℗ 2008 Hosanna Grabado por Asociacion Vina

Maya, Mopan - 2004 Edition (NT)

<div class="version vid630 iso6393mop" data-vid="630" data-iso6393="mop">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Ca' cuxlaji a Jesusu.</div><div class="p"> 1Pues te'i. Tan u jaab&#252;l a yoc'olcab ti Domingo. Binoo' a nooch'up ti a naj tunichi. Tanoo' u bensic a boc u yutzquintajoo'o.#Mt 28:1; Mr 16:1; Jn 20:1; Lc 23:56 2Le'ec ti c'ochoo'o, u yilajoo' ti ac c'oc'lesaja'an a tunich a que'en tu chi' a naj tunich tuba mucbi a Jesusu. 3Ocoo' ichil a naj tunichi. Ma' u c&#252;xtajoo' u b&#252;q'uel a Noochtzil Jesus te'iji.#Mr 16:5 4Sa'too' u yool u men abe'e. Tu seebal chiclajoo' ca' tuul a winic te'iji. Naach u sac u noc' a ca' tuulu. 5Jac'oo' u yool ix ch'upu. U chincuntajoo' u pol. &#8212;&#191;C'u' ca'a tane'ex a yaaltic a c&#252;xte a cuxlaji tu yaamoo' a quimene?&#8212; cu t'anoo' ti'i a nooch'upu.#Jn 20:12; Hch 1:10; 1 Ti 1:17; Rev 1:18 6&#8212;Ma' wa'ye' que'eni. Ca' cuxlaji. Ca' c'aac te'ex c'u' u yadaj te'ex le'ec ti que'en to cuenta Galilea. 7U yadaj te'ex ti le'ec ala'i a yanaji ti cristianojili, yan u c'ubbul tu c'&#252;'oo' a yanoo' u sip'il ti'i a Dioso. Yan u quimsab&#252;l tuwich cruz. Yan ilic u ca' cuxtal tu yox p'eel q'uin. Baalo' u yadaj te'ex,&#8212; cu t'anoo' ti'i a nooch'upu.#Mt 16:21; Mr 8:31; Lc 9:22 8C'ajchinbil ti'ijoo' u t'an a Jesusu.#Jn 2:22</div><div class="p"> 9Pues te'i. Joc'oo' ichil a naj tunichi. Binoo' tuba much'ca'aloo' a once tuul eteloo' u chucaan aj tz'ocsaj t'ana. Le'ecoo' a nooch'upu, u yadajoo' ti'i tulacal a c'u' a maniji.#Mt 28:8; Mr 16:10 10Le'ecoo' ix ch'up u yilajoo' abe'e, le'ec ixna' Maria Magdalena etel ixna' Juana, ixna' Maria le'ec u na' aj Jacobo, y ulaac'oo' ix ch'upu. U laj adajoo' c'u' a maniji.#Lc 8:3 11Le'ec boon tuul u yubajoo' u t'an ix ch'upu, chen cuenta tu t'anoo'. Ma' u tz'ocsajoo' u t'ani. 12C'u' betiqui, liq'ui aj Pedrojo. Bini ti alca' u yila' a naj tunichi. Le'ec ti uchi u cha'an ichili, jadi' a noc' u tepbeeb u yilaj te'i. Le'ec ti tan u beele, sa'ti u yool etel a c'u' u yilaja.#Jn 20:3,10</div><div class="s1">Le'ec ada' c'u' a uchi tu benil a caj Emaus.</div><div class="p"> 13Pues te'i. Ti'i ilic a q'uin abe'e, tanoo' u beel ich caj Emaus ca' tuul u yaj cambal a Jesusu. Jabix wal once kilometro#24.13 7 miles u naachil tu tzeel a caj Jerusalen. 14Le'ec a ca' tuulu, tanoo' u tzicbaltic tulacal a c'u' a mani ti tanoo' u beel.#Dt 6:7; Mal 3:16; Lc 6:45 15Naatz'i a Jesus tu tzeeloo' ti tanoo' u tzicbaltic abe'e. U yet'octajoo' ti bej.#Mt 18:20; Jn 14:18,19 16Ma' tz'abi ti'ijoo' ca' u c'aj-ooltoo' u wich a Jesusu.#2 R 6:18,20; Mr 16:12; Jn 20:14; Jn 21:4 17&#8212;&#191;C'u' a tane'ex a tzicbaltiqui? &#191;C'u' ca'a yaje'ex a wool?&#8212; cu t'an ti'ijoo' a ca' tuulu. 18Jun tuulu, aj Cleofas u c'aba'. U nuuctaj a Jesusu. &#8212;Chen wal inchech a tan a sut ich caj Jerusalen a ma' a weel c'u' a mani te'iji,&#8212; cu t'an ti'i a Jesusu.#Jn 19:25 19&#8212;&#191;C'u' a mani te'iji?&#8212; cu t'an ti'ijoo'. &#8212;Le'ec a c'u' a mani ti'i a Jesus a tali ich caj Nazaret. Ala'aji, le'ec jun tuul u yadaj u t'an a Dioso. Top quich'pan u yadaj y u betaj tu taan a Dios y tu taan tulacaloo' a cristianojo,&#8212; cu t'an aj Cleofas ti'iji.#Jn 3:2; Jn 6:14; Hch 2:22; Hch 7:22 20&#8212;Le'ecoo' u noochil aj mansaj t'an to'on ti'i a Dios u yet'ocoo' a nucuch winic ti'i a caja, u c'ubajoo' a Jesus ti'i ca' aalb&#252;c u quimil ca' tun quimsabi tuwich cruz,&#8212; cu t'an ti'i a Jesusu.#Mt 27:1,2,20; Mr 15:1; Lc 22:66,71; Lc 23:1,5; Hch 3:13,15; Hch 4:8,10,27; Hch 5:30,31; Hch 13:27 21&#8212;Ti tuclaj ino'on ti le'ec a Jesusu, bel cuchi u ca'a u sa'alto'on boono'on aj Israele. Ox p'e q'uin tun uchuc abe'e,#Hch 1:6 22y aleebe u sa'tesajoo' ti wool ix ch'up a que'enoo' tiqui yaama. Le'ec ti tan u jaab&#252;l a yoc'olcaba, que'enoo' tuba mucbi a Jesusu,&#8212; cu t'an. 23&#8212;Ma' u c&#252;xtajoo' a Jesusi. Le'ec ti usc'ajoo', u yadajoo' to'on ti ca' u yilajoo' u yaj xa'num a Dios ti ca'an ich jabix n&#252;m&#252;l. Aalbi ti'ijoo' ti ca' cuxlaji a Jesusu,&#8212; cu t'an. 24&#8212;Yan tiqui yaam a binoo' u yila' a naj tunich tuba mucbi a Jesusu. Ca' u yilajoo' a naj tunichi, quet ilic jabix u yadajoo' a nooch'upu. C'u' betiqui, ma' u yilajoo' a Jesus a binoo' te'iji,&#8212; cu t'an ti'i a Jesusu. 25&#8212;Top chiche'ex a pol. Top ch&#252;cyajil ti walaque'ex a tz'ocsic tulacal a c'u' u tz'iibtajoo' boon tuul u yadajoo' u t'an a Dios uchi,&#8212; cu t'an a Jesus ti'ijoo'o. 26&#8212;Le'ec a Cristojo, yan u c'&#252;mic a yaj u c'&#252;maja. Yan ilic u c'&#252;mic u yanil ti ca'an,&#8212; cu t'an a Jesusu.#Hch 17:3; Fil 2:6-11; 1 P 1:11 27U tzicbaltaj ti'ijoo' biqui'il a tz'iiba'an yoc'ol ilic u bajil ichil u ju'um a Dioso. Caji etel c'u' u tz'iibtaj aj Moises y etel c'u' a tz'iiba'an u men boon tuul u yadajoo' u t'an a Dios uchi.#Gn 3:15; Gn 22:18; Gn 26:4; Nm 21:9; Sal 16:9; Sal; 22; Jer 23:5; Jer 33:14; Ez 34:23; Ez 37:25; Dn 9:24; Mi 7:20</div><div class="p"> 28Pues te'i. Cajoo' ti naatz'&#252;l ti a caj tuba tanoo' u beele. Le'ec a Jesusu, u betaj jabix mas naach tuba u beel ala'aji. 29C'u' betic ala'oo'o, ma' u cha'ajoo' ca' mas xi'ic. &#8212;Culen tiqui wetel. Watac u yocol a ac'&#252;'&#252;. Mani tun a q'uini,&#8212; cu t'anoo' ti'i. Culaji eteloo'.#Gn 32:26</div><div class="p"> 30Pues te'i. Le'ec ti que'en pach mesa eteloo'o, u ch'a'aj a waja. U c'ajsaj a Dios yoc'ol. U xet'aj. U tz'aj ti'ijoo'. 31Tz'abi ti'ijoo' ca' u c'aj-oolte u wich a Jesusu. Jadi' ca' u c'aj-ooltajoo' u wichi, s&#252;tchinbil te'i. 32&#8212;Le'ec ti tan u tzicbaltic u t'an a Dios tiqui wetel ti beje, ti wu'yaj ti jabix top qui' u yool ti p&#252;s&#252;c'ala,&#8212; cu t'anoo' tu bajil. 33Tu seebal lic'oo' pach mesa. Usc'ajoo' ich caj Jerusalen. Le'ec ti c'ochoo'o, u c&#252;xtajoo' ti much'a'anoo' a once tuul eteloo' u chucaan a tanoo' u tz'ocsaj t'ana. 34&#8212;Tu jajil ca' cuxlaji a Noochtzili,&#8212; cu t'anoo' u yaalb&#252;l a ca' tuulu. &#8212;U ye'aj u bajil ti'i aj Simon,&#8212; cu t'anoo' u yaalb&#252;l.#1 Co 15:5 35Le'ec a ca' tuulu, u yadaj ti'ijoo' c'u' a mani ti'ijoo' ti beje, biqui ca' u c'aj-ooltajoo' u wich a Jesus ti tan u xet'ic a waja.</div><div class="s1">A Jesusu, u ye'aj u bajil ti'ijoo' u yaj cambal.</div><div class="p"> 36Pues te'i. Tanoo' to u yadic abe' a ca' tuulu, ti ca' u ye'aj u bajil a Jesus ti'ijoo'o. U dioostajoo' a much'a'anoo' te'iji. &#8212;Jetz'a'anaque'ex a wool,&#8212; cu t'an ti'ijoo'. 37C'u' betiqui, jac'oo' u yool. Saacajoo'. Tanoo' u tuclic ti chen pixan a tanoo' u yiliqui. 38&#8212;&#191;C'u' ca'a jac'a'ane'ex a wool? &#191;C'u' ca'a top tane'ex a tucul? 39Ile'ex in c'&#252;' in woc ti le'ec inen ilic a Jesus a tane'ex a wiliqui. T&#252;lene'ex. Cha'antene'ex. Le'ec a pixana, ma' yan u b&#252;q'uel u baquel a jabix a tane'ex a wilic a yan tene,&#8212; cu t'an a Jesus ti'ijoo'o. 40Le'ec ca' u yadaj abe' ti'ijoo'o, u ye'aj u c'&#252;' u yoc ti'ijoo'. 41Qui'oo' u yool, pero sa'too' ilic u yool u men ma'ax to u tz'oquesoo' wa le'ec tu jajil. &#8212;&#191;Yan wa a janal wa'ye'e?&#8212; cu t'an ti'ijoo'. 42U tz'ajoo' ti'i tz'eec a c'aac'a'an ch'ilama, y a caba. 43U m&#252;chaj. U jantaj tu taanoo'.#Hch 10:41 44&#8212;Le'ec a c'u' a betabi tene, le'ec in wadaj te'ex ti que'enen to ta yaame'exe. &#8220;Tulacal a c'u' a tz'iiba'an tin woc'ol ichil a ley u tz'iibtaj aj Moisese, ichil u tz'iib boon tuul u yadaj u t'an a Dios uchi etel a tz'iiba'an tin woc'ol ichil a Salmojo#24.44 Psalms, yan u yuchul ten,&#8221; queen te'ex biq'uin ado'o,&#8212; cu t'an a Jesus ti'ijoo'o.#Mt 16:21; Mr 8:31,32; Mr 9:31; Lc 9:22; Lc 18:31,32 45Mas pachili, u tz'aj ti'ijoo' ca' u ch'a'oo' u tojil u t'an a Dioso.#Hch 16:14; 2 Co 4:6 46&#8212;Tz'iiba'an ichil u ju'um a Dios ti yan u c'&#252;mic a yaj a Cristojo, y ti'i u yox p'eel q'uin, yan u ca' cuxtal tu yaamoo' a quimene,&#8212; cu t'an a Jesus ti'ijoo'o. 47&#8212;Inene, Cristojen. Tan in wadic te'ex. Yan u yaalb&#252;l ti'ijoo' a cristiano ca' u jeloo' u tucul ti'i ca' sa'tesab&#252;coo' u sip'il. Yan u caal aalb&#252;l abe' ich caj Jerusalen ca' tun aalb&#252;c tulacal tubajac yoc'olcab,&#8212; cu t'an a Jesus ti'ijoo'o.#Dn 9:24; Hch 13:38; 1 Jn 2:12; Gn 12:3; Sal 22:27; Is 49:6; Jer 31:34; Os 2:23; Mi 4:2; Mal 1:11; Ga 3:28 48&#8212;Inche'exe, testigoje'ex yoc'ol abe'e.#Jn 15:27; Hch 1:22 49U'yeene'ex. Bel in quin t&#252;caa'te te'ex c'u' u yadaj u tz'eec te'ex in Tata, le'ec u P&#252;s&#252;c'al. C'u' betiqui, ca' culaque'ex ich caj asto u yudel u P&#252;s&#252;c'al a Dios ti'i ca' u tz'aa'e'ex u muc' a t'an. Ti ca'an tali a muc' abe'e,&#8212; cu t'an a Jesus ti'ijoo'o.#Is 44:3; Jl 2:28; Jn 14:16,17; Jn 15:26; Hch 2:1</div><div class="s1">Naq'ui a Jesus ti ca'an.</div><div class="p"> 50Pues te'i. Le'ec a Jesusu, u bensajoo' u yaj tz'ocsaj t'an ma' naach ti a caj Betaniaja. U nac'saj u c'&#252;'. U qui'qui't'antajoo'. 51Le'ec ti tan to u qui'qui't'anticoo'o, joq'ui tu yaamoo'. Bensabi ti ca'an.#2 R 2:11; Ef 1:20</div><div class="p"> 52Pues te'i. U ye'ajoo' ti top nooch u yanil a Jesus ca' tun usc'ajoo' ich caj Jerusalen. Top qui'oo' u yool tu jajil ti tanoo' u yusc'al. 53Boch que'enoo' ichil u yotoch a Dios u yadicoo' u qui'il a Dioso. Wa'ye' jobi a t'ana.#Hch 2:46</div>
 </div>
 </div>
</div>

Pues te'i. Tan u jaabül a yoc'olcab ti Domingo. Binoo' a nooch'up ti a naj tunichi. Tanoo' u bensic a boc u yutzquintajoo'o. Le'ec ti c'ochoo'o, u yilajoo' ti ac c'oc'lesaja'an a tunich a que'en tu chi' a naj tunich tuba mucbi a Jesusu. Ocoo' ichil a naj tunichi. Ma' u cüxtajoo' u büq'uel a Noochtzil Jesus te'iji. Sa'too' u yool u men abe'e. Tu seebal chiclajoo' ca' tuul a winic te'iji. Naach u sac u noc' a ca' tuulu. Jac'oo' u yool ix ch'upu. U chincuntajoo' u pol. —¿C'u' ca'a tane'ex a yaaltic a cüxte a cuxlaji tu yaamoo' a quimene?— cu t'anoo' ti'i a nooch'upu.—Ma' wa'ye' que'eni. Ca' cuxlaji. Ca' c'aac te'ex c'u' u yadaj te'ex le'ec ti que'en to cuenta Galilea. U yadaj te'ex ti le'ec ala'i a yanaji ti cristianojili, yan u c'ubbul tu c'ü'oo' a yanoo' u sip'il ti'i a Dioso. Yan u quimsabül tuwich cruz. Yan ilic u ca' cuxtal tu yox p'eel q'uin. Baalo' u yadaj te'ex,— cu t'anoo' ti'i a nooch'upu. C'ajchinbil ti'ijoo' u t'an a Jesusu.
Pues te'i. Joc'oo' ichil a naj tunichi. Binoo' tuba much'ca'aloo' a once tuul eteloo' u chucaan aj tz'ocsaj t'ana. Le'ecoo' a nooch'upu, u yadajoo' ti'i tulacal a c'u' a maniji. Le'ecoo' ix ch'up u yilajoo' abe'e, le'ec ixna' Maria Magdalena etel ixna' Juana, ixna' Maria le'ec u na' aj Jacobo, y ulaac'oo' ix ch'upu. U laj adajoo' c'u' a maniji. Le'ec boon tuul u yubajoo' u t'an ix ch'upu, chen cuenta tu t'anoo'. Ma' u tz'ocsajoo' u t'ani. C'u' betiqui, liq'ui aj Pedrojo. Bini ti alca' u yila' a naj tunichi. Le'ec ti uchi u cha'an ichili, jadi' a noc' u tepbeeb u yilaj te'i. Le'ec ti tan u beele, sa'ti u yool etel a c'u' u yilaja.

Pues te'i. Ti'i ilic a q'uin abe'e, tanoo' u beel ich caj Emaus ca' tuul u yaj cambal a Jesusu. Jabix wal once kilometro u naachil tu tzeel a caj Jerusalen. Le'ec a ca' tuulu, tanoo' u tzicbaltic tulacal a c'u' a mani ti tanoo' u beel. Naatz'i a Jesus tu tzeeloo' ti tanoo' u tzicbaltic abe'e. U yet'octajoo' ti bej. Ma' tz'abi ti'ijoo' ca' u c'aj-ooltoo' u wich a Jesusu.—¿C'u' a tane'ex a tzicbaltiqui? ¿C'u' ca'a yaje'ex a wool?— cu t'an ti'ijoo' a ca' tuulu. Jun tuulu, aj Cleofas u c'aba'. U nuuctaj a Jesusu. —Chen wal inchech a tan a sut ich caj Jerusalen a ma' a weel c'u' a mani te'iji,— cu t'an ti'i a Jesusu.—¿C'u' a mani te'iji?— cu t'an ti'ijoo'. —Le'ec a c'u' a mani ti'i a Jesus a tali ich caj Nazaret. Ala'aji, le'ec jun tuul u yadaj u t'an a Dioso. Top quich'pan u yadaj y u betaj tu taan a Dios y tu taan tulacaloo' a cristianojo,— cu t'an aj Cleofas ti'iji.—Le'ecoo' u noochil aj mansaj t'an to'on ti'i a Dios u yet'ocoo' a nucuch winic ti'i a caja, u c'ubajoo' a Jesus ti'i ca' aalbüc u quimil ca' tun quimsabi tuwich cruz,— cu t'an ti'i a Jesusu.—Ti tuclaj ino'on ti le'ec a Jesusu, bel cuchi u ca'a u sa'alto'on boono'on aj Israele. Ox p'e q'uin tun uchuc abe'e, y aleebe u sa'tesajoo' ti wool ix ch'up a que'enoo' tiqui yaama. Le'ec ti tan u jaabül a yoc'olcaba, que'enoo' tuba mucbi a Jesusu,— cu t'an. —Ma' u cüxtajoo' a Jesusi. Le'ec ti usc'ajoo', u yadajoo' to'on ti ca' u yilajoo' u yaj xa'num a Dios ti ca'an ich jabix nümül. Aalbi ti'ijoo' ti ca' cuxlaji a Jesusu,— cu t'an. —Yan tiqui yaam a binoo' u yila' a naj tunich tuba mucbi a Jesusu. Ca' u yilajoo' a naj tunichi, quet ilic jabix u yadajoo' a nooch'upu. C'u' betiqui, ma' u yilajoo' a Jesus a binoo' te'iji,— cu t'an ti'i a Jesusu. —Top chiche'ex a pol. Top chücyajil ti walaque'ex a tz'ocsic tulacal a c'u' u tz'iibtajoo' boon tuul u yadajoo' u t'an a Dios uchi,— cu t'an a Jesus ti'ijoo'o. —Le'ec a Cristojo, yan u c'ümic a yaj u c'ümaja. Yan ilic u c'ümic u yanil ti ca'an,— cu t'an a Jesusu. U tzicbaltaj ti'ijoo' biqui'il a tz'iiba'an yoc'ol ilic u bajil ichil u ju'um a Dioso. Caji etel c'u' u tz'iibtaj aj Moises y etel c'u' a tz'iiba'an u men boon tuul u yadajoo' u t'an a Dios uchi.
Pues te'i. Cajoo' ti naatz'ül ti a caj tuba tanoo' u beele. Le'ec a Jesusu, u betaj jabix mas naach tuba u beel ala'aji. C'u' betic ala'oo'o, ma' u cha'ajoo' ca' mas xi'ic. —Culen tiqui wetel. Watac u yocol a ac'ü'ü. Mani tun a q'uini,— cu t'anoo' ti'i. Culaji eteloo'.
Pues te'i. Le'ec ti que'en pach mesa eteloo'o, u ch'a'aj a waja. U c'ajsaj a Dios yoc'ol. U xet'aj. U tz'aj ti'ijoo'. Tz'abi ti'ijoo' ca' u c'aj-oolte u wich a Jesusu. Jadi' ca' u c'aj-ooltajoo' u wichi, sütchinbil te'i. —Le'ec ti tan u tzicbaltic u t'an a Dios tiqui wetel ti beje, ti wu'yaj ti jabix top qui' u yool ti püsüc'ala,— cu t'anoo' tu bajil. Tu seebal lic'oo' pach mesa. Usc'ajoo' ich caj Jerusalen. Le'ec ti c'ochoo'o, u cüxtajoo' ti much'a'anoo' a once tuul eteloo' u chucaan a tanoo' u tz'ocsaj t'ana. —Tu jajil ca' cuxlaji a Noochtzili,— cu t'anoo' u yaalbül a ca' tuulu. —U ye'aj u bajil ti'i aj Simon,— cu t'anoo' u yaalbül. Le'ec a ca' tuulu, u yadaj ti'ijoo' c'u' a mani ti'ijoo' ti beje, biqui ca' u c'aj-ooltajoo' u wich a Jesus ti tan u xet'ic a waja.

Pues te'i. Tanoo' to u yadic abe' a ca' tuulu, ti ca' u ye'aj u bajil a Jesus ti'ijoo'o. U dioostajoo' a much'a'anoo' te'iji. —Jetz'a'anaque'ex a wool,— cu t'an ti'ijoo'. C'u' betiqui, jac'oo' u yool. Saacajoo'. Tanoo' u tuclic ti chen pixan a tanoo' u yiliqui. —¿C'u' ca'a jac'a'ane'ex a wool? ¿C'u' ca'a top tane'ex a tucul? Ile'ex in c'ü' in woc ti le'ec inen ilic a Jesus a tane'ex a wiliqui. Tülene'ex. Cha'antene'ex. Le'ec a pixana, ma' yan u büq'uel u baquel a jabix a tane'ex a wilic a yan tene,— cu t'an a Jesus ti'ijoo'o. Le'ec ca' u yadaj abe' ti'ijoo'o, u ye'aj u c'ü' u yoc ti'ijoo'. Qui'oo' u yool, pero sa'too' ilic u yool u men ma'ax to u tz'oquesoo' wa le'ec tu jajil. —¿Yan wa a janal wa'ye'e?— cu t'an ti'ijoo'. U tz'ajoo' ti'i tz'eec a c'aac'a'an ch'ilama, y a caba. U müchaj. U jantaj tu taanoo'.—Le'ec a c'u' a betabi tene, le'ec in wadaj te'ex ti que'enen to ta yaame'exe. “Tulacal a c'u' a tz'iiba'an tin woc'ol ichil a ley u tz'iibtaj aj Moisese, ichil u tz'iib boon tuul u yadaj u t'an a Dios uchi etel a tz'iiba'an tin woc'ol ichil a Salmojo, yan u yuchul ten,” queen te'ex biq'uin ado'o,— cu t'an a Jesus ti'ijoo'o. Mas pachili, u tz'aj ti'ijoo' ca' u ch'a'oo' u tojil u t'an a Dioso.—Tz'iiba'an ichil u ju'um a Dios ti yan u c'ümic a yaj a Cristojo, y ti'i u yox p'eel q'uin, yan u ca' cuxtal tu yaamoo' a quimene,— cu t'an a Jesus ti'ijoo'o. —Inene, Cristojen. Tan in wadic te'ex. Yan u yaalbül ti'ijoo' a cristiano ca' u jeloo' u tucul ti'i ca' sa'tesabücoo' u sip'il. Yan u caal aalbül abe' ich caj Jerusalen ca' tun aalbüc tulacal tubajac yoc'olcab,— cu t'an a Jesus ti'ijoo'o.—Inche'exe, testigoje'ex yoc'ol abe'e. U'yeene'ex. Bel in quin tücaa'te te'ex c'u' u yadaj u tz'eec te'ex in Tata, le'ec u Püsüc'al. C'u' betiqui, ca' culaque'ex ich caj asto u yudel u Püsüc'al a Dios ti'i ca' u tz'aa'e'ex u muc' a t'an. Ti ca'an tali a muc' abe'e,— cu t'an a Jesus ti'ijoo'o.

Pues te'i. Le'ec a Jesusu, u bensajoo' u yaj tz'ocsaj t'an ma' naach ti a caj Betaniaja. U nac'saj u c'ü'. U qui'qui't'antajoo'. Le'ec ti tan to u qui'qui't'anticoo'o, joq'ui tu yaamoo'. Bensabi ti ca'an.
Pues te'i. U ye'ajoo' ti top nooch u yanil a Jesus ca' tun usc'ajoo' ich caj Jerusalen. Top qui'oo' u yool tu jajil ti tanoo' u yusc'al. Boch que'enoo' ichil u yotoch a Dios u yadicoo' u qui'il a Dioso. Wa'ye' jobi a t'ana.

گوێگرتن لە San Lucas 24