यहुन्ना 3
3
यीशु जां नीकुदेमुस
1फरीसिया मझ अक नीकुदेमुस नाँईयेरा मैहणु थ्या, जै यहूदिया केरा धार्मिक अगुवा थ्या। 2नीकुदेमुस रातिरै टैंमा यीशु किनि या जां बौलु, “हे गुरू! मूं पता, कि तु परमेश्वरेरी तरफों असुनि शिख्रांणनी यौउरा, केईनी कि जै कौ ऐतियै चमत्कार लुहाता, अगर परमेश्वर तैस सेईतै ना भुईया ता सै ऐन्हां ना लुहाय सकता।”
3यीशु तेसनी उत्तर दिता, “आंउ ताउ सिंउ सच-सच बोलता, कौ बि परमेश्वरैरा राज्य ना तका सकता ज्यो-तेईनी सै दुबारा जन्म ना लिया।” 4नीकुदेमुसै यीशुनि बौलु, “जेख्णी अक मैहणु बुढी गांहथा ता, सै दुबारे किहीं जन्म लै सकता? क्या सै दुबारे अपड़ि मयिरू पैटा मझ गहि करि जन्म लै सकता?”
5यीशु तेसनी उत्तर दित्ता, “आंउ ताउ सेईतै सच-सच बोलता, ज्यो-तेईनी मैहणु पांणी जां पवित्र आत्माय ला जन्म ना लिया त्यो-तेईनी कौ बि परमेश्वरेरै राज्य मझ ना गहि सकता। 6केईनी कि जेसैरा जन्म मयि-बबा किना भौरा सै शरीर आ, जां जेसैरा पवित्र आत्माय ला जन्म भौरा सैहै दुबारे जन्म लींणा आ। 7मिंडी बोलोरी गलै पन हैरान मेईं भौ कि ताउ फिरी दुबारे जन्म लींणा पूंणा। 8ऐ हवायरी अपड़ि मर्जी आ, जेदि सै चंलणा चांहथी तेदि चलणा लगती, जां तु तेसैरी आवाज शुणता पण ऐ ना शुणा सकता कि सै कोधोरै यैई जां कोदि आ गांहथी? जैस कोसेरा जन्म पवित्र आत्माय ला भौरा, सै ऐतिया ऐ आ।”
9नीकुदेमुसै यीशु किना पुच्छु कि, “ऐ गलै किहीं भौ सकती?” 10ऐ शुणि करि यीशु तेसनी उत्तर दित्ता, “तु इस्राएलिया केरा गुरू भौ करि बि ऐन्हां गला ना समझता?” 11आंउ तुहां सिंउ सच-सच बोलता कि, असु जै पता भूंता सैहै बोलतै, जां जै असै तकांतै तेसैरी गवाहि दींतै पण तुवे मैहणु सच्ची गवाहि पन विश्वास ना कातै। 12जेख्णी मीं तुहां सेईतै संसारेरी गलै की ता तुहां विश्वास ना भुआ, पण अगर आंउ तुहां सिंउ स्वर्गेरी गलै करूं ता तुहां किहीं विश्वास कांना? 13कौ स्वर्गनि ना ग्या, सिर्फ मैहणुरा पुत्र मतलब आंउ जै स्वर्गा किना उतरि करि यौउरा। 14जां जिहीं मूसै सुनसान जगाय मझ पित्तऐरा बंणौरा कीड़ा उथड़ि जगाय टंगा, तिहियें मैहणुरा पुत्र मतलब आंउ बि उथड़ि जगाय टंगियूंणा जरूरी आ। 15ताकि जै कौ मूं पन विश्वास करिया तेसनी अनन्त जीवन मेईया।
16“केईनी कि परमेश्वरै संसारेरै मैहणुवां सिंउ यौउता प्रेम केया कि तेनी अपड़ा इकलौता पुत्र तेन्हैरै तेईनी बलिदान करि दित्ता, ताकि हर-अक मैहणु जै कौ तैस पन विश्वास करिया तेसैरा नाश ना भुईया पण तेसनी अनन्त जीवन मेईया।” 17केईनी कि “परमेश्वरै अपड़ा पुत्र संसारा मझ ऐठणीरै तेईनी ना भेईजा कि सै संसारैरा पापिया मैहणुवंनी सजायरी आज्ञा दिया, पण ऐठणीरै तेईनी भेईजा कि संसारैरा मैहणुवां केरा तेसेरै जरियै उद्धार भुईया। 18जै कौ परमेश्वरेरै पुत्रा पन विश्वास काता तैस पन सजायरी आज्ञा ना भूंती, पण जै तैस पन विश्वास ना काता, सै दोषी मनि गियौरा; केईनी कि तेनी परमेश्वरेरै इकलौतै पुत्रा पन विश्वास ना केया। 19सजायरी आज्ञायरा कारण ऐ आ कि ज्योति इस संसारा मझ यैई, जां मैहणुवें अंधारू ज्योति किना जादु प्यारू मनु, केईनी कि तेन्हैरै कम बुरै थ्यै। 20केईनी कि जै मैहणु पाप काता सै ज्योति सेईतै बैर काता, जां सै ज्योति नीड़ ऐठणीरै तेईनी ना ऐईंता कि किहीं-क्यै तेन्हैरै पाप सांमणै ना चलि ऐईछिया। 21पण जै मैहणु सच्चाई पन चलता सै ज्योति नीड़ ऐईंता ताकि तेसेरै कम लाधी चलि ऐईछिया कि ऐ परमेश्वरेरी तरफ सिंउ भोरै अत्तै।”
यीशुरै बारै मझ यूहन्नेरी गवाहि
22ऐठां किना बाद यीशु अपड़ा चैला सेईतै यहूदिया प्रदेशा मझ चलि या; जां तैड़ि सै तैन्हांं सेईतै बेशि करि मैहणुवंनी बपतिस्मा दींणा लगा। 23जां यूहन्ना बि सामरियै जिलै मझ शलेम नगरा नीड़ ऐनोन नाँईयेरै ग्राँईयां मझ बपतिस्मा दिईंथ्या, केईनी कि तैठि बड़ु पांणी थियु जां मैहणु तैठि अईछी करि बपतिस्मा लिईंथ्यै। 24केईनी कि ऐ तैस टैंमेरी गल आ, जेख्णी यूहन्ना बन्दी बंणा करि केईद ना थ्या क्यौरा। 25अक यहूदी तैठि यूहन्नेरै चैला किना पांणी ला शुद्धीकरणैरी विधिरै बारै मझ स्पष्टीकरण चांहथा थ्या। 26ऐठणीरै तेईनी यूहन्नेरै चैलै तैस किनि यै जां बौलु, “हे गुरू! जै मैहणु यरदन नदिरी पूर्व दिशाय मझ तुहां सेईतै थ्या, जां जेसेरै बारै मझ तुहैं बोलोरू थियु सै मैहणु बपतिस्मा दींता, जां सभ मैहणु तैस किनि बपतिस्मा लींणनी गांहथै अत्तै।”
27यूहन्ने उत्तर दित्ता, ज्यो तेईनी कोसक्यै मैहणुनी स्वर्गा किना ना दियो, त्यो तेईनी सै किछ बिना पा सकता। 28तुवे सभ मिंडै गवाह अत्तै कि मीं बोलोरू थिउ, आंउ मसीह ना, पण आंउ तैस पेहिलै भेईजौरा। 29लाड़ा लाड़ी सेईतै ब्याह करि लींता, पण लाड़ैरा मित्तर खड़ा भूंता जां सै तेसैरी गल शुणता, जां तेसैरी आवाजि ला बड़ा खुश भूंता। मिंडी ऐ खुशी ऐतेई ऐ आ जै अबै पूरी भुई। 30जरूरी आ कि सै होरा जादा खास भूंणा चेहिंथा पण आंउ तैस किना खास न बंणु।
31“जै स्वर्गा किना ऐईंता सै सभनियांं किना महान आ, जां जै धरती किना ऐईंता, सै धरती सिंउ जुड़ौरा, ऐठणीरै तेईनी सै धरतिरीयै गलै काता, जां जै स्वर्गा किना उतरौरा सै सारा किना महान आ। 32तेनी जै किछ तकाउ जां शुंणु, सै तेसैरी गवाहि दींता, पण बड़ै घट मैहणु तेसैरा विषैक शुंणतै। 33पण जेनि मैहणु तेसेरै बिषैका पन विश्वास केया, सै ऐस गलै साबित करि बेठौरा कि परमेश्वर सच्चा।
34केईनी कि जै परमेश्वरै भेईजौरा, सै परमेश्वरेरी ऐ गलै लांता; केईनी कि ऐ सैकियाऐ आ जैसनि परमेश्वरै पवित्र आत्मा पूरी तराहि सिंउ दितौरा। 35पिता परमेश्वर अपड़ै पुत्रा सेईतै प्रेम काता, जां तेनी सभ किछ तेसेरै अधिकारा मझ दी दितोरू आ। 36ऐठणीरै तेईनी जै कौ परमेश्वरेरै पुत्रा पन विश्वास काता, तेसनी ऐ अनन्त जीवन मेईंणा, पण जै मैहणु परमेश्वरैरै पुत्रेरी गल न मनता तेसनी अनन्त जीवन ना मेईंणा, पण परमेश्वरा तेसनी अनन्त कालैरी सजा दींणी।”
دیاریکراوەکانی ئێستا:
यहुन्ना 3: CDJNT
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
यहुन्ना 3
3
यीशु जां नीकुदेमुस
1फरीसिया मझ अक नीकुदेमुस नाँईयेरा मैहणु थ्या, जै यहूदिया केरा धार्मिक अगुवा थ्या। 2नीकुदेमुस रातिरै टैंमा यीशु किनि या जां बौलु, “हे गुरू! मूं पता, कि तु परमेश्वरेरी तरफों असुनि शिख्रांणनी यौउरा, केईनी कि जै कौ ऐतियै चमत्कार लुहाता, अगर परमेश्वर तैस सेईतै ना भुईया ता सै ऐन्हां ना लुहाय सकता।”
3यीशु तेसनी उत्तर दिता, “आंउ ताउ सिंउ सच-सच बोलता, कौ बि परमेश्वरैरा राज्य ना तका सकता ज्यो-तेईनी सै दुबारा जन्म ना लिया।” 4नीकुदेमुसै यीशुनि बौलु, “जेख्णी अक मैहणु बुढी गांहथा ता, सै दुबारे किहीं जन्म लै सकता? क्या सै दुबारे अपड़ि मयिरू पैटा मझ गहि करि जन्म लै सकता?”
5यीशु तेसनी उत्तर दित्ता, “आंउ ताउ सेईतै सच-सच बोलता, ज्यो-तेईनी मैहणु पांणी जां पवित्र आत्माय ला जन्म ना लिया त्यो-तेईनी कौ बि परमेश्वरेरै राज्य मझ ना गहि सकता। 6केईनी कि जेसैरा जन्म मयि-बबा किना भौरा सै शरीर आ, जां जेसैरा पवित्र आत्माय ला जन्म भौरा सैहै दुबारे जन्म लींणा आ। 7मिंडी बोलोरी गलै पन हैरान मेईं भौ कि ताउ फिरी दुबारे जन्म लींणा पूंणा। 8ऐ हवायरी अपड़ि मर्जी आ, जेदि सै चंलणा चांहथी तेदि चलणा लगती, जां तु तेसैरी आवाज शुणता पण ऐ ना शुणा सकता कि सै कोधोरै यैई जां कोदि आ गांहथी? जैस कोसेरा जन्म पवित्र आत्माय ला भौरा, सै ऐतिया ऐ आ।”
9नीकुदेमुसै यीशु किना पुच्छु कि, “ऐ गलै किहीं भौ सकती?” 10ऐ शुणि करि यीशु तेसनी उत्तर दित्ता, “तु इस्राएलिया केरा गुरू भौ करि बि ऐन्हां गला ना समझता?” 11आंउ तुहां सिंउ सच-सच बोलता कि, असु जै पता भूंता सैहै बोलतै, जां जै असै तकांतै तेसैरी गवाहि दींतै पण तुवे मैहणु सच्ची गवाहि पन विश्वास ना कातै। 12जेख्णी मीं तुहां सेईतै संसारेरी गलै की ता तुहां विश्वास ना भुआ, पण अगर आंउ तुहां सिंउ स्वर्गेरी गलै करूं ता तुहां किहीं विश्वास कांना? 13कौ स्वर्गनि ना ग्या, सिर्फ मैहणुरा पुत्र मतलब आंउ जै स्वर्गा किना उतरि करि यौउरा। 14जां जिहीं मूसै सुनसान जगाय मझ पित्तऐरा बंणौरा कीड़ा उथड़ि जगाय टंगा, तिहियें मैहणुरा पुत्र मतलब आंउ बि उथड़ि जगाय टंगियूंणा जरूरी आ। 15ताकि जै कौ मूं पन विश्वास करिया तेसनी अनन्त जीवन मेईया।
16“केईनी कि परमेश्वरै संसारेरै मैहणुवां सिंउ यौउता प्रेम केया कि तेनी अपड़ा इकलौता पुत्र तेन्हैरै तेईनी बलिदान करि दित्ता, ताकि हर-अक मैहणु जै कौ तैस पन विश्वास करिया तेसैरा नाश ना भुईया पण तेसनी अनन्त जीवन मेईया।” 17केईनी कि “परमेश्वरै अपड़ा पुत्र संसारा मझ ऐठणीरै तेईनी ना भेईजा कि सै संसारैरा पापिया मैहणुवंनी सजायरी आज्ञा दिया, पण ऐठणीरै तेईनी भेईजा कि संसारैरा मैहणुवां केरा तेसेरै जरियै उद्धार भुईया। 18जै कौ परमेश्वरेरै पुत्रा पन विश्वास काता तैस पन सजायरी आज्ञा ना भूंती, पण जै तैस पन विश्वास ना काता, सै दोषी मनि गियौरा; केईनी कि तेनी परमेश्वरेरै इकलौतै पुत्रा पन विश्वास ना केया। 19सजायरी आज्ञायरा कारण ऐ आ कि ज्योति इस संसारा मझ यैई, जां मैहणुवें अंधारू ज्योति किना जादु प्यारू मनु, केईनी कि तेन्हैरै कम बुरै थ्यै। 20केईनी कि जै मैहणु पाप काता सै ज्योति सेईतै बैर काता, जां सै ज्योति नीड़ ऐठणीरै तेईनी ना ऐईंता कि किहीं-क्यै तेन्हैरै पाप सांमणै ना चलि ऐईछिया। 21पण जै मैहणु सच्चाई पन चलता सै ज्योति नीड़ ऐईंता ताकि तेसेरै कम लाधी चलि ऐईछिया कि ऐ परमेश्वरेरी तरफ सिंउ भोरै अत्तै।”
यीशुरै बारै मझ यूहन्नेरी गवाहि
22ऐठां किना बाद यीशु अपड़ा चैला सेईतै यहूदिया प्रदेशा मझ चलि या; जां तैड़ि सै तैन्हांं सेईतै बेशि करि मैहणुवंनी बपतिस्मा दींणा लगा। 23जां यूहन्ना बि सामरियै जिलै मझ शलेम नगरा नीड़ ऐनोन नाँईयेरै ग्राँईयां मझ बपतिस्मा दिईंथ्या, केईनी कि तैठि बड़ु पांणी थियु जां मैहणु तैठि अईछी करि बपतिस्मा लिईंथ्यै। 24केईनी कि ऐ तैस टैंमेरी गल आ, जेख्णी यूहन्ना बन्दी बंणा करि केईद ना थ्या क्यौरा। 25अक यहूदी तैठि यूहन्नेरै चैला किना पांणी ला शुद्धीकरणैरी विधिरै बारै मझ स्पष्टीकरण चांहथा थ्या। 26ऐठणीरै तेईनी यूहन्नेरै चैलै तैस किनि यै जां बौलु, “हे गुरू! जै मैहणु यरदन नदिरी पूर्व दिशाय मझ तुहां सेईतै थ्या, जां जेसेरै बारै मझ तुहैं बोलोरू थियु सै मैहणु बपतिस्मा दींता, जां सभ मैहणु तैस किनि बपतिस्मा लींणनी गांहथै अत्तै।”
27यूहन्ने उत्तर दित्ता, ज्यो तेईनी कोसक्यै मैहणुनी स्वर्गा किना ना दियो, त्यो तेईनी सै किछ बिना पा सकता। 28तुवे सभ मिंडै गवाह अत्तै कि मीं बोलोरू थिउ, आंउ मसीह ना, पण आंउ तैस पेहिलै भेईजौरा। 29लाड़ा लाड़ी सेईतै ब्याह करि लींता, पण लाड़ैरा मित्तर खड़ा भूंता जां सै तेसैरी गल शुणता, जां तेसैरी आवाजि ला बड़ा खुश भूंता। मिंडी ऐ खुशी ऐतेई ऐ आ जै अबै पूरी भुई। 30जरूरी आ कि सै होरा जादा खास भूंणा चेहिंथा पण आंउ तैस किना खास न बंणु।
31“जै स्वर्गा किना ऐईंता सै सभनियांं किना महान आ, जां जै धरती किना ऐईंता, सै धरती सिंउ जुड़ौरा, ऐठणीरै तेईनी सै धरतिरीयै गलै काता, जां जै स्वर्गा किना उतरौरा सै सारा किना महान आ। 32तेनी जै किछ तकाउ जां शुंणु, सै तेसैरी गवाहि दींता, पण बड़ै घट मैहणु तेसैरा विषैक शुंणतै। 33पण जेनि मैहणु तेसेरै बिषैका पन विश्वास केया, सै ऐस गलै साबित करि बेठौरा कि परमेश्वर सच्चा।
34केईनी कि जै परमेश्वरै भेईजौरा, सै परमेश्वरेरी ऐ गलै लांता; केईनी कि ऐ सैकियाऐ आ जैसनि परमेश्वरै पवित्र आत्मा पूरी तराहि सिंउ दितौरा। 35पिता परमेश्वर अपड़ै पुत्रा सेईतै प्रेम काता, जां तेनी सभ किछ तेसेरै अधिकारा मझ दी दितोरू आ। 36ऐठणीरै तेईनी जै कौ परमेश्वरेरै पुत्रा पन विश्वास काता, तेसनी ऐ अनन्त जीवन मेईंणा, पण जै मैहणु परमेश्वरैरै पुत्रेरी गल न मनता तेसनी अनन्त जीवन ना मेईंणा, पण परमेश्वरा तेसनी अनन्त कालैरी सजा दींणी।”
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.