Tavaꞌu Vaikala lamana
Vaikala lamana
Lavuku ane 'o mua'aloxu mimii latala e Lataua mukoinu mukalusi. Anu musokou la mua'aloxu a'alosou lialia ilou loxotolo mo mua'aloxa'a ta mitema misoko sou mipaa no lia 'o a loxovaa, mo mua'aloxu tava'u susu ilou tu'utu'umaxu xe navunavu e muxali no lia 'o. Mo mua'aloxu vote'i ma'ia Lataua molu mu'oxonusinge nenge ta mitema iouiou no lialia 'o mukalusi.
No nano no anu lavuku 'o, mikalipalanu la muxali la'oluxu ta tamei.
(1) No anu mautunu 1-11 la, a'alosou lialia ilou loxotolo xe a'alosou mimii latala muxali no lialia 'o tatei no mine ta mitema mixali no lialia 'o. Mo a'alosi'a Adamu ilee Iva ilo'a ta 'ili'a Kaini ilou Aveli mo a'alosou Noa ilou alipaa toxoxa'a muxali no lialia 'o, xe a'alosou tani veveeni mulai teitexi ne Vaviloni.
(2) Ta tameisou musoko no anu mautunu 12-50 la, a'alosou ta mutu ovuxa'a ta Isilaeli. Musoko noxou Avalaamu anu itema sou utaloxolixu sou umulinu masaxa noxou Lataua xe mumuxaxu tanu noxou Lataua maninasou. Anu mulosienge ta mitema sou tamuxaxu tanenge maninasou. Mo mulosienge ta mitema sou tamuxaxu tanenge maninasou. Mo a'alosou Aisaki ilou 'olu Iakovo ilo'a ta 'olu mavulovexa mulu'e lia tamei e mixalixu mata noxi'a ta Isilaeli. Mo a'alosou Iosepu kalumo no mine muxolu ne Aixiputo xe a'alosi'a ta Isilaeli no mine mixolu ne Aixiputo. Lavuku ane 'o mua'aloxu a'alosi'a ta mitema tavu'alo, ia mii mutila manina ane a'alosou mimii tavu'alo Lataua mukoinu. Tei manina la Lataua mukoinu mimii mukalusi xe ili'i no mine ta mitema misokou sou mi'oxonu 'ili'ilixo masumasua, la Lataua mukalusi'a no anu alipaa toxoxa'a, ia Noa ilee semau xe ta 'olu ane'isisi mimauli. Xe ili'i la Lataua musosovosou Avalaamu la musakiinu vaikala noxou lexe u'oxonu laixe noxou xe noxi'a ta xaixasou xe ta 'ilu'ilusunu ili'i.
A'alo muai no nano aloxo 'o
Lataua mukoinu mimii latala mukalusi xe ta mitema 1:1–2:25
Susu ilou tu'utu'umaxu musoko 3:1-24
Nana musoko noxou Adamu mulai muxali noxou Noa 4:1–5:32
A'alosou Noa xe alipaa toxoxa'a 6:1–10:32
Tani veveeni ne Vaviloni 11:1-9
Nana musoko noxou Semu mulai muxali noxou Avalaamu 11:10-32
Ta Isilaeli ta 'ilu'ilusune'i: Avalaamu, Aisaki xe Iakovo 12:1–35:29
Nanasi'a Esau ta xaixasou 36:1-43
Iosepu ilo'a ta vimovimou 37:1–45:28
A'alosi'a ta Isilaeli no mine mixolu ne Aixiputo 46:1–50:26
S'ha seleccionat:
Tavaꞌu Vaikala lamana: ataNTpo
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2013, Wycliffe Bible Translators, Inc. All rights reserved.