Ambrym, North - WBT (Genesis & Mark) Non Drama

<div class="version vid3673 iso6393mmg" data-vid="3673" data-iso6393="mmg">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Iyesu be Yafu ne Wobungkon, te te kone vanten ran, te Farrasi worhu ete rrmelole he en to&#333; kabnu rrbyan.</div><div class="p"> 1Ngate m&#333;l m&#333;n Iyesu te a lon imkon kakae ne tamtamya&#333;an, te en &#333;rr ge a vanten hu te rru ge veran te lunglung ge tel&#333;n yekya ge he ne seetoto.</div><div class="p"> 2Ngate vanten worhu err ho le, te err rr&#333; uumyarrne Iyesu he ne kone vanten ge a ran Wobungkon. Lor te jeene ge he ene lhe sese te hu ge ne rrwene ge ne kbwiti lingsenean ne Wobungkon, te efe nga halkete nge tebyan.</div><div class="p"> 3Ngate Iyesu te fe byane vanten ge a ge, &#8220;Ee, &#333; totor, te &#333; me li bwe.&#8221;</div><div class="p"> 4Ngate Iyesu te whu nyer ge, &#8220;Ran Wobungkon rruan ge mwi yi be nge ma knon e lingsenean? Ma knon e ge eba rrwene rruan ge eb ro&#333;ne vanten s&#333;n, o ge eba mlone vanten s&#333;n? Bu ten ne ge eb kone vanten an, o eb to&#333; kabnu vanten an?&#8221; Te vanten nyer err nga ho rongrong nga.</div><div class="p"> 5Ngate, Iyesu te rr&#333; teteeto nyer, te lon te fri ne nyer, te te lol hane nyer tebyan ge bweter te hel ten. Ngate, te fe byane vanten ge a ge, &#8220;&#332; seetoto veram.&#8221; Ngate, te seetoto veran, te te wu m&#333;l.</div><div class="p"> 6Te Farrasi nyer, err houre lon imkon kakae ne tamtamya&#333;an, te belbel ten nga err kukur krine ge nyer ge err ho en tahi Herrot. Te ete rrwene sar&#333;an hu ge efe to&#333; kabnu Iyesu.</div><div class="s">Iyesu te hrene mwenan vanten ne &#333;man nyer err ve 12.</div><div class="p"> 7M&#333;l m&#333;n, Iyesu krinen mwenan vanten nyer err yel metenen &#333;rr ge le, te err vya bon Tee Kakre Kalili. Te vanten err ve lol, err rr&#333; rrut&#333;n te err me tamtee ran vere ge rrlam Kalili,</div><div class="p"> 8te Jutia, te lon tan ne &#333;rr Itumia, te besa&#333; ge rrlam Jerrusalem, te en tahi Wehal Jotan bya en &#333;rr ge yal rr&#333; fngifngi en, te en &#333;rr ge be fyaasi ne besa&#333; ge nyer&#333; a, Taea te Saeton. Vanten ge nyer a err me ne Iyesu nga rrbyan ge err rongtane sese ge Iyesu te rr&#333; rrwene nyer.</div><div class="p"> 9 # 
 Mak 4:1; Luk 5:1-3 Te tebyan ge vanten err ve yel ten ho, Iyesu te fe byanen mwenan vanten nyer ge efe nangnangne afloo kakae te hu ge e vya tataa ran, tebyan ge vanten nyer err rr&#333; ho rrmurrmu nge.</div><div class="p"> 10Nge te kone vanten lol ne mesean ge nyer a. Te rrwene ge vanten rrute ge ete mse mang ho, err rr&#333; ho rrmurrmu Iyesu ge en tongve nge.</div><div class="p"> 11Te ngamto vanten ge nyer ge s&#333;nhal te ho rar, err rr&#333; lhe Iyesu, err rr&#333; murr m&#333; ne nge, te err rr&#333; fwifwir bya mre ge, &#8220;Neng &#333;m be Terere Mleng Genti Yafukon.&#8221;</div><div class="p"> 12Te Iyesu te rr&#333; sur te hel byane s&#333;nhal ge nyer a, te rr&#333; surgoro nyer ge efe l&#333;n fe ge nge be Terere Mleng Genti Yafukon.</div><div class="p"> 13Ngate, Iyesu te fngi bya ran buk&#333;k&#333;, te te je vanten nyer ge nge te rrmelole. Ngate, err me ne nge.</div><div class="p"> 14Te te hrene vanten te e 12, te te lngi ee ne #3:14 Rral ne abosol ge a be Greek, te ran tolongken be abhyobhyor. Rral ge nyer&#333; a m&#333;r&#333; yiyi nga ho. Te lon Tuuankon err rr&#333; fe abosol ran vanten ne &#333;man mwena Iyesu ge Iyesu te rr&#333; hutamne nyer.abosol rar. Nge te lngi nyer ge efe rrut&#333;n, te nge eb hutamne nyer efe a suuto rral ge rrwu lon #3:14 Myayan rr&#333; saar&#333;ne vanten hu ge rr&#333; yel, o rr&#333; bhyor, o rr&#333; rrwene &#333;man hu mwenan vanten ge mu hutamne rru. myayan.</div><div class="p"> 15Te te sene mwenan helan bya rar ge efe a korkuku s&#333;nhal metenen vanten.</div><div class="p"> 16San abosol, ge be 12, nge nyer a: Saemon, ge Iyesu te lngi san ge s&#333;n, nge Bita,</div><div class="p"> 17te Jemes krine taalan ge Jon ge m&#333;r&#333; e teere mwena Sebeti. Iyesu te lngi ee hu rar&#333; nge, &#8216;Boanejes,&#8217; ge me fe &#8216;ntin byalta&#8217;.</div><div class="p"> 18Te Antrru, te Filib, te Batolemiu, te Matyu, te Tomas, te Jemes ge be teere mwena Alfeas, te Tateas, te Saemon ge be #3:18 Selot be rral ge rr&#333; fe ge ngamto nga vanten rr&#333; rrinrrin hel hel ne sese hu. Mwe yen vanten hu ne bolitik. Te terere mleng hu ne woye t&#333;t&#333;rr. Saemon te e vanten hu ne bolitik myarin. Te bone ge le te lngilngi tebya Iyesu. Selot hu,</div><div class="p"> 19te Jutas Iskarriot ge te jerrne Iyesu ge err to&#333; kabnu.</div><div class="s">Si nge em ho lon buluim ma Iyesu? Vanten ge em rr&#333; rrwene temelolean mwena Yafukon. Te nyer ge err rrl&#333; rr&#333; rrinkete &#333;man ne Nin Myuran Kon, Yafukon eb l&#333;n rrumyune nyer.</div><div class="p"> 20M&#333;l m&#333;n, Iyesu te la m&#333;l me bsa&#333;. Ngate, vanten err rrlam, err rr&#333; me ne nge m&#333;n. He en yen fona lon liyal ge le, te tel&#333;n e ngrengre ge he en yen!</div><div class="p"> 21-22 # Mat 9:34; 10:25 Te vanten worhu err rr&#333; fe ge, &#8220;Vanten ge a be burrnerrne rru!&#8221; Te vanten ne wuhuran ne lingsenean ge err me Jerrusalem, err me en &#333;rr ge a te err rr&#333; fe ge, &#8220;Bielsebul, yafu ne s&#333;nhal nyer, nge mu rru ran vanten ge a. Iyesu rr&#333; &#333;m myaya Bielsebul nga. Ma rrwene ge mwe yekya ge rr&#333; korku s&#333;nhal metenen vanten.&#8221; Bone ge man buluim, err rongtane rral nan, err me ge en gurrku nge.</div><div class="p"> 23Te bone ge Iyesu te rongtane rral nan, te je vanten ge nyer a, err me fyaasi ne nge. Te te fe #3:23 Tabarryean be sar&#333;an hu ge rr&#333; surfyaara sese hu ge te lo rro lhe an. Iyesu te saar&#333;ne tatabarryean tebyan ge vanten nyer ge lolor te hel ten, err rrl&#333;n yekya sene rral ge rrwu ne limhian mwena Yafukon.tabarryean hu byane nyer, &#8220;Gimi, mim rr&#333; rrme he Setan ma kya eb korku Setan!? T&#333;l&#333; ngrengre eb yi le.</div><div class="p"> 24 &#8220;Mwe yen ge he yafu hu rrlam ne vere hu mwenan vanten nyer efe felbaba nyer, te nyer rrute efe rr&#333; surt&#333;w&#333;rrw&#333; nyer rrute, t&#333;l&#333; ngrengre vanten nyer, mwenan yafu ne vere ge a efe ho kii.</div><div class="p"> 25 &#8220;Te he lon buluim hu, vanten ge nyer le efe rr&#333; felbaba nyer wor eve ru, buluim ge le t&#333;l&#333; ngrengre efe ho kii. </div><div class="p"> 26 &#8220;Te ge he Setan eb rr&#333; bal m&#333;l byane nge nga, te eb rr&#333; felbaba nge nga, t&#333;l&#333; ngrengre eb rru kii, nge eba me rranga. </div><div class="p"> 27 &#8220;T&#333;l&#333; ngrengre vanten te hu e vya lon im man vanten helhel te hu, ge eb holkuku hilngin. Ge he eba rrmelole ge eb yi le, eve m&#333; eba lvyalvya vanten helhel ge le bwe. Ngate eb nga vya holkuku hilngin. </div><div class="p"> 28 &#8220;Fetinan, nam rr&#333; fe byane gimi, Yafukon ma kya eb rrumyune hakbean ge vanten ma rrwene, te rral ge nyer ge rr&#333; surteherrhe vanten s&#333;n an ne. </div><div class="p"> 29 # Luk 12:10 &#8220;Te ge he vanten hu ge eb surteherrhe &#333;man ne Nin Myuran Kon, Yafukon t&#333;l&#333; ngrengre eb rrumyune mwenan hakbean wobung te hu. Vanten ge rr&#333; surteherrhe Nin Myuran Kon mwi yi le, mwenan hakbean eb rru ngamto nga eb l&#333;ne nong wobung te hu.&#8221;</div><div class="p"> 30Iyesu te rr&#333; sur te yi le, tebyan ge, teem&#333;, nyer err rr&#333; fe ge nge s&#333;nhal hu te rru ran.</div><div class="p"> 31Ngate, taalan nyesul krine rahen, tesu me tamtee en &#333;rr ge a. Tesu fyarr houre bon im, te tesu sene rral byane Iyesu ge eba me lhe nyesul.</div><div class="p"> 32Lon liyal ge le, vanten te lol err taa goro Iyesu rru, te err fe byanen ge, &#8220;Ee, rahem krinen helam te iunyem nyesul musu houre. Musu rrmelole ge ebsu lhe neng.&#8221;</div><div class="p"> 33Te Iyesu te fe, &#8220;Si nge be raheng, te si nge be helang?&#8221;</div><div class="p"> 34Ngate nge te lhe vanten ge nyer ge err taa goro rru, te te fe ge, &#8220;Gimi nge, mim be raheng, te gimi mim be helang nyer. </div><div class="p"> 35 &#8220;He gimi hu ge rr&#333; rrwene temelolean mwena Yafukon, nge nge be taalang, te be iunyeng, te be raheng.&#8221;</div>
 </div>
 </div>
</div>

Ngate mōl mōn Iyesu te a lon imkon kakae ne tamtamyaōan, te en ōrr ge a vanten hu te rru ge veran te lunglung ge telōn yekya ge he ne seetoto.
Ngate vanten worhu err ho le, te err rrō uumyarrne Iyesu he ne kone vanten ge a ran Wobungkon. Lor te jeene ge he ene lhe sese te hu ge ne rrwene ge ne kbwiti lingsenean ne Wobungkon, te efe nga halkete nge tebyan.
Ngate Iyesu te fe byane vanten ge a ge, “Ee, ō totor, te ō me li bwe.”
Ngate Iyesu te whu nyer ge, “Ran Wobungkon rruan ge mwi yi be nge ma knon e lingsenean? Ma knon e ge eba rrwene rruan ge eb roōne vanten sōn, o ge eba mlone vanten sōn? Bu ten ne ge eb kone vanten an, o eb toō kabnu vanten an?” Te vanten nyer err nga ho rongrong nga.
Ngate, Iyesu te rrō teteeto nyer, te lon te fri ne nyer, te te lol hane nyer tebyan ge bweter te hel ten. Ngate, te fe byane vanten ge a ge, “Ō seetoto veram.” Ngate, te seetoto veran, te te wu mōl.
Te Farrasi nyer, err houre lon imkon kakae ne tamtamyaōan, te belbel ten nga err kukur krine ge nyer ge err ho en tahi Herrot. Te ete rrwene sarōan hu ge efe toō kabnu Iyesu.

Mōl mōn, Iyesu krinen mwenan vanten nyer err yel metenen ōrr ge le, te err vya bon Tee Kakre Kalili. Te vanten err ve lol, err rrō rrutōn te err me tamtee ran vere ge rrlam Kalili,
te Jutia, te lon tan ne ōrr Itumia, te besaō ge rrlam Jerrusalem, te en tahi Wehal Jotan bya en ōrr ge yal rrō fngifngi en, te en ōrr ge be fyaasi ne besaō ge nyerō a, Taea te Saeton. Vanten ge nyer a err me ne Iyesu nga rrbyan ge err rongtane sese ge Iyesu te rrō rrwene nyer.
Te tebyan ge vanten err ve yel ten ho, Iyesu te fe byanen mwenan vanten nyer ge efe nangnangne afloo kakae te hu ge e vya tataa ran, tebyan ge vanten nyer err rrō ho rrmurrmu nge.
Nge te kone vanten lol ne mesean ge nyer a. Te rrwene ge vanten rrute ge ete mse mang ho, err rrō ho rrmurrmu Iyesu ge en tongve nge.
Te ngamto vanten ge nyer ge sōnhal te ho rar, err rrō lhe Iyesu, err rrō murr mō ne nge, te err rrō fwifwir bya mre ge, “Neng ōm be Terere Mleng Genti Yafukon.”
Te Iyesu te rrō sur te hel byane sōnhal ge nyer a, te rrō surgoro nyer ge efe lōn fe ge nge be Terere Mleng Genti Yafukon.
Ngate, Iyesu te fngi bya ran bukōkō, te te je vanten nyer ge nge te rrmelole. Ngate, err me ne nge.
Te te hrene vanten te e 12, te te lngi ee ne abosol rar. Nge te lngi nyer ge efe rrutōn, te nge eb hutamne nyer efe a suuto rral ge rrwu lon myayan.
Te te sene mwenan helan bya rar ge efe a korkuku sōnhal metenen vanten.
San abosol, ge be 12, nge nyer a: Saemon, ge Iyesu te lngi san ge sōn, nge Bita,
te Jemes krine taalan ge Jon ge mōrō e teere mwena Sebeti. Iyesu te lngi ee hu rarō nge, ‘Boanejes,’ ge me fe ‘ntin byalta’.
Te Antrru, te Filib, te Batolemiu, te Matyu, te Tomas, te Jemes ge be teere mwena Alfeas, te Tateas, te Saemon ge be Selot hu,
te Jutas Iskarriot ge te jerrne Iyesu ge err toō kabnu.

Mōl mōn, Iyesu te la mōl me bsaō. Ngate, vanten err rrlam, err rrō me ne nge mōn. He en yen fona lon liyal ge le, te telōn e ngrengre ge he en yen!
Te vanten worhu err rrō fe ge, “Vanten ge a be burrnerrne rru!” Te vanten ne wuhuran ne lingsenean ge err me Jerrusalem, err me en ōrr ge a te err rrō fe ge, “Bielsebul, yafu ne sōnhal nyer, nge mu rru ran vanten ge a. Iyesu rrō ōm myaya Bielsebul nga. Ma rrwene ge mwe yekya ge rrō korku sōnhal metenen vanten.” Bone ge man buluim, err rongtane rral nan, err me ge en gurrku nge.
Te bone ge Iyesu te rongtane rral nan, te je vanten ge nyer a, err me fyaasi ne nge. Te te fe tabarryean hu byane nyer, “Gimi, mim rrō rrme he Setan ma kya eb korku Setan!? Tōlō ngrengre eb yi le.
“Mwe yen ge he yafu hu rrlam ne vere hu mwenan vanten nyer efe felbaba nyer, te nyer rrute efe rrō surtōwōrrwō nyer rrute, tōlō ngrengre vanten nyer, mwenan yafu ne vere ge a efe ho kii.
“Te he lon buluim hu, vanten ge nyer le efe rrō felbaba nyer wor eve ru, buluim ge le tōlō ngrengre efe ho kii.
“Te ge he Setan eb rrō bal mōl byane nge nga, te eb rrō felbaba nge nga, tōlō ngrengre eb rru kii, nge eba me rranga.
“Tōlō ngrengre vanten te hu e vya lon im man vanten helhel te hu, ge eb holkuku hilngin. Ge he eba rrmelole ge eb yi le, eve mō eba lvyalvya vanten helhel ge le bwe. Ngate eb nga vya holkuku hilngin.
“Fetinan, nam rrō fe byane gimi, Yafukon ma kya eb rrumyune hakbean ge vanten ma rrwene, te rral ge nyer ge rrō surteherrhe vanten sōn an ne.
“Te ge he vanten hu ge eb surteherrhe ōman ne Nin Myuran Kon, Yafukon tōlō ngrengre eb rrumyune mwenan hakbean wobung te hu. Vanten ge rrō surteherrhe Nin Myuran Kon mwi yi le, mwenan hakbean eb rru ngamto nga eb lōne nong wobung te hu.”
Iyesu te rrō sur te yi le, tebyan ge, teemō, nyer err rrō fe ge nge sōnhal hu te rru ran.
Ngate, taalan nyesul krine rahen, tesu me tamtee en ōrr ge a. Tesu fyarr houre bon im, te tesu sene rral byane Iyesu ge eba me lhe nyesul.
Lon liyal ge le, vanten te lol err taa goro Iyesu rru, te err fe byanen ge, “Ee, rahem krinen helam te iunyem nyesul musu houre. Musu rrmelole ge ebsu lhe neng.”
Te Iyesu te fe, “Si nge be raheng, te si nge be helang?”
Ngate nge te lhe vanten ge nyer ge err taa goro rru, te te fe ge, “Gimi nge, mim be raheng, te gimi mim be helang nyer.
“He gimi hu ge rrō rrwene temelolean mwena Yafukon, nge nge be taalang, te be iunyeng, te be raheng.”

گوێگرتن لە Mark 3