Jenɨzɨzɨ 7
7
Nowaai sɨpɨya' yavɨkaryaa'.
(6:9–7:5)
1-5 Nowaai a'mwe tewaanyai Gotɨyarɨ gya'mwei. Gotɨyai Nowaarɨ wɨdɨna “Sɨpɨya' ange'bɨ' sa' aalyavɨ a'ba yɨlarade' javɨkarideigɨnyɨ. Sɨpɨya maalɨka javɨkaride'na mi'. Sɨpɨya naange' javɨkarideigɨnyɨ. Sɨpɨyavɨre yɨda'na saamɨnaange' anga naangebabɨ' javɨkari! Sɨpɨya' angajɨna lalangyagɨnya'bɨ' javɨkari! Yɨda'na kekina laalayagɨnya'bɨ' sa' duthaakwia! Sɨpɨya' mɨnye'na amwi pɨrɨ' tɨnnyaba pɨrɨ' dakineba pɨrɨ' javɨkari! Yɨrɨtɨnna munyaba yunebanna yunebanna jɨthaakwia! Tɨkurya tɨnnyaba pɨrɨ' a'mwera bulya'ne' kaanya' javɨkari!”
“Aalya naange' yunebanna pɨdɨravadesɨ. Sɨmudɨnya yadɨvɨsaraavɨ yuyaraavɨ aalya naange' wakɨwɨja' maramɨladere. Kɨrɨ' kɨrɨmɨyoihi kɨrɨbwaalɨvavajɨ saraavɨre a'mwengɨjɨ sɨpɨyavɨ wɨlɨna jidengihɨlyɨ. Nɨmɨre yagaala gɨthɨdeinyɨ. Sa' jɨlɨkyaawarya yɨkurɨyaawia kɨmaaka pɨyoina pɨyoina sɨpɨyavɨ dɨmarulakɨdengɨ. Jɨlɨkyaawarya yɨkurɨyaawia pɨnɨ pɨyoina ata purɨdaa'nyɨ pwaraaina kɨmaaka mi'. Sa sɨpɨyavɨ dɨmarulakɨdengɨ. Wapaaya ge ge gɨmɨnyɨne sɨpɨyavɨ wɨlapɨ'dengɨne wapaaya jovɨrawakya!” Mi'na wɨdɨna kya' Nowaai sara yɨna. Mi'na yɨna kya' Gotɨyai Nowaarɨ wɨda' “ A'mwe pwara a'mwe pɨnɨ kayaa'na yadɨvɨsangɨna gɨmɨ tewaanya yadɨnyaigɨnna sarɨmɨ sɨpɨyavɨ dulyidera. Sawɨta ata yuyi ata purɨdaa'nyɨ pwaraai mi'na kajɨnnojɨ burɨke' wakɨdeinyɨra. Yuya baihɨrinɨpɨ'dengɨra,” wɨda' Gotɨyai.
Kwaakevakɨ yunebanna aalɨbunya dɨ'na'na yaa'.
(7:6-24)
6-24Kwarame naangegaa' 600 sagaa' Nowaarɨ kwavɨlava', gamɨjɨ gannya balaangesɨ sawaare kaimɨraayarajɨ kumɨre balaangejɨ sɨpɨyavɨ kule' Gotɨyai kaanya' tihɨra'. Sɨpɨyavɨ kaanya' mena karihɨra' sawɨta a'mweraare ata sɨvɨlɨraai jɨnna'daa'nyɨ aalɨburɨka naanga yadaa'nyɨ aalɨyɨmɨnya naanga yɨrɨvakegaa' aalya yɨlaabaka kwaakevakɨ aalɨbunya naange' dɨ'na'. Burɨka naanga tɨvi kavawɨra' sagaa' aalɨbunya naange' yunebanna mugunyangɨ kamarulaka' yuya bale'. Sɨpɨya' aalyavɨ a'ba yɨla'dɨsɨ Nowaalyɨ sɨpɨyavɨ wɨlareta yuyajɨ tewaanya mwaale'. Lawe dɨkaai dɨkaai dɨ' kwaakevakɨ aalɨbunya dɨ'nara'.
S'ha seleccionat:
Jenɨzɨzɨ 7: byr
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2013, Wycliffe Bible Translators, Inc. All rights reserved.