Juan 9
9
Naj Jix Jajcha Can Sat Yu Jesús
1Jaꞌ yet junel, yet lalan sbꞌey Jesús yetoj ebꞌ scuywom, jix yilon jun winaj ebꞌ cꞌam chi skeꞌ yilwi yet cꞌaltaꞌ jix ali. 2Catuꞌ jix skꞌanlen ebꞌ scuywom tuꞌ jaxca tiꞌ:
—Jaach Cuywam, ¿tzet yuxan cꞌam chi skeꞌ yilwi jun winaj tiꞌ yin tax yalubꞌal? ¿Jam ebꞌ mame txutxe ey spenail, ma jaꞌ naj ey spenail? ẍi ebꞌ tet Jesús.
3—Jaꞌ jun winaj tiꞌ, man yu oj spenail smam xutx, yuxan queytuꞌ yei. Man pax yu oj spenail naj yuxan queytuꞌ yei. Yutol chi yoche Dios chi xꞌox junoj milagro yin naj, yuxan queytuꞌ yei. 4Sowalil chi cu waꞌne smulnail Naj jix jin chejontej, yajbꞌan eyto cꞌu. Yutol jaꞌ yet oj ey cꞌu, cꞌamxa mac chi skeꞌ smulnai. 5Yet ey jin to ecꞌ yul yibꞌankꞌinal tiꞌ, jaxca sajkꞌinal oj ebꞌ ánima we an, ẍi Jesús tet ebꞌ. 6Jix lawi yalon wan tiꞌ, catuꞌ jix tzubꞌli ey sat txꞌotxꞌ tuꞌ. Catuꞌ jix swaꞌnen niꞌan sokꞌom yetoj stzubꞌ tuꞌ. Catuꞌ jix yaon oc yin sbꞌakꞌ sat naj cꞌam chi skeꞌ yilwi tuꞌ. 7Jix lawi jun tuꞌ, jix yalon Jesús tet naj:
—Asiꞌ bꞌey jun jaꞌ jaꞌ chi yij Siloé. Jaꞌ tituꞌ oj ja txꞌael ja sat, ẍi Jesús tet naj. (Siloé chi yal yeloc apnoj, chejbꞌil.)
Jix lawi cꞌal tuꞌ, jix too naj xꞌaon el sat bꞌey jaꞌ tuꞌ. Catuꞌ jaꞌ yet jix meltzoi, chi xa skeꞌ yilwi. 8Jaꞌ ebꞌ ey scawilal naj tuꞌ, cꞌal jantaj ebꞌ otajneni tol cꞌam cꞌaltaꞌ chi skeꞌ yilwani, jix yalon ebꞌ jaxca tiꞌ:
—Jaꞌ jun winaj tiꞌ, chi cu naꞌ tol jaꞌ jun chi ey chotan kꞌano saꞌbꞌeal, ẍi ebꞌ.
9—Jaꞌton naj, ẍi wanxa.
Ey pax wanxa chi alon pax oj:
—Cꞌamaj. Manaj. Tucꞌal mi laan yili jun tiꞌ yetoj naj cꞌam chi skeꞌ yilwi tuꞌ, ẍi ebꞌ.
Catuꞌ jix yalon naj tuꞌ.
—Jain toni, ẍi naj tet ebꞌ.
10—¿Tzet jix yun sjajcha ja sat tuꞌ xin? ẍi ebꞌ tet naj.
11—Jaꞌ jun chi yij Jesús jix akꞌon jajcha can jin sat tiꞌ an. Jix swaꞌne niꞌan sokꞌom. Jix yaon oc yin sbꞌakꞌ jin sat tiꞌ an. Catuꞌ jix yalon ey jin jaxca tiꞌ: “Asiꞌ bꞌey jun jaꞌ jaꞌ chi yij Siloé. Asiꞌ txꞌael ja sat tituꞌ,” ẍi ey jin an. Jix too jin txꞌaon el jin sat tuꞌ. Queytuꞌ jix yun sjajcha can jin sat tiꞌ, ẍi naj tet ebꞌ.
12—¿Bꞌeytuꞌ ey jun winaj tuꞌ tinaniꞌ? ẍi ebꞌ tet naj.
—Man wotaj oj, ẍi naj tet ebꞌ.
Jaꞌ Ebꞌ Fariseo Jix Kꞌanlen Tzet Jix Yun Sjajcha Sat Naj
13Jix lawi tuꞌ, catuꞌ jix iꞌletoj naj yu ebꞌ scꞌatan ebꞌ Fariseo tuꞌ. 14Scꞌual xewilal yet jix jajcha can sat naj yu niꞌoj sokꞌom jix swaꞌne Jesús yetoj stzubꞌ. 15Yu jun tuꞌ, yuxan jix skꞌanle ebꞌ Fariseo tuꞌ tet naj jaxca tiꞌ:
—¿Tzet jix yun sjajcha a ja sat tuꞌ xin? ẍi ebꞌ.
—Jaꞌ Jesús jix aon oc niꞌan sokꞌom yin sbꞌakꞌ jin sat tiꞌ an. Catuꞌ jix ẍejon jin txꞌaeloj. Yuxan watxꞌ xa wilwi tinaniꞌ, ẍi naj. 16Catuꞌ jix yalon jaywan ebꞌ Fariseo tuꞌ tet naj jaxca tiꞌ:
—Jaꞌ jun winaj jix jajon ja sat tuꞌ, man yetoj Dios, yutol cꞌam chi sjije yet scꞌual xewilal, ẍi ebꞌ.
Ey pax jaywanxa jix alon jaxca tiꞌ:
—Jaꞌ Jesús tuꞌ, man penawom oj. Jaꞌ junoj penawom, ¿tumi taꞌ chi skeꞌ xꞌoxon wanoj milagro jaxca wan chi xꞌox tiꞌ? ẍi ebꞌ. Yuxan caabꞌ tujan jix eloc ebꞌ ánima tuꞌ. 17Yu jun tuꞌ, yuxan jix skꞌanle ebꞌ junelxa tet naj chi xa ilwi tuꞌ jaxca tiꞌ:
—Jal jaach, jaach tiꞌ, ¿tzet ja chi yu Naj jix jajon ja sat tuꞌ? ẍi ebꞌ tet naj.
—Jain tiꞌ, ẍejabꞌ Dios yei, jin naꞌoni, ẍi naj. 18Jaxa pax ebꞌ yaawil yeoc bꞌey Judea tuꞌ, ma ẍaꞌ ebꞌ yabꞌe, ta tol, tol to jix ilwi a naj. Jaꞌ snaꞌon ebꞌ, tol chi ilwi cꞌaltaꞌa. Yuxan jix awtele smam cꞌal xutx naj yu ebꞌ. 19Jaꞌ tet ebꞌ jix skꞌanle el ebꞌ jaxca tiꞌ:
—¿Jaꞌ naj tiꞌ, yel mi je yuninal, catuꞌ yel mi tol cꞌam chi ilwi yin tax yalubꞌal? Ta yel wan tiꞌ, ¿Tzet yuxan chi xa ilwi pax naj xin? ẍi ebꞌ tet ebꞌ.
20—Jaꞌton naj, cꞌam cꞌaltaꞌ chi ilwi yin tax yalubꞌal. 21Man pax kotajoj tzet jix yun sjajcha can sat. Man pax kotajoj mac jix jajon can tet naj. Ilaꞌbꞌi, tol eyxa yabꞌilal naj. ¿Tzet yuxan manaj tet naj che kꞌanle je yabꞌe? Oj skeꞌ yalon ey jex, tzet utbꞌil jix yun sjajcha can sat tuꞌ, ẍi ebꞌ. 22Jaxca tuꞌ jix yute yalon ebꞌ, yutol caw chi xiw ebꞌ yu ebꞌ yaaw xol ebꞌ a Judea tuꞌ. Yutol tuxa jix yal ebꞌ yaaw tuꞌ jaxca tiꞌ: “Ta tol ey ebꞌ oj alon oj, tol jaꞌ Jesús, jaꞌton Naj Cristo, ẍi, oj kujte eltoj ebꞌ yul snail culto tiꞌ,” ẍi ebꞌ. 23Yu jun tuꞌ, yuxan asan cꞌal niꞌan tiꞌ jix yal smam cꞌal xutx naj tuꞌ: “Ilaꞌbꞌi tol eyxa yabꞌilal naj, ¿tzet yuxan manaj tet naj che kꞌanle je yabꞌe?” ẍi cꞌal ebꞌ. 24Jix lawi tuꞌ xin, jix awtele pax naj chi xa ilwi tuꞌ yu ebꞌ junelxa, catuꞌ jix yalon ebꞌ tet jaxca tiꞌ:
—Caw yel cha wal sattaj Dios, yutol kotaj, caw penawom jun winaj tuꞌ, jun cha wal tol jix jajon ja sat tuꞌ, ẍi ebꞌ tet naj. 25Jix takꞌwi naj jaxca tiꞌ:
—Jain tiꞌ, man wotaj oj ta penawom Naj, ma cꞌamaj. Cꞌam chi skeꞌ waloni. Asan jun tiꞌ wotaj an, tol jaꞌ yet yalantoj, cꞌam chi skeꞌ wilwi niꞌoj, jal tinaniꞌ, chi xa skeꞌ wilwi, ẍi naj.
26—¿Tzet wal jix jaach yute xin? ¿Tzet jix yute sjajon ja sat tiꞌ? ẍi ebꞌ tet naj.
27—Jix wal ey jex tzet jix yun sjajcha jin sat tiꞌ an, cꞌam pax che chaꞌ je yabꞌ tzet chi wal an. ¿Tzet yuxan che yoche chi wal pax ey jex junelxa? ¿Tumi che yoche chex oc scuywomoj pax oj? ẍi naj tet ebꞌ yaawil yeoc bꞌey Judea tuꞌ. 28Jaꞌ yet jix yabꞌen ebꞌ wan tiꞌ, catuꞌ jix bꞌuchwa a ebꞌ yin naj, jix yalon ebꞌ jaxca tiꞌ:
—Jaach tiꞌ, scuywom jaach ton jun winaj tuꞌ. Jal jon jaon tiꞌ xin, scuywom jon naj Moisés. 29Kotaj, tol jix kꞌanabꞌ can Dios tet Moisés tuꞌ, jal Jesús tuꞌ, man kotajoj mac jix akꞌon yopiso Naj, ẍi ebꞌ yaawil yeoc bꞌey Judea tuꞌ.
30—¿E… tzixam wal bꞌian? Jaex tiꞌ, che yalaꞌ, tol man je yotaj oj mac akꞌnen yopiso. Ilaꞌbꞌi, jix jajcha pax can jin sat tiꞌ yu Naj. 31Kotaj, tol caw cꞌam chi abꞌle xa ebꞌ pena sbꞌeybꞌal yu Dios. Asan ebꞌ chi yiꞌey sbꞌa tet, ebꞌ chi jijen tzet chi yalaꞌ, asan ebꞌ tuꞌ chi abꞌle xa yu Dios. 32Cꞌamto junoj chi kabꞌ skꞌumal tol chi sjaj sat junoj mac cꞌam chi skeꞌ yilwi yin tax yalubꞌal. 33Kꞌinaloj ta man ẍejabꞌoj Dios Jesús tuꞌ, cꞌam mi niꞌoj tzet chi skeꞌ yu, ẍi naj tet ebꞌ.
34—Jaach tiꞌ, yin spenail alinaj jaach, ¿tumi cha woche jaach oj jon ja cuyuꞌ? ẍi ebꞌ tet naj.
Catuꞌ jix ujtele eltej naj yul snail culto tuꞌ yu ebꞌ, ma xa chaꞌle octoj naj xol ebꞌ.
Jaꞌ Ebꞌ Chi Jajcha Can Sat Yin Yet Dios, catuꞌ Chi Naꞌcha El Yu
35Jix yabꞌen Jesús tol jix ujtele eltej naj jix jajcha can sat tuꞌ bꞌey yul snail culto tuꞌ yu ebꞌ, yuxan jaꞌ yet jix yil-len sbꞌa yetoj naj junelxa, jix yalon tet naj jaxca tiꞌ:
—¿Chim ja waoc ja cꞌul yin Naj Scꞌaal Dios? ẍi Jesús tet naj.
36—Mamin, al ey jin an, mactxequel jun Scꞌaal Dios tuꞌ, yet watxꞌ chi waoc jin cꞌul yin, ẍi naj.
37—Ja wotajxa mactxequel. Jain ton mac lalan jin kꞌanabꞌ ja wetoj tiꞌ, ẍi Jesús tet naj. 38Jix lawi yalon Jesús jaxca tuꞌ xin, catuꞌ jix ey kaan naj sattaj Jesús tuꞌ, catuꞌ jix yalon naj tet Jesús jaxca tiꞌ:
—Mamin, chi waoc jin cꞌul ja win, ẍi naj. 39Catuꞌ jix yalon Jesús tet naj tuꞌ:
—Yu swaꞌxi el ebꞌ ánima wu an, yuxan jix jin jul bꞌey yul yibꞌankꞌinal tiꞌ, yutol ey ebꞌ cꞌam chi skeꞌ yilon stzetyetal yet Dios tinaniꞌ. Jaxca tol oj jajcha sat ebꞌ tuꞌ wu an. Ey wanxa ebꞌ xin, caw chi skeꞌ yilon stzetyetal yet Dios snaꞌoni, jaꞌ ebꞌ tuꞌ, jaxca tol oj etex el sat ebꞌ wu an, ẍi Jesús. 40Jaꞌ yet jix yabꞌen jaywan ebꞌ Fariseo eyecꞌ tituꞌ wan tuꞌ, jix yalon ebꞌ tet Jesús jaxca tiꞌ:
—¿Tumi cha naꞌ, tol cꞌam chi skeꞌ kilon yet Dios? ẍi ebꞌ.
41—Ta chi naꞌcha el je yu, tol cꞌam chi skeꞌ je yilon yet Dios, cꞌam chi can je penail je yibꞌan. Yu che yalaꞌ, tol chi skeꞌ je yilon yet Dios tuꞌ, yuxan oj can je penail je yibꞌan.
S'ha seleccionat:
Juan 9: knj
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.
Juan 9
9
Naj Jix Jajcha Can Sat Yu Jesús
1Jaꞌ yet junel, yet lalan sbꞌey Jesús yetoj ebꞌ scuywom, jix yilon jun winaj ebꞌ cꞌam chi skeꞌ yilwi yet cꞌaltaꞌ jix ali. 2Catuꞌ jix skꞌanlen ebꞌ scuywom tuꞌ jaxca tiꞌ:
—Jaach Cuywam, ¿tzet yuxan cꞌam chi skeꞌ yilwi jun winaj tiꞌ yin tax yalubꞌal? ¿Jam ebꞌ mame txutxe ey spenail, ma jaꞌ naj ey spenail? ẍi ebꞌ tet Jesús.
3—Jaꞌ jun winaj tiꞌ, man yu oj spenail smam xutx, yuxan queytuꞌ yei. Man pax yu oj spenail naj yuxan queytuꞌ yei. Yutol chi yoche Dios chi xꞌox junoj milagro yin naj, yuxan queytuꞌ yei. 4Sowalil chi cu waꞌne smulnail Naj jix jin chejontej, yajbꞌan eyto cꞌu. Yutol jaꞌ yet oj ey cꞌu, cꞌamxa mac chi skeꞌ smulnai. 5Yet ey jin to ecꞌ yul yibꞌankꞌinal tiꞌ, jaxca sajkꞌinal oj ebꞌ ánima we an, ẍi Jesús tet ebꞌ. 6Jix lawi yalon wan tiꞌ, catuꞌ jix tzubꞌli ey sat txꞌotxꞌ tuꞌ. Catuꞌ jix swaꞌnen niꞌan sokꞌom yetoj stzubꞌ tuꞌ. Catuꞌ jix yaon oc yin sbꞌakꞌ sat naj cꞌam chi skeꞌ yilwi tuꞌ. 7Jix lawi jun tuꞌ, jix yalon Jesús tet naj:
—Asiꞌ bꞌey jun jaꞌ jaꞌ chi yij Siloé. Jaꞌ tituꞌ oj ja txꞌael ja sat, ẍi Jesús tet naj. (Siloé chi yal yeloc apnoj, chejbꞌil.)
Jix lawi cꞌal tuꞌ, jix too naj xꞌaon el sat bꞌey jaꞌ tuꞌ. Catuꞌ jaꞌ yet jix meltzoi, chi xa skeꞌ yilwi. 8Jaꞌ ebꞌ ey scawilal naj tuꞌ, cꞌal jantaj ebꞌ otajneni tol cꞌam cꞌaltaꞌ chi skeꞌ yilwani, jix yalon ebꞌ jaxca tiꞌ:
—Jaꞌ jun winaj tiꞌ, chi cu naꞌ tol jaꞌ jun chi ey chotan kꞌano saꞌbꞌeal, ẍi ebꞌ.
9—Jaꞌton naj, ẍi wanxa.
Ey pax wanxa chi alon pax oj:
—Cꞌamaj. Manaj. Tucꞌal mi laan yili jun tiꞌ yetoj naj cꞌam chi skeꞌ yilwi tuꞌ, ẍi ebꞌ.
Catuꞌ jix yalon naj tuꞌ.
—Jain toni, ẍi naj tet ebꞌ.
10—¿Tzet jix yun sjajcha ja sat tuꞌ xin? ẍi ebꞌ tet naj.
11—Jaꞌ jun chi yij Jesús jix akꞌon jajcha can jin sat tiꞌ an. Jix swaꞌne niꞌan sokꞌom. Jix yaon oc yin sbꞌakꞌ jin sat tiꞌ an. Catuꞌ jix yalon ey jin jaxca tiꞌ: “Asiꞌ bꞌey jun jaꞌ jaꞌ chi yij Siloé. Asiꞌ txꞌael ja sat tituꞌ,” ẍi ey jin an. Jix too jin txꞌaon el jin sat tuꞌ. Queytuꞌ jix yun sjajcha can jin sat tiꞌ, ẍi naj tet ebꞌ.
12—¿Bꞌeytuꞌ ey jun winaj tuꞌ tinaniꞌ? ẍi ebꞌ tet naj.
—Man wotaj oj, ẍi naj tet ebꞌ.
Jaꞌ Ebꞌ Fariseo Jix Kꞌanlen Tzet Jix Yun Sjajcha Sat Naj
13Jix lawi tuꞌ, catuꞌ jix iꞌletoj naj yu ebꞌ scꞌatan ebꞌ Fariseo tuꞌ. 14Scꞌual xewilal yet jix jajcha can sat naj yu niꞌoj sokꞌom jix swaꞌne Jesús yetoj stzubꞌ. 15Yu jun tuꞌ, yuxan jix skꞌanle ebꞌ Fariseo tuꞌ tet naj jaxca tiꞌ:
—¿Tzet jix yun sjajcha a ja sat tuꞌ xin? ẍi ebꞌ.
—Jaꞌ Jesús jix aon oc niꞌan sokꞌom yin sbꞌakꞌ jin sat tiꞌ an. Catuꞌ jix ẍejon jin txꞌaeloj. Yuxan watxꞌ xa wilwi tinaniꞌ, ẍi naj. 16Catuꞌ jix yalon jaywan ebꞌ Fariseo tuꞌ tet naj jaxca tiꞌ:
—Jaꞌ jun winaj jix jajon ja sat tuꞌ, man yetoj Dios, yutol cꞌam chi sjije yet scꞌual xewilal, ẍi ebꞌ.
Ey pax jaywanxa jix alon jaxca tiꞌ:
—Jaꞌ Jesús tuꞌ, man penawom oj. Jaꞌ junoj penawom, ¿tumi taꞌ chi skeꞌ xꞌoxon wanoj milagro jaxca wan chi xꞌox tiꞌ? ẍi ebꞌ. Yuxan caabꞌ tujan jix eloc ebꞌ ánima tuꞌ. 17Yu jun tuꞌ, yuxan jix skꞌanle ebꞌ junelxa tet naj chi xa ilwi tuꞌ jaxca tiꞌ:
—Jal jaach, jaach tiꞌ, ¿tzet ja chi yu Naj jix jajon ja sat tuꞌ? ẍi ebꞌ tet naj.
—Jain tiꞌ, ẍejabꞌ Dios yei, jin naꞌoni, ẍi naj. 18Jaxa pax ebꞌ yaawil yeoc bꞌey Judea tuꞌ, ma ẍaꞌ ebꞌ yabꞌe, ta tol, tol to jix ilwi a naj. Jaꞌ snaꞌon ebꞌ, tol chi ilwi cꞌaltaꞌa. Yuxan jix awtele smam cꞌal xutx naj yu ebꞌ. 19Jaꞌ tet ebꞌ jix skꞌanle el ebꞌ jaxca tiꞌ:
—¿Jaꞌ naj tiꞌ, yel mi je yuninal, catuꞌ yel mi tol cꞌam chi ilwi yin tax yalubꞌal? Ta yel wan tiꞌ, ¿Tzet yuxan chi xa ilwi pax naj xin? ẍi ebꞌ tet ebꞌ.
20—Jaꞌton naj, cꞌam cꞌaltaꞌ chi ilwi yin tax yalubꞌal. 21Man pax kotajoj tzet jix yun sjajcha can sat. Man pax kotajoj mac jix jajon can tet naj. Ilaꞌbꞌi, tol eyxa yabꞌilal naj. ¿Tzet yuxan manaj tet naj che kꞌanle je yabꞌe? Oj skeꞌ yalon ey jex, tzet utbꞌil jix yun sjajcha can sat tuꞌ, ẍi ebꞌ. 22Jaxca tuꞌ jix yute yalon ebꞌ, yutol caw chi xiw ebꞌ yu ebꞌ yaaw xol ebꞌ a Judea tuꞌ. Yutol tuxa jix yal ebꞌ yaaw tuꞌ jaxca tiꞌ: “Ta tol ey ebꞌ oj alon oj, tol jaꞌ Jesús, jaꞌton Naj Cristo, ẍi, oj kujte eltoj ebꞌ yul snail culto tiꞌ,” ẍi ebꞌ. 23Yu jun tuꞌ, yuxan asan cꞌal niꞌan tiꞌ jix yal smam cꞌal xutx naj tuꞌ: “Ilaꞌbꞌi tol eyxa yabꞌilal naj, ¿tzet yuxan manaj tet naj che kꞌanle je yabꞌe?” ẍi cꞌal ebꞌ. 24Jix lawi tuꞌ xin, jix awtele pax naj chi xa ilwi tuꞌ yu ebꞌ junelxa, catuꞌ jix yalon ebꞌ tet jaxca tiꞌ:
—Caw yel cha wal sattaj Dios, yutol kotaj, caw penawom jun winaj tuꞌ, jun cha wal tol jix jajon ja sat tuꞌ, ẍi ebꞌ tet naj. 25Jix takꞌwi naj jaxca tiꞌ:
—Jain tiꞌ, man wotaj oj ta penawom Naj, ma cꞌamaj. Cꞌam chi skeꞌ waloni. Asan jun tiꞌ wotaj an, tol jaꞌ yet yalantoj, cꞌam chi skeꞌ wilwi niꞌoj, jal tinaniꞌ, chi xa skeꞌ wilwi, ẍi naj.
26—¿Tzet wal jix jaach yute xin? ¿Tzet jix yute sjajon ja sat tiꞌ? ẍi ebꞌ tet naj.
27—Jix wal ey jex tzet jix yun sjajcha jin sat tiꞌ an, cꞌam pax che chaꞌ je yabꞌ tzet chi wal an. ¿Tzet yuxan che yoche chi wal pax ey jex junelxa? ¿Tumi che yoche chex oc scuywomoj pax oj? ẍi naj tet ebꞌ yaawil yeoc bꞌey Judea tuꞌ. 28Jaꞌ yet jix yabꞌen ebꞌ wan tiꞌ, catuꞌ jix bꞌuchwa a ebꞌ yin naj, jix yalon ebꞌ jaxca tiꞌ:
—Jaach tiꞌ, scuywom jaach ton jun winaj tuꞌ. Jal jon jaon tiꞌ xin, scuywom jon naj Moisés. 29Kotaj, tol jix kꞌanabꞌ can Dios tet Moisés tuꞌ, jal Jesús tuꞌ, man kotajoj mac jix akꞌon yopiso Naj, ẍi ebꞌ yaawil yeoc bꞌey Judea tuꞌ.
30—¿E… tzixam wal bꞌian? Jaex tiꞌ, che yalaꞌ, tol man je yotaj oj mac akꞌnen yopiso. Ilaꞌbꞌi, jix jajcha pax can jin sat tiꞌ yu Naj. 31Kotaj, tol caw cꞌam chi abꞌle xa ebꞌ pena sbꞌeybꞌal yu Dios. Asan ebꞌ chi yiꞌey sbꞌa tet, ebꞌ chi jijen tzet chi yalaꞌ, asan ebꞌ tuꞌ chi abꞌle xa yu Dios. 32Cꞌamto junoj chi kabꞌ skꞌumal tol chi sjaj sat junoj mac cꞌam chi skeꞌ yilwi yin tax yalubꞌal. 33Kꞌinaloj ta man ẍejabꞌoj Dios Jesús tuꞌ, cꞌam mi niꞌoj tzet chi skeꞌ yu, ẍi naj tet ebꞌ.
34—Jaach tiꞌ, yin spenail alinaj jaach, ¿tumi cha woche jaach oj jon ja cuyuꞌ? ẍi ebꞌ tet naj.
Catuꞌ jix ujtele eltej naj yul snail culto tuꞌ yu ebꞌ, ma xa chaꞌle octoj naj xol ebꞌ.
Jaꞌ Ebꞌ Chi Jajcha Can Sat Yin Yet Dios, catuꞌ Chi Naꞌcha El Yu
35Jix yabꞌen Jesús tol jix ujtele eltej naj jix jajcha can sat tuꞌ bꞌey yul snail culto tuꞌ yu ebꞌ, yuxan jaꞌ yet jix yil-len sbꞌa yetoj naj junelxa, jix yalon tet naj jaxca tiꞌ:
—¿Chim ja waoc ja cꞌul yin Naj Scꞌaal Dios? ẍi Jesús tet naj.
36—Mamin, al ey jin an, mactxequel jun Scꞌaal Dios tuꞌ, yet watxꞌ chi waoc jin cꞌul yin, ẍi naj.
37—Ja wotajxa mactxequel. Jain ton mac lalan jin kꞌanabꞌ ja wetoj tiꞌ, ẍi Jesús tet naj. 38Jix lawi yalon Jesús jaxca tuꞌ xin, catuꞌ jix ey kaan naj sattaj Jesús tuꞌ, catuꞌ jix yalon naj tet Jesús jaxca tiꞌ:
—Mamin, chi waoc jin cꞌul ja win, ẍi naj. 39Catuꞌ jix yalon Jesús tet naj tuꞌ:
—Yu swaꞌxi el ebꞌ ánima wu an, yuxan jix jin jul bꞌey yul yibꞌankꞌinal tiꞌ, yutol ey ebꞌ cꞌam chi skeꞌ yilon stzetyetal yet Dios tinaniꞌ. Jaxca tol oj jajcha sat ebꞌ tuꞌ wu an. Ey wanxa ebꞌ xin, caw chi skeꞌ yilon stzetyetal yet Dios snaꞌoni, jaꞌ ebꞌ tuꞌ, jaxca tol oj etex el sat ebꞌ wu an, ẍi Jesús. 40Jaꞌ yet jix yabꞌen jaywan ebꞌ Fariseo eyecꞌ tituꞌ wan tuꞌ, jix yalon ebꞌ tet Jesús jaxca tiꞌ:
—¿Tumi cha naꞌ, tol cꞌam chi skeꞌ kilon yet Dios? ẍi ebꞌ.
41—Ta chi naꞌcha el je yu, tol cꞌam chi skeꞌ je yilon yet Dios, cꞌam chi can je penail je yibꞌan. Yu che yalaꞌ, tol chi skeꞌ je yilon yet Dios tuꞌ, yuxan oj can je penail je yibꞌan.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.