Ruk. 17
17
Yajauch túrumtikiatin tí tsuumainti
(Mat. 18:6-7,21-22; Mar. 9:42)
1Jesus ni unuiniamuri̱n ju̱na chicharainiak “Aentsun yajauchin túrumtikiattana nu tuke átatui. Tura shuar ni ai̱n yajauchin wakerumtikna nu anearti. 2Ju̱ shuar uchich ainia nuna yajauchiniam túrumtikna nuna Yus imiá asutiáttawai. Tuma asamtai nuna túratsa̱i̱ṉ uunt kayaja̱i̱ kuntujnum jiṉkiá nayantsanam aju̱ṉkam maak ainti. 3Túrasha atumek íimiastarum. Ame yátsum yajauchin túramtaiṉkia chicharkata tura ni ‘tsaṉkurturta’ túramkuiṉkia tsaṉkurata. 4Chikichik tsawantini̱ṉ ámiji̱a̱i̱ yajauchin siati túramtaiṉkia tura yamaikia ené enentáimia ajasjai tsaṉkurturta turamtiaj tusa waké waketrutmaku̱a̱ siati ejemtainkia tsaṉkurata.”
Yus nekas enentáimtakur tujintkiashtatji
5Jesusa unuiniamuri̱ Nin chicharuk “Yus enentáimtajnia nú naṉkaamas enentáimtustin yaintkratkata” tiármiayi. 6Tutai Jesus chichaak “Mustasa jiṉkiái ti ishitiúpchich ana núnisaṉ ishichkisha Yus enentáimtaitkiurmeka sikiumúru numi wajana nu ‘Wajamurmi̱ya̱ṉka ukuiniakam nayantsanam wajasta’ tákurmin nú numi umirtamkainti.
Yaintri̱ asar tú takastai
7 Atumí takarniúri̱ arakmasua amik waakancha iis támatai ¿nú chichamaik amesha ‘Winitiá, yurumáitia’ tíintmek? 8Atsá. Antsu ‘yurumak iwiarturata. Wi yurumátin tura umartincha surusminiam iwiarnarta. Nuyá̱ ame yurumáta.’ Nu tíchaintmek. 9Ni túratin ana nunak túratsuk. Tuma asamtai yumiṉsashtatme. 10Atumsha núnisrumek Yus túramna nu ashí umikiam ‘tí peṉker túraitjiai’ tíchatniuitme. Antsu ‘aya ii túratniuri̱ ana nuke tura asar iikia ántraitji’ títiniaitme” tímiayi Jesus.
Tias áishmaṉ kuchaprúkun Jesus tsuarma
11Jesus Jerusaréṉnum wesa Kariréa ikiukí̱ Samarianam naṉkaamakmiayi. 12Tura péprunam jeamtai tias áishmaṉ kuchap suṉkur achikiam tunamáraruka íkian wajasármiayi. 13Tura untsumainiak “Uunt Jesusá, waitnenkarturta” tiármiayi. 14Jesus nin wainiak “Yúsnan pujurin werirum iniakmamsatarum” tímiayi. Tura wésar péṉker ajasármiayi. 15Nuyá̱ chikichik ni tsuámarman nekáa kakantar chichaki̱ Yusa náari̱n uunt awajki̱ waketki̱ Jesusan tarimiayi. 16Yumiṉsataj tusa Jesusan tikishmátar piniakumar tepesmiayi. Nu áishmaṉka Samarianmaya̱uyayi. 17Nuna wainiak Jesus chichaak “Tsuámaru tiáschakait. ¿Chíkich nuíwisha tui̱ pujuinia? 18¿Ju̱ yajaya̱ áishmaṉ níṉkik Yusa naari̱ uunt awajsataj tusa waketki̱ tai?” tímiayi. 19Nuyá̱ áishmaṉkan chicharuk “Winia nekas enentáimtursa asam péṉker ajasume. Wajakím shiir wetá” Jesus tímiayi.
¿Yusa akupeamuri̱ urutáik ati?
(Mat. 24:23-28,36-41)
20Pariséu aents Jesusan inintrak “¿Yusa akupeamuri̱ urutáik ati?” tutai Jesus chicharuk “Yusa akupeamuri̱ paant wáinkiachminiaiti. ‘Yamái naṉkamnayi’ tichamniaiti. 21‘Ju̱i̱ awai, nui̱sha awai’ tichamniaiti. Warí, Yusa akupeamuri̱nkia atumíin pujawai” tímiayi. 22Nuyá̱ ni unuiniamuri̱n chicharuk “Tsawant jeattawai atumsha Winia Aents Ajasu tutain ‘aya chikichík tsawantkesha Ni wainkiarkia maak’ turuttiatrume. Túrasha tujintkiattarme. 23Aents Ajasu tutai ‘ju̱i̱ pujawai, nui̱sha pujawai’ tuíniakui werirap. Tana nu nemariirap. 24Wi, Aents Ajasuitjiana nu tátinian tsawantur jeamtai paant waitkiattarme. Peem péetuk ashí nayaimpin tsáapnin awajna núnisaṉ wi winiamu paant átatui. 25Tura nu túruntsa̱i̱ṉ yamái pujuinia nu Winia nakitruiniakui tí waitsatniuitjiai. 26Winia atak tátiniur jeamtai yaunchu Nuwái pujumia nú tsawantin túrunamia núnisaṉ túrunattawai. 27Yurumiarmiayi tura umiarmiayi, nuatiarmiayi tura ni nawantri̱n nuatmamtikiarmiayi. Tumá matsatainiai̱ Nuwái uunt kanunam eṉkempramtai ama̱a̱rak nu aentsnasha mash amuukarmiayi. 28Tura Sutumnumsha Rauta írutramuri̱sha núnisaraṉ Yusa asutkiari̱n enentáimtutsuk pujuarmiayi. Yurumáwarmiayi, umararmiayi, sumakarmiayi, surukarmiayi, ajancha ajamarmiayi, je̱a̱ncha je̱a̱mkarmiayi. 29Tura Raut Sutumanmaya̱ jiinkimtai asupri tutai kaya keek yútana áintsaṉ nayaimpinmaya̱ kakeetuk nu aentsun mash máwarmiayi. 30Núnisaṉ wi atak tátiniur jeamtai enentáimtsuk pujusártatui.
31 Nu tsawant jeamtai je̱a̱ yakiini̱ pujana nú shuar ni warirí̱n achiktaj tusa akaikí̱ je̱á̱ waya̱shti. Tura kampunniunam wekaana nú shuar ni je̱e̱n waketkishti. 32Rauta nua̱rí̱ túrunamu enentáimpratarum. 33Aya ju̱ nuṉkanmaya̱ṉ enentáimias ‘iwiaaku átaj’ tana nu ni iwiaakmari̱n emeṉkáktatui. Tura ju̱ nuṉkanam ni iwiaakmari̱n emeṉkána nu nekas iwiaakma ana nuna wainkiattawai. 34Paant tájarme. Nú káshitin jimiará áishmaṉ nú peaknumaṉ kanúu tepeartatui. Chikichik junaktiatui, chíkichkia ikiunkittiawai. 35Jimiará nuwa̱ mái̱ metek nekée pujuartatui. Chikichik junaktiatui, chíkichkia ikiunkittiawai. 36Jimiará áishmaṉ kampunniunam wekainiartatui. Chikichik junaktiatui, chíkichkia ikiunkittiawai.” Tú timiayi. 37Nuna antukar “Uuntá ¿tui̱ túrunatta?” tiármiayi. Tutai ni chichaak “Jaka tepana nui̱ chuaṉ káutkartatui.”
S'ha seleccionat:
Ruk. 17: jiv
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2009 Avant Ministries in cooperation with Wycliffe Bible Translators, Inc. All rights reserved.
Ruk. 17
17
Yajauch túrumtikiatin tí tsuumainti
(Mat. 18:6-7,21-22; Mar. 9:42)
1Jesus ni unuiniamuri̱n ju̱na chicharainiak “Aentsun yajauchin túrumtikiattana nu tuke átatui. Tura shuar ni ai̱n yajauchin wakerumtikna nu anearti. 2Ju̱ shuar uchich ainia nuna yajauchiniam túrumtikna nuna Yus imiá asutiáttawai. Tuma asamtai nuna túratsa̱i̱ṉ uunt kayaja̱i̱ kuntujnum jiṉkiá nayantsanam aju̱ṉkam maak ainti. 3Túrasha atumek íimiastarum. Ame yátsum yajauchin túramtaiṉkia chicharkata tura ni ‘tsaṉkurturta’ túramkuiṉkia tsaṉkurata. 4Chikichik tsawantini̱ṉ ámiji̱a̱i̱ yajauchin siati túramtaiṉkia tura yamaikia ené enentáimia ajasjai tsaṉkurturta turamtiaj tusa waké waketrutmaku̱a̱ siati ejemtainkia tsaṉkurata.”
Yus nekas enentáimtakur tujintkiashtatji
5Jesusa unuiniamuri̱ Nin chicharuk “Yus enentáimtajnia nú naṉkaamas enentáimtustin yaintkratkata” tiármiayi. 6Tutai Jesus chichaak “Mustasa jiṉkiái ti ishitiúpchich ana núnisaṉ ishichkisha Yus enentáimtaitkiurmeka sikiumúru numi wajana nu ‘Wajamurmi̱ya̱ṉka ukuiniakam nayantsanam wajasta’ tákurmin nú numi umirtamkainti.
Yaintri̱ asar tú takastai
7 Atumí takarniúri̱ arakmasua amik waakancha iis támatai ¿nú chichamaik amesha ‘Winitiá, yurumáitia’ tíintmek? 8Atsá. Antsu ‘yurumak iwiarturata. Wi yurumátin tura umartincha surusminiam iwiarnarta. Nuyá̱ ame yurumáta.’ Nu tíchaintmek. 9Ni túratin ana nunak túratsuk. Tuma asamtai yumiṉsashtatme. 10Atumsha núnisrumek Yus túramna nu ashí umikiam ‘tí peṉker túraitjiai’ tíchatniuitme. Antsu ‘aya ii túratniuri̱ ana nuke tura asar iikia ántraitji’ títiniaitme” tímiayi Jesus.
Tias áishmaṉ kuchaprúkun Jesus tsuarma
11Jesus Jerusaréṉnum wesa Kariréa ikiukí̱ Samarianam naṉkaamakmiayi. 12Tura péprunam jeamtai tias áishmaṉ kuchap suṉkur achikiam tunamáraruka íkian wajasármiayi. 13Tura untsumainiak “Uunt Jesusá, waitnenkarturta” tiármiayi. 14Jesus nin wainiak “Yúsnan pujurin werirum iniakmamsatarum” tímiayi. Tura wésar péṉker ajasármiayi. 15Nuyá̱ chikichik ni tsuámarman nekáa kakantar chichaki̱ Yusa náari̱n uunt awajki̱ waketki̱ Jesusan tarimiayi. 16Yumiṉsataj tusa Jesusan tikishmátar piniakumar tepesmiayi. Nu áishmaṉka Samarianmaya̱uyayi. 17Nuna wainiak Jesus chichaak “Tsuámaru tiáschakait. ¿Chíkich nuíwisha tui̱ pujuinia? 18¿Ju̱ yajaya̱ áishmaṉ níṉkik Yusa naari̱ uunt awajsataj tusa waketki̱ tai?” tímiayi. 19Nuyá̱ áishmaṉkan chicharuk “Winia nekas enentáimtursa asam péṉker ajasume. Wajakím shiir wetá” Jesus tímiayi.
¿Yusa akupeamuri̱ urutáik ati?
(Mat. 24:23-28,36-41)
20Pariséu aents Jesusan inintrak “¿Yusa akupeamuri̱ urutáik ati?” tutai Jesus chicharuk “Yusa akupeamuri̱ paant wáinkiachminiaiti. ‘Yamái naṉkamnayi’ tichamniaiti. 21‘Ju̱i̱ awai, nui̱sha awai’ tichamniaiti. Warí, Yusa akupeamuri̱nkia atumíin pujawai” tímiayi. 22Nuyá̱ ni unuiniamuri̱n chicharuk “Tsawant jeattawai atumsha Winia Aents Ajasu tutain ‘aya chikichík tsawantkesha Ni wainkiarkia maak’ turuttiatrume. Túrasha tujintkiattarme. 23Aents Ajasu tutai ‘ju̱i̱ pujawai, nui̱sha pujawai’ tuíniakui werirap. Tana nu nemariirap. 24Wi, Aents Ajasuitjiana nu tátinian tsawantur jeamtai paant waitkiattarme. Peem péetuk ashí nayaimpin tsáapnin awajna núnisaṉ wi winiamu paant átatui. 25Tura nu túruntsa̱i̱ṉ yamái pujuinia nu Winia nakitruiniakui tí waitsatniuitjiai. 26Winia atak tátiniur jeamtai yaunchu Nuwái pujumia nú tsawantin túrunamia núnisaṉ túrunattawai. 27Yurumiarmiayi tura umiarmiayi, nuatiarmiayi tura ni nawantri̱n nuatmamtikiarmiayi. Tumá matsatainiai̱ Nuwái uunt kanunam eṉkempramtai ama̱a̱rak nu aentsnasha mash amuukarmiayi. 28Tura Sutumnumsha Rauta írutramuri̱sha núnisaraṉ Yusa asutkiari̱n enentáimtutsuk pujuarmiayi. Yurumáwarmiayi, umararmiayi, sumakarmiayi, surukarmiayi, ajancha ajamarmiayi, je̱a̱ncha je̱a̱mkarmiayi. 29Tura Raut Sutumanmaya̱ jiinkimtai asupri tutai kaya keek yútana áintsaṉ nayaimpinmaya̱ kakeetuk nu aentsun mash máwarmiayi. 30Núnisaṉ wi atak tátiniur jeamtai enentáimtsuk pujusártatui.
31 Nu tsawant jeamtai je̱a̱ yakiini̱ pujana nú shuar ni warirí̱n achiktaj tusa akaikí̱ je̱á̱ waya̱shti. Tura kampunniunam wekaana nú shuar ni je̱e̱n waketkishti. 32Rauta nua̱rí̱ túrunamu enentáimpratarum. 33Aya ju̱ nuṉkanmaya̱ṉ enentáimias ‘iwiaaku átaj’ tana nu ni iwiaakmari̱n emeṉkáktatui. Tura ju̱ nuṉkanam ni iwiaakmari̱n emeṉkána nu nekas iwiaakma ana nuna wainkiattawai. 34Paant tájarme. Nú káshitin jimiará áishmaṉ nú peaknumaṉ kanúu tepeartatui. Chikichik junaktiatui, chíkichkia ikiunkittiawai. 35Jimiará nuwa̱ mái̱ metek nekée pujuartatui. Chikichik junaktiatui, chíkichkia ikiunkittiawai. 36Jimiará áishmaṉ kampunniunam wekainiartatui. Chikichik junaktiatui, chíkichkia ikiunkittiawai.” Tú timiayi. 37Nuna antukar “Uuntá ¿tui̱ túrunatta?” tiármiayi. Tutai ni chichaak “Jaka tepana nui̱ chuaṉ káutkartatui.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2009 Avant Ministries in cooperation with Wycliffe Bible Translators, Inc. All rights reserved.