daha.» 40A dəba ma guma ŋga neney hay na, ŋga ma ɓadatara har aŋga, ta sek aŋga hay. 41Andza ma wuiya ma datar 'ar ana na, taya ma ndza hiya re, a pam 'ar kakay. Andza taya ma rəzla hiya na, ŋga ma ləvatar: «Tek a rafakwar ka sləna me zəmey daha ɗaw?» 42Taya ma vəlamar kəlef ma fukwa ha, nekəɗey. 43Ŋga ma təɓa, ma pəɗa ka slam dey ta na. 44Arka ŋga ma ləvatar: «Nəkafama, neney na bəzay ma guma i ma ɓadukurawa zla lakwa dzaya mba na, hayna tek ana hay ka ndaslam tabiyaha, andza na ma windəmərawa hərway ɗaw ana hay, da mewey ma Moyiz, da na ma Ndaw Sek hay, ta na ma Pəsom hay.» 45Arka ŋga ma wuradatara 'ar ma tsənada guma Mewindey Kokwoɗ ana hay, 46arka, ŋga ma ləvatar: «A da key na andza na ma winda ha na - Kriste na a da key tsetseh, a da mbəlawa da walaŋ ma ndaw ma mətsa na hay da meney ma makar ana-. 47Ta mezəley ŋga na, a da tələkadama mey, ma da mbəɗada mendzey ta me sey yam ka meŋgəsey ma ndaw ma dala hay, ma zlar na ta Zeruzalem. 48Ndaw seydewe na hay na: kuray eɗey. 49Yah tey na, i da slərəkurawa tek na Baba ɗaw me tsey kava na… Kuray eɗey na, ndzam da wuraw, ha aza i ka kələkurawa ma slafa ba da 'ərlam ba ka vaw ɗagay.» 50Arka ŋga ma ŋgəlata 'ar a Betani, ŋga ma tsakafada har aŋga, ma pəsafata mey. 51Arka andza a pəsafata ha mey na, ŋga ma gurey ba ka tsakay ta, ma tsekefey a 'ərlam. 52Andza taya ma namar dəba ba ka slam dey ŋga na, ma məmawa a Zeruzalem, ma rəha hiya ta wuiya ha. 53Taya ka pas ka pas da 'Ay me key Kuley, a səmbərama Bay ma Bəla.
S'ha seleccionat:
Luk 24: MOF
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Le Nouveau Testament en langue Mofu © 2007 Alliance Biblique du Cameroun
Luk 24
24
Ma mbəlawa ma Yezu
(Mt 28.1-9; Mk 16.1-8)
1Pas ma zlar me mbəsley meney ma luma tsəfəmey ana na, zla ta ləmɗa, taya ma dawam ka ɗay tsəvay, ta mal ata na ŋga na hay, ma ləmadəmərawa ka vaw ana. 2A da ndzafama na, beber ma tsəvay ana, ma bədəŋgwala ha ba, ma dzəka ha ka tsakay ma ɗay tsəvay ana. 3Andza taya ma fuləkwam na, ka ndzafama vagay ma Bay’ərlam Yezu sakay. 4Andza taya ma rəzla hiya kambəlaɓa na, ndaw hay daha tsew, ma ɓəmatar vaw, ta zana hiya ka vaw a wezley dey. 5Taya na, ma wasam ka vaw, ma toŋgadama 'ar ka dala. Arka ma ləvəmatar: «Ɗagay ka səpam ndaw ta dey ana da walaŋ ma ndaw ma mətsa na hay na, ka mey? 6Ŋga ka sləna dasakay, amana, ŋga ka mbəlawa ba. Sərafama ka guma ŋga, ŋga na ma tsakwar andza ŋga da Galiley mba na. 7A ləvey na: ‹Hayna ka mbəkafama har ka Bəzey ma Ndaw a har ma ndaw ma ŋgəsa na hay, ka daradama ka 'ar ma tuwaw ma gazləla ha na, aza ka da mbəlawa da meney ma makar ana.›» 8Arka taya na, ma sərafama ka guma na ŋga na hay tok. 9Taya ma məmawa da ɗay tsəvay, ma təkəradəmatara a sa ma gawla ŋga kurow kava kasləta na hay, ta sa ma ndaw hay. 10Ŋgwas ana hay na, Mariya ma Magdala, Zane ta Mariya maya ma Zak, ta ŋgwas na taya ma dam dzaya na hay na, ma səmawa, ma təkəradəmatara a maslaŋ hay tiyatsa. 11Ka slam dey ma maslaŋ hay a kafata na, andza guma ma 'ar me mbəɗey, kwa taya ka təɓama guma ma ŋgwas ahay tikay. 12Piyer na, me lətsey, ma hway ka ɗay tsəvay ana, ŋga ma gweɗəkwey, ama a da nəkey na petekeɗ yam aha, ŋga me mey a mbaw, ka 'ar vaw ŋga na na, tek ana a rəzla satsa.
Yezu a ɓatar vaw a gawla ŋga hay ka tsəveɗ ma Emayus
13Arka deŋe ta pas ana ŋga na satsa na, ndaw hay tsew da walaŋ ata, a dawam aha a wuraw ana daha a zəlamar Emayus, ma daw ŋga na da Zeruzalem na, a key ndzemdey tsew. 14A tsam aha ka 'ar vaw ta na ka tek ana ma kawa na hay. 15Andza a kəɗam aha waway ka 'ar vaw ta na na, andza a tsam aha guma na na, Yezu, ta 'ar aŋga, ma ndzafata ma dawam dzaya. 16Amana, tek rəzlaradatara dey ba, ma səradama. 17Ŋga ma ləvatar: «Ɗagay ka tsam zla na dzay ka tsakay tsəveɗ na, ka bəzay ma guma waray?» Arka taya ma lətsam aha, a katar tossa. 18Ndaw asləta da walaŋ ata, a zəlamar Kleopas, ma mbəɗar kava: «Da meney a neney na, da walaŋ ma ndaw ma ndzəmawa da Zeruzalem ana hay na, ma sərafa ka tek a neney ma kawa na kakay na, kah asləta tek eɗek!» 19Ŋga ma ləvatar: «Ɗagay na mey tok?» Taya ma mbəɗamar kava: «Tek ana ma kamar a Yezu ma Nazaret, ma ɓada vaw ŋga andza ndaw ma slafa ha na, da tek aŋga me key, da guma ŋga me tsey ka slam dey ma Bay ma Bəla, ka slam dey ma səkway tabiyaha. 20Nəkafama andza baba ɗuhwa na me key kuley lakwa na hay, ta bay lakwa hay ma haɗəkadama, ma ka dzuwama a memətsey, ka daradama ka 'ar ma tuwaw ma gazləla ha na. 21La na la pam aha dey na, ŋga na ndaw ma da ləhada Israyel ana. Ama, afəna satsa tok na, meney ma makar ana teseɗey, zla ma tek ana hay, ma kawa na. 22Arka sa tok na, ŋgwas hay daha da walaŋ ala ka həɓəmandar 'ar ba, ma dawam ka ɗay tsəvay ma lamɗa na, 23ka ndzafama vaw ŋga na kakay. Taya ma məmawa ma ləvəmandar waya, madurlam hay daha ka ɓəmandar vaw ba, waya ŋga daha ta dey. 24Ndaw hay da walaŋ ala ma dawam ka ɗay tsəvay, tek ana ma ndzafama na na, andza ma ŋgwas a hana hay ma ləvam ana; ama, ŋga na na ka nəkadəmərawa kakay.» 25Arka ŋga ma ləvatar: «Ndaw ma sərada tek akay ana hay, me key mazazaŋ ka me pey 'ar ana hay, ka guma ma ndaw sek hay ma tsəmawa tabiyaha na hay! 26Akwa na Kriste ka key tsetseh andza ha, ma da fuləkwey a maram aŋga kakay ɗaw?» 27Arka ŋga ma zlar ta Moyiz, ta ndaw sek hay tabiyaha, arka na, ma wandzaladatara da Mewindey Kokwoɗ ana hay tabiyaha ka tek na ma tsəmawa ka ŋga na. 28Ma husam a wuraw na andza taya ma dawam a huɗa na, arka ŋga na key a kada vaw ŋga, andza a daway təŋga dəreŋ. 29Taya ma təkamar ɗay, ta me ləvey aha kava: «Ndzakwama dzaya zləna pas a kəley aha, dəvaɗ a key aha sana.» Ŋga me fuləkwey, ma ndzam dzaya. 30Arka, andza taya ma ndzam ka slam ma tek me zəmey na, ŋga me zəgey peŋ, ma pəsafa mey, ma tsada, arka ma vəladatara. 31Arka na dey ta me wurey, taya ma səradama, amana, ma zəɗafata ba ka slam dey ta. 32Arka taya ma tsam ka 'ar vaw ta na: «Hana a tsandamar aha guma ka tsakay tsəveɗ na, mevel a la ma hay da hwoɗ a təɓam andza waw kakay ɗaw? Andza a wandzaladandamar aha bəzay ma guma ma Mewindey Kokwoɗ ana hay na.» 33Ka slam ana deŋe tsana, taya ma məmawa a Zeruzalem, taya ma ndzafəmata gawla ŋga na kurow kava kasləta na hay, ta sa ma mandala ta hay ma kusa hiya, 34ma ləvəmatar: «Bay’ərlam Yezu na, ka mbəlawa ba dərka na zləna, ka ɓar vaw ba a Simoŋ.» 35Arka taya tey na, ma təkəradəmatara tek ata ma kawa ka tsakay tsəveɗ ana, arka, a da səradama teŋgey na, ka peŋ aŋga ma tsada na.
Yezu a ɓatar vaw a gawla ŋga hay
36Andza a tsam aha andza neney na, Yezu ma ɓatar vaw da wuzlah ata, ma ləvatar: «Zozoy ka ndzey ta kuray.» 37'ərev ma həɓatar, ma wasam, hərway taya ma dzalam na a nəkam na tek ma tərafata. 38Ŋga ma ləvatar: «Ɗagay 'ərev a həɓakwar, ka dzalam andza ha, da mevel a kwar na, ka mey? 39Nəkafama ka har a ɗaw ta sek a ɗaw hay: neney na yah təŋga seŋgey. Ləmaməmaya, nəkafəmaya, haɗaw tek me tərey ka ndaw na, kwa slaw vaw, kwa ndasl na dakay seŋgey, nəkafama na ŋga ɗaw na daha.» 40A dəba ma guma ŋga neney hay na, ŋga ma ɓadatara har aŋga, ta sek aŋga hay. 41Andza ma wuiya ma datar 'ar ana na, taya ma ndza hiya re, a pam 'ar kakay. Andza taya ma rəzla hiya na, ŋga ma ləvatar: «Tek a rafakwar ka sləna me zəmey daha ɗaw?» 42Taya ma vəlamar kəlef ma fukwa ha, nekəɗey. 43Ŋga ma təɓa, ma pəɗa ka slam dey ta na. 44Arka ŋga ma ləvatar: «Nəkafama, neney na bəzay ma guma i ma ɓadukurawa zla lakwa dzaya mba na, hayna tek ana hay ka ndaslam tabiyaha, andza na ma windəmərawa hərway ɗaw ana hay, da mewey ma Moyiz, da na ma Ndaw Sek hay, ta na ma Pəsom hay.» 45Arka ŋga ma wuradatara 'ar ma tsənada guma Mewindey Kokwoɗ ana hay, 46arka, ŋga ma ləvatar: «A da key na andza na ma winda ha na - Kriste na a da key tsetseh, a da mbəlawa da walaŋ ma ndaw ma mətsa na hay da meney ma makar ana-. 47Ta mezəley ŋga na, a da tələkadama mey, ma da mbəɗada mendzey ta me sey yam ka meŋgəsey ma ndaw ma dala hay, ma zlar na ta Zeruzalem. 48Ndaw seydewe na hay na: kuray eɗey. 49Yah tey na, i da slərəkurawa tek na Baba ɗaw me tsey kava na… Kuray eɗey na, ndzam da wuraw, ha aza i ka kələkurawa ma slafa ba da 'ərlam ba ka vaw ɗagay.» 50Arka ŋga ma ŋgəlata 'ar a Betani, ŋga ma tsakafada har aŋga, ma pəsafata mey. 51Arka andza a pəsafata ha mey na, ŋga ma gurey ba ka tsakay ta, ma tsekefey a 'ərlam. 52Andza taya ma namar dəba ba ka slam dey ŋga na, ma məmawa a Zeruzalem, ma rəha hiya ta wuiya ha. 53Taya ka pas ka pas da 'Ay me key Kuley, a səmbərama Bay ma Bəla.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Le Nouveau Testament en langue Mofu © 2007 Alliance Biblique du Cameroun