Sea Island Creole English: De Nyew Testament

De Nyew Testament

<div class="version vid585 iso6393gul" data-vid="585" data-iso6393="gul">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="m"> 1Atta two day, dey been a weddin een Cana, wa dey een Galilee. Jedus modda been dey ta de weddin. 2An dey been eenbite Jedus an e ciple dem too fa go. 3Wen all de wine done, Jedus modda tell Jedus say, &#8220;Dey ain got no mo wine.&#8221;</div><div class="p"> 4Jedus tell e modda say, &#8220;Ya ain fa tell me dem ting yah now. De time wen A fa do dem ting ain come yet.&#8221;</div><div class="p"> 5Jedus modda tell de saabant dem say, &#8220;Oona mus do wasoneba e tell oona fa do.&#8221;</div><div class="p"> 6De Jew dem got plenty law wa say how dey fa wash dey body een a special way an all ting wa dey da nyuse, ef dey wahn fa be clean een God eye. Fa sake ob dat, six big stone wata jug been close by dey een dat place. De jug dem been so big dat jes one jug kin hole twenty ta tirty gallon ob wata. 7Jedus tell de saabant dem say, &#8220;Oona mus full op dem wata jug wid wata.&#8221; An dey full de pot dem op ta de brim. 8Den Jedus tell um say, &#8220;Now mus tek some ob dat outta de jug an go cyaa um ta de man een chaage ob de marry feas.&#8221; So de saabant dem done wa Jedus tell um fa do. 9Den dat man een chaage taste de wata wa Jedus done been ton ta wine. Dat man een chaage ain been know weh de wine come fom, bot de saabant dem wa been tek de wata outta de jug, dey been know. So dat man een chaage call de groom oba. 10E tell um say, &#8220;Ebrybody kin saab de wine wa mo betta fus, an atta de people done drink plenty wine, dat de time dey wen dey kin saab de cheap wine. Bot ya beena keep de wine wa mo betta til now.&#8221;</div><div class="p"> 11Jedus done dis fus miracle een Cana, wa dey een Galilee. Dat de way e show de people e powa, an e ciple dem bleebe pon um.</div><div class="p"> 12Atta dat, Jedus an e modda, e broda dem, an e ciple dem gone ta Capernaum. Dey stay dey two, shree day.</div><div class="s">Jedus Go ta God House</div><div class="r"> Matthew 21:12-13; Mark 11:15-17; Luke 19:45-46</div><div class="p"> 13De time been close fa de Jew holiday dey call Passoba, so Jedus gone ta Jerusalem. 14Wen Jedus gone eenta God House dey, e meet op wid people da sell cow an goat, sheep an pigeon. An oda people wa beena mek change fa de people money beena seddown dey ta dey table. 15So Jedus tek some rope an mek a whip, an e dribe um all outta God House, long wid de sheep an de cow dem. Den e ton oba de table dem weh people beena change money an e scatta dey coin. 16An e chaage de people wa beena sell pigeon, say, &#8220;Mus git dem pigeon outta yah! Mus dohn ton de House ob me Fada eenta a maakut place!&#8221; 17Den e ciple dem memba weh dey write een God Book say, &#8220;O God, A wahn people fa hona ya House. A wahn um sommuch til e bun een me haat jes like a fire wa gwine bun me op.&#8221;</div><div class="p"> 18Den de Jew leada dem come aks Jedus say, &#8220;Wa miracle ya kin do fa show we dat ya got tority fa do dis wa ya done yah?&#8221;</div><div class="p"> 19Jedus tell um say, &#8220;Ef oona stroy dis House ob God, een shree day A gwine build um back gin.&#8221;</div><div class="p"> 20Den de Jew leada dem tell Jedus say, &#8220;E been tek foty-six yeah fa build dis House. Ya mean fa say dat ya gwine tek jes shree day fa build um back gin?&#8221;</div><div class="p"> 21Bot wen Jedus taak bout God House, dat e body e beena taak bout. 22So wen God mek Jedus git op fom mongst de dead people an lib gin, e ciple dem memba wa Jedus been taak bout. Den dey bleebe wa been write dey een God Book an de wod Jedus done been taak bout.</div><div class="s">Jedus Know wa Dey een People Haat</div><div class="p"> 23De time come fa de Passoba Feas wiles Jedus been dey een Jerusalem. An plenty people bleebe pon um, wen dey see de miracle dem wa e beena do. 24Bot Jedus ain lef esef een dey han cause e been know all people too good. 25E ain been no need fa people fa tell Jedus wa been dey een dey haat.</div><div class="s">Jedus Laan Nicodemus</div>
 </div>
 </div>
</div>

Atta two day, dey been a weddin een Cana, wa dey een Galilee. Jedus modda been dey ta de weddin. An dey been eenbite Jedus an e ciple dem too fa go. Wen all de wine done, Jedus modda tell Jedus say, “Dey ain got no mo wine.”
Jedus tell e modda say, “Ya ain fa tell me dem ting yah now. De time wen A fa do dem ting ain come yet.”
Jedus modda tell de saabant dem say, “Oona mus do wasoneba e tell oona fa do.”
De Jew dem got plenty law wa say how dey fa wash dey body een a special way an all ting wa dey da nyuse, ef dey wahn fa be clean een God eye. Fa sake ob dat, six big stone wata jug been close by dey een dat place. De jug dem been so big dat jes one jug kin hole twenty ta tirty gallon ob wata. Jedus tell de saabant dem say, “Oona mus full op dem wata jug wid wata.” An dey full de pot dem op ta de brim. Den Jedus tell um say, “Now mus tek some ob dat outta de jug an go cyaa um ta de man een chaage ob de marry feas.” So de saabant dem done wa Jedus tell um fa do. Den dat man een chaage taste de wata wa Jedus done been ton ta wine. Dat man een chaage ain been know weh de wine come fom, bot de saabant dem wa been tek de wata outta de jug, dey been know. So dat man een chaage call de groom oba. E tell um say, “Ebrybody kin saab de wine wa mo betta fus, an atta de people done drink plenty wine, dat de time dey wen dey kin saab de cheap wine. Bot ya beena keep de wine wa mo betta til now.”
Jedus done dis fus miracle een Cana, wa dey een Galilee. Dat de way e show de people e powa, an e ciple dem bleebe pon um.
Atta dat, Jedus an e modda, e broda dem, an e ciple dem gone ta Capernaum. Dey stay dey two, shree day.


De time been close fa de Jew holiday dey call Passoba, so Jedus gone ta Jerusalem. Wen Jedus gone eenta God House dey, e meet op wid people da sell cow an goat, sheep an pigeon. An oda people wa beena mek change fa de people money beena seddown dey ta dey table. So Jedus tek some rope an mek a whip, an e dribe um all outta God House, long wid de sheep an de cow dem. Den e ton oba de table dem weh people beena change money an e scatta dey coin. An e chaage de people wa beena sell pigeon, say, “Mus git dem pigeon outta yah! Mus dohn ton de House ob me Fada eenta a maakut place!” Den e ciple dem memba weh dey write een God Book say, “O God, A wahn people fa hona ya House. A wahn um sommuch til e bun een me haat jes like a fire wa gwine bun me op.”
Den de Jew leada dem come aks Jedus say, “Wa miracle ya kin do fa show we dat ya got tority fa do dis wa ya done yah?”
Jedus tell um say, “Ef oona stroy dis House ob God, een shree day A gwine build um back gin.”
Den de Jew leada dem tell Jedus say, “E been tek foty-six yeah fa build dis House. Ya mean fa say dat ya gwine tek jes shree day fa build um back gin?”
Bot wen Jedus taak bout God House, dat e body e beena taak bout. So wen God mek Jedus git op fom mongst de dead people an lib gin, e ciple dem memba wa Jedus been taak bout. Den dey bleebe wa been write dey een God Book an de wod Jedus done been taak bout.

De time come fa de Passoba Feas wiles Jedus been dey een Jerusalem. An plenty people bleebe pon um, wen dey see de miracle dem wa e beena do. Bot Jedus ain lef esef een dey han cause e been know all people too good. E ain been no need fa people fa tell Jedus wa been dey een dey haat.

گوێگرتن لە John 2