SAN LUCAS 8
8
Nu ngu' cuna'a̱ nu nxtyucua ji'i̱ Jesús
1Tiya' la li', ndu'u Jesús ndyaa yu tyu̱u̱ tya'a quichi̱, masi quichi̱ tonu, masi quichi̱ sube. Nchcui' tsa yu cha' tso'o ji'i̱ ycui' Ndyosi lo'o ngu' quichi̱ bi'; nchcui' yu cha' cua lijya̱ ti ycui' Ndyosi cha' caca Ni loo ne' cresiya ji'i̱ ñati̱. Stu'ba ndya'a̱ Jesús lo'o nu tii tyucuaa tya'a ngu' nu ndyaca tsa'a̱ ji'i̱. 2Lo'o jua'a̱, tyu̱u̱ tya'a nu cuna'a̱ ndyaa lo'o ngu'; cua ngua quicha nu ngu' cuna'a̱ bi' tya tsubi' la, pana cua ngua'ni Jesús cha' ndyaca tso'o ngu', lo'o jua'a̱ cua ngulo yu cui'i̱ Cuxi nu ntsu'u ji'i̱ ngu' bi'. Ndya'a̱ sca nu cuna'a̱ nu naa María Magdalena lo'o ngu', ji'i̱ bi' cua ngutu'u cati tya'a cui'i̱ cuxi. 3Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.
Cui̱i̱ ji'i̱ ñati̱ nu ndyataa si'yu
4Lo'o li' quiña'a̱ tsa ngu' quichi̱ cacua ndu'u ngu' ñaa ngu' se'i̱ ti cha' ña'a̱ ngu' ji'i̱ Jesús. Nu lo'o cua ndyu'u ti'i̱ ngu' quiña'a̱ bi' tsa tlyu ti, li' nda Jesús sca cui̱i̱ lo'o ngu'. Ndi'ya̱ cha' nu ngulu'u yu ji'i̱ ngu' bi' li':
5―Cua ndyaa sca ñati̱ cataa nscua' trigo ji'i̱. Ndi'ya̱ ngua su nguscui̱ yu si'yu bi': ndyú xi si'yu bi' tyucui̱i̱ su nteje tacui ngu', ngusatá quiya' ngu' si'yu bi' li'; jua'a̱ ñaa quiñi ndyacu ni' ji'i̱. 6Chaca ycu' si'yu bi' ndyú su lati tsa tu'ba yuu nscua chu̱' quee. Lo'o ntyucua si'yu bi', ná ngua caluu tso'o cha' ná qui'ñi ndyaa quiche su̱u̱; ndye calya bi' ndyanaa li', cha' ná tyacala' yuu bi'. 7Chaca ycu' si'yu bi' ndyú su ndu̱ yaca quiche' nquicha'; li' yala la ntyucua nu yaca quiche' bi', ña'a̱ cuaya' nga'aa nda tyempo caluu calya trigo bi' tsiya' ti. 8Chaca ycu' si'yu bi' ndyú su tso'o tsa yuu; tso'o tsa nguluu calya bi', quiña'a̱ tsa si'yu ngutu'u lo ju̱u̱ bi' li'. Su ndyataa sca ti milya si'yu, ca bi' tso'o tsa ngutu'u hasta sca siyento tya'a milya si'yu li'.
Lo'o ndye nda Jesús cha' bi' lo'o ngu', li' cui̱i̱ tsa nchcui' yu ndi'ya̱:
―Cua'a̱ jyaca̱ ma̱ si nti' ma̱ cuna ma̱ cha' tso'o nu nchcui' na' lo'o ma̱.
Nde nchcui' Jesús ni cha' laca nda yu cui̱i̱ lo'o ngu'
9Li' nchcuane nu ngu' nu ndyaca tsa'a̱ ji'i̱ Jesús bi' ñi'ya̱ ndyu'u cha' bi'. 10Ndi'ya̱ nguxacui̱ Jesús cha' ji'i̱ ngu':
―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.
Nchcui' Jesús ñi'ya̱ ndyu'u cha' ji'i̱ cui̱i̱ ji'i̱ ñati̱ nu ndyataa si'yu
11’Ndi'ya̱ ndyu'u cha' ji'i̱ cui̱i̱ bi' ―nacui̱ Jesús ji'i̱ ngu'―. Ñi'ya̱ laca nu si'yu nu cua nscui̱ yu bi', jua'a̱ laca cha' tso'o nu nda ycui' Ndyosi lo'o ñati̱. 12Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'. 13Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'. 14Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'. 15Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.
Cui̱i̱ ji'i̱ xee nu tyu'u ne' ni'i̱
16’Ná cua'a̱ ngu' xee ni'i̱, lo'o hora ti tacu̱' ngu' loo xee bi' li'; la cui' ti, ná sta ngu' ji'i̱ sca xee sca ne' qui'ña ti. Ná ndu'ni ngu' jua'a̱. Ndi'ya̱ ndu'ni ngu' lo'o sca xee: nsta ngu' ji'i̱ su cua̱, cha' clyane xee cha' tyaca̱' ña'a̱ ngu' nu ndi'i̱ ni'i̱ bi'. 17Lcaa cha' nu nsu'ba yacu̱' ngu' ji'i̱, quijeloo cha' bi' ji'i̱ ngu' ca tiya' la; lcaa cha' nu ntsu'u cuaana ti, quije cha' bi' ji'i̱ ngu' ca tiya' la, cha' caca cuayá' ti' na ji'i̱ cha' bi' li'.
18’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.
Ndyalaa xtya'a̱ Jesús lo'o nu ngu' qui'yu tya'a Jesús
19Lo'o li' ndyalaa xtya'a̱ Jesús, ñaa lo'o ngu' qui'yu tya'a yu, ndyalaa ngu' su ndi'i̱ yu li'. Ná ngua ca̱a̱ ngu' cacua la slo, cha' quiña'a̱ tsa ñati̱ ndi'i̱. 20Bi' cha' ndyaa cha' slo Jesús li':
―Nde liya' ndu̱ xtya'a̱ nu'u̱ lo'o tya'a nu'u̱. Cua nti' ngu' chcui' ngu' lo'o nu'u̱ ―nacui̱ ngu' ji'i̱.
21Li' nguxacui̱ Jesús cha' ji'i̱ ngu':
―Ñati̱ nu nduna cha' nu nda ycui' Ndyosi lo'o, jua'a̱ ndu'ni ngu' bi' cua ña'a̱ ca cña nu nclyo Ni ji'i̱ ngu', ñati̱ bi' ndu'ni ñi'ya̱ si laca ngu' xtya'a̱ na', ñi'ya̱ si laca ngu' tya'a na' ―nacui̱ Jesús ji'i̱ ngu'.
Ngulo Jesús cña ji'i̱ cui'i̱ lo'o ji'i̱ clyoo' lo tayu'
22Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti.
―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'.
Ndyaa ngu' li'. 23Lo'o tya ndyaa ngu' lo'o yaca ni'i̱ bi' lo hitya, ndyu'u tsa xcalá Jesús; hora ti ngujua' yu. Li' nguxana cui'i̱, lye tsa ndyaca cui'i̱ lo tayu' bi'. Li' ndyatu̱ clyoo', ntyucua hitya ne' yaca ni'i̱ bi'; cua quilyu'u ti bi' ne' hitya. 24Li' ndyaa nguxtyu'u ngu' ji'i̱ Jesús ca su ntsiya laja'. Nchcui' ngu' lo'o li':
―Cusu', cusu' ―nacui̱ ngu' ji'i̱―, que ti' nu'u̱. Cua quilyu'u ti yaca ni'i̱ re, cajaa na li'.
Ndaca'a̱ Jesús li', ngulo yu cña ji'i̱ cui'i̱ lo'o ji'i̱ clyoo' bi'. Hora ti ngua ti̱ bi' li'; nga'aa ndyaca cui'i̱, nga'aa ntyucua clyoo'. 25Li' nchcui' Jesús lo'o nu ngu' nu ndyaca tsa'a̱ ji'i̱ bi':
―¿Ni cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱ Jesús ji'i̱ ngu' bi'.
Pana ntsi̱i̱ tsa ngu' bi', ndube tsa ti' ngu' ña'a̱ ngu' ji'i̱ Jesús li'.
―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.
Ngulo Jesús ji'i̱ cui'i̱ xña'a̱ nu ntsu'u ji'i̱ sca ñati̱
26Nde tsu' tayu' bi', loyuu su cuentya Galilea laca; lo'o nu chaca tsu' tayu' bi' loyuu su cuentya ngu' Gadara laca. Li' ndyaa ngu' ne' yaca ni'i̱ piti ti bi', ndyalaa ngu' ca loyuu ji'i̱ ngu' Gadara li'. 27Lo'o cua ndu'u ngu' ne' yaca ni'i̱ bi', li' ndyacua tya'a Jesús lo'o sca nu qui'yu ngu' Gadara nu ntsu'u cui'i̱ xña'a̱ ji'i̱. Cua sa'ni ngusñi cui'i̱ ji'i̱ yu; tya li' ná nchcu' yu late', ná ndi'i̱ yu ni'i̱. Na ndya'a̱ yu'u ti yu, ndyija' yu ne' lo'o jyo'o. 28Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús.
―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.
29Jua'a̱ nacui̱ yu cha' cua ngulo Jesús cña ji'i̱ cui'i̱ xña'a̱ bi', cha' nga'aa xñi cui'i̱ bi' ji'i̱ yu. Tya tsubi' la quiña'a̱ quiya' cua nguxalú cui'i̱ bi' ji'i̱ yu; bi' cha' nguti'i̱ ngu' cua̱ ji'i̱ yu, ndyaaca̱' ya' yu, ndyaaca̱' quiya' yu lo'o cadena chcua̱. Pana ná ngüi'ya yu cuentya ji'i̱ cadena bi', yala ti ngusi'yu cu' chcua̱ bi'. Li' ngujolaqui cui'i̱ xña'a̱ bi' ji'i̱ yu, ngusna yu ca ne' quixi̱' su ná ndi'i̱ ñati̱. 30Lo'o ndyacua tya'a Jesús lo'o yu quicha bi', li' nchcuane ji'i̱ yu:
―¿Ni naa nu'u̱? ―nacui̱ Jesús ji'i̱ yu.
―Quiña'a̱ tsa lo naa na' ―nacui̱ yu quicha bi' ji'i̱, cha' quiña'a̱ tsa cui'i̱ xña'a̱ ndyu'ni lya' ti' ji'i̱ yu.
31Ntsi̱i̱ tsa cui'i̱ xña'a̱ bi' si culo Jesús cña ji'i̱ cha' tyaa cui'i̱ bi' ca su laca tyi cui'i̱ ca ne' yuu. Bi' cha' ngua'ni cui'i̱ cha' ngüijña yu quicha bi' ji'i̱ Jesús cha' ná culo yu cña cha' tyu'u cui'i̱ bi'. 32Lo'o jua'a̱ tlyu tsa taju cube' nu ndya'a̱ sii' ca'ya nu ndi'i̱ cacua ti. Li' ngüijña yu quicha bi' chacuayá' ji'i̱ Jesús cha' tyanu cui'i̱ xña'a̱ lo'o cube' bi'. Nda Jesús chacuayá' ji'i̱ cui'i̱ bi' li'. 33Lo'o li' ndu'u cui'i̱ xña'a̱ bi' ji'i̱ nu qui'yu quicha bi', ngusñi ji'i̱ cube' li'. Hora ti ngusna cube' bi' sii' cua'a̱ ca'ya, ndyú ni' ca lo hitya tayu' ngujuii ni' li', cha' ndye ndyi'o ni' hitya tayu' bi' li'.
34Lo'o na'a̱ ngu' cha' bi', ngu' nu ndya'a̱ lo'o cube' bi' ni, ngusna clya ngu' li'. Ndyaa ngu' nde quichi̱ tyi ngu', ndyaa cacha' ngu' cha' bi' ji'i̱ tya'a quichi̱ tyi ngu'; lo'o ji'i̱ lcaa ngu' nu ndi'i̱ ne' quixi̱' cacua ti, ndacha' ngu' ji'i̱ ngu' bi' ñi'ya̱ ngua cha' bi'. 35Li' ndu'u ngu' quichi̱ bi', ndyaa na'a̱ ngu' xi ji'i̱, na ca ngua. Lo'o ndyalaa ngu' su nga'a̱ Jesús, li' na'a̱ ngu' ji'i̱ nu qui'yu nu ntsu'u cui'i̱ xña'a̱ ji'i̱ tsa̱ la, cha' juani tso'o ti yu; lacu' yu ste' yu, ti̱ ti ntucua yu nde slo quiya' Jesús. Ndyutsi̱i̱ tsa ngu' li'. 36Lo'o nu ñati̱ nu cua na'a̱ lo'o ngulo Jesús cui'i̱ bi' ji'i̱ yu, ndacha' ngu' bi' ji'i̱ tya'a ngu' ñi'ya̱ nu ngua cha' ngua tso'o yu. 37Li' nchcui' tsa lcaa ngu' quichi̱ bi' lo'o Jesús cha' tyu'utsu', cha' nga'aa tyanu la Jesús loyuu bi'; ntsi̱i̱ tsa ngu' ca tyi bi'. Bi' cha' ndu'u Jesús ndyaa yu ne' yaca ni'i̱ piti bi'. 38Laja li' ndijña tsa nu qui'yu nu cua ngutu'u ca ti cui'i̱ xña'a̱ ji'i̱, cha' lo'o yu tsaa yu lo'o Jesús ne' yaca ni'i̱ bi'; pana ná nda Jesús chacuayá' tya'a̱ yu lo'o.
39―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱ yu nu ngua quicha bi'―. Ta nu'u̱ cha' lo'o lcaa ngu', cua ña'a̱ ca cha' tlyu nu cua ngua'ni ycui' Ndyosi lo'o nu'u̱.
Ndyaa yu li', nda yu cha' lo'o lcaa ñati̱ tya'a quichi̱ tyi yu, lcaa ña'a̱ cha' tlyu nu cua ngua'ni Jesús lo'o yu.
Sñi' Jairo lo'o nu cuna'a̱ nu ndyala' ste' Jesús
40Lo'o li' nguxtyu̱u̱ Jesús ñaa nde tsu' tayu' chaca quiya'. Chaa tsa ti' ngu' su ndi'i̱ ngu' cha' ndyalaa yu tsu' re chaca quiya' li'; tso'o tsa nchcui' ngu' lo'o yu, cha' ntajatya tsa ngu' ji'i̱ yu ni jacua' tya̱a̱ ycui' yu chaca quiya'. 41Lo'o cua ndyalaa Jesús, li' hora ti ndyalaa sca nu qui'yu nu naa Jairo slo; ngu' cusu' laca yu, loo laca yu ne' laa ji'i̱ ngu' bi'. Ya̱a̱ yu li', ndu̱ sti̱' yu nde loo Jesús, lye tsa ndijña yu cha' clyu ti' ji'i̱ Jesús cha' tsaa toni'i̱ ji'i̱ yu. 42Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.
43Laja ngu' bi' ndi'i̱ sca nu cuna'a̱ quicha. Ndye tii tyucuaa yija̱ quicha tsa nu cuna'a̱ bi', lu'ba ti nda'ya tañi ma'. Cua ndye cñi ji'i̱ ma' cusu' nguliji xcaya' ngu' jo'o, pana ni sca ñati̱ ná ngua ji'i̱ cua'ni jo'o ji'i̱ ma'. 44Nu juani cua lijya̱ ma' bi' nde chu̱' Jesús, ndyala' quiya' ste' yu; hora ti ngusi'yu cu' cha' ndyalú tañi ma', ngua tso'o ma'. 45Li' nchcuane Jesús ji'i̱ ngu' nu ndi'i̱ slo:
―¿Tilaca laca nu ndyala' 'na? ―nacui̱.
Lcaa ñati̱ nchcui' cha' ná tucui ndyala' ji'i̱ Jesús. Bi' cha' lo'o Pedro lo'o jua'a̱ xa' tya'a ndya'a̱ yu, nguxacui̱ ngu' cha' ji'i̱ Jesús li':
―Cusu' ―nacui̱ ngu'―, tyi'i̱ ca chu̱' nu'u̱ tachaa tsa ndi'i̱ ñati̱, hasta nsatá tsa ngu' chu̱' na. Ni cha' nchcui' nu'u̱ lacua: “¿Tilaca laca nu ndyala' 'na?”
46Li' xa' nguxacui̱ Jesús cha' ji'i̱ ngu' chaca quiya':
―Chañi cha' cua ndyala' sca ñati̱ jna' ―nacui̱―. Ngua tii na' cha' juersa 'na ndyaa ngua'ni jo'o ji'i̱ sca ñati̱.
47Li' jlo ti' nu cuna'a̱ bi', cha' cua nquije cha' ji'i̱ Jesús, bi' cha' ya̱a̱ ma' nchcui' lo'o yu, masi nchcua̱a̱ tyucui ña'a̱ ma' lijya̱ ma' cha' ndyutsi̱i̱ ma'. Li' ndyatu̱ sti̱' ma' nde su ndu̱ Jesús; slo lcaa ñati̱ nu ndu̱ ca bi' ndacha' ma' ji'i̱ yu ni cha' laca ndyala' ma' ste' yu, lo'o li' hora ti ngua tso'o ma'. 48Li' nchcui' Jesús lo'o ma' cusu' bi':
―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.
49Tya nchcui' Jesús, lo'o li' ndyalaa sca ñati̱ nu ndu'u to' tyi Jairo, nu cusu' bi' nu laca loo ne' laa ji'i̱ ngu' ca bi'. Ñati̱ bi' ndyaa nchcui' lo'o ycui' Jairo li':
―Cua ngujuii sñi' nu'u̱, cusu' ―nacui̱ yu―. Nga'aa chcui' nu'u̱ lo'o nu cusu' jua cha' ca̱a̱ toni'i̱ jinu'u̱.
50Pana cua ndyuna Jesús cha' nu nchcui' yu lo'o nu cusu' bi'.
―Ná cutsi̱i̱ nu'u̱ ―nacui̱ Jesús―, sca ti si jlya ti' nu'u̱ cha' caca ji'i̱ ycui' Ndyosi, li' caca tso'o nu piti sñi' nu'u̱ ―nacui̱ Jesús ji'i̱ Jairo.
51Lo'o ndyalaa ngu' to' tyi Jairo, li' ná nda Jesús chacuayá' tya̱a̱ tsa tlyu ti ngu' ne' ni'i̱ lo'o yu; cua laca ti ñati̱ tya̱a̱ nde ni'i̱ nacui̱ yu.
―Lo'o Pedro, lo'o Jacobo, lo'o Juan, lo'o sti xtya'a̱ nu piti quicha re, tsa lo cua ti tya'a ngu' tya̱a̱ ngu' ni'i̱ re ―nacui̱ yu.
52Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi':
―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.
53Nxtyí lo'o ngu' ji'i̱ Jesús li', cha' jlo ti' ngu' cha' chañi cha' ngujuii nu piti bi'. 54Li' ndyatí̱ Jesús ni'i̱, ngusñi ya' nu piti, jua'a̱ cui̱i̱ nchcui' lo'o li':
―Tyaca'a̱ nu'u̱, mbixu̱' ―nacui̱.
55Li' xa' ndyalaa cui'i̱ cresiya ji'i̱ nu cuna'a̱ piti bi', hora ti ndaca'a̱ li'; ngulo Jesús cña ji'i̱ ngu' cha' ta ngu' na cacu nu piti bi' li'. 56Ndube tsa ti' ngu' cusu' ji'i̱ nu piti bi', pana ngulo Jesús cña ji'i̱ ngu' cha' ná chcui' ngu' lo'o xa' ñati̱ ñi'ya̱ nu ngua cha' bi'.
S'ha seleccionat:
SAN LUCAS 8: cta
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1981, Wycliffe Bible Translators, Inc. All rights reserved.
SAN LUCAS 8
8
Nu ngu' cuna'a̱ nu nxtyucua ji'i̱ Jesús
1Tiya' la li', ndu'u Jesús ndyaa yu tyu̱u̱ tya'a quichi̱, masi quichi̱ tonu, masi quichi̱ sube. Nchcui' tsa yu cha' tso'o ji'i̱ ycui' Ndyosi lo'o ngu' quichi̱ bi'; nchcui' yu cha' cua lijya̱ ti ycui' Ndyosi cha' caca Ni loo ne' cresiya ji'i̱ ñati̱. Stu'ba ndya'a̱ Jesús lo'o nu tii tyucuaa tya'a ngu' nu ndyaca tsa'a̱ ji'i̱. 2Lo'o jua'a̱, tyu̱u̱ tya'a nu cuna'a̱ ndyaa lo'o ngu'; cua ngua quicha nu ngu' cuna'a̱ bi' tya tsubi' la, pana cua ngua'ni Jesús cha' ndyaca tso'o ngu', lo'o jua'a̱ cua ngulo yu cui'i̱ Cuxi nu ntsu'u ji'i̱ ngu' bi'. Ndya'a̱ sca nu cuna'a̱ nu naa María Magdalena lo'o ngu', ji'i̱ bi' cua ngutu'u cati tya'a cui'i̱ cuxi. 3Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.
Cui̱i̱ ji'i̱ ñati̱ nu ndyataa si'yu
4Lo'o li' quiña'a̱ tsa ngu' quichi̱ cacua ndu'u ngu' ñaa ngu' se'i̱ ti cha' ña'a̱ ngu' ji'i̱ Jesús. Nu lo'o cua ndyu'u ti'i̱ ngu' quiña'a̱ bi' tsa tlyu ti, li' nda Jesús sca cui̱i̱ lo'o ngu'. Ndi'ya̱ cha' nu ngulu'u yu ji'i̱ ngu' bi' li':
5―Cua ndyaa sca ñati̱ cataa nscua' trigo ji'i̱. Ndi'ya̱ ngua su nguscui̱ yu si'yu bi': ndyú xi si'yu bi' tyucui̱i̱ su nteje tacui ngu', ngusatá quiya' ngu' si'yu bi' li'; jua'a̱ ñaa quiñi ndyacu ni' ji'i̱. 6Chaca ycu' si'yu bi' ndyú su lati tsa tu'ba yuu nscua chu̱' quee. Lo'o ntyucua si'yu bi', ná ngua caluu tso'o cha' ná qui'ñi ndyaa quiche su̱u̱; ndye calya bi' ndyanaa li', cha' ná tyacala' yuu bi'. 7Chaca ycu' si'yu bi' ndyú su ndu̱ yaca quiche' nquicha'; li' yala la ntyucua nu yaca quiche' bi', ña'a̱ cuaya' nga'aa nda tyempo caluu calya trigo bi' tsiya' ti. 8Chaca ycu' si'yu bi' ndyú su tso'o tsa yuu; tso'o tsa nguluu calya bi', quiña'a̱ tsa si'yu ngutu'u lo ju̱u̱ bi' li'. Su ndyataa sca ti milya si'yu, ca bi' tso'o tsa ngutu'u hasta sca siyento tya'a milya si'yu li'.
Lo'o ndye nda Jesús cha' bi' lo'o ngu', li' cui̱i̱ tsa nchcui' yu ndi'ya̱:
―Cua'a̱ jyaca̱ ma̱ si nti' ma̱ cuna ma̱ cha' tso'o nu nchcui' na' lo'o ma̱.
Nde nchcui' Jesús ni cha' laca nda yu cui̱i̱ lo'o ngu'
9Li' nchcuane nu ngu' nu ndyaca tsa'a̱ ji'i̱ Jesús bi' ñi'ya̱ ndyu'u cha' bi'. 10Ndi'ya̱ nguxacui̱ Jesús cha' ji'i̱ ngu':
―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.
Nchcui' Jesús ñi'ya̱ ndyu'u cha' ji'i̱ cui̱i̱ ji'i̱ ñati̱ nu ndyataa si'yu
11’Ndi'ya̱ ndyu'u cha' ji'i̱ cui̱i̱ bi' ―nacui̱ Jesús ji'i̱ ngu'―. Ñi'ya̱ laca nu si'yu nu cua nscui̱ yu bi', jua'a̱ laca cha' tso'o nu nda ycui' Ndyosi lo'o ñati̱. 12Ñi'ya̱ laca nu tsa ycu' si'yu nu ndyú tyucui̱i̱ bi', jua'a̱ laca lo'o ñati̱ nu cua ndyuna cha' tso'o bi' nquicha', lo'o li' hora ti lijya̱ nu xña'a̱ cha' cuityi̱ cha' tso'o nu ntsu'u ne' cresiya ji'i̱ ngu' bi'; nga'aa ndyi'u ti' ngu' cha' tso'o bi', ni ná nchca clyaá ngu' bi' ji'i̱ nu cuxi li'. 13Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'. 14Ndi'ya̱ laca cha' ji'i̱ si'yu nu ndyalú laja yaca quiche': bi' laca ñi'ya̱ laca lo'o ñati̱ nu cua ndyuna cha' tso'o bi' nquicha', pana ntsu'u tsa cña ji'i̱ ngu', ntsu'u tsa cñi ji'i̱ ngu', lo'o jua'a̱ ntsu'u tsa su culiji ngu' cñi cha' ji'i̱ ti ngu'; bi' cha' ná nchca tyanu tso'o cha' tso'o bi' ne' cresiya ji'i̱ ngu'. 15Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.
Cui̱i̱ ji'i̱ xee nu tyu'u ne' ni'i̱
16’Ná cua'a̱ ngu' xee ni'i̱, lo'o hora ti tacu̱' ngu' loo xee bi' li'; la cui' ti, ná sta ngu' ji'i̱ sca xee sca ne' qui'ña ti. Ná ndu'ni ngu' jua'a̱. Ndi'ya̱ ndu'ni ngu' lo'o sca xee: nsta ngu' ji'i̱ su cua̱, cha' clyane xee cha' tyaca̱' ña'a̱ ngu' nu ndi'i̱ ni'i̱ bi'. 17Lcaa cha' nu nsu'ba yacu̱' ngu' ji'i̱, quijeloo cha' bi' ji'i̱ ngu' ca tiya' la; lcaa cha' nu ntsu'u cuaana ti, quije cha' bi' ji'i̱ ngu' ca tiya' la, cha' caca cuayá' ti' na ji'i̱ cha' bi' li'.
18’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.
Ndyalaa xtya'a̱ Jesús lo'o nu ngu' qui'yu tya'a Jesús
19Lo'o li' ndyalaa xtya'a̱ Jesús, ñaa lo'o ngu' qui'yu tya'a yu, ndyalaa ngu' su ndi'i̱ yu li'. Ná ngua ca̱a̱ ngu' cacua la slo, cha' quiña'a̱ tsa ñati̱ ndi'i̱. 20Bi' cha' ndyaa cha' slo Jesús li':
―Nde liya' ndu̱ xtya'a̱ nu'u̱ lo'o tya'a nu'u̱. Cua nti' ngu' chcui' ngu' lo'o nu'u̱ ―nacui̱ ngu' ji'i̱.
21Li' nguxacui̱ Jesús cha' ji'i̱ ngu':
―Ñati̱ nu nduna cha' nu nda ycui' Ndyosi lo'o, jua'a̱ ndu'ni ngu' bi' cua ña'a̱ ca cña nu nclyo Ni ji'i̱ ngu', ñati̱ bi' ndu'ni ñi'ya̱ si laca ngu' xtya'a̱ na', ñi'ya̱ si laca ngu' tya'a na' ―nacui̱ Jesús ji'i̱ ngu'.
Ngulo Jesús cña ji'i̱ cui'i̱ lo'o ji'i̱ clyoo' lo tayu'
22Ngua sca tsa̱ ndu'u Jesús lo'o nu ngu' nu ndyaca tsa'a̱ ji'i̱ bi', ndyaa ngu' to' tayu'. Li' ndyaa ngu' ca ne' sca yaca ni'i̱ piti ti.
―Ya'a ma̱ tsaa na nde chaca tsu' tayu' re ―nacui̱ Jesús ji'i̱ ngu'.
Ndyaa ngu' li'. 23Lo'o tya ndyaa ngu' lo'o yaca ni'i̱ bi' lo hitya, ndyu'u tsa xcalá Jesús; hora ti ngujua' yu. Li' nguxana cui'i̱, lye tsa ndyaca cui'i̱ lo tayu' bi'. Li' ndyatu̱ clyoo', ntyucua hitya ne' yaca ni'i̱ bi'; cua quilyu'u ti bi' ne' hitya. 24Li' ndyaa nguxtyu'u ngu' ji'i̱ Jesús ca su ntsiya laja'. Nchcui' ngu' lo'o li':
―Cusu', cusu' ―nacui̱ ngu' ji'i̱―, que ti' nu'u̱. Cua quilyu'u ti yaca ni'i̱ re, cajaa na li'.
Ndaca'a̱ Jesús li', ngulo yu cña ji'i̱ cui'i̱ lo'o ji'i̱ clyoo' bi'. Hora ti ngua ti̱ bi' li'; nga'aa ndyaca cui'i̱, nga'aa ntyucua clyoo'. 25Li' nchcui' Jesús lo'o nu ngu' nu ndyaca tsa'a̱ ji'i̱ bi':
―¿Ni cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱ Jesús ji'i̱ ngu' bi'.
Pana ntsi̱i̱ tsa ngu' bi', ndube tsa ti' ngu' ña'a̱ ngu' ji'i̱ Jesús li'.
―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.
Ngulo Jesús ji'i̱ cui'i̱ xña'a̱ nu ntsu'u ji'i̱ sca ñati̱
26Nde tsu' tayu' bi', loyuu su cuentya Galilea laca; lo'o nu chaca tsu' tayu' bi' loyuu su cuentya ngu' Gadara laca. Li' ndyaa ngu' ne' yaca ni'i̱ piti ti bi', ndyalaa ngu' ca loyuu ji'i̱ ngu' Gadara li'. 27Lo'o cua ndu'u ngu' ne' yaca ni'i̱ bi', li' ndyacua tya'a Jesús lo'o sca nu qui'yu ngu' Gadara nu ntsu'u cui'i̱ xña'a̱ ji'i̱. Cua sa'ni ngusñi cui'i̱ ji'i̱ yu; tya li' ná nchcu' yu late', ná ndi'i̱ yu ni'i̱. Na ndya'a̱ yu'u ti yu, ndyija' yu ne' lo'o jyo'o. 28Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús.
―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.
29Jua'a̱ nacui̱ yu cha' cua ngulo Jesús cña ji'i̱ cui'i̱ xña'a̱ bi', cha' nga'aa xñi cui'i̱ bi' ji'i̱ yu. Tya tsubi' la quiña'a̱ quiya' cua nguxalú cui'i̱ bi' ji'i̱ yu; bi' cha' nguti'i̱ ngu' cua̱ ji'i̱ yu, ndyaaca̱' ya' yu, ndyaaca̱' quiya' yu lo'o cadena chcua̱. Pana ná ngüi'ya yu cuentya ji'i̱ cadena bi', yala ti ngusi'yu cu' chcua̱ bi'. Li' ngujolaqui cui'i̱ xña'a̱ bi' ji'i̱ yu, ngusna yu ca ne' quixi̱' su ná ndi'i̱ ñati̱. 30Lo'o ndyacua tya'a Jesús lo'o yu quicha bi', li' nchcuane ji'i̱ yu:
―¿Ni naa nu'u̱? ―nacui̱ Jesús ji'i̱ yu.
―Quiña'a̱ tsa lo naa na' ―nacui̱ yu quicha bi' ji'i̱, cha' quiña'a̱ tsa cui'i̱ xña'a̱ ndyu'ni lya' ti' ji'i̱ yu.
31Ntsi̱i̱ tsa cui'i̱ xña'a̱ bi' si culo Jesús cña ji'i̱ cha' tyaa cui'i̱ bi' ca su laca tyi cui'i̱ ca ne' yuu. Bi' cha' ngua'ni cui'i̱ cha' ngüijña yu quicha bi' ji'i̱ Jesús cha' ná culo yu cña cha' tyu'u cui'i̱ bi'. 32Lo'o jua'a̱ tlyu tsa taju cube' nu ndya'a̱ sii' ca'ya nu ndi'i̱ cacua ti. Li' ngüijña yu quicha bi' chacuayá' ji'i̱ Jesús cha' tyanu cui'i̱ xña'a̱ lo'o cube' bi'. Nda Jesús chacuayá' ji'i̱ cui'i̱ bi' li'. 33Lo'o li' ndu'u cui'i̱ xña'a̱ bi' ji'i̱ nu qui'yu quicha bi', ngusñi ji'i̱ cube' li'. Hora ti ngusna cube' bi' sii' cua'a̱ ca'ya, ndyú ni' ca lo hitya tayu' ngujuii ni' li', cha' ndye ndyi'o ni' hitya tayu' bi' li'.
34Lo'o na'a̱ ngu' cha' bi', ngu' nu ndya'a̱ lo'o cube' bi' ni, ngusna clya ngu' li'. Ndyaa ngu' nde quichi̱ tyi ngu', ndyaa cacha' ngu' cha' bi' ji'i̱ tya'a quichi̱ tyi ngu'; lo'o ji'i̱ lcaa ngu' nu ndi'i̱ ne' quixi̱' cacua ti, ndacha' ngu' ji'i̱ ngu' bi' ñi'ya̱ ngua cha' bi'. 35Li' ndu'u ngu' quichi̱ bi', ndyaa na'a̱ ngu' xi ji'i̱, na ca ngua. Lo'o ndyalaa ngu' su nga'a̱ Jesús, li' na'a̱ ngu' ji'i̱ nu qui'yu nu ntsu'u cui'i̱ xña'a̱ ji'i̱ tsa̱ la, cha' juani tso'o ti yu; lacu' yu ste' yu, ti̱ ti ntucua yu nde slo quiya' Jesús. Ndyutsi̱i̱ tsa ngu' li'. 36Lo'o nu ñati̱ nu cua na'a̱ lo'o ngulo Jesús cui'i̱ bi' ji'i̱ yu, ndacha' ngu' bi' ji'i̱ tya'a ngu' ñi'ya̱ nu ngua cha' ngua tso'o yu. 37Li' nchcui' tsa lcaa ngu' quichi̱ bi' lo'o Jesús cha' tyu'utsu', cha' nga'aa tyanu la Jesús loyuu bi'; ntsi̱i̱ tsa ngu' ca tyi bi'. Bi' cha' ndu'u Jesús ndyaa yu ne' yaca ni'i̱ piti bi'. 38Laja li' ndijña tsa nu qui'yu nu cua ngutu'u ca ti cui'i̱ xña'a̱ ji'i̱, cha' lo'o yu tsaa yu lo'o Jesús ne' yaca ni'i̱ bi'; pana ná nda Jesús chacuayá' tya'a̱ yu lo'o.
39―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱ yu nu ngua quicha bi'―. Ta nu'u̱ cha' lo'o lcaa ngu', cua ña'a̱ ca cha' tlyu nu cua ngua'ni ycui' Ndyosi lo'o nu'u̱.
Ndyaa yu li', nda yu cha' lo'o lcaa ñati̱ tya'a quichi̱ tyi yu, lcaa ña'a̱ cha' tlyu nu cua ngua'ni Jesús lo'o yu.
Sñi' Jairo lo'o nu cuna'a̱ nu ndyala' ste' Jesús
40Lo'o li' nguxtyu̱u̱ Jesús ñaa nde tsu' tayu' chaca quiya'. Chaa tsa ti' ngu' su ndi'i̱ ngu' cha' ndyalaa yu tsu' re chaca quiya' li'; tso'o tsa nchcui' ngu' lo'o yu, cha' ntajatya tsa ngu' ji'i̱ yu ni jacua' tya̱a̱ ycui' yu chaca quiya'. 41Lo'o cua ndyalaa Jesús, li' hora ti ndyalaa sca nu qui'yu nu naa Jairo slo; ngu' cusu' laca yu, loo laca yu ne' laa ji'i̱ ngu' bi'. Ya̱a̱ yu li', ndu̱ sti̱' yu nde loo Jesús, lye tsa ndijña yu cha' clyu ti' ji'i̱ Jesús cha' tsaa toni'i̱ ji'i̱ yu. 42Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.
43Laja ngu' bi' ndi'i̱ sca nu cuna'a̱ quicha. Ndye tii tyucuaa yija̱ quicha tsa nu cuna'a̱ bi', lu'ba ti nda'ya tañi ma'. Cua ndye cñi ji'i̱ ma' cusu' nguliji xcaya' ngu' jo'o, pana ni sca ñati̱ ná ngua ji'i̱ cua'ni jo'o ji'i̱ ma'. 44Nu juani cua lijya̱ ma' bi' nde chu̱' Jesús, ndyala' quiya' ste' yu; hora ti ngusi'yu cu' cha' ndyalú tañi ma', ngua tso'o ma'. 45Li' nchcuane Jesús ji'i̱ ngu' nu ndi'i̱ slo:
―¿Tilaca laca nu ndyala' 'na? ―nacui̱.
Lcaa ñati̱ nchcui' cha' ná tucui ndyala' ji'i̱ Jesús. Bi' cha' lo'o Pedro lo'o jua'a̱ xa' tya'a ndya'a̱ yu, nguxacui̱ ngu' cha' ji'i̱ Jesús li':
―Cusu' ―nacui̱ ngu'―, tyi'i̱ ca chu̱' nu'u̱ tachaa tsa ndi'i̱ ñati̱, hasta nsatá tsa ngu' chu̱' na. Ni cha' nchcui' nu'u̱ lacua: “¿Tilaca laca nu ndyala' 'na?”
46Li' xa' nguxacui̱ Jesús cha' ji'i̱ ngu' chaca quiya':
―Chañi cha' cua ndyala' sca ñati̱ jna' ―nacui̱―. Ngua tii na' cha' juersa 'na ndyaa ngua'ni jo'o ji'i̱ sca ñati̱.
47Li' jlo ti' nu cuna'a̱ bi', cha' cua nquije cha' ji'i̱ Jesús, bi' cha' ya̱a̱ ma' nchcui' lo'o yu, masi nchcua̱a̱ tyucui ña'a̱ ma' lijya̱ ma' cha' ndyutsi̱i̱ ma'. Li' ndyatu̱ sti̱' ma' nde su ndu̱ Jesús; slo lcaa ñati̱ nu ndu̱ ca bi' ndacha' ma' ji'i̱ yu ni cha' laca ndyala' ma' ste' yu, lo'o li' hora ti ngua tso'o ma'. 48Li' nchcui' Jesús lo'o ma' cusu' bi':
―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.
49Tya nchcui' Jesús, lo'o li' ndyalaa sca ñati̱ nu ndu'u to' tyi Jairo, nu cusu' bi' nu laca loo ne' laa ji'i̱ ngu' ca bi'. Ñati̱ bi' ndyaa nchcui' lo'o ycui' Jairo li':
―Cua ngujuii sñi' nu'u̱, cusu' ―nacui̱ yu―. Nga'aa chcui' nu'u̱ lo'o nu cusu' jua cha' ca̱a̱ toni'i̱ jinu'u̱.
50Pana cua ndyuna Jesús cha' nu nchcui' yu lo'o nu cusu' bi'.
―Ná cutsi̱i̱ nu'u̱ ―nacui̱ Jesús―, sca ti si jlya ti' nu'u̱ cha' caca ji'i̱ ycui' Ndyosi, li' caca tso'o nu piti sñi' nu'u̱ ―nacui̱ Jesús ji'i̱ Jairo.
51Lo'o ndyalaa ngu' to' tyi Jairo, li' ná nda Jesús chacuayá' tya̱a̱ tsa tlyu ti ngu' ne' ni'i̱ lo'o yu; cua laca ti ñati̱ tya̱a̱ nde ni'i̱ nacui̱ yu.
―Lo'o Pedro, lo'o Jacobo, lo'o Juan, lo'o sti xtya'a̱ nu piti quicha re, tsa lo cua ti tya'a ngu' tya̱a̱ ngu' ni'i̱ re ―nacui̱ yu.
52Nxi'ya tsa xi xa' la ngu' ndi'i̱ ngu' nde liya' xqui'ya cha' ngujuii nu cuna'a̱ piti bi'. Li' nchcui' Jesús lo'o ngu' bi':
―Ná xi'ya ma̱ ―nacui̱―. Si'i na ngujuii nu quicha re, na laja' ti re ―nacui̱ Jesús ji'i̱ ngu'.
53Nxtyí lo'o ngu' ji'i̱ Jesús li', cha' jlo ti' ngu' cha' chañi cha' ngujuii nu piti bi'. 54Li' ndyatí̱ Jesús ni'i̱, ngusñi ya' nu piti, jua'a̱ cui̱i̱ nchcui' lo'o li':
―Tyaca'a̱ nu'u̱, mbixu̱' ―nacui̱.
55Li' xa' ndyalaa cui'i̱ cresiya ji'i̱ nu cuna'a̱ piti bi', hora ti ndaca'a̱ li'; ngulo Jesús cña ji'i̱ ngu' cha' ta ngu' na cacu nu piti bi' li'. 56Ndube tsa ti' ngu' cusu' ji'i̱ nu piti bi', pana ngulo Jesús cña ji'i̱ ngu' cha' ná chcui' ngu' lo'o xa' ñati̱ ñi'ya̱ nu ngua cha' bi'.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 1981, Wycliffe Bible Translators, Inc. All rights reserved.