Lucas 16
16
Alläpa musyaq mayuralman Jesús iwalatsinqan
1Kënöpis jina discïpulunkunata Jesús willaparqanmi: <<Juk rïcupash mayuralnin kanaq. Tsë mayuralpaqshi tsë rïcuta willayänaq llutallana imëkankunatapis ushanqanta. 2Tsënash mayuralninta qayaratsir kënö ninaq: <Nunakunam willayämashqa llutanta imëkäkunawanpis ruranqëkita. Kananpita witsëpaqa mananam mayuralnïnatsu kanki. Llapanta cuentata qomänëkipaq prevenikï> nir.
3<<Mayuralnash shonqunllachö kënö ninaq: <Patronnï qarqamaptinqa ¡imataraq kanan rurashaq! Chakrachö uryanäpaqqa manam kallpä kannatsu y limushnakïtaqa penqakümi. 4¡A yä, kanan ima ruranätapis musyänam! ¡Patronnï qarqaramaptin nunakuna wayinkunaman chaskiyämänanpaqmi kënö rurashaq!>
5<<Tsëshi patronninpa jaqan nunakunata jukllëllapayan qayarir punta kaqta tapunaq: <Patronnïpa jaqan ¿ëkataq kanki?>
6<<Tsë nunanash ninaq: <Ishkë pachak (200) läta aceitim> nir. Mayuralnash ninaq: <Juk pachak (100) lätallatana paganëkipaq kë recïbuchö firmamï>.
7<<Juknin kaqtanash jina tapunaq: <Qamqa ¿ëkataq jaqan kanki?> nir. Tsë nunanash ninaq: <Chusku pachak (400) säcu trïgum> nir. Mayuralnash ninaq: <Kima pachak (300) säcullatana paganëkipaq kë recïbuchö firmamï>.
8<<Tsënö alläpa musyaq kashqanta musyëkurshi patronnin alabanaq. Tsë mayural alläpa musyaq kashqannömi Teyta Diosta mana cäsuq nunakunapis amishtäta rurayänanpaq Teyta Diosta cäsukuqkunapita mas musyaq kayan. 9Noqam niyaq: Qamkunapis kë patsachö qellënikikunawan y imëkëkikunawanpis yanapar amishtäta ashiyë. Tsënöpam wanukuptikipis gloriachö mana ushakäkuq wayiman chaskiyäshunki.
10<<Pipis ichikllachö honrädu karqa tsënöllam honrädu kanqa mas atskachöpis. Ichikllachöpis honrädu mana karqa atskachöpis manam honrädutsu kanqa. 11Sitsun kë patsachö riquëzëkikunawan nuna mayikita yanapayankitsu ¡imanöparaq Teyta Diospis gloriachö riquëzakunata qoykuyäshunkiman! 12Jukpa imëkankunawanpis mana honrädu këkäyaptikiqa Teyta Diospis ¿markäkuyäshunkimantsuraq tocayäshunëki kaqta qoykushunëkipaq?#16.12 Jukpa imëkankunaqa kë patsachö kaqkunam këkan. Tocamänantsikpaq kaqqa gloriachö riquëzata chaskinantsikpaqmi këkan.
13<<Manam pipis ishkaq patrontaqa sirwinmantsu. Ishkë patronyuq karqa jukninta chikirmi juknintaqa kuyanqa. Jukninta cäsurmi juknintaqa cäsunqatsu. Tsënöllam riquëzakunata kuyarqa Teyta Diosta sirwita puëdiyankitsu>>.
14Tsë ninqanta wiyarninnam fariseukuna qellëpaq alläpa löcuyashqa karnin Jesúspita burlakur asipäyarqan. 15Tsënam Jesús nirqan: <<Qamkunaqa nunakunapa nöpankunallachömi alli tukuq kayanki. Tsënö kaptinpis Teyta Diosmi shonqïkikunata reqin. Tsëmi nunakuna respetayäshuptikipis Teyta Diosqa melanäyäshunki.
Teyta Diospa palabranta cumplinanpaq Jesús ninqan
16<<Teyta Diospa leyninkunaqa y profëtakuna qellqanqankunaqa Bautizakuq Juan willakunqanyaqmi karqan. Kananqa Teyta Diospa mandakïnin chämunqantanam willapäkü y tsë mandakïninmanqa atskaqmi imanöpapis yëkïta munayan. 17Ciëlu y kë patsa ushakaptinpis leyninkunachö ninqankunataqa Teyta Dios llapantam cumplinqa.
Warminpita mana rakikäyänanpaq Jesús yachatsikunqan
Mateo 5.31-32; 19.9; Marcos 10.11-12
18<<Mëqan nunapis warminpita rakikärir juk warmiwan tärarqa adulteriu jutsatam rurëkan. Tsënöllam qowanpita rakikashqa warmiwan tärarqa adulteriu jutsata rurëkan>>.
Lázarupaq y rïcu nunapaq Jesús willapäkunqan
19<<Juk nunash kanaq alläpa kapuqyuq. Pëshi ratashtapis alläpa chaniyuq kaqllata yakakuq. Waran waranshi fiestata rurar mikupakïllachö kakuq. 20Tsë kapuqyuq nunapa punkunchönash juk waktsa nuna Lázaro shutiyuq imëpis täkuq. Pëpa llapan cuerpuntash qeri limpu usharishqa kanaq. 21Alläpa mallaqarshi kapuqyuq nunapa mësanpita shikwaqkunallatapis mikïta munanaq. Allqukunapis hasta qerinta laqwayaqshi. 22Lázaro wanukïkuptinnash Abrahampa nöpanman angelkuna apayänaq. Tsënöllash kapuqyuq nuna wanuriptinpis pampariyänaq.
23<<Tsënash Hadeschö alläpa jipëkar kapuqyuq nuna karupita rikëkunaq Abrahampa nöpanchö Lázaro këkaqta. 24Tsënash qaparipa qayakunaq: <Tëta Abraham, ankupëkallämëri. Këman Lázaruta kachëkallämï, dëdunta yakuman tenqirkatsir#16.24 Wakin nunakunaqa toparkatsir niyanmi. shimilläta arwäratsimunanpaq. Kë ninachömi alläpa jipakïkällä>.
25<<Abrahamnash yaskinaq: <Yarpë kawënikichö këkar llapannikiwan kushikïllachö kawanqëkita. Lázaruqa kawëninchö waktsa karninmi alläpa jiparqan. Tsëmi kananqa këchö kushishqa këkan y qamnam tsëchö jipëkanki. 26Jinapis noqakunapita qam këkanqëkiman alläpa feyu y jatun zanjam kan. Tsëmi ni pipis këpita tsimpamïta puëdintsu ni qampis këman tsimpamïta puëdinkitsu> nir.
27<<Tsënash kapuqyuq nuna ninaq: <Tëta Abraham, tsëpinqa tëtäpa wayinman Lázaruta kachëkullë. 28Tsëchö pitsqaran wawqïkuna këkäyan. Willëkamutsun kë jipakïman pëkuna mana shayämunanpaq>.
29<<Abrahamnash ninaq: <Moisés y profëtakuna qellqayashqankunata musyayanmi. Tsëkunata cäsukuyätsun>.
30<<Kapuqyuq nunanash yaskinaq: <Tëta Abraham, manam cäsukuyanqatsu. Tsënö kaptinpis juk nuna wanushqanpita kawarirkur willakuptinqa jutsankunata jaqiriyanqam>.
31<<Abrahamnash ninaq: <Moisés y profëtakuna qellqashqankunata mana cäsukïkarqa wanushqanpita kawarirkur willakuptinpis manam cäsukuyanqatsu> >>.
S'ha seleccionat:
Lucas 16: qwhB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.
Lucas 16
16
Alläpa musyaq mayuralman Jesús iwalatsinqan
1Kënöpis jina discïpulunkunata Jesús willaparqanmi: <<Juk rïcupash mayuralnin kanaq. Tsë mayuralpaqshi tsë rïcuta willayänaq llutallana imëkankunatapis ushanqanta. 2Tsënash mayuralninta qayaratsir kënö ninaq: <Nunakunam willayämashqa llutanta imëkäkunawanpis ruranqëkita. Kananpita witsëpaqa mananam mayuralnïnatsu kanki. Llapanta cuentata qomänëkipaq prevenikï> nir.
3<<Mayuralnash shonqunllachö kënö ninaq: <Patronnï qarqamaptinqa ¡imataraq kanan rurashaq! Chakrachö uryanäpaqqa manam kallpä kannatsu y limushnakïtaqa penqakümi. 4¡A yä, kanan ima ruranätapis musyänam! ¡Patronnï qarqaramaptin nunakuna wayinkunaman chaskiyämänanpaqmi kënö rurashaq!>
5<<Tsëshi patronninpa jaqan nunakunata jukllëllapayan qayarir punta kaqta tapunaq: <Patronnïpa jaqan ¿ëkataq kanki?>
6<<Tsë nunanash ninaq: <Ishkë pachak (200) läta aceitim> nir. Mayuralnash ninaq: <Juk pachak (100) lätallatana paganëkipaq kë recïbuchö firmamï>.
7<<Juknin kaqtanash jina tapunaq: <Qamqa ¿ëkataq jaqan kanki?> nir. Tsë nunanash ninaq: <Chusku pachak (400) säcu trïgum> nir. Mayuralnash ninaq: <Kima pachak (300) säcullatana paganëkipaq kë recïbuchö firmamï>.
8<<Tsënö alläpa musyaq kashqanta musyëkurshi patronnin alabanaq. Tsë mayural alläpa musyaq kashqannömi Teyta Diosta mana cäsuq nunakunapis amishtäta rurayänanpaq Teyta Diosta cäsukuqkunapita mas musyaq kayan. 9Noqam niyaq: Qamkunapis kë patsachö qellënikikunawan y imëkëkikunawanpis yanapar amishtäta ashiyë. Tsënöpam wanukuptikipis gloriachö mana ushakäkuq wayiman chaskiyäshunki.
10<<Pipis ichikllachö honrädu karqa tsënöllam honrädu kanqa mas atskachöpis. Ichikllachöpis honrädu mana karqa atskachöpis manam honrädutsu kanqa. 11Sitsun kë patsachö riquëzëkikunawan nuna mayikita yanapayankitsu ¡imanöparaq Teyta Diospis gloriachö riquëzakunata qoykuyäshunkiman! 12Jukpa imëkankunawanpis mana honrädu këkäyaptikiqa Teyta Diospis ¿markäkuyäshunkimantsuraq tocayäshunëki kaqta qoykushunëkipaq?#16.12 Jukpa imëkankunaqa kë patsachö kaqkunam këkan. Tocamänantsikpaq kaqqa gloriachö riquëzata chaskinantsikpaqmi këkan.
13<<Manam pipis ishkaq patrontaqa sirwinmantsu. Ishkë patronyuq karqa jukninta chikirmi juknintaqa kuyanqa. Jukninta cäsurmi juknintaqa cäsunqatsu. Tsënöllam riquëzakunata kuyarqa Teyta Diosta sirwita puëdiyankitsu>>.
14Tsë ninqanta wiyarninnam fariseukuna qellëpaq alläpa löcuyashqa karnin Jesúspita burlakur asipäyarqan. 15Tsënam Jesús nirqan: <<Qamkunaqa nunakunapa nöpankunallachömi alli tukuq kayanki. Tsënö kaptinpis Teyta Diosmi shonqïkikunata reqin. Tsëmi nunakuna respetayäshuptikipis Teyta Diosqa melanäyäshunki.
Teyta Diospa palabranta cumplinanpaq Jesús ninqan
16<<Teyta Diospa leyninkunaqa y profëtakuna qellqanqankunaqa Bautizakuq Juan willakunqanyaqmi karqan. Kananqa Teyta Diospa mandakïnin chämunqantanam willapäkü y tsë mandakïninmanqa atskaqmi imanöpapis yëkïta munayan. 17Ciëlu y kë patsa ushakaptinpis leyninkunachö ninqankunataqa Teyta Dios llapantam cumplinqa.
Warminpita mana rakikäyänanpaq Jesús yachatsikunqan
Mateo 5.31-32; 19.9; Marcos 10.11-12
18<<Mëqan nunapis warminpita rakikärir juk warmiwan tärarqa adulteriu jutsatam rurëkan. Tsënöllam qowanpita rakikashqa warmiwan tärarqa adulteriu jutsata rurëkan>>.
Lázarupaq y rïcu nunapaq Jesús willapäkunqan
19<<Juk nunash kanaq alläpa kapuqyuq. Pëshi ratashtapis alläpa chaniyuq kaqllata yakakuq. Waran waranshi fiestata rurar mikupakïllachö kakuq. 20Tsë kapuqyuq nunapa punkunchönash juk waktsa nuna Lázaro shutiyuq imëpis täkuq. Pëpa llapan cuerpuntash qeri limpu usharishqa kanaq. 21Alläpa mallaqarshi kapuqyuq nunapa mësanpita shikwaqkunallatapis mikïta munanaq. Allqukunapis hasta qerinta laqwayaqshi. 22Lázaro wanukïkuptinnash Abrahampa nöpanman angelkuna apayänaq. Tsënöllash kapuqyuq nuna wanuriptinpis pampariyänaq.
23<<Tsënash Hadeschö alläpa jipëkar kapuqyuq nuna karupita rikëkunaq Abrahampa nöpanchö Lázaro këkaqta. 24Tsënash qaparipa qayakunaq: <Tëta Abraham, ankupëkallämëri. Këman Lázaruta kachëkallämï, dëdunta yakuman tenqirkatsir#16.24 Wakin nunakunaqa toparkatsir niyanmi. shimilläta arwäratsimunanpaq. Kë ninachömi alläpa jipakïkällä>.
25<<Abrahamnash yaskinaq: <Yarpë kawënikichö këkar llapannikiwan kushikïllachö kawanqëkita. Lázaruqa kawëninchö waktsa karninmi alläpa jiparqan. Tsëmi kananqa këchö kushishqa këkan y qamnam tsëchö jipëkanki. 26Jinapis noqakunapita qam këkanqëkiman alläpa feyu y jatun zanjam kan. Tsëmi ni pipis këpita tsimpamïta puëdintsu ni qampis këman tsimpamïta puëdinkitsu> nir.
27<<Tsënash kapuqyuq nuna ninaq: <Tëta Abraham, tsëpinqa tëtäpa wayinman Lázaruta kachëkullë. 28Tsëchö pitsqaran wawqïkuna këkäyan. Willëkamutsun kë jipakïman pëkuna mana shayämunanpaq>.
29<<Abrahamnash ninaq: <Moisés y profëtakuna qellqayashqankunata musyayanmi. Tsëkunata cäsukuyätsun>.
30<<Kapuqyuq nunanash yaskinaq: <Tëta Abraham, manam cäsukuyanqatsu. Tsënö kaptinpis juk nuna wanushqanpita kawarirkur willakuptinqa jutsankunata jaqiriyanqam>.
31<<Abrahamnash ninaq: <Moisés y profëtakuna qellqashqankunata mana cäsukïkarqa wanushqanpita kawarirkur willakuptinpis manam cäsukuyanqatsu> >>.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.