Chorti - 1996 Edition (NT) Drama

<div class="version vid524 iso6393caa" data-vid="524" data-iso6393="caa">
   <div class="book bkJHN">
      <div class="chapter ch2" data-usfm="JHN.2">
         <div class="label">2</div><div class="s"><span class="heading">Conda chena inte' nujb'iar tama e chinam Can&#225;</span></div><div class="p"><span class="content">  </span><span class="verse v1" data-usfm="JHN.2.1"><span class="label">1</span><span class="content">Pues entonces tama e uxte' d&#237;a chempa inte' nujb'iar tama e chinam Can&#225; tama e departamento Galilea. Y ya turu utu' e Jes&#250;s tama e nujb'iar era. </span></span><span class="verse v2" data-usfm="JHN.2.2"><span class="label">2</span><span class="content">Y pejcna e Jes&#250;s tacar uyajcanuarob' tua' ac'otoyob' tama e nujb'iar ub'an. </span></span><span class="verse v3" data-usfm="JHN.2.3"><span class="label">3</span><span class="content">Pero conda merato ac'apa e nojq'uin c'apa e vino lo que war o'chna. Entonces utu' e Jes&#250;s uyare y che:</span></span></div><div class="p"><span class="verse v3" data-usfm="JHN.2.3"><span class="content">&#8212;C'apa e vino lo que ayan ani. &#191;Y tuc'a tua' cache coner? &#191;O ayan ca tuc'a erer ache net tua' atacrion era? che utu' e Jes&#250;s.</span></span></div><div class="p"><span class="verse v3" data-usfm="JHN.2.3"><span class="content">  </span></span><span class="verse v4" data-usfm="JHN.2.4"><span class="label">4</span><span class="content">Pero e Jes&#250;s uyare utu' y che:</span></span></div><div class="p"><span class="verse v4" data-usfm="JHN.2.4"><span class="content">&#8212;Ixic, &#191;tuc'a tua' war awaren cocha era? &#191;Machi ca anata que merato ac'otoy niwora tua' acay inchectes nic'otorer tut e gente? Actan tunor era tacaren, che e Jes&#250;s.</span></span></div><div class="p"><span class="verse v4" data-usfm="JHN.2.4"><span class="content">  </span></span><span class="verse v5" data-usfm="JHN.2.5"><span class="label">5</span><span class="content">Pero utu' e Jes&#250;s, cay uyare tin e war upuquiob' axin e comida taca e gente y che:</span></span></div><div class="p"><span class="verse v5" data-usfm="JHN.2.5"><span class="content">&#8212;Chenic tunor lo que axin uyareox jaxir, che utu' e Jes&#250;s.</span></span></div><div class="p"><span class="verse v5" data-usfm="JHN.2.5"><span class="content">  </span></span><span class="verse v6" data-usfm="JHN.2.6"><span class="label">6</span><span class="content">Y yaja' warob' seis nuquir bongo xe' chemb'ir taca e tun xe' uwajpi seis b'ujr ja' tama unac. Pues e bongo ayan uc'ampib'ir tua' ucojco e ja' tua' upoquiob' tuq'uic tuq'uic tamar. Porque ch'ar tz'ijb'ab'ir tama uley e Mois&#233;s que uc'ani tua' apojca tunor lo que ayan. </span></span><span class="verse v7" data-usfm="JHN.2.7"><span class="label">7</span><span class="content">Entonces ojron e Jes&#250;s taca tin e war upuqui e comida axin tut e gente y che:</span></span></div><div class="p"><span class="verse v7" data-usfm="JHN.2.7"><span class="content">&#8212;Yaric e ja' tama tunor e bongo era este que ab'utc'a tunor, che e Jes&#250;s.</span></span></div><div class="p"><span class="verse v7" data-usfm="JHN.2.7"><span class="content">Entonces uchiob' b'an cocha arob'nob' umen e Jes&#250;s. </span></span><span class="verse v8" data-usfm="JHN.2.8"><span class="label">8</span><span class="content">Entonces e Jes&#250;s sutpa uyare otronyajr y che:</span></span></div><div class="p"><span class="verse v8" data-usfm="JHN.2.8"><span class="content">&#8212;Locsenic imb'ijc y q'uechic chic tut e ajyum nojq'uin, che e Jes&#250;s.</span></span></div><div class="p"><span class="verse v8" data-usfm="JHN.2.8"><span class="content">Y b'an uchiob'. </span></span><span class="verse v9" data-usfm="JHN.2.9"><span class="label">9</span><span class="content">Entonces conda e ajyum nojq'uin cay uyejta imb'ijc e ja' c'otoy unata que vino. Pero machi war unata tia' tari, ajtaca tin e war upuqui axin e comida war unatob' que e vino era ja' ani. Y tamar era e ajyum nojq'uin upejca tari e winic xe' war anujb'i </span></span><span class="verse v10" data-usfm="JHN.2.10"><span class="label">10</span><span class="content">y uyare:</span></span></div><div class="p"><span class="verse v10" data-usfm="JHN.2.10"><span class="content">&#8212;Tama inte' nojq'uin b'ajxan apujca axin e vino xe' m&#225;s galan uyuchnar, y de all&#237; conda uchnix meyra vino acay a'jc'unob' e vino xe' m&#225;s calapir. Pero net war acojco este era tua' awajc'u e vino xe' m&#225;s galan uyuchnar. B'an che e ajyum nojq'uin uyare e winic xe' war anujb'i.</span></span></div><div class="p"><span class="verse v10" data-usfm="JHN.2.10"><span class="content">  </span></span><span class="verse v11" data-usfm="JHN.2.11"><span class="label">11</span><span class="content">Pues jax era e b'ajxan milagro lo que chena umen e Jes&#250;s, y conda uche tunor era cay checsuna que jaxir ayan utawarer y tamar era uyajcanuarob' cay c'upseyanob' tamar jaxir. Pues tunor era numuy tama e chinam Can&#225; tama e departamento Galilea.</span></span></div><div class="p"><span class="verse v11" data-usfm="JHN.2.11"><span class="content">  </span></span><span class="verse v12" data-usfm="JHN.2.12"><span class="label">12</span><span class="content">Entonces conda c'apa e nujb'iar ixin e Jes&#250;s esto tama e chinam Capernaum taca utu' y uwijtz'inob' y taca uyajcanuarob'. Y yaja' quetpob' cora d&#237;a.</span></span></div><div class="s"><span class="heading">Conda e Jes&#250;s uyajnes loc'oy e sian ajchonmar macuir e templo</span></div><div class="r"><span class="heading">  </span><span class="heading">Mateo 21:12-13</span><span class="heading">; </span><span class="heading">Marcos 11:15-18</span><span class="heading">; </span><span class="heading">Lucas 19:45-46</span></div><div class="p"><span class="verse v12" data-usfm="JHN.2.12"><span class="content">  </span></span><span class="verse v13" data-usfm="JHN.2.13"><span class="label">13</span><span class="content">Pues entonces cocha war ac'otoy e d&#237;a tua' acay e nojq'uin tua' e gente tama e Israel xe' uc'ab'a pascua, ixin e Jes&#250;s esto tama e chinam Jerusalem. </span></span><span class="verse v14" data-usfm="JHN.2.14"><span class="label">14</span><span class="content">Y conda c'otoy tama e templo cay uwira que war achojna e sian wacax y e sian oveja y e sacsac mut. Y uwira que ayan tin e turob' tor e mesa xe' war uwech'iob' ut e tumin</span><span class="note f"><span class="label">#</span><span class=" body"><span class="fr">2:14 </span><span class="ft">Uwech'iob' ut e tumin. Tama utiempo Cawinquirar Jesucristo tunor e lugar Israel quetpa yeb'ar uc'otorer e gente romano, y tamar era quetpa tua' uc'ampesob' e tumin romano ub'an. Pero conda inte' c'ani uyajc'u inte' uyofrenda tama e templo machi ch'ajma e tumin romano sino que quetpa tua' uwech'e ut e tumin romano era tua' uch'ami e tumin tua' e Israel tua' uturb'a tama e ofrenda. Y tin e war uwech'e ut e tumin era war uchoniob' tama meyra utujrir.</span></span></span><span class="content">. </span></span><span class="verse v15" data-usfm="JHN.2.15"><span class="label">15</span><span class="content">Y conda e Jes&#250;s uwira tunor era, uch'ami inte' jarb'ir q'uewer y cay uwatz'i uyajnes tunor e ajchonmar taca tunor e wacax y e oveja. Y cay upusi e tumin tua' tin e war uwech'iob' ut e tumin y ucucru ixin e sian mesa tuob'. </span></span><span class="verse v16" data-usfm="JHN.2.16"><span class="label">16</span><span class="content">Y uyare tunor tin e war uchoni e sacsac mut y che:</span></span></div><div class="p"><span class="verse v16" data-usfm="JHN.2.16"><span class="content">&#8212;Locsenic tara tunor. Ira iche m&#225;s e chonmar tama uyotot Nitata, che e Jes&#250;s.</span></span></div><div class="p"><span class="verse v16" data-usfm="JHN.2.16"><span class="content">  </span></span><span class="verse v17" data-usfm="JHN.2.17"><span class="label">17</span><span class="content">Y tamar era c'ajpesna umen uyajcanuarob' que ch'ar tz'ijb'ab'ir tama uyojroner e Dios y che:</span></span></div><div class="p"><span class="verse v17" data-usfm="JHN.2.17"><span class="content">&#8212;War uchien innumse nib'a umen que war intz'unle uyotot Nitata Dios, xe' che ch'ar tz'ijb'ab'ir tama uyojroner e Dios.</span></span></div><div class="p"><span class="verse v17" data-usfm="JHN.2.17"><span class="content">  </span></span><span class="verse v18" data-usfm="JHN.2.18"><span class="label">18</span><span class="content">Entonces cora winicob' tua' Israel cay uyub'iob' tua' e Jes&#250;s y chenob':</span></span></div><div class="p"><span class="verse v18" data-usfm="JHN.2.18"><span class="content">&#8212;&#191;Y tuc'a tua' awirsion tua' achectes ticoit que net ayan ac'otorer tua' ache tunor era? che e winicob' era.</span></span></div><div class="p"><span class="verse v18" data-usfm="JHN.2.18"><span class="content">  </span></span><span class="verse v19" data-usfm="JHN.2.19"><span class="label">19</span><span class="content">Y che e Jes&#250;s:</span></span></div><div class="p"><span class="verse v19" data-usfm="JHN.2.19"><span class="content">&#8212;Tijresic e templo era y nen tua' anchi otronyajr tama uxte' d&#237;a, che e Jes&#250;s.</span></span></div><div class="p"><span class="verse v19" data-usfm="JHN.2.19"><span class="content">  </span></span><span class="verse v20" data-usfm="JHN.2.20"><span class="label">20</span><span class="content">Y che e winicob':</span></span></div><div class="p"><span class="verse v20" data-usfm="JHN.2.20"><span class="content">&#8212;Cuarenta y seis a&#241;o uq'uechion tua' cachi e templo era &#191;y net ca tua' ab'ijnu a'chi tama uxte' d&#237;a? che e winicob' era.</span></span></div><div class="p"><span class="verse v20" data-usfm="JHN.2.20"><span class="content">  </span></span><span class="verse v21" data-usfm="JHN.2.21"><span class="label">21</span><span class="content">Pero e templo xe' war o'jron e Jes&#250;s tamar, majax e nuxi otot lo que ayan tara sino que jax ucuerpo jaxir. </span></span><span class="verse v22" data-usfm="JHN.2.22"><span class="label">22</span><span class="content">Y tamar era conda sutpa b'ixc'a e Jes&#250;s tujam e chamenob' c'ajpa umen uyajcanuarob' tunor lo que cay arob'nob' umener, y tamar era c'upseyanob' tamar lo que ch'ar tz'ijb'ab'ir tama uyojroner e Dios y tama tunor lo que arob'nob' umen e Jes&#250;s.</span></span></div><div class="s"><span class="heading">E Jes&#250;s unata lo que war ub'ijnuob' tunor e winicob'</span></div><div class="p"><span class="verse v22" data-usfm="JHN.2.22"><span class="content">  </span></span><span class="verse v23" data-usfm="JHN.2.23"><span class="label">23</span><span class="content">Pues tama e tiempo era conda turu e Jes&#250;s tama e chinam Jerusalem tama e nojq'uin pascua, meyra gente cay c'upseyanob' tamar conda uwirob' que war uche e sian milagro. </span></span><span class="verse v24" data-usfm="JHN.2.24"><span class="label">24</span><span class="content">Pero e Jes&#250;s machi c'upseyan tama e winicob' era porque war unata tunor lo que war ub'ijnuob'. </span></span><span class="verse v25" data-usfm="JHN.2.25"><span class="label">25</span><span class="content">Y mamajchi umen arob'na tuc'a ayan tama e winicob' era, porque jaxir warix unata tunor lo que ayan tama uyalmob'.</span></span></div>
      </div>
   </div>
</div>

Pues entonces tama e uxte' día chempa inte' nujb'iar tama e chinam Caná tama e departamento Galilea. Y ya turu utu' e Jesús tama e nujb'iar era. Y pejcna e Jesús tacar uyajcanuarob' tua' ac'otoyob' tama e nujb'iar ub'an. Pero conda merato ac'apa e nojq'uin c'apa e vino lo que war o'chna. Entonces utu' e Jesús uyare y che:
—C'apa e vino lo que ayan ani. ¿Y tuc'a tua' cache coner? ¿O ayan ca tuc'a erer ache net tua' atacrion era? che utu' e Jesús.
Pero e Jesús uyare utu' y che:
—Ixic, ¿tuc'a tua' war awaren cocha era? ¿Machi ca anata que merato ac'otoy niwora tua' acay inchectes nic'otorer tut e gente? Actan tunor era tacaren, che e Jesús.
Pero utu' e Jesús, cay uyare tin e war upuquiob' axin e comida taca e gente y che:
—Chenic tunor lo que axin uyareox jaxir, che utu' e Jesús.
Y yaja' warob' seis nuquir bongo xe' chemb'ir taca e tun xe' uwajpi seis b'ujr ja' tama unac. Pues e bongo ayan uc'ampib'ir tua' ucojco e ja' tua' upoquiob' tuq'uic tuq'uic tamar. Porque ch'ar tz'ijb'ab'ir tama uley e Moisés que uc'ani tua' apojca tunor lo que ayan. Entonces ojron e Jesús taca tin e war upuqui e comida axin tut e gente y che:
—Yaric e ja' tama tunor e bongo era este que ab'utc'a tunor, che e Jesús.
Entonces uchiob' b'an cocha arob'nob' umen e Jesús. Entonces e Jesús sutpa uyare otronyajr y che:
—Locsenic imb'ijc y q'uechic chic tut e ajyum nojq'uin, che e Jesús.
Y b'an uchiob'. Entonces conda e ajyum nojq'uin cay uyejta imb'ijc e ja' c'otoy unata que vino. Pero machi war unata tia' tari, ajtaca tin e war upuqui axin e comida war unatob' que e vino era ja' ani. Y tamar era e ajyum nojq'uin upejca tari e winic xe' war anujb'i y uyare:
—Tama inte' nojq'uin b'ajxan apujca axin e vino xe' más galan uyuchnar, y de allí conda uchnix meyra vino acay a'jc'unob' e vino xe' más calapir. Pero net war acojco este era tua' awajc'u e vino xe' más galan uyuchnar. B'an che e ajyum nojq'uin uyare e winic xe' war anujb'i.
Pues jax era e b'ajxan milagro lo que chena umen e Jesús, y conda uche tunor era cay checsuna que jaxir ayan utawarer y tamar era uyajcanuarob' cay c'upseyanob' tamar jaxir. Pues tunor era numuy tama e chinam Caná tama e departamento Galilea.
Entonces conda c'apa e nujb'iar ixin e Jesús esto tama e chinam Capernaum taca utu' y uwijtz'inob' y taca uyajcanuarob'. Y yaja' quetpob' cora día.


Pues entonces cocha war ac'otoy e día tua' acay e nojq'uin tua' e gente tama e Israel xe' uc'ab'a pascua, ixin e Jesús esto tama e chinam Jerusalem. Y conda c'otoy tama e templo cay uwira que war achojna e sian wacax y e sian oveja y e sacsac mut. Y uwira que ayan tin e turob' tor e mesa xe' war uwech'iob' ut e tumin. Y conda e Jesús uwira tunor era, uch'ami inte' jarb'ir q'uewer y cay uwatz'i uyajnes tunor e ajchonmar taca tunor e wacax y e oveja. Y cay upusi e tumin tua' tin e war uwech'iob' ut e tumin y ucucru ixin e sian mesa tuob'. Y uyare tunor tin e war uchoni e sacsac mut y che:
—Locsenic tara tunor. Ira iche más e chonmar tama uyotot Nitata, che e Jesús.
Y tamar era c'ajpesna umen uyajcanuarob' que ch'ar tz'ijb'ab'ir tama uyojroner e Dios y che:
—War uchien innumse nib'a umen que war intz'unle uyotot Nitata Dios, xe' che ch'ar tz'ijb'ab'ir tama uyojroner e Dios.
Entonces cora winicob' tua' Israel cay uyub'iob' tua' e Jesús y chenob':
—¿Y tuc'a tua' awirsion tua' achectes ticoit que net ayan ac'otorer tua' ache tunor era? che e winicob' era.
Y che e Jesús:
—Tijresic e templo era y nen tua' anchi otronyajr tama uxte' día, che e Jesús.
Y che e winicob':
—Cuarenta y seis año uq'uechion tua' cachi e templo era ¿y net ca tua' ab'ijnu a'chi tama uxte' día? che e winicob' era.
Pero e templo xe' war o'jron e Jesús tamar, majax e nuxi otot lo que ayan tara sino que jax ucuerpo jaxir. Y tamar era conda sutpa b'ixc'a e Jesús tujam e chamenob' c'ajpa umen uyajcanuarob' tunor lo que cay arob'nob' umener, y tamar era c'upseyanob' tamar lo que ch'ar tz'ijb'ab'ir tama uyojroner e Dios y tama tunor lo que arob'nob' umen e Jesús.

Pues tama e tiempo era conda turu e Jesús tama e chinam Jerusalem tama e nojq'uin pascua, meyra gente cay c'upseyanob' tamar conda uwirob' que war uche e sian milagro. Pero e Jesús machi c'upseyan tama e winicob' era porque war unata tunor lo que war ub'ijnuob'. Y mamajchi umen arob'na tuc'a ayan tama e winicob' era, porque jaxir warix unata tunor lo que ayan tama uyalmob'.

گوێگرتن لە Juan 2