If you have would like a copy of this version please contact info@davarpartners.org

Oluluyia Old Testament

<div class="version vid2659 iso6393lwg" data-vid="2659" data-iso6393="lwg">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Kho, nolwa obulongwi bwelikulu nende eshialo nende obwa buli ebilimwo biosi bwamalisibwa burio. 2#Okhur. 20:11#Abaheb. 4:4,10Mana khunyanga yomusafu, Nyasaye namala emilimochie echia yali nakholile, ne nahuluukha. 3Kho Nyasaye nahelesia inyanga yomusafu ikhabi, ne nachikhola okhuba indakatifu, shichila khunyanga eyo, Nyasaye yahuluukha okhurula khumilimochie chiosi echia yali nakholile mubulonji bwebindu. 4Kho, nolwa olwa likulu nende eshialo bialongwa birio.</div><div class="s">Omukunda kwa Edeni</div><div class="p">Khunyanga eya OMWAMI Nyasaye yalonjelamwo eshialo nende likulu, 5Omumela kwosi kwosi kwokhulukongo kwali nikushili okhumela, khandi amayililiitsa kokhulukongo kali nikashili okhumela tawe. Shichila OMWAMI Nyasaye yali nashili okhuchimba ifula okhukwa khushialo. Ne omundu yesi yesi owokhulima omukunda shiyaliho tawe. 6Nebutswa ling'ong'ong'we liamaatsi liatuumuukha okhurula khushialo. Mana nilitosia liloba liokhushialo shiosi. 7#Obuch. 15:8,11; 1 Abakor. 15:45Mana OMWAMI Nyasaye nalonga omundu okhurula khwiloba, ne naheelela mumooluke omuya kwobulamu. Mana omundu oyo naba eshilonje eshili mwoyo. 8Mana OMWAMI Nyasaye naraaka omukunda elubeka lwebukwe, mu Edeni. Ne ebweneyo narayo omundu owa yali nalonjile. 9#Obufw. 2:7; 22:2,14Mana OMWAMI Nyasaye nakhola buli tsimbia tsiemisaala emilayi, khandi echili emilayi khulwa ebiokhulia, okhukhula okhurula khwiloba. Ne hakari womukunda okwo, yarakaho omusaala kwobulamu khandi okwokhumanyilisia amalayi nende amabi. 10Omwalo kwaliho mu Edeni omwo, okwarulangamwo amaatsi akokhusamilila omukunda okwo. Ne okhurula ebweneyo, omwalo okwo kwakabukhanangamwo emialo chindi chine. 11Omwalo kwambeli kwalangwa mbu, Pishoni, nikwo okukholomokhanga nikubotokhana eshialo shiosi eshia Hawila, ewa itsahabu yili. 12Ne itsahabu yeshialo eshio ni indayi. Khandi amarashi nende amachina kobukusi kaliyo. 13Omwalo kwakhabili kulangwa mbu, Gihoni, okwenekwo nikwo okukholomokhanga okhubotokhana eshialo shia Etsiopia shiosi. 14Omwalo kwakhataru kulangwa mbu, Tigiri, okubiriranga ebukwe wa Asiria. Nakwo omwalo kwakhane kulangwa mbu, Yufurate.</div><div class="p"> 15OMWAMI Nyasaye nabukula omundu, ne namura mumukunda kwa Edeni okhukulima nende okhukuliinda. 16Mana OMWAMI Nyasaye nalachilisia omundu oyo ari, &#8220;Oli omulekhuule okhulia khubiamo biomukunda okwo. 17Nebutswa shiolaliakhwo khubiamo biomusaala okwobumanyilisi bwamalayi nende amabi ta, shichila olwa wakhaliekhwo khu biamo biakwo, wakhafwe.&#8221;</div><div class="p"> 18Kho OMWAMI Nyasaye naboola ari, &#8220;Shibuli obulayi mbu omundu abe yenyene tawe. Nditsa okhumukaasili omukhoonyi oumukhoyele.&#8221; 19Kho OMWAMI Nyasaye nalonga buli isolo khandi buli linyonyi okhurula khwiloba ne nebireera khumundu oyo okhulola ameera aka yakhanyala okhubikulikha. Ne buli eliira elia omundu oyo yakulikha buli eshilonje eshilimwoyo, nilio eliali eliira liashio. 20Omundu oyo nahelesia tsing'ombe tsiosi ameera katsio, nende amanyonyi kokhwikulu nende buli isolo yokhulukongo. Nebutswa khulwa omundu, shiyanyoolekha omukhoonyi oumukhoyeele tawe.</div><div class="p"> 21Kho OMWAMI Nyasaye nakhola omundu oyo okhukona tsindoolo tsinyinji. Ne olwa yali nashikonanga, yabukula olubafulwe lulala ne niyekala nende inyama aha yalurusia yaho. 22Ne olubafu olwa OMWAMI Nyasaye yali narusiye khutsimbafu tsiomusaatsa oyo, yalongakhwo omukhasi ne namureerera omusaatsa oyo. 23Mana omusaatsa oyo naboola ari,</div><div class="q">&#8220;Uno bulaano ni likumba liokhumakumba komubili kwanje,</div><div class="q2">khandi ni inyama yokhunyama yokhumubili kwanje.</div><div class="q2">Alalangwa mbu, omukhasi,</div><div class="q">okhuba arusibwe khumundu.&#8221;</div><div class="m"> 24 # 
 Mat. 19:5; Mrk. 10:7,8; 1 Abakor. 6:16; Abaef. 5:31 Khulweshio, omusaatsa alalekhanga samwana nende nyina, mana bahambaana nomukhasiwe, nibaba omubili mulala. 25Omusaatsa oyo nomukhasiwe boosi bali eshiehechenye, nebutswa shibalolakhwo tsisoni okhuba eshiechenye tawe.</div>
 </div>
 </div>
</div>

Kho, nolwa obulongwi bwelikulu nende eshialo nende obwa buli ebilimwo biosi bwamalisibwa burio. Mana khunyanga yomusafu, Nyasaye namala emilimochie echia yali nakholile, ne nahuluukha. Kho Nyasaye nahelesia inyanga yomusafu ikhabi, ne nachikhola okhuba indakatifu, shichila khunyanga eyo, Nyasaye yahuluukha okhurula khumilimochie chiosi echia yali nakholile mubulonji bwebindu. Kho, nolwa olwa likulu nende eshialo bialongwa birio.

Khunyanga eya OMWAMI Nyasaye yalonjelamwo eshialo nende likulu, Omumela kwosi kwosi kwokhulukongo kwali nikushili okhumela, khandi amayililiitsa kokhulukongo kali nikashili okhumela tawe. Shichila OMWAMI Nyasaye yali nashili okhuchimba ifula okhukwa khushialo. Ne omundu yesi yesi owokhulima omukunda shiyaliho tawe. Nebutswa ling'ong'ong'we liamaatsi liatuumuukha okhurula khushialo. Mana nilitosia liloba liokhushialo shiosi. Mana OMWAMI Nyasaye nalonga omundu okhurula khwiloba, ne naheelela mumooluke omuya kwobulamu. Mana omundu oyo naba eshilonje eshili mwoyo. Mana OMWAMI Nyasaye naraaka omukunda elubeka lwebukwe, mu Edeni. Ne ebweneyo narayo omundu owa yali nalonjile. Mana OMWAMI Nyasaye nakhola buli tsimbia tsiemisaala emilayi, khandi echili emilayi khulwa ebiokhulia, okhukhula okhurula khwiloba. Ne hakari womukunda okwo, yarakaho omusaala kwobulamu khandi okwokhumanyilisia amalayi nende amabi. Omwalo kwaliho mu Edeni omwo, okwarulangamwo amaatsi akokhusamilila omukunda okwo. Ne okhurula ebweneyo, omwalo okwo kwakabukhanangamwo emialo chindi chine. Omwalo kwambeli kwalangwa mbu, Pishoni, nikwo okukholomokhanga nikubotokhana eshialo shiosi eshia Hawila, ewa itsahabu yili. Ne itsahabu yeshialo eshio ni indayi. Khandi amarashi nende amachina kobukusi kaliyo. Omwalo kwakhabili kulangwa mbu, Gihoni, okwenekwo nikwo okukholomokhanga okhubotokhana eshialo shia Etsiopia shiosi. Omwalo kwakhataru kulangwa mbu, Tigiri, okubiriranga ebukwe wa Asiria. Nakwo omwalo kwakhane kulangwa mbu, Yufurate.
OMWAMI Nyasaye nabukula omundu, ne namura mumukunda kwa Edeni okhukulima nende okhukuliinda. Mana OMWAMI Nyasaye nalachilisia omundu oyo ari, “Oli omulekhuule okhulia khubiamo biomukunda okwo. Nebutswa shiolaliakhwo khubiamo biomusaala okwobumanyilisi bwamalayi nende amabi ta, shichila olwa wakhaliekhwo khu biamo biakwo, wakhafwe.”
Kho OMWAMI Nyasaye naboola ari, “Shibuli obulayi mbu omundu abe yenyene tawe. Nditsa okhumukaasili omukhoonyi oumukhoyele.” Kho OMWAMI Nyasaye nalonga buli isolo khandi buli linyonyi okhurula khwiloba ne nebireera khumundu oyo okhulola ameera aka yakhanyala okhubikulikha. Ne buli eliira elia omundu oyo yakulikha buli eshilonje eshilimwoyo, nilio eliali eliira liashio. Omundu oyo nahelesia tsing'ombe tsiosi ameera katsio, nende amanyonyi kokhwikulu nende buli isolo yokhulukongo. Nebutswa khulwa omundu, shiyanyoolekha omukhoonyi oumukhoyeele tawe.
Kho OMWAMI Nyasaye nakhola omundu oyo okhukona tsindoolo tsinyinji. Ne olwa yali nashikonanga, yabukula olubafulwe lulala ne niyekala nende inyama aha yalurusia yaho. Ne olubafu olwa OMWAMI Nyasaye yali narusiye khutsimbafu tsiomusaatsa oyo, yalongakhwo omukhasi ne namureerera omusaatsa oyo. Mana omusaatsa oyo naboola ari,
“Uno bulaano ni likumba liokhumakumba komubili kwanje,
khandi ni inyama yokhunyama yokhumubili kwanje.
Alalangwa mbu, omukhasi,
okhuba arusibwe khumundu.”
Khulweshio, omusaatsa alalekhanga samwana nende nyina, mana bahambaana nomukhasiwe, nibaba omubili mulala. Omusaatsa oyo nomukhasiwe boosi bali eshiehechenye, nebutswa shibalolakhwo tsisoni okhuba eshiechenye tawe.

گوێگرتن لە OBUCHACHILO 2