Matigsalug - WBT Version (NT)

<div class="version vid1002 iso6393mbt" data-vid="1002" data-iso6393="mbt">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ka Lalag ne egbehey te umul</div><div class="p"> 1Te ware pad neyimu ne minsan nekey, duen e ka egngaranan te Lalag. Ka Lalag duma te Manama, wey iyan iya ka Manama. 2Puun te an-anayan, ka Lalag dume e te Manama. 3Neyimu ka langun pinaahi te Lalag, wey ware minsan sabeka ne neyimu ne kene ne pinaahi kandin. 4Ne ka Lalag, iyan egpuunan te umul ne iyan miglayag te suman-suman te me etew. 5Nakateng-ew te marusilem ka kalayag, wey ware seini nareeg te marusilem. </div><div class="p"> 6 # Mat 3:1; Mar 1:4; Luk 3:1-2. Na, due etew ne insuhu te Manama ne egngaranan ki Huwan. 7Migpamalehet sikandin diye te me etew meyitenged te kalayag, su eyew egpakapalintutuu ka langun pinaahi te pegpamalehet din. 8Ne kene ne si Huwan ka kalayag, piru miggendini sikandin eyew egpamalehet meyitenged kayi. 9Ne seini se malehet ne kalayag, iyan ka miggendini te kalibutan ne egteng-ew te langun ne etew.</div><div class="p"> 10Ne miggendini sikandin te kalibutan, ne minsan neyimu ka kalibutan pinaahi kandin, piru ware mig-ila kandin ka nangugpe kayi. 11Miggendini sikandin te kandin ne inged, piru ka kandin ne keet-etawan ware migdawat kandin. 12Piru minsan hentew-a ne migdawat wey migpalintutuu kandin, imbehayan din te katenged ne egkeyimu ne anak te Manama. 13Ware sikandan neyimu ne me anak te Manama pinaahi te pegpewulirey te alunggun wey te pegbuut naa te etew, ke kene, pinaahi te pegbuut te Manama.</div><div class="p"> 14Ne ka Lalag, neyimu ne etew wey miglemung mig-ugpe kanta. Amana sikandin ne meupiya wey hiid-uwen, wey malehet ka inlalag din. Nakita ney ka katelesan din, ka katelesan isip sabsabeka ne Anak te Manama ne Amey.</div><div class="p"> 15Ne migpamalehet si Huwan meyitenged kandin, wey migpanguleyi ka migkahi, &#8220;Sikandin ka ingkahi ku ne egpakasinundul keddi. Ne labew sikandin keddiey, su duen e sikandin te ware e pad miglesut.&#8221;</div><div class="p"> 16Ne puun te dakel ne keupiya wey keyid-u rin, ware tamanan te pegpanalangin din kanta. 17Ka Balaud imbehey te Manama kanta pinaahi ki Muwisis, piru pinaahi ki Hisu Kristu ne migginguma ka keupiya wey keyid-u, wey ka kamalehetan. 18Ware minsan sabeka ne nakakita te Manama. Piru ka Anak te Manama ne layun duma te Amey rin, sikandin ka migpeila te Manama kanta.</div><div class="s">Ka guhuren ni Huwan ne Talagbewutismu</div><div class="r">(Mat. 3:1-12; Mar. 1:1-8; Luk. 3:1-18)</div><div class="p"> 19Due me talagpanubad wey me Libita#1:19 Ka me Libita ka talagbulig te talagpanubad. ne insuhu te me pangulu te Hudiyu te Hirusalim ne egpeendiyeen ki Huwan su egpeinseen. Ne migkahi sikandan ka mig-inse, &#8220;Hentew kaa?&#8221;</div><div class="p"> 20Ne ware miggeeles si Huwan su migpangguhud sikandin te malehet ne migkahi, &#8220;Kene ne sikeddi ka Kristu.&#8221; #1:20 Ka igpasabut te Kristu, Insaad ne Manluluwas.</div><div class="p"> 21 # Mal 4:5; Diy 18:15,18. Ne mig-inse e man-e sikandan kandin, &#8220;Hentew ke naan iya? Si Ilyas ka?&#8221;</div><div class="p">Ne migtabak si Huwan, &#8220;Kena a ne si Ilyas.&#8221;</div><div class="p">Ne mig-inse e man-e sikandan, &#8220;Kema ke sikeykew ka Prupita ne egtetaharan ney?&#8221;</div><div class="p">Ne migtabak e man-e si Huwan, &#8220;Kene ne sikeddiey.&#8221;</div><div class="p"> 22Seeye naa, migkahi sikandan, &#8220;Na, panugtuli key ke hentew kaa, su eyew due igkatabak ney te migsuhu kanami. Nekey-a ka igkalalag nu meyitenged te pegkeetew nu?&#8221;</div><div class="p"> 23 # Isa 40:3 (LXX). Ne migtabak si Huwan, &#8220;Sikeddiey ka egkahiyen ni prupita Isayas ne eggenendue:</div><div class="q1">&#8216;Due egpanguleyi diye te mammara ne inged ne kene egkeugpaan ne egkahi,</div><div class="q1">Tul-ira niyu ka dalan te Magbebaye!&#8217; &#8221;</div><div class="p"> 24Ne iyan migsuhu te seeye ne me etew ka me Parisiyu. 25Ne mig-insaan dan e man-e si Huwan, &#8220;Ne mania te egpamewutismu ka te kene ke bes ne Kristu wey ke si Ilyas naa, wey ke ka Prupita?&#8221;</div><div class="p"> 26Ne migtabak si Huwan, &#8220;Egpamewutismu e re te weyig, piru due duma niyu kayi kuntee ne ware niyu neileyi. 27Egpakasinundul sikandin keddiey, piru kena a ne likes ne eggekad te hiket te sandal din.&#8221;</div><div class="p"> 28Neyitabu seini diye te Bitanya, diye te deyipag te weyig ne egngaranan te Hurdan ne egpamewutismuwan ni Huwan.</div><div class="s">Ka migbayad te sale te me etew</div><div class="p"> 29Te seup ne aldew, nakita ni Huwan si Hisus ne eggendiye te kandin. Ne dutu, migkahi e si Huwan, &#8220;Pammineg kew, kayid e ka Nati ne Karniru te Manama ne eg-awe te me sale te me etew kayi te ampew te tane! 30Sikandin ka egkahiyen ku ne egpakasinundul keddiey piru labew keddiey, su duen e sikandin te ware e pad ilesut. 31Minsan sikeddi dengan, ware a nekeila ke hentew-a sikandin. Piru miggendini a ka egpamewutismu pinaahi te weyig su eyew egkeila sikandin te me kabuhalan ni Israil.</div><div class="p"> 32&#8220;Egpamalehet a ne nakita ku ka Panisingan te Manama ne miglene diye te kandin iling te seleppati puun diye te langit, wey migpalunggehaat seini diye te kandin. 33Dengan, ware e pad nekeila ke hentew-a sikandin, piru ka Manama ne migsuhu keddi te pegpamewutismu pinaahi te weyig, tapey e migkahi keddi, &#8216;Ka etew ne egkakita nu ne eglenaan te Panisingan wey egpalunggehaat seini diye te kandin, sikandin naa ka egpamewutismu pinaahi te Panisingan.&#8217; 34Ne nakita kud en iya sika kuntee, sikan naa ka egpamalehet a te sikandin iya ka Anak te Manama.&#8221;</div><div class="s">Ka an-anayan ne me hibateen ni Hisus</div><div class="p"> 35Te seup ne aldew, diyad e man-e si Huwan duma te daruwa ne hibateen din. 36Ne nakita ni Huwan si Hisus ka eglihad, wey migkahi sikandin, &#8220;Seinid e ka Nati ne Karniru te Manama!&#8221;</div><div class="p"> 37Ne seeye se daruwa ne hibateen din nakarineg te ingkahi rin wey migsinundul e sikandan ki Hisus. 38Te peglilingey ni Hisus, nakita rin sikandan ka egsinundul kandin. Ne mig-insaan din e sikandan, &#8220;Nekey-a ka egpammitawen niyu?&#8221;</div><div class="p">Ne migtabak sikandan, &#8220;Rabi, hendei kaa mig-ugpe?&#8221; (Ka kaluwasan te Rabi, Talagpanulu.)</div><div class="p"> 39Ne migkahi si Hisus, &#8220;Kema, duma kew keddi eyew egkiteen niyu.&#8221; Purisu migdume e sikandan wey nakita ran e ka in-ugpaan din, wey migpalunggehaat sikandan duma kandin su me alas kuwatru#1:39 Te Grigu: mahaan e ka igkasapulu ne uras. e seeye te maapun.</div><div class="p"> 40Si Andris ne suled ni Simun Pidru ka sabeka te seeye se daruwa ne nakarineg te ingkahi ni Huwan wey ka migsinundul ki Hisus. 41Migweil-weil si Andris, impammitew rin ka suled din ne si Simun Pidru wey ingkahiyan, &#8220;Nakita ney e ka Misiyas.&#8221; (Ka kaluwasan te Misiyas, Kristu.#1:41 Ka igpasabut te Kristu, ka insaad ne Manluluwas.) 42Ne induma rin e si Simun diye te ki Hisus.</div><div class="p">Te pegginguma ran diye te ki Hisus, migmemetmetan sikandin ni Hisus wey migkahiyan, &#8220;Sikeykew si Simun ne anak ni Huwan. Piru puun kuntee, egngaranan kad e ki Sipas.&#8221; (Ka Sipas iling ded ka kaluwasan te Pidru ne iyan igpasabut se, &#8220;batu.&#8221;)</div><div class="s">Ka peg-umew ni Hisus engki Pilipi ki Natanail</div><div class="p"> 43Te seup ne aldew, nakasuman-suman si Hisus ne eggendiye te Galiliya. Ne nalambag din si Pilipi diye wey migkahiyan din, &#8220;Ikul ka keddiey.&#8221; 44(Si Pilipi, matig-Bitsayda. Ne diye degma te sikan siyudad nangugpe ensi Andris wey Pidru.) 45Nataman, nakita ni Pilipi si Natanail wey migkahiyan din, &#8220;Nakita ney e ka etew ne nasulat diye te Balaud ni Muwisis wey nasulat ded degma te me prupita. Sikandin bes si Hisus ne matig-Nasarit ne anak ni Husi.&#8221;</div><div class="p"> 46Ne mig-insaan sikandin ni Natanail, &#8220;Duen bes ded meupiya ne etew ne matig-Nasarit?&#8221;</div><div class="p">Ne migtabak si Pilipi, &#8220;Kema, egparumeey ki eyew egkakita nu.&#8221;</div><div class="p"> 47Te pegkakita ni Hisus te egparani e si Natanail diye te kandin, migkahi e sikandin, &#8220;Te, seinid e ka malehet ne kabuhalan ni Israil, wey kene mule sikandin egpanlimbung.&#8221;</div><div class="p"> 48Ne mig-inse si Natanail, &#8220;Immenu nu te eg-ila keddiey?&#8221; </div><div class="p">Ne migtabak si Hisus, &#8220;Te ware ke pad umawa ni Pilipi, nakita kud e sikeykew diye te lebut te kayu ne egngaranan te iggira.&#8221;</div><div class="p"> 49Ne migkahi si Natanail, &#8220;Talagpanulu, sikeykew bes iya ka Anak te Manama! Sikeykew bes iya ka Hari te Israil!&#8221;</div><div class="p"> 50Ne migtabak si Hisus, &#8220;Kema ke migpalintutuu ke re puun te ingkahi ku ne nakita ku sikeykew diye te lebut te kayu? Subla pad kangkuwa due ka egkakita nu.&#8221; 51#Hin 28:12. Ne migkahiyan ni Hisus sikandan langun, &#8220;Egnangenan ku sikaniyu te malehet: egkakita niyu ka langit ne egkalukatan wey ka me panalihan te Manama ne egpamaneug wey egpamaneyik diye te Anak te Etew.&#8221;</div>
 </div>
 </div>
</div>

Te ware pad neyimu ne minsan nekey, duen e ka egngaranan te Lalag. Ka Lalag duma te Manama, wey iyan iya ka Manama. Puun te an-anayan, ka Lalag dume e te Manama. Neyimu ka langun pinaahi te Lalag, wey ware minsan sabeka ne neyimu ne kene ne pinaahi kandin. Ne ka Lalag, iyan egpuunan te umul ne iyan miglayag te suman-suman te me etew. Nakateng-ew te marusilem ka kalayag, wey ware seini nareeg te marusilem.
Na, due etew ne insuhu te Manama ne egngaranan ki Huwan. Migpamalehet sikandin diye te me etew meyitenged te kalayag, su eyew egpakapalintutuu ka langun pinaahi te pegpamalehet din. Ne kene ne si Huwan ka kalayag, piru miggendini sikandin eyew egpamalehet meyitenged kayi. Ne seini se malehet ne kalayag, iyan ka miggendini te kalibutan ne egteng-ew te langun ne etew.
Ne miggendini sikandin te kalibutan, ne minsan neyimu ka kalibutan pinaahi kandin, piru ware mig-ila kandin ka nangugpe kayi. Miggendini sikandin te kandin ne inged, piru ka kandin ne keet-etawan ware migdawat kandin. Piru minsan hentew-a ne migdawat wey migpalintutuu kandin, imbehayan din te katenged ne egkeyimu ne anak te Manama. Ware sikandan neyimu ne me anak te Manama pinaahi te pegpewulirey te alunggun wey te pegbuut naa te etew, ke kene, pinaahi te pegbuut te Manama.
Ne ka Lalag, neyimu ne etew wey miglemung mig-ugpe kanta. Amana sikandin ne meupiya wey hiid-uwen, wey malehet ka inlalag din. Nakita ney ka katelesan din, ka katelesan isip sabsabeka ne Anak te Manama ne Amey.
Ne migpamalehet si Huwan meyitenged kandin, wey migpanguleyi ka migkahi, “Sikandin ka ingkahi ku ne egpakasinundul keddi. Ne labew sikandin keddiey, su duen e sikandin te ware e pad miglesut.”
Ne puun te dakel ne keupiya wey keyid-u rin, ware tamanan te pegpanalangin din kanta. Ka Balaud imbehey te Manama kanta pinaahi ki Muwisis, piru pinaahi ki Hisu Kristu ne migginguma ka keupiya wey keyid-u, wey ka kamalehetan. Ware minsan sabeka ne nakakita te Manama. Piru ka Anak te Manama ne layun duma te Amey rin, sikandin ka migpeila te Manama kanta.


Due me talagpanubad wey me Libita ne insuhu te me pangulu te Hudiyu te Hirusalim ne egpeendiyeen ki Huwan su egpeinseen. Ne migkahi sikandan ka mig-inse, “Hentew kaa?”
Ne ware miggeeles si Huwan su migpangguhud sikandin te malehet ne migkahi, “Kene ne sikeddi ka Kristu.”
Ne mig-inse e man-e sikandan kandin, “Hentew ke naan iya? Si Ilyas ka?”
Ne migtabak si Huwan, “Kena a ne si Ilyas.”
Ne mig-inse e man-e sikandan, “Kema ke sikeykew ka Prupita ne egtetaharan ney?”
Ne migtabak e man-e si Huwan, “Kene ne sikeddiey.”
Seeye naa, migkahi sikandan, “Na, panugtuli key ke hentew kaa, su eyew due igkatabak ney te migsuhu kanami. Nekey-a ka igkalalag nu meyitenged te pegkeetew nu?”
Ne migtabak si Huwan, “Sikeddiey ka egkahiyen ni prupita Isayas ne eggenendue:
‘Due egpanguleyi diye te mammara ne inged ne kene egkeugpaan ne egkahi,
Tul-ira niyu ka dalan te Magbebaye!’ ”
Ne iyan migsuhu te seeye ne me etew ka me Parisiyu. Ne mig-insaan dan e man-e si Huwan, “Ne mania te egpamewutismu ka te kene ke bes ne Kristu wey ke si Ilyas naa, wey ke ka Prupita?”
Ne migtabak si Huwan, “Egpamewutismu e re te weyig, piru due duma niyu kayi kuntee ne ware niyu neileyi. Egpakasinundul sikandin keddiey, piru kena a ne likes ne eggekad te hiket te sandal din.”
Neyitabu seini diye te Bitanya, diye te deyipag te weyig ne egngaranan te Hurdan ne egpamewutismuwan ni Huwan.

Te seup ne aldew, nakita ni Huwan si Hisus ne eggendiye te kandin. Ne dutu, migkahi e si Huwan, “Pammineg kew, kayid e ka Nati ne Karniru te Manama ne eg-awe te me sale te me etew kayi te ampew te tane! Sikandin ka egkahiyen ku ne egpakasinundul keddiey piru labew keddiey, su duen e sikandin te ware e pad ilesut. Minsan sikeddi dengan, ware a nekeila ke hentew-a sikandin. Piru miggendini a ka egpamewutismu pinaahi te weyig su eyew egkeila sikandin te me kabuhalan ni Israil.
“Egpamalehet a ne nakita ku ka Panisingan te Manama ne miglene diye te kandin iling te seleppati puun diye te langit, wey migpalunggehaat seini diye te kandin. Dengan, ware e pad nekeila ke hentew-a sikandin, piru ka Manama ne migsuhu keddi te pegpamewutismu pinaahi te weyig, tapey e migkahi keddi, ‘Ka etew ne egkakita nu ne eglenaan te Panisingan wey egpalunggehaat seini diye te kandin, sikandin naa ka egpamewutismu pinaahi te Panisingan.’ Ne nakita kud en iya sika kuntee, sikan naa ka egpamalehet a te sikandin iya ka Anak te Manama.”

Te seup ne aldew, diyad e man-e si Huwan duma te daruwa ne hibateen din. Ne nakita ni Huwan si Hisus ka eglihad, wey migkahi sikandin, “Seinid e ka Nati ne Karniru te Manama!”
Ne seeye se daruwa ne hibateen din nakarineg te ingkahi rin wey migsinundul e sikandan ki Hisus. Te peglilingey ni Hisus, nakita rin sikandan ka egsinundul kandin. Ne mig-insaan din e sikandan, “Nekey-a ka egpammitawen niyu?”
Ne migtabak sikandan, “Rabi, hendei kaa mig-ugpe?” (Ka kaluwasan te Rabi, Talagpanulu.)
Ne migkahi si Hisus, “Kema, duma kew keddi eyew egkiteen niyu.” Purisu migdume e sikandan wey nakita ran e ka in-ugpaan din, wey migpalunggehaat sikandan duma kandin su me alas kuwatru e seeye te maapun.
Si Andris ne suled ni Simun Pidru ka sabeka te seeye se daruwa ne nakarineg te ingkahi ni Huwan wey ka migsinundul ki Hisus. Migweil-weil si Andris, impammitew rin ka suled din ne si Simun Pidru wey ingkahiyan, “Nakita ney e ka Misiyas.” (Ka kaluwasan te Misiyas, Kristu.) Ne induma rin e si Simun diye te ki Hisus.
Te pegginguma ran diye te ki Hisus, migmemetmetan sikandin ni Hisus wey migkahiyan, “Sikeykew si Simun ne anak ni Huwan. Piru puun kuntee, egngaranan kad e ki Sipas.” (Ka Sipas iling ded ka kaluwasan te Pidru ne iyan igpasabut se, “batu.”)

Te seup ne aldew, nakasuman-suman si Hisus ne eggendiye te Galiliya. Ne nalambag din si Pilipi diye wey migkahiyan din, “Ikul ka keddiey.” (Si Pilipi, matig-Bitsayda. Ne diye degma te sikan siyudad nangugpe ensi Andris wey Pidru.) Nataman, nakita ni Pilipi si Natanail wey migkahiyan din, “Nakita ney e ka etew ne nasulat diye te Balaud ni Muwisis wey nasulat ded degma te me prupita. Sikandin bes si Hisus ne matig-Nasarit ne anak ni Husi.”
Ne mig-insaan sikandin ni Natanail, “Duen bes ded meupiya ne etew ne matig-Nasarit?”
Ne migtabak si Pilipi, “Kema, egparumeey ki eyew egkakita nu.”
Te pegkakita ni Hisus te egparani e si Natanail diye te kandin, migkahi e sikandin, “Te, seinid e ka malehet ne kabuhalan ni Israil, wey kene mule sikandin egpanlimbung.”
Ne mig-inse si Natanail, “Immenu nu te eg-ila keddiey?”
Ne migtabak si Hisus, “Te ware ke pad umawa ni Pilipi, nakita kud e sikeykew diye te lebut te kayu ne egngaranan te iggira.”
Ne migkahi si Natanail, “Talagpanulu, sikeykew bes iya ka Anak te Manama! Sikeykew bes iya ka Hari te Israil!”
Ne migtabak si Hisus, “Kema ke migpalintutuu ke re puun te ingkahi ku ne nakita ku sikeykew diye te lebut te kayu? Subla pad kangkuwa due ka egkakita nu.” Ne migkahiyan ni Hisus sikandan langun, “Egnangenan ku sikaniyu te malehet: egkakita niyu ka langit ne egkalukatan wey ka me panalihan te Manama ne egpamaneug wey egpamaneyik diye te Anak te Etew.”

گوێگرتن لە Huwan 1