SALMOS 13
13
1¿To chi'ize gaḻ ḻažo'o neda', X̱ana' Dios?
¿Gaḻ ḻáže'tezo' neda'?
¿To chi'ize biž ḻe'elo' neda'?
2¿To chi'ize gon byene soela' da' ẕzaka'a?
¿To chi'ize gak nyache' ḻaža'a dot ža dot yel?
¿To chi'ize nna bia'gak benne' yichj ža'a ka' neda'?
3Bwia neda', X̱ana' Dios, na' bechebe chia'.
Ben choch neda' nich bi gata',
4na' nich bi nna bennen' bi ẕḻe'ele' neda' chawe', bi nne':
“Ba bzex̱jwa' ḻe'.”
Benne' ka' bi ẕḻé'egekle' neda' chawe' yebégekle' cha' chejchaza' ḻo da' bi nak chawe',
5san neda' žx̱en ḻaža'a Le' yeyache' ḻáže'lo' neda'.
Dot ḻáẕda'wa' žebela' dan' žákḻeno' neda'.
6Goḻkza' che X̱ana' Dios dan' žon chawe'e neda'.
S'ha seleccionat:
SALMOS 13: zty
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.