Luka 19
19
Yesu nɛ Zaacee pɔ-tɔm
1Pʋwayɩ lɛ, Yesu sʋʋ Yeriikoo tɛtʋ taa se ɛɖɛɣ. 2Abalʋ nɔɔyʋ kɛwɛ peeɖe, payaɣ-ɩ se Zaacee. Ɛkɛ tikee mʋyaa sɔsɔ, ɛwɛnɩ ñɩm sakɩyɛ. 3Ɛñɩnaɣ se ɛna weyi payaɣ se Yesu yɔ, ɛlɛ́, ɛtapɩzɩ. Mbʋ́ pʋyɔɔ yɔ, ɛyáa kɩlɩ ɖɔʋ. Ŋgʋ́, ɛtaɖaɣlɩ. 4Peeɖe esewa ɛɖɛɛ nɔɔ nɛ ewolo ɛkpa tɩʋ nakʋyʋ yɔɔ se Yesu ɛkɔm ɛɖɛɣ lɛ, ɛna-ɩ. 5Yesu talɩ tɩʋ ŋ́gʋ́ kɩ-tɛɛ lɛ, ɛkpazɩ ɛ-ɛsɛ nɛ ɛna-ɩ. Ɛlɛ́, eheyi-i se: «Zaacee tii lɔŋ! Sɔnɔ ñɛ-tɛ mansʋʋ.» 6Peeɖe Zaacee titiba nɛ ɛ nɛ Yesu powolo ɛ-tɛ nɛ ɛmʋ-ɩ nɛ laŋhʋlʋmɩyɛ. 7Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!» 8Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.» 9Peeɖe Yesu tɔm se: «Sɔnɔ ɖɩɣa kanɛ ka-taa ɛyáa tɩŋa hiɣ ñʋʋ yabʋ. Mbʋ́ pʋyɔɔ yɔ, Zaacee kɛ Abraham sayɩ ɖɔɖɔ. 10Mbʋ́ pʋyɔɔ yɔ, Ɛyʋ Pɩyalʋ kɔm se ɛñɩnɩ mbá peleba yɔ nɛ ɛya pa-ñʋʋ.»
Tʋmlaɖaa naadozo eduuye
(Mat 25.14-30)
11Ɛyáa welesaɣ ndʋ́ Yesu yɔɔdaɣ yɔ. Peeɖe ɛtasɩ-wɛ tuuu eduuye. Toovenim lɛ se pɔñɔtɩnɩ Yeruusalɛm, nɛ ɛyáa maɣzɩɣ se Ɛsɔ kewiyaɣ kɔŋ kpaagbaa nɛ pana-kɛ nɛ pɛ-ɛsɛ. Pʋ-yɔɔ etuu-wɛ eduuye se: 12«Nakʋyʋ wiye ɛyʋ sɔsɔ nɔɔyʋ kʋyaa ewolo ɛjaɖɛ poliŋ ñɩnɖɛ naɖɩyɛ taa wiyaʋ sɔsɔ cɔlɔ se ɛcɛlɩ-ɩ kewiyaɣ nɛ ɛɛpɩsɩ ɛcɔnɩ ɛ-ɛjaɖɛ taa ñɩma yɔɔ. 13Pʋcɔ ɛɖɛɛ lɛ, ɛya ɛ-tʋmlaɖaa hiu nɛ ɛtayɩ-wɛ sika pɔɔyaɣ pɔɔyaɣ nɛ eheyi-wɛ se: ‹Ɩlabɩnɩ tadɩyɛ nɛ pʋkɔɔ pɩsɩɩnɩ alɩwaatʋ ndʋ́ mɔnkɔma yɔ.› 14Ŋgʋ́, ɛ-ɛjaɖɛ taa ñɩma paɖaɣ-ɩ. Ɛɖɛwa lɛ, pakʋsɩ ɛyáa se powolo peheyi wiyaʋ sɔsɔ ɛnʋ se pɔtɔsɔɔlɩ se ɛyʋ ɛnʋ ɛkɛ pe-wiyaʋ.
15Ewoba nɛ pɛcɛlɩ-ɩ kewiyaɣ lɛ, ɛpɩsɩ nɛ ekpeɣli ɛ-tʋmlaɖaa mbá ɛɛcɛlɩ-wɛ sika pɔɔyɩsɩ yɔ se ɛna se ɛzɩma ɛzɩma pɩsɛ-wɛ. 16Peeɖe kajalaɣ tʋ kʋyaa nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, pɩsɛ-m kɔ-yɔɔ pɔɔyɩsɩ hiu.› 17Ɛlɛ́, wiyaʋ heyi-i se: ‹Pʋwɛ ɖeu, ŋkɛ tʋmlaɖʋ kɩbanʋ. Đenɖe ŋlabɩ mbʋ́ pʋpɔzʋʋ yɔ cikpem taa yɔ, ŋtɔkɩ kewiyaɣ tɛtʋ hiu taa.› 18Naalɛ tʋ ñakʋyɩ nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, pɩsɛ-m kɔ-yɔɔ pɔɔyɩsɩ kagbaanzɩ.› 19Peeɖe wiyaʋ heyi ɛ́lɛ́ se: ‹Ña ñɔtɔkɩ kewiyaɣ tɛtʋ kagbaanzɩ taa.› 20Pʋwayɩ lɛ, tozo tʋ ñakʋyɩ nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, ŋ́gá yɔ. Mɔhɔkɩ-kɛ pɩsaacemɖe taa nɛ mansɩɩ. 21Ŋwɛ-m sɔɔndʋ, mbʋ́ pʋyɔɔ yɔ, ñɔ-tɔm wɛ kaɖɛ. Mbʋ́ ŋtasɩɩ yɔ, ḿbʋ́ ŋkpakɩɣ, nɛ mbʋ́ ŋtoɖuu yɔ, ḿbʋ́ ŋcaɣ se ŋkʋ.› 22Peeɖe wiyaʋ sɔsɔ ɛnʋ eheyi-i se: ‹Tʋmlaɖʋ ɛzaɣ́ʋ ña! Ñɔ-nɔɔ taa tɔm mahʋʋnɩ-ŋ. Ŋsɩm ḿbʋ́ se mɔn-tɔm wɛ kaɖɛ nɛ mbʋ́ mantasɩɩ yɔ, ḿbʋ́ mankpakɩɣ nɛ mbʋ́ montoɖúú yɔ, ḿbʋ́ mankʋŋ lɛ, 23pɩla ɛzɩma ŋtowoni men-sika pɔɔyaɣ nɛ ŋɖʋ liidiye kozaɣ taa yɔ? Tɛtɛɣ mɔnkɔm ɛzʋnɔ yɔ, maamaɣnɩ pʋsɔzɩ-m kɔ-yɔɔ nɛ mɛnkpɛndɩ mamʋ.› 24Peeɖe eheyi ɛ-cɔlɔ ñɩma se: ‹Ɩmʋ pɔɔyaɣ ŋ́gá lɔŋ e-nesi taa nɛ ɩsɔzɩ weyi ɛwɛnɩ pɔɔyɩsɩ hiu yɔ.› 25Paba heyi-i se: ‹Kɩpaɣlʋ! Ɛ́lɛ́ tɛm wɛnaʋ pɔɔyɩsɩ hiu!› 26Peeɖe wiyaʋ ɛnʋ ecosi-wɛ se: ‹Meheyiɣ-mɩ se weyi ɛwɛna yɔ, pɔsɔzʋʋ-ɩ nɛ pʋɖɔɔ-ɩ. Ɛlɛ́, weyi ɛ́lɛ́ fɛyɩnɩ pʋyʋ yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ. 27Piyele mon-koyindinaa mbá pekizaa se mantaatɔɔ kewiyaɣ yɔ, ɩkɔnɩ-wɛ cɩnɛ nɛ ɩkʋ-wɛ mɛ-ɛsɩndaa.› »
28Yesu tɛm yɔɔdʋʋ ḿbʋ́ lɛ, ɛɖɛɛ ɛyáa samaɣ nɔɔ se ewoki Yeruusalɛm.
Yesu sʋ Yeruusalɛm tɛtʋ taa
(Mat 21.1-11; Mrk 11.1-11; Yoh 12.12-19)
29Pɔñɔtɩnɩ Bɛtfaajee nɛ Betaanii pɔ-hɔɔlʋʋ taa Somiŋ Pʋʋ cɔlɔ lɛ, etiyi ɛ-tɔmkpɛlɩkɩyaa naalɛ se: 30«Iwolo tɛtʋ cikpetu ndʋ́ tɩwɛ ɛsɩndaa yɔ tɩ-taa. Ɩtalɩɣ lɛ, ɩmakɩnɩ paɖɩ kpaŋaɣ piye naɖɩyɛ. Nɔɔyʋ tacaɣdɩ ɖɩ-yɔɔ kaʋ. Ɩkpɛzɩ-ɖɩ nɛ ɩkɔna. 31Yee nɔɔyʋ ɛpɔzɩ-mɩ se: ‹Pɩlabɩ ɛzɩma ɩkpɛzɩɣ-ɖɩ› lɛ, icosi-i se: ‹Kɩpaɣlʋ liu wɛ-ɖɩ.› » 32Peeɖe pɛɖɛwa nɛ patalɩ pamaɣnɩ pɩtɩŋa ɛzɩ eeheyuu-wɛ yɔ. 33Pɛkpɛzaɣ kpaŋaɣ piye ńɖɩ́ lɛ, ɖɩ-tɩnaa pɔzɩ-wɛ se: «Pɩlabɩ ɛzɩma ɩkpɛzɩɣ kpaŋaɣ piye ńɖɩ́?» 34Ɛlɛ́, pocosi-wɛ se: «Kɩpaɣlʋ liu wɛ-ɖɩ.» 35Peeɖe powoni-ɖɩ Yesu cɔlɔ nɛ pɔhɔzɩ po-wondu lɛɛtʋ nɛ pɔpɔ ɖɩ-yɔɔ nɛ pakpaɣ-ɩ pacaɣzɩ. 36Ɛcaɣ ɖɩ-yɔɔ nɛ ɛɖɛɣ lɛ, ɛyáa hɔzʋʋ po-wondu lɛɛtʋ nɛ pɔpɔʋ nʋmɔʋ taa ɖenɖe ɛtɩŋaɣ yɔ. 37Ɛñɔtɩnɩ Yeruusalɛm ɛzɩ eetii Somiŋ Pʋʋ lɛ, ɛ-tɔmkpɛlɩkɩyaa sakɩyɛ mbá patɩŋaɣ-ɩ yɔ, pa-laŋa hʋlʋmɩ patɩŋa. Peeɖe papazɩ kou nɛ pasaŋ Ɛsɔ, hama lakasɩ nzɩ́ sɩtɩŋa ɛlaba nɛ pana yɔ sɩ-yɔɔ. 38Pasaŋaɣ-ɩ se: «Ɛsɔ ɛ́wazɩ wiyaʋ sɔsɔ weyi ɛkɔŋ Kɩpaɣlʋ lone taa yɔ ɛ-yɔɔ! Laŋhɛzɩyɛ ɛwɛɛ ɖooo ɛsɔdaa nɛ pasam-ɩ peeɖe!»
39Peeɖe Farɩsɩ ñɩma mbá paawɛ ɛyáa samaɣ taa peeɖe yɔ, pa-taa nabɛyɛ heyi Yesu se: «Wɩlɩyʋ! Kalɩ ñɔ-tɔmkpɛlɩkɩyaa ḿbá se posu.» 40Ɛlɛ́, Yesu cosi-wɛ se: «Meheyiɣ-mɩ se paa ɛyáa ḿbá posuma yɔ, pɛɛ maɣmaɣ kʋyʋʋ ama kubusi!»
Yesu wi Yeruusalɛm ñɩma
41Yesu ñɔtɩnɩ Yeruusalɛm tɛtʋ lɛ, ɛna-tʋ. Peeɖe ewi tɩ-taa ñɩma 42nɛ ɛtɔ se: «Yee ɩɩtɩɩsɩm mbʋ́ pɩhaɣ-mɩ laŋhɛzɩyɛ sɔnɔ kɩyakʋ kʋnɛ yɔ paa ñɩɩɩ yɔ, iihiɣ-ɖɩ! Ɛlɛ́, lɛɛlɛɛyɔ, pʋwɛ-mɩ mɛsaɣ tɛɛ. 43Mi-koyindinaa kɔŋ kɩyakɩŋ nɩɩyɩ taa nɛ pama koloŋa sɔsɔɔ nakɛyɛ nɛ kɔcɔɔ-mɩ kata nɛ pakpatɩ-mɩ nɛ 44pakʋ mɩtɩŋa payɩ. Pɔyɔkʋʋ mɩ-ɖɩsɩ, pɩɩkazɩɣ pɩyɛ naɖɩyɛ se ɖɩwɛ lɛɛɖɛ yɔɔ. Mbʋ́ pʋyɔɔ yɔ, ɩtaatɩlɩ alɩwaatʋ ndʋ́ Ɛsɔ kaakɔm se ɛya mɩ-ñʋʋ yɔ.»
Yesu ɖɔɔnɩ tadɩyɛ tɩnaa Ɛsɔ ɖɩɣa taa
(Mat 21.12-17; Mrk 11.15-19; Yoh 2.13-22)
45Yesu talɩ Yeruusalɛm lɛ, ɛsʋʋ Ɛsɔ ɖɩɣa taa. Ɛsʋwa lɛ, ɛpazɩ tadɩyɛ tɩnaa ɖɔɔnʋʋ 46nɛ eheyi-wɛ se: «Ɛsɔ yɔɔdaa nɛ pama Ɛsɔtɔm Takayaɣ taa se: ‹Man-ɖɩɣa kɛɣnɩ Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»
47Yesu susaɣ Ɛsɔtɔm Ɛsɔ ɖɩɣa taa paa ɖooye nɛ cɔjɔnaa sɔsaa nɛ paɣtʋ wɩlɩyaa nɛ Yuda ñɩma sɔsaa pañɩnɩɣ se pakʋ-ɩ. 48Ɛlɛ́, paanaɣ se pala ɛzɩma. Mbʋ́ pʋyɔɔ yɔ, ɛyáa samaɣ tɩŋa welesaɣ ɛ-tɔm siŋŋ.
S'ha seleccionat:
Luka 19: KABI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Luka 19
19
Yesu nɛ Zaacee pɔ-tɔm
1Pʋwayɩ lɛ, Yesu sʋʋ Yeriikoo tɛtʋ taa se ɛɖɛɣ. 2Abalʋ nɔɔyʋ kɛwɛ peeɖe, payaɣ-ɩ se Zaacee. Ɛkɛ tikee mʋyaa sɔsɔ, ɛwɛnɩ ñɩm sakɩyɛ. 3Ɛñɩnaɣ se ɛna weyi payaɣ se Yesu yɔ, ɛlɛ́, ɛtapɩzɩ. Mbʋ́ pʋyɔɔ yɔ, ɛyáa kɩlɩ ɖɔʋ. Ŋgʋ́, ɛtaɖaɣlɩ. 4Peeɖe esewa ɛɖɛɛ nɔɔ nɛ ewolo ɛkpa tɩʋ nakʋyʋ yɔɔ se Yesu ɛkɔm ɛɖɛɣ lɛ, ɛna-ɩ. 5Yesu talɩ tɩʋ ŋ́gʋ́ kɩ-tɛɛ lɛ, ɛkpazɩ ɛ-ɛsɛ nɛ ɛna-ɩ. Ɛlɛ́, eheyi-i se: «Zaacee tii lɔŋ! Sɔnɔ ñɛ-tɛ mansʋʋ.» 6Peeɖe Zaacee titiba nɛ ɛ nɛ Yesu powolo ɛ-tɛ nɛ ɛmʋ-ɩ nɛ laŋhʋlʋmɩyɛ. 7Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!» 8Ɛlɛ́, Zaacee kʋyɩ nɛ eheyi Yesu se: «Kɩpaɣlʋ! Meheyiɣ-ŋ se mantayɩɣ ma-ñɩm tam naalɛ nɛ mankpaɣ hɔɔlʋʋ maha kʋñɔndɩnaa. Yee maamuli nɔɔyʋ nɛ mɔntɔɔ e-liidiye yɔ, mɛhɛyɩ-ɩ ɖɩ-tam naanza.» 9Peeɖe Yesu tɔm se: «Sɔnɔ ɖɩɣa kanɛ ka-taa ɛyáa tɩŋa hiɣ ñʋʋ yabʋ. Mbʋ́ pʋyɔɔ yɔ, Zaacee kɛ Abraham sayɩ ɖɔɖɔ. 10Mbʋ́ pʋyɔɔ yɔ, Ɛyʋ Pɩyalʋ kɔm se ɛñɩnɩ mbá peleba yɔ nɛ ɛya pa-ñʋʋ.»
Tʋmlaɖaa naadozo eduuye
(Mat 25.14-30)
11Ɛyáa welesaɣ ndʋ́ Yesu yɔɔdaɣ yɔ. Peeɖe ɛtasɩ-wɛ tuuu eduuye. Toovenim lɛ se pɔñɔtɩnɩ Yeruusalɛm, nɛ ɛyáa maɣzɩɣ se Ɛsɔ kewiyaɣ kɔŋ kpaagbaa nɛ pana-kɛ nɛ pɛ-ɛsɛ. Pʋ-yɔɔ etuu-wɛ eduuye se: 12«Nakʋyʋ wiye ɛyʋ sɔsɔ nɔɔyʋ kʋyaa ewolo ɛjaɖɛ poliŋ ñɩnɖɛ naɖɩyɛ taa wiyaʋ sɔsɔ cɔlɔ se ɛcɛlɩ-ɩ kewiyaɣ nɛ ɛɛpɩsɩ ɛcɔnɩ ɛ-ɛjaɖɛ taa ñɩma yɔɔ. 13Pʋcɔ ɛɖɛɛ lɛ, ɛya ɛ-tʋmlaɖaa hiu nɛ ɛtayɩ-wɛ sika pɔɔyaɣ pɔɔyaɣ nɛ eheyi-wɛ se: ‹Ɩlabɩnɩ tadɩyɛ nɛ pʋkɔɔ pɩsɩɩnɩ alɩwaatʋ ndʋ́ mɔnkɔma yɔ.› 14Ŋgʋ́, ɛ-ɛjaɖɛ taa ñɩma paɖaɣ-ɩ. Ɛɖɛwa lɛ, pakʋsɩ ɛyáa se powolo peheyi wiyaʋ sɔsɔ ɛnʋ se pɔtɔsɔɔlɩ se ɛyʋ ɛnʋ ɛkɛ pe-wiyaʋ.
15Ewoba nɛ pɛcɛlɩ-ɩ kewiyaɣ lɛ, ɛpɩsɩ nɛ ekpeɣli ɛ-tʋmlaɖaa mbá ɛɛcɛlɩ-wɛ sika pɔɔyɩsɩ yɔ se ɛna se ɛzɩma ɛzɩma pɩsɛ-wɛ. 16Peeɖe kajalaɣ tʋ kʋyaa nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, pɩsɛ-m kɔ-yɔɔ pɔɔyɩsɩ hiu.› 17Ɛlɛ́, wiyaʋ heyi-i se: ‹Pʋwɛ ɖeu, ŋkɛ tʋmlaɖʋ kɩbanʋ. Đenɖe ŋlabɩ mbʋ́ pʋpɔzʋʋ yɔ cikpem taa yɔ, ŋtɔkɩ kewiyaɣ tɛtʋ hiu taa.› 18Naalɛ tʋ ñakʋyɩ nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, pɩsɛ-m kɔ-yɔɔ pɔɔyɩsɩ kagbaanzɩ.› 19Peeɖe wiyaʋ heyi ɛ́lɛ́ se: ‹Ña ñɔtɔkɩ kewiyaɣ tɛtʋ kagbaanzɩ taa.› 20Pʋwayɩ lɛ, tozo tʋ ñakʋyɩ nɛ eheyi-i se: ‹Kɩpaɣlʋ! Sika pɔɔyaɣ ŋgá ŋcɛlɩ-m yɔ, ŋ́gá yɔ. Mɔhɔkɩ-kɛ pɩsaacemɖe taa nɛ mansɩɩ. 21Ŋwɛ-m sɔɔndʋ, mbʋ́ pʋyɔɔ yɔ, ñɔ-tɔm wɛ kaɖɛ. Mbʋ́ ŋtasɩɩ yɔ, ḿbʋ́ ŋkpakɩɣ, nɛ mbʋ́ ŋtoɖuu yɔ, ḿbʋ́ ŋcaɣ se ŋkʋ.› 22Peeɖe wiyaʋ sɔsɔ ɛnʋ eheyi-i se: ‹Tʋmlaɖʋ ɛzaɣ́ʋ ña! Ñɔ-nɔɔ taa tɔm mahʋʋnɩ-ŋ. Ŋsɩm ḿbʋ́ se mɔn-tɔm wɛ kaɖɛ nɛ mbʋ́ mantasɩɩ yɔ, ḿbʋ́ mankpakɩɣ nɛ mbʋ́ montoɖúú yɔ, ḿbʋ́ mankʋŋ lɛ, 23pɩla ɛzɩma ŋtowoni men-sika pɔɔyaɣ nɛ ŋɖʋ liidiye kozaɣ taa yɔ? Tɛtɛɣ mɔnkɔm ɛzʋnɔ yɔ, maamaɣnɩ pʋsɔzɩ-m kɔ-yɔɔ nɛ mɛnkpɛndɩ mamʋ.› 24Peeɖe eheyi ɛ-cɔlɔ ñɩma se: ‹Ɩmʋ pɔɔyaɣ ŋ́gá lɔŋ e-nesi taa nɛ ɩsɔzɩ weyi ɛwɛnɩ pɔɔyɩsɩ hiu yɔ.› 25Paba heyi-i se: ‹Kɩpaɣlʋ! Ɛ́lɛ́ tɛm wɛnaʋ pɔɔyɩsɩ hiu!› 26Peeɖe wiyaʋ ɛnʋ ecosi-wɛ se: ‹Meheyiɣ-mɩ se weyi ɛwɛna yɔ, pɔsɔzʋʋ-ɩ nɛ pʋɖɔɔ-ɩ. Ɛlɛ́, weyi ɛ́lɛ́ fɛyɩnɩ pʋyʋ yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ. 27Piyele mon-koyindinaa mbá pekizaa se mantaatɔɔ kewiyaɣ yɔ, ɩkɔnɩ-wɛ cɩnɛ nɛ ɩkʋ-wɛ mɛ-ɛsɩndaa.› »
28Yesu tɛm yɔɔdʋʋ ḿbʋ́ lɛ, ɛɖɛɛ ɛyáa samaɣ nɔɔ se ewoki Yeruusalɛm.
Yesu sʋ Yeruusalɛm tɛtʋ taa
(Mat 21.1-11; Mrk 11.1-11; Yoh 12.12-19)
29Pɔñɔtɩnɩ Bɛtfaajee nɛ Betaanii pɔ-hɔɔlʋʋ taa Somiŋ Pʋʋ cɔlɔ lɛ, etiyi ɛ-tɔmkpɛlɩkɩyaa naalɛ se: 30«Iwolo tɛtʋ cikpetu ndʋ́ tɩwɛ ɛsɩndaa yɔ tɩ-taa. Ɩtalɩɣ lɛ, ɩmakɩnɩ paɖɩ kpaŋaɣ piye naɖɩyɛ. Nɔɔyʋ tacaɣdɩ ɖɩ-yɔɔ kaʋ. Ɩkpɛzɩ-ɖɩ nɛ ɩkɔna. 31Yee nɔɔyʋ ɛpɔzɩ-mɩ se: ‹Pɩlabɩ ɛzɩma ɩkpɛzɩɣ-ɖɩ› lɛ, icosi-i se: ‹Kɩpaɣlʋ liu wɛ-ɖɩ.› » 32Peeɖe pɛɖɛwa nɛ patalɩ pamaɣnɩ pɩtɩŋa ɛzɩ eeheyuu-wɛ yɔ. 33Pɛkpɛzaɣ kpaŋaɣ piye ńɖɩ́ lɛ, ɖɩ-tɩnaa pɔzɩ-wɛ se: «Pɩlabɩ ɛzɩma ɩkpɛzɩɣ kpaŋaɣ piye ńɖɩ́?» 34Ɛlɛ́, pocosi-wɛ se: «Kɩpaɣlʋ liu wɛ-ɖɩ.» 35Peeɖe powoni-ɖɩ Yesu cɔlɔ nɛ pɔhɔzɩ po-wondu lɛɛtʋ nɛ pɔpɔ ɖɩ-yɔɔ nɛ pakpaɣ-ɩ pacaɣzɩ. 36Ɛcaɣ ɖɩ-yɔɔ nɛ ɛɖɛɣ lɛ, ɛyáa hɔzʋʋ po-wondu lɛɛtʋ nɛ pɔpɔʋ nʋmɔʋ taa ɖenɖe ɛtɩŋaɣ yɔ. 37Ɛñɔtɩnɩ Yeruusalɛm ɛzɩ eetii Somiŋ Pʋʋ lɛ, ɛ-tɔmkpɛlɩkɩyaa sakɩyɛ mbá patɩŋaɣ-ɩ yɔ, pa-laŋa hʋlʋmɩ patɩŋa. Peeɖe papazɩ kou nɛ pasaŋ Ɛsɔ, hama lakasɩ nzɩ́ sɩtɩŋa ɛlaba nɛ pana yɔ sɩ-yɔɔ. 38Pasaŋaɣ-ɩ se: «Ɛsɔ ɛ́wazɩ wiyaʋ sɔsɔ weyi ɛkɔŋ Kɩpaɣlʋ lone taa yɔ ɛ-yɔɔ! Laŋhɛzɩyɛ ɛwɛɛ ɖooo ɛsɔdaa nɛ pasam-ɩ peeɖe!»
39Peeɖe Farɩsɩ ñɩma mbá paawɛ ɛyáa samaɣ taa peeɖe yɔ, pa-taa nabɛyɛ heyi Yesu se: «Wɩlɩyʋ! Kalɩ ñɔ-tɔmkpɛlɩkɩyaa ḿbá se posu.» 40Ɛlɛ́, Yesu cosi-wɛ se: «Meheyiɣ-mɩ se paa ɛyáa ḿbá posuma yɔ, pɛɛ maɣmaɣ kʋyʋʋ ama kubusi!»
Yesu wi Yeruusalɛm ñɩma
41Yesu ñɔtɩnɩ Yeruusalɛm tɛtʋ lɛ, ɛna-tʋ. Peeɖe ewi tɩ-taa ñɩma 42nɛ ɛtɔ se: «Yee ɩɩtɩɩsɩm mbʋ́ pɩhaɣ-mɩ laŋhɛzɩyɛ sɔnɔ kɩyakʋ kʋnɛ yɔ paa ñɩɩɩ yɔ, iihiɣ-ɖɩ! Ɛlɛ́, lɛɛlɛɛyɔ, pʋwɛ-mɩ mɛsaɣ tɛɛ. 43Mi-koyindinaa kɔŋ kɩyakɩŋ nɩɩyɩ taa nɛ pama koloŋa sɔsɔɔ nakɛyɛ nɛ kɔcɔɔ-mɩ kata nɛ pakpatɩ-mɩ nɛ 44pakʋ mɩtɩŋa payɩ. Pɔyɔkʋʋ mɩ-ɖɩsɩ, pɩɩkazɩɣ pɩyɛ naɖɩyɛ se ɖɩwɛ lɛɛɖɛ yɔɔ. Mbʋ́ pʋyɔɔ yɔ, ɩtaatɩlɩ alɩwaatʋ ndʋ́ Ɛsɔ kaakɔm se ɛya mɩ-ñʋʋ yɔ.»
Yesu ɖɔɔnɩ tadɩyɛ tɩnaa Ɛsɔ ɖɩɣa taa
(Mat 21.12-17; Mrk 11.15-19; Yoh 2.13-22)
45Yesu talɩ Yeruusalɛm lɛ, ɛsʋʋ Ɛsɔ ɖɩɣa taa. Ɛsʋwa lɛ, ɛpazɩ tadɩyɛ tɩnaa ɖɔɔnʋʋ 46nɛ eheyi-wɛ se: «Ɛsɔ yɔɔdaa nɛ pama Ɛsɔtɔm Takayaɣ taa se: ‹Man-ɖɩɣa kɛɣnɩ Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»
47Yesu susaɣ Ɛsɔtɔm Ɛsɔ ɖɩɣa taa paa ɖooye nɛ cɔjɔnaa sɔsaa nɛ paɣtʋ wɩlɩyaa nɛ Yuda ñɩma sɔsaa pañɩnɩɣ se pakʋ-ɩ. 48Ɛlɛ́, paanaɣ se pala ɛzɩma. Mbʋ́ pʋyɔɔ yɔ, ɛyáa samaɣ tɩŋa welesaɣ ɛ-tɔm siŋŋ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió