Juan 3
3
Jesúswan Nicodemo parlashqan
1Juk fariseo runami karqan Nicodemo jutiyuq. Paymi Israel runakuna respitashqan runa karqan. 2Juk sakaymi Jesús kaqman aywaykur nirqan: <<Rabí, musyayämi yachasiyämänaykipaq Tayta Dios kachamushushqaykita. Tayta Dios mana yanapaptinqa manami pipis qam rurashqayki milagrukunata ruranmansu>>.
3Saymi Jesús nirqan: <<Rasunpami nï: Pipis yapay mana yurirqa manami Dios mandaykashqanman yaykunqasu>>.
4Sayno niptinmi Nicodemo tapurqan: <<¡Imanöpataq rukuna kaykar yapay yuriyanman! ¿Mamanpa pachanman kutiyanmansuraq yapay yuriyänanpaq?>>
5Niptinmi Jesús nirqan: <<Rasunpami nï: Pipis yakuwan y Espíritu Santupa munayninwan#Eze. 36.25-27. mana yurirqa manami Tayta Dios mandaykashqanman yaykunqasu. 6Mamanpita yuriqkunaqa runalami kaykäyan. Espíritu Santupita yuriqkunami isanqa Diospa wamrankunana kaykäyan.
7<<Lapan runakunapis yapayraqmi yuriyänan#1Ped. 1.3, 23. niptï ama lakikuysu. 8Wayrämushqanta wiyarpis manami musyankisu maypita shamushqanta ni maypa aywashqantapis. Saynölami pipis tantiyansu Espíritu Santupa munayninwan runakuna imano yuriyashqantapis>>.#Ecl. 11.5.
9Sayno niptinmi Nicodemo nirqan: <<Nimashqaykita manami shumaq tantiyäsu, taytay>>.
10Saymi Jesús nirqan: <<Israel runakunapa yachasiqnin kaykarpis ¿manaku tantiyanki? 11Rasunpami nï: Rikashqäta y musyashqätami wilapaykä. Sayno kaptinpis nishqäta manami criyiyankisu. 12Kay pasacho kaqkunapaq nishqäta mana criyiykarqa ¿imanöpataq criyiyankiman jana pasacho kaqkunapaq niptï?#3.12 Sayno nirqa Jesucristo kaynömi nirqan: <<Yapay yurinaykipaq nishqäta mana criyiykarqa ¿imanöpataq criyiyankiman jana pasacho kaqkunapaq niptï?>>
13<<Manami pipis gloriaman aywarkur kutimushsu. Runapa Surinmi isanqa gloriapita shamush kar rasun kaqta wilakun. 14Sunyaq jirkacho broncipita fundish culebrata#Núm. 21.9. qeruman Moisés joqarishqannömi Runapa Surintapis joqariyanqa.#3.14 Runapa Surinta joqariyänanpaq kashqanta nirqa cruzcho wanusiyänanpaq kashqanta y jana pasaman kutinanpaq kashqantami Jesús nirqan.#Juan 8.28; 12.32-34; 18.32. 15Saynöpami pipis payman yärakuq kaqqa mana ushakaq kawayta tarinqa>>.
Surinta Tayta Dios kachamushqan
16Runakunata kuyashpanmi juklayla Surinta Tayta Dios kachamurqan. Saymi pipis payman yärakuq kaqqa ushakanqasu,#3.16 Ushakanqasu nishqanqa infiernuman qaykushsu kanqa ninanmi (Mat. 10.28; Juan 10.28; Apoc. 20.14; 21.8). saypa trukanqa mana ushakaq kawayta tarinqa. 17Manami runakunata infiernuman qaykunanpaqsu Tayta Dios Surinta kachamurqan, saypa trukanqa payman yärakuyaptin salvananpaqmi.
18Tayta Diospa Surinman yärakuqkunaqa manami infiernuman qaykushsu kayanqa. Mana yärakuqkunami isanqa qaykush kananpaqna kaykäyan. Sayno kayanqa Tayta Diospa japalan Surinman mana yärakuyashqanpitami.
19Kay pasaman aksi shamush kaptinpis runakunaqa sakäpakushno kar y jusalancho kawarmi say aksita chaskikuyansu. 20Lapanpis jusalacho kawaqkunaqa Tayta Dios kachamushqan aksita chikir manami chaskikuyansu. Sayno chaskikuyansu jusalikuyashqankuna musyakänanta mana munarmi.#Job 24.13-17. 21Alita ruraqkunami isanqa Tayta Dios kachamushqan aksita chaskikuyan. Sayno chaskikuyaptinmi Tayta Dios munashqanno kawayashqan musyakan.
Jesúspita Bautizaq Juan wilakushqan
22Jerusalénpita yarqurnami Judea provinciacho jukläman discïpulunkunawan Jesús aywarqan. Saychömi runakunata bautizarqan.
23Bautizaq Juannami Enón nishqan raqracho aska yaku kaptin saycho bautizaykarqan. Enón karqan Salim cercanchömi. Saycho bautizaykashqanta musyarmi wakin runakuna sayman bautizakuq aywayarqan. 24Say wisanqa Juan manaraqmi carcilcho wichqararqanraqsu.#Mat. 14.3; Mar. 6.17; Luc. 3.19-20.
25Saychömi imano purificakuyänanpaq kashqanpita Juanpa discïpulunkuna Israel mayinkunawan rimanakuyarqan. 26Saymi Juan kaqman aywaykur niyarqan: <<Rabí, ¿yarpankiku Jordán simpancho kaykar juk runata rikaskir paypita wilapäyämashqaykita? Kananqa paypis bautizaptinmi lapan runakuna payman aywaykäyan>>.
27Sayno niyaptinmi Juan nirqan: <<Payman runakuna aywaykäyan Tayta Dios yanapaptinmi. 28Nishqänöpis manami Cristusu kä,#Juan 1.20. saypa trukanqa paypa puntanta wilakunäpaq Tayta Dios kachamashqan runalami kaykä. 29Majasakänanpaq kaq maqtalami parlakushqan jipashyuqqa. Majasakaq maqta parlashqanta wiyar amïgun kushikushqannölami noqapis kushikü.#3.29 Kay textuchömi Bautizaq Juan majasakaq maqtapa amïgunman tinkusikurqan. Jesucristutanami maqtaman tinkusirqan. Jesucristuman aywaq runakunatanami parlakushqan jipashman tinkusirqan. 30Mas alimi kaykan noqaman shayämunanpa trukanqa paymanna aywayaptin.
Jana pasapita Jesús shamushqan
31<<Kay pasapita kaqkunaqa kay pasacho kaqkunalata musyarmi kay pasacho kaqkunalapaq parlayan. Jana pasapita shamuq kaqmi isanqa jana pasacho kaqkunata y kay pasacho kaqkunatapis musyan. Payqa lapanpitapis mas munayyuqmi kaykan. 32Jana pasacho rikashqankunata y wiyashqankunata wilakuptinpis runakuna manami chaskikuyansu. 33Chaskikuqkunami isanqa Tayta Diospa wilakuynin rasun kaqla kashqanta tantiyayan. 34Sayno tantiyayan jana pasapita shamuq runa Tayta Dios nishqankunata parlaptinmi. Sayno parlananpaqmi Espíritu Santuta Tayta Dios qorqan.
35<<Surinta kuyarmi Tayta Dios lapantapis paypa makinman churash.#Mat. 11.27; Luc. 10.22. 36Saymi Diospa Surinman yärakuq kaqqa mana ushakaq kawayta tarin. Surinman mana yärakuq kaqmi isanqa say kawayta tarinqasu. Saypa trukanqa Tayta Diosmi rabyashpan infiernuman qaykunqa>>.
S'ha seleccionat:
Juan 3: qvhB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2003, Wycliffe Bible Translators, Inc. All rights reserved.
Juan 3
3
Jesúswan Nicodemo parlashqan
1Juk fariseo runami karqan Nicodemo jutiyuq. Paymi Israel runakuna respitashqan runa karqan. 2Juk sakaymi Jesús kaqman aywaykur nirqan: <<Rabí, musyayämi yachasiyämänaykipaq Tayta Dios kachamushushqaykita. Tayta Dios mana yanapaptinqa manami pipis qam rurashqayki milagrukunata ruranmansu>>.
3Saymi Jesús nirqan: <<Rasunpami nï: Pipis yapay mana yurirqa manami Dios mandaykashqanman yaykunqasu>>.
4Sayno niptinmi Nicodemo tapurqan: <<¡Imanöpataq rukuna kaykar yapay yuriyanman! ¿Mamanpa pachanman kutiyanmansuraq yapay yuriyänanpaq?>>
5Niptinmi Jesús nirqan: <<Rasunpami nï: Pipis yakuwan y Espíritu Santupa munayninwan#Eze. 36.25-27. mana yurirqa manami Tayta Dios mandaykashqanman yaykunqasu. 6Mamanpita yuriqkunaqa runalami kaykäyan. Espíritu Santupita yuriqkunami isanqa Diospa wamrankunana kaykäyan.
7<<Lapan runakunapis yapayraqmi yuriyänan#1Ped. 1.3, 23. niptï ama lakikuysu. 8Wayrämushqanta wiyarpis manami musyankisu maypita shamushqanta ni maypa aywashqantapis. Saynölami pipis tantiyansu Espíritu Santupa munayninwan runakuna imano yuriyashqantapis>>.#Ecl. 11.5.
9Sayno niptinmi Nicodemo nirqan: <<Nimashqaykita manami shumaq tantiyäsu, taytay>>.
10Saymi Jesús nirqan: <<Israel runakunapa yachasiqnin kaykarpis ¿manaku tantiyanki? 11Rasunpami nï: Rikashqäta y musyashqätami wilapaykä. Sayno kaptinpis nishqäta manami criyiyankisu. 12Kay pasacho kaqkunapaq nishqäta mana criyiykarqa ¿imanöpataq criyiyankiman jana pasacho kaqkunapaq niptï?#3.12 Sayno nirqa Jesucristo kaynömi nirqan: <<Yapay yurinaykipaq nishqäta mana criyiykarqa ¿imanöpataq criyiyankiman jana pasacho kaqkunapaq niptï?>>
13<<Manami pipis gloriaman aywarkur kutimushsu. Runapa Surinmi isanqa gloriapita shamush kar rasun kaqta wilakun. 14Sunyaq jirkacho broncipita fundish culebrata#Núm. 21.9. qeruman Moisés joqarishqannömi Runapa Surintapis joqariyanqa.#3.14 Runapa Surinta joqariyänanpaq kashqanta nirqa cruzcho wanusiyänanpaq kashqanta y jana pasaman kutinanpaq kashqantami Jesús nirqan.#Juan 8.28; 12.32-34; 18.32. 15Saynöpami pipis payman yärakuq kaqqa mana ushakaq kawayta tarinqa>>.
Surinta Tayta Dios kachamushqan
16Runakunata kuyashpanmi juklayla Surinta Tayta Dios kachamurqan. Saymi pipis payman yärakuq kaqqa ushakanqasu,#3.16 Ushakanqasu nishqanqa infiernuman qaykushsu kanqa ninanmi (Mat. 10.28; Juan 10.28; Apoc. 20.14; 21.8). saypa trukanqa mana ushakaq kawayta tarinqa. 17Manami runakunata infiernuman qaykunanpaqsu Tayta Dios Surinta kachamurqan, saypa trukanqa payman yärakuyaptin salvananpaqmi.
18Tayta Diospa Surinman yärakuqkunaqa manami infiernuman qaykushsu kayanqa. Mana yärakuqkunami isanqa qaykush kananpaqna kaykäyan. Sayno kayanqa Tayta Diospa japalan Surinman mana yärakuyashqanpitami.
19Kay pasaman aksi shamush kaptinpis runakunaqa sakäpakushno kar y jusalancho kawarmi say aksita chaskikuyansu. 20Lapanpis jusalacho kawaqkunaqa Tayta Dios kachamushqan aksita chikir manami chaskikuyansu. Sayno chaskikuyansu jusalikuyashqankuna musyakänanta mana munarmi.#Job 24.13-17. 21Alita ruraqkunami isanqa Tayta Dios kachamushqan aksita chaskikuyan. Sayno chaskikuyaptinmi Tayta Dios munashqanno kawayashqan musyakan.
Jesúspita Bautizaq Juan wilakushqan
22Jerusalénpita yarqurnami Judea provinciacho jukläman discïpulunkunawan Jesús aywarqan. Saychömi runakunata bautizarqan.
23Bautizaq Juannami Enón nishqan raqracho aska yaku kaptin saycho bautizaykarqan. Enón karqan Salim cercanchömi. Saycho bautizaykashqanta musyarmi wakin runakuna sayman bautizakuq aywayarqan. 24Say wisanqa Juan manaraqmi carcilcho wichqararqanraqsu.#Mat. 14.3; Mar. 6.17; Luc. 3.19-20.
25Saychömi imano purificakuyänanpaq kashqanpita Juanpa discïpulunkuna Israel mayinkunawan rimanakuyarqan. 26Saymi Juan kaqman aywaykur niyarqan: <<Rabí, ¿yarpankiku Jordán simpancho kaykar juk runata rikaskir paypita wilapäyämashqaykita? Kananqa paypis bautizaptinmi lapan runakuna payman aywaykäyan>>.
27Sayno niyaptinmi Juan nirqan: <<Payman runakuna aywaykäyan Tayta Dios yanapaptinmi. 28Nishqänöpis manami Cristusu kä,#Juan 1.20. saypa trukanqa paypa puntanta wilakunäpaq Tayta Dios kachamashqan runalami kaykä. 29Majasakänanpaq kaq maqtalami parlakushqan jipashyuqqa. Majasakaq maqta parlashqanta wiyar amïgun kushikushqannölami noqapis kushikü.#3.29 Kay textuchömi Bautizaq Juan majasakaq maqtapa amïgunman tinkusikurqan. Jesucristutanami maqtaman tinkusirqan. Jesucristuman aywaq runakunatanami parlakushqan jipashman tinkusirqan. 30Mas alimi kaykan noqaman shayämunanpa trukanqa paymanna aywayaptin.
Jana pasapita Jesús shamushqan
31<<Kay pasapita kaqkunaqa kay pasacho kaqkunalata musyarmi kay pasacho kaqkunalapaq parlayan. Jana pasapita shamuq kaqmi isanqa jana pasacho kaqkunata y kay pasacho kaqkunatapis musyan. Payqa lapanpitapis mas munayyuqmi kaykan. 32Jana pasacho rikashqankunata y wiyashqankunata wilakuptinpis runakuna manami chaskikuyansu. 33Chaskikuqkunami isanqa Tayta Diospa wilakuynin rasun kaqla kashqanta tantiyayan. 34Sayno tantiyayan jana pasapita shamuq runa Tayta Dios nishqankunata parlaptinmi. Sayno parlananpaqmi Espíritu Santuta Tayta Dios qorqan.
35<<Surinta kuyarmi Tayta Dios lapantapis paypa makinman churash.#Mat. 11.27; Luc. 10.22. 36Saymi Diospa Surinman yärakuq kaqqa mana ushakaq kawayta tarin. Surinman mana yärakuq kaqmi isanqa say kawayta tarinqasu. Saypa trukanqa Tayta Diosmi rabyashpan infiernuman qaykunqa>>.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2003, Wycliffe Bible Translators, Inc. All rights reserved.