SAN LUCAS 21:25-27

’Tyu'u tucua cuayá' nu tyaca̱' ña'a̱ ngu' lo cuichaa li', jua'a̱ lo co', la cui' jua'a̱ lo cualya nu ntsu'u nde cua̱. Lo'o li' lye tsa quichi̱ cha' hique ñati̱ chalyuu; cutsi̱i̱ tsa ngu' li', xqui'ya cha' lye tsa cañi ntyiji'i̱ clyoo' lo hitya tyujo'o. Hasta tyucua ti ti'i̱ ñati̱, xqui'ya cha' cutsi̱i̱ tsa ngu' laja lo'o ntajatya ngu' si tya caca la cha' cuxi bi'; lye tsa culacua ti' ngu' na ca caca chalyuu. Lo'o jua'a̱ lye tsa quiña lcaa cuii nu ntsu'u nde cua̱. Li' ña'a̱ ngu' ji'i̱ ycui' na' nu cua nda Ni 'na lijya̱a̱ cha' caca na' ñati̱, ña'a̱ ngu' lo'o tya̱a̱ na' laja coo nu ndubi tsa ña'a̱. Tlyu tsa chacuayá' ngujui jna' cha' tya̱a̱ na' li'; jua'a̱ lye tsa quiji'i̱ xee loo na' lo'o ca̱a̱ na' li', nu lo'o caca na' loo.