Takia - 1999 Edition (NT) Drama

<div class="version vid1468 iso6393tbc" data-vid="1468" data-iso6393="tbc">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="p"> 1Fun lo mok Anut mel fidian ta idiri na dugo, Ru i&#331; yen la ya. I&#331; Anut da dumado ya, agod Ru mi i&#331;sen Anut. 2-3I&#331; Anut ida dumadog, i&#331; lo mel fidian dilasag dien da. Ta i&#331; dal sen ta lo ilasa man tia geig a. 4I&#331; lo kumaen yen da, an lo mel fidian kumaen di&#331;ane ya, agod kumaen an tamolpein lo lilaman igane ilasa da. 5Lilaman an tidom tubun lo ided da, agod tidom tubun an lilaman ituani san tia ya.</div><div class="p"> 6-7Aria, Anut tamol ta iganeg imug ilasa ya. I&#331; ya&#331;an Jon dubol da. I&#331; ipalug, lilaman san ru fun an tamolpein fidian ikubiai ipidinaip, dulo&#331; pe, ilod lo rumok san. 8Ak man Jon i&#331;sen lilaman amaiak tia ya. I&#331; lilaman an ni&#331;en ru an ibol ilasa dop dulo&#331; o ipalu ya. 9Lilaman a lilaman mok an, tan na idup tamolpein fidian lilaman ipidinai o ipalu ya.</div><div class="p"> 10I&#331; lo mel fidian dilasa ya, agod i&#331; tan en lo kuai isig imado la yak bo man, tamolpein di&#331;ao&#331; geig a. 11I&#331;sinanen tan lo ipalu ya, ago gug muroun muroun an i&#331; di&#331;ane man dumoi. 12Ak man tamolpein a i&#331; di&#331;ane yan, agod i&#331; ya&#331;an tubun ak ilod lo rumok an fidian, Anut nanun dilasa san dabai i&#331; ipidinai a. 13I&#331; tinad tamad sad dar lo, tia, tan san kagin lo, tia, tinid san kagin lo, Anut nanun muroun dilasa man tia ya. Tia, Anut sen iginiaig, i&#331;anen nanun muroun dilasa ya. 14Ru an tamol nu&#331;on ilasag kuai isi a. Agog i&#331; ma&#331; lulu&#331;ama lo ida mumado na ya. Rumok, Bai Anut i&#331;anen Nanun kisaek o lian idinig ipalu ya, ago dugo Nanun an san girager tubun ak mile ya. Ilo panek i&#331; ru rumok da i&#331; tinin i&#331;anefute ya.</div><div class="p"> 15Aria, Jon malak malak i&#331; ni&#331;en o igo ibol iwagi&#331;, &#8220;Tamol emaiak ni&#331;en o &#331;ai &#331;urupaia&#331; go alo&#331; na ya. Tamol a &#331;ai patug fo ipalu dan, &#331;ai iri&#331;anag dugo &#331;aisag malan te yak imado da. Man ata wo, wagam mi &#331;ai ta &#331;ilasa na yan i&#331; imado la ya.&#8221; 16I&#331;san ilo mu&#331;anek tubun mok i&#331; lo awan isa ya, an lo binawek wei mi an i&#331;anen banin dibiseig id fidian ti&#331;ane na ya. 17Man dugo, Anut id Moses banin lo kubiae&#331; ipanad a, gug ilo panek i&#331; ru rumok da man, Jesus Kristus lo mi ipanad a. 18Tamol ta Anut kitek ile man tia geig a. Gug Anut a kisaek o lian an, Taman gira&#331;en na imado na ya, i&#331; tan na ipalug Taman ikubiai panad go talo&#331; a.</div><div class="s">Jon Suguek san, ru kuai te ifulale ya</div><div class="r"> Mat 3:1-12; Mak 1:1-8; Luk 3:1-18</div><div class="p"> 19Jon ru e Jesus ni&#331;en o ibol ilasa yen man igo ya. Saen Juda gurman adi a Jerusalem na dumado dan pris aenta, Liwai adi da didinaig Jerusalem dubuseig diaug, Jon fun dulo&#331; o dusumianig dubol, &#8220;O&#331; enti i?&#8221; 20Agog Jon ru kuai tem irupidaig dulo&#331; a, i&#331; enti mok an ta itot na ya. I&#331; igo ibol, &#8220;&#330;ai man Kristus tia ya.&#8221; 21Ago tag i&#331; dusumianig dubol, &#8220;Ak o&#331; enti i? O&#331; dag profet Elaija wagam na yak fon palu boi?&#8221; Ak man i&#331; ibol, &#8220;Man tia.&#8221; An ni&#331;en o i&#331; fon dusumiani, &#8220;O&#331; dag profet a Anut ni&#331;en o ibol amaiak boi?&#8221; Gug i&#331; ibol, &#8220;Tia ya.&#8221; 22An ni&#331;en o i&#331; dusumiani, &#8220;Ago tap, ubol pe malo&#331;, o&#331; enti mok i? Ma&#331; tamol didinamag mupalu yan ata ru ta murupidaip dulo&#331; ak i? O&#331; o&#331;se ni&#331;e wo dugo ubol dak i?&#8221; 23Ago gug Jon profet Aisaia awan aban i&#331;aneg igo ibol, &#8220;&#330;ai man tamol ta aben kawan ak ate iwagi&#331; emaiak san awan &#331;isiaig &#331;uwagi&#331; da, &#8216;Tubun en i&#331;anen dal akubune apani!&#8217;&#8221;</div><div class="p"> 24Farisi adi lulu&#331;ad lo tamol aenta imug didinaig dupalu dugo, tamolpein dida dutur a. 25I&#331; dam Jon dusumianig dubol, &#8220;O&#331; Kristus, tia, Elaija, tia, Profet mititiani den dam tia yak ubol dan, ago tap, ata wo tamolpein suguek pidinai dak i?&#8221; 26Jon awad yabig igo ibol, &#8220;&#330;ai tamolpein you lo mi &#331;usuguai da. Gug tamol ta a&#331; lulu&#331;am lo itor dak a&#331; ta alo&#331; na da. 27Tamol an i&#331; &#331;ai patug fo ipalu da, gug i&#331; &#331;ai iri&#331;anag a. &#330;ai seg iliag dak man, &#331;ai i&#331;san sendal &#331;upasi san ta idaisuda na ya.&#8221; 28Saen an lo Jon panu Betani na imado dugo, you Jordan aen ate i&#331;anen suguek urat igane se ya. Panu ante kulob an fidian ilasa ya.</div><div class="s">Jesus man Anut san Sipsip Nanun</div><div class="p"> 29Agog dien dumasag nal tinin te yan, Jesus imasag Jon san na ipalu dugo, Jon malan yaug ile, agog ibol, &#8220;Ale dak, an Anut san sipsip nanun ipalu da. I&#331; ipalu dan lo, tan en san tamolpein sad kagin saiak fidian iragali pidinai a. 30&#330;ai gubak mi tamol nek amaiak ni&#331;en o &#331;abol a. &#8216;Tamol ta i&#331; &#331;ai patug fo ipalu dan i&#331; &#331;ai iri&#331;anag go &#331;aisag tamol malan te yak imado da. Man ata wo, wagam mi &#331;ai ta &#331;ilasa na yan i&#331; imado la ya.&#8217; 31&#330;aiseg man gubak mi i&#331; tamol dugo yan ta &#331;alo&#331; na ya. Ago yak man &#331;ai &#331;upalug, tamol amaiak Isrel tamolpein &#331;ukubiai pidinaip dile dulo&#331; o, you nam &#331;usuguai se ya.&#8221;</div><div class="p"> 32Agog Jon mel a ile yan ni&#331;en igo ibol, &#8220;&#330;ai Urgun kumaen panu ibiseig idu dugo &#331;ile ya. I&#331;san leil man nek ibol muluk o&#331; idug Jesus gumuran fo imado dugo &#331;ile ya. 33&#330;aiseg man imug i&#331; tamol dugo yan ta &#331;alo&#331; na ya. Gug Anut enti tamolpein you nam &#331;usuguai o idinag go &#331;upalu yan, i&#331;sen irupaiag go ibol, &#8216;O&#331; Urgun ule dop idup, tamol ta tinin fo imado wa. Tamol nek an i&#331; tamolpein Urgun lo isuguai a.&#8217; 34&#330;ai &#331;ile &#331;alo&#331; la ya, an lo &#331;ai i&#331; ni&#331;en o ru &#331;abol ilasa da, tamol en i&#331; Anut Nanun mok a.&#8221;</div><div class="s">Jesus megeloum malan malan i&#331;al a</div><div class="r"> Mat 4:18-22; Mak 1:16-20; Luk 5:2-11</div><div class="p"> 35-36Nal tinin te yan lo, Jon san megeloum uraru i&#331; dida dutur dugo malad yaug, Jesus yau dugo dile. Jon Jesus ile tag megeloum irupudai, &#8220;Ale dak, on Anut san sipsip nanun, tamolpein ibinawai o ipalu ya.&#8221; 37Megeloum uraru an ru ago dulo&#331; tag, diaug, Jesus &#331;ien aban diri se ya. 38Agog Jesus ida&#331;sag, uraru an yil tag irupudai, &#8220;A&#331; ata mel o aba&#331; abi di?&#8221; Agog uraru an awan diabig dubol, &#8220;Rabbi (en fun man girek ma&#331;au) o&#331; ab dugon te mado di?&#8221; 39Agog Jesus awad yabig ibol, &#8220;A&#331; apalup ale.&#8221; Ago tag i&#331; dida diaug, ab a ate imado dan dile ya. Nal an gurai idu ya, ago tag i&#331; dida atna dumado yaug tidom idu ya.</div><div class="p"> 40Megeloum uraru Jon awan dulo&#331; go Jesus da diau an, neinta ya&#331;an Andru, Saimon tein. 41I&#331; Jesus ibiseig ririan yaug tein Saimon aba&#331;an yabig, ileg irupei, &#8220;Ma&#331; Mesias mile la ya.&#8221; (Ya&#331;ak Mesias fun man Kristus.) 42Agog tein Saimon i&#331;aneg, ida dumul Jesus san na dupalu. Jesus malan ti ibol Saimon ileg irupei, &#8220;O&#331; Saimon, Jon nanun. Gamu &#331;ai o&#331; ya&#331;a sen ta Sifas &#331;upate da.&#8221; (Grik ru lo Sifas fun man Pita dubol da, an &#8220;pat&#8221; igo wo&#331; a.)</div><div class="s">Jesus Filip i&#331; Nataniel da isu a</div><div class="p"> 43Dien dumasag, Jesus distrik Galili na yau o ilo sou igane ya. I&#331; Filip ileg irupei, &#8220;O&#331; &#331;ai da tau a.&#8221; 44Filip i&#331; panu Betsaida dubol dan san tamol, an i&#331; Andru Pita da sad panu kisaek a. 45Filip Nataniel aba&#331;an yabig ileg irupei, &#8220;Ma&#331; tamol a Moses i&#331; profet dida ni&#331;en o dubol dugo, girek lo digire emaiak mile la ya. I&#331; Nasaret tamol, ya&#331;an Jesus, Josef nanun.&#8221; 46Agog Nataniel ibol, &#8220;Mel uyan ak ta Nasaret na ka ilasa wak i?&#8221; Gug Filip ibol, &#8220;O&#331;se palup ule.&#8221;</div><div class="p"> 47Agog diau dugo, Jesus Nataniel i&#331;san na ipalu dugo ile tag, i&#331; ni&#331;en o igo ibol, &#8220;Ale, an Isrel tamol mok. I&#331; ilon lo kagin sewak ak ta yen man tia geig a.&#8221; 48Ago tag Nataniel isumianig ibol, &#8220;O&#331; dugudo wo&#331; &#331;ai fug ulo&#331; i?&#8221; Agog Jesus awan yabig igo ibol, &#8220;Filip o&#331; gamugo igio dugo, o&#331;se gurab dabin fo mado dugo &#331;ilio ya.&#8221; 49Ago tag Nataniel irupei, &#8220;Girek Ma&#331;au, o&#331; Anut Nanun mok a, o&#331; Isrel sad Ki&#331;.&#8221;</div><div class="p"> 50Agog Jesus ibol, &#8220;&#330;ai o&#331; gurab dabin fo mado dugo, &#331;ilio &#331;abol an ni&#331;en o o&#331; ilo lo rumok i? Ulo&#331; ak, murnap o&#331; mel tubun geig ak mel en iri&#331;ani an ule ulo&#331; a.&#8221; 51Jesus fon irupudai, &#8220;&#330;ai rumok nu&#331;on mi &#331;urupaia&#331; da. Murna dop Anut kumaen panu awan ipasip, a&#331; malam yaup, Anut san e&#331;el adi Tamol Nanun san na dusuda dudu dop eil a.&#8221;</div>
 </div>
 </div>
</div>

Fun lo mok Anut mel fidian ta idiri na dugo, Ru iŋ yen la ya. Iŋ Anut da dumado ya, agod Ru mi iŋsen Anut. Iŋ Anut ida dumadog, iŋ lo mel fidian dilasag dien da. Ta iŋ dal sen ta lo ilasa man tia geig a. Iŋ lo kumaen yen da, an lo mel fidian kumaen diŋane ya, agod kumaen an tamolpein lo lilaman igane ilasa da. Lilaman an tidom tubun lo ided da, agod tidom tubun an lilaman ituani san tia ya.
Aria, Anut tamol ta iganeg imug ilasa ya. Iŋ yaŋan Jon dubol da. Iŋ ipalug, lilaman san ru fun an tamolpein fidian ikubiai ipidinaip, duloŋ pe, ilod lo rumok san. Ak man Jon iŋsen lilaman amaiak tia ya. Iŋ lilaman an niŋen ru an ibol ilasa dop duloŋ o ipalu ya. Lilaman a lilaman mok an, tan na idup tamolpein fidian lilaman ipidinai o ipalu ya.
Iŋ lo mel fidian dilasa ya, agod iŋ tan en lo kuai isig imado la yak bo man, tamolpein diŋaoŋ geig a. Iŋsinanen tan lo ipalu ya, ago gug muroun muroun an iŋ diŋane man dumoi. Ak man tamolpein a iŋ diŋane yan, agod iŋ yaŋan tubun ak ilod lo rumok an fidian, Anut nanun dilasa san dabai iŋ ipidinai a. Iŋ tinad tamad sad dar lo, tia, tan san kagin lo, tia, tinid san kagin lo, Anut nanun muroun dilasa man tia ya. Tia, Anut sen iginiaig, iŋanen nanun muroun dilasa ya. Ru an tamol nuŋon ilasag kuai isi a. Agog iŋ maŋ luluŋama lo ida mumado na ya. Rumok, Bai Anut iŋanen Nanun kisaek o lian idinig ipalu ya, ago dugo Nanun an san girager tubun ak mile ya. Ilo panek iŋ ru rumok da iŋ tinin iŋanefute ya.
Aria, Jon malak malak iŋ niŋen o igo ibol iwagiŋ, “Tamol emaiak niŋen o ŋai ŋurupaiaŋ go aloŋ na ya. Tamol a ŋai patug fo ipalu dan, ŋai iriŋanag dugo ŋaisag malan te yak imado da. Man ata wo, wagam mi ŋai ta ŋilasa na yan iŋ imado la ya.” Iŋsan ilo muŋanek tubun mok iŋ lo awan isa ya, an lo binawek wei mi an iŋanen banin dibiseig id fidian tiŋane na ya. Man dugo, Anut id Moses banin lo kubiaeŋ ipanad a, gug ilo panek iŋ ru rumok da man, Jesus Kristus lo mi ipanad a. Tamol ta Anut kitek ile man tia geig a. Gug Anut a kisaek o lian an, Taman giraŋen na imado na ya, iŋ tan na ipalug Taman ikubiai panad go taloŋ a.


Jon ru e Jesus niŋen o ibol ilasa yen man igo ya. Saen Juda gurman adi a Jerusalem na dumado dan pris aenta, Liwai adi da didinaig Jerusalem dubuseig diaug, Jon fun duloŋ o dusumianig dubol, “Oŋ enti i?” Agog Jon ru kuai tem irupidaig duloŋ a, iŋ enti mok an ta itot na ya. Iŋ igo ibol, “Ŋai man Kristus tia ya.” Ago tag iŋ dusumianig dubol, “Ak oŋ enti i? Oŋ dag profet Elaija wagam na yak fon palu boi?” Ak man iŋ ibol, “Man tia.” An niŋen o iŋ fon dusumiani, “Oŋ dag profet a Anut niŋen o ibol amaiak boi?” Gug iŋ ibol, “Tia ya.” An niŋen o iŋ dusumiani, “Ago tap, ubol pe maloŋ, oŋ enti mok i? Maŋ tamol didinamag mupalu yan ata ru ta murupidaip duloŋ ak i? Oŋ oŋse niŋe wo dugo ubol dak i?” Ago gug Jon profet Aisaia awan aban iŋaneg igo ibol, “Ŋai man tamol ta aben kawan ak ate iwagiŋ emaiak san awan ŋisiaig ŋuwagiŋ da, ‘Tubun en iŋanen dal akubune apani!’”
Farisi adi luluŋad lo tamol aenta imug didinaig dupalu dugo, tamolpein dida dutur a. Iŋ dam Jon dusumianig dubol, “Oŋ Kristus, tia, Elaija, tia, Profet mititiani den dam tia yak ubol dan, ago tap, ata wo tamolpein suguek pidinai dak i?” Jon awad yabig igo ibol, “Ŋai tamolpein you lo mi ŋusuguai da. Gug tamol ta aŋ luluŋam lo itor dak aŋ ta aloŋ na da. Tamol an iŋ ŋai patug fo ipalu da, gug iŋ ŋai iriŋanag a. Ŋai seg iliag dak man, ŋai iŋsan sendal ŋupasi san ta idaisuda na ya.” Saen an lo Jon panu Betani na imado dugo, you Jordan aen ate iŋanen suguek urat igane se ya. Panu ante kulob an fidian ilasa ya.

Agog dien dumasag nal tinin te yan, Jesus imasag Jon san na ipalu dugo, Jon malan yaug ile, agog ibol, “Ale dak, an Anut san sipsip nanun ipalu da. Iŋ ipalu dan lo, tan en san tamolpein sad kagin saiak fidian iragali pidinai a. Ŋai gubak mi tamol nek amaiak niŋen o ŋabol a. ‘Tamol ta iŋ ŋai patug fo ipalu dan iŋ ŋai iriŋanag go ŋaisag tamol malan te yak imado da. Man ata wo, wagam mi ŋai ta ŋilasa na yan iŋ imado la ya.’ Ŋaiseg man gubak mi iŋ tamol dugo yan ta ŋaloŋ na ya. Ago yak man ŋai ŋupalug, tamol amaiak Isrel tamolpein ŋukubiai pidinaip dile duloŋ o, you nam ŋusuguai se ya.”
Agog Jon mel a ile yan niŋen igo ibol, “Ŋai Urgun kumaen panu ibiseig idu dugo ŋile ya. Iŋsan leil man nek ibol muluk oŋ idug Jesus gumuran fo imado dugo ŋile ya. Ŋaiseg man imug iŋ tamol dugo yan ta ŋaloŋ na ya. Gug Anut enti tamolpein you nam ŋusuguai o idinag go ŋupalu yan, iŋsen irupaiag go ibol, ‘Oŋ Urgun ule dop idup, tamol ta tinin fo imado wa. Tamol nek an iŋ tamolpein Urgun lo isuguai a.’ Ŋai ŋile ŋaloŋ la ya, an lo ŋai iŋ niŋen o ru ŋabol ilasa da, tamol en iŋ Anut Nanun mok a.”


Nal tinin te yan lo, Jon san megeloum uraru iŋ dida dutur dugo malad yaug, Jesus yau dugo dile. Jon Jesus ile tag megeloum irupudai, “Ale dak, on Anut san sipsip nanun, tamolpein ibinawai o ipalu ya.” Megeloum uraru an ru ago duloŋ tag, diaug, Jesus ŋien aban diri se ya. Agog Jesus idaŋsag, uraru an yil tag irupudai, “Aŋ ata mel o abaŋ abi di?” Agog uraru an awan diabig dubol, “Rabbi (en fun man girek maŋau) oŋ ab dugon te mado di?” Agog Jesus awad yabig ibol, “Aŋ apalup ale.” Ago tag iŋ dida diaug, ab a ate imado dan dile ya. Nal an gurai idu ya, ago tag iŋ dida atna dumado yaug tidom idu ya.
Megeloum uraru Jon awan duloŋ go Jesus da diau an, neinta yaŋan Andru, Saimon tein. Iŋ Jesus ibiseig ririan yaug tein Saimon abaŋan yabig, ileg irupei, “Maŋ Mesias mile la ya.” (Yaŋak Mesias fun man Kristus.) Agog tein Saimon iŋaneg, ida dumul Jesus san na dupalu. Jesus malan ti ibol Saimon ileg irupei, “Oŋ Saimon, Jon nanun. Gamu ŋai oŋ yaŋa sen ta Sifas ŋupate da.” (Grik ru lo Sifas fun man Pita dubol da, an “pat” igo woŋ a.)

Dien dumasag, Jesus distrik Galili na yau o ilo sou igane ya. Iŋ Filip ileg irupei, “Oŋ ŋai da tau a.” Filip iŋ panu Betsaida dubol dan san tamol, an iŋ Andru Pita da sad panu kisaek a. Filip Nataniel abaŋan yabig ileg irupei, “Maŋ tamol a Moses iŋ profet dida niŋen o dubol dugo, girek lo digire emaiak mile la ya. Iŋ Nasaret tamol, yaŋan Jesus, Josef nanun.” Agog Nataniel ibol, “Mel uyan ak ta Nasaret na ka ilasa wak i?” Gug Filip ibol, “Oŋse palup ule.”
Agog diau dugo, Jesus Nataniel iŋsan na ipalu dugo ile tag, iŋ niŋen o igo ibol, “Ale, an Isrel tamol mok. Iŋ ilon lo kagin sewak ak ta yen man tia geig a.” Ago tag Nataniel isumianig ibol, “Oŋ dugudo woŋ ŋai fug uloŋ i?” Agog Jesus awan yabig igo ibol, “Filip oŋ gamugo igio dugo, oŋse gurab dabin fo mado dugo ŋilio ya.” Ago tag Nataniel irupei, “Girek Maŋau, oŋ Anut Nanun mok a, oŋ Isrel sad Kiŋ.”
Agog Jesus ibol, “Ŋai oŋ gurab dabin fo mado dugo, ŋilio ŋabol an niŋen o oŋ ilo lo rumok i? Uloŋ ak, murnap oŋ mel tubun geig ak mel en iriŋani an ule uloŋ a.” Jesus fon irupudai, “Ŋai rumok nuŋon mi ŋurupaiaŋ da. Murna dop Anut kumaen panu awan ipasip, aŋ malam yaup, Anut san eŋel adi Tamol Nanun san na dusuda dudu dop eil a.”

گوێگرتن لە Jon 1