San Mateo 4
4
Guun ndoꞌo rá Síí Chre̱e tiha̱ꞌ yuꞌunj soꞌ man Jesús a
1Ga̱a ne̱ caꞌanj Jesús rej tacaan naco̱o̱, quiꞌyaj Nimán Yaꞌanj, cheꞌé rej caꞌve̱e gu̱un rá Síí Chre̱e tiha̱ꞌ yuꞌunj Síí Chre̱e man Jesús a.
2Ne̱ vi̱j chiha̱a̱ (40) ya̱ güii quisíj Jesús tocoꞌ Jesús xꞌnaa man maꞌa̱n soꞌ cheꞌé se aráj gue̱e̱ soꞌ rihaan Yaꞌanj, ga̱a ne̱ quinaꞌaan ndoꞌo rque Jesús a. 3Dan me se cuchiꞌ Síí Chre̱e rihaan Jesús, ga̱a ne̱ guun rá soꞌ tiha̱ꞌ yuꞌunj soꞌ man Jesús ado̱nj. Cheꞌé dan cataj soꞌ rihaan Jesús a:
―Sese ya̱ ya̱ Taꞌni̱j Yaꞌanj mé so̱ꞌ, ne̱ cata̱j so̱ꞌ rihaan nij yahij nihánj se vaa gu̱un nij yoꞌ rachrúún cha̱ so̱ꞌ á ―taj Síí Chre̱e rihaan Jesús a.
4Ga̱a ne̱ cataj Jesús rihaan Síí Chre̱e a:
―Tza̱j ne̱ Danj Yaꞌanj taj a: “Né ina̱nj se chá me se achiin rihaan yuvii̱, ne̱ caꞌve̱e ca̱yáán sa̱ꞌ yuvii̱ maꞌ. Tana̱nj achiin cunuda̱nj snana̱ Yaꞌanj cuno̱ yuvii̱, ne̱ veꞌé ca̱yáán yuvii̱ ado̱nj.” Ina̱nj da̱nj taj Danj Yaꞌanj ―taj Jesús rihaan Síí Chre̱e yoꞌ a.
5Ga̱a ne̱ caꞌanj nica̱j Síí Chre̱e man Jesús chumanꞌ gue̱e̱ chumanꞌ Jerusalén, ne̱ tacavii soꞌ man Jesús raa̱ nuvií noco̱o, 6ne̱ cataj soꞌ rihaan Jesús a:
―Sese ya̱ Taꞌni̱j Yaꞌanj mé so̱ꞌ, ne̱ güe̱j so̱ꞌ, ne̱ nani̱j gue̱e̱ so̱ꞌ rihaan yoꞌóó á. ꞌO̱ se Danj Yaꞌanj taj a:
Caꞌne̱ꞌ Yaꞌanj suun rihaan nij se‑mo̱zó soꞌ
se vaa tu̱mé nij soꞌ mán so̱ꞌ,
ne̱ ca̱ráán raꞌa nij soꞌ mán so̱ꞌ,
se̱ gaa na̱nj cano̱ tacóó so̱ꞌ yahij a,
da̱nj taj Danj Yaꞌanj ―taj Síí Chre̱e rihaan Jesús ado̱nj.
7Ga̱a ne̱ cataj Jesús rihaan soꞌ a:
―Tza̱j ne̱ ne nó xcúnj qui̱ꞌyáj da̱nj maꞌ ꞌO̱ se taj uún Danj Yaꞌanj a: “Se̱ guun ra̱ꞌyunj so̱ꞌ man Yaꞌanj Si̱j ꞌNi̱j Raꞌa man níꞌ ne̱ ti̱háꞌ so̱ꞌ man soꞌ maꞌ.” Ina̱nj da̱nj aꞌmii Danj Yaꞌanj rihaan níꞌ ado̱nj ―taj Jesús rihaan Síí Chre̱e a.
8Ga̱a ne̱ nica̱j Síí Chre̱e man Jesús caꞌanj soꞌ raa̱ ꞌo̱ quij xca̱a̱n ndoꞌo uún a. Ne̱ tihaa̱n soꞌ man nu̱ꞌ chumanꞌ noco̱o na̱j rihaan cunu̱ꞌ chumii̱ rihaan Jesús, ne̱ tihaa̱n soꞌ rihaan Jesús se vaa niꞌndaj ya̱ veꞌé vaa nu̱ꞌ chumanꞌ noco̱o yoꞌ ado̱nj. 9Dan me se cataj uún Síí Chre̱e rihaan Jesús a:
―Gu̱un chij so̱ꞌ rihaan cunuda̱nj chumanꞌ noco̱o na̱j rihaan chumii̱, qui̱ꞌyáá ꞌu̱nj, sese ca̱yáán ru̱j so̱ꞌ cara̱a̱ gue̱e̱ so̱ꞌ rihaan ꞌu̱nj á ―taj soꞌ rihaan Jesús a.
10Ga̱a ne̱ cataj xnaꞌanj Jesús rihaan Síí Chre̱e a:
―Naxu̱u̱n yaníj so̱ꞌ mán so̱ꞌ, Síí Chre̱e. ꞌO̱ se Danj Yaꞌanj taj a: “Rihaan Yaꞌanj Si̱j ꞌNi̱j Raꞌa man níꞌ cara̱a̱ gue̱e̱ so̱ꞌ, ne̱ rihaan o̱rúnꞌ soꞌ cu̱nuû so̱ꞌ na̱nj á.” Da̱nj taj Danj Yaꞌanj ado̱nj ―taj Jesús rihaan Síí Chre̱e a.
11Ga̱a ne̱ tanáj Síí Chre̱e man soꞌ, caꞌanj Síí Chre̱e, ga̱a ne̱ ta̱j niꞌyo̱n cuchiꞌ nij se‑mo̱zó Yaꞌanj rihaan Jesús, rqué nij soꞌ me maꞌa̱n se cachiin rihaan Jesús a.
Caꞌanj Jesús estadó Galilea a
12Ga̱a cuno Jesús se vaa taꞌaa nij tanuu man síí cuꞌna̱j Juan, caxríj tanuu tagaꞌ man soꞌ, ne̱ caꞌanj Jesús estadó Galilea, 13tza̱j ne̱ ne ca̱yáán soꞌ chumanꞌ Nazaret maꞌ. Cavii soꞌ chumanꞌ Nazaret yoꞌ, ne̱ caꞌanj soꞌ cayáán soꞌ chumanꞌ Capernaum chumanꞌ na̱j tuꞌva na laguaná a. Chumanꞌ yoꞌ naj rihaan toꞌóó nij taꞌníí taꞌnij siꞌno̱ síí cuꞌna̱j Zabulón do̱ꞌ, síí cuꞌna̱j Neftalí do̱ꞌ, síí ma̱n ga̱a naá a. 14Dan me se da̱nj quiꞌyaj Jesús caꞌanj soꞌ rej yoꞌ, ga̱a ne̱ quisíj ya̱ nu̱ꞌ nda̱a vaa cachrón síí cuꞌna̱j Isaías síí nataꞌ snana̱ Yaꞌanj ga̱a naá a:
15Toꞌóó xꞌneꞌ Zabulón do̱ꞌ, toꞌóó xꞌneꞌ Neftalí do̱ꞌ,
rej tuꞌva laguaná, rej rne̱j chráá Jordán,
yoꞌóó Galilea, rej ya̱nj nij síí yaníj roꞌ,
16yuvii̱ ya̱nj rej yoꞌ me se cachéé nij soꞌ rej rmi̱ꞌ,
tza̱j ne̱ chugu̱u̱n ndoꞌo queneꞌen nij soꞌ a.
Yuvii̱ ya̱nj rej aráán scachu̱nꞌ se ꞌyaj aviꞌ yuvii̱ roꞌ, rangaꞌ rihaan nij soꞌ ado̱nj,
da̱nj vaa cachrón Isaías ga̱a naá a.
17Ga̱a ne̱ guun cheꞌe̱ Jesús caꞌmii natáj soꞌ rihaan yuvii̱, ne̱ cataj soꞌ a:
―Nuchra̱nꞌ nimán soj ne̱ ta̱náj soj chrej chiꞌi̱i̱ á. ꞌO̱ se a̱j nichrunꞌ se vaa gu̱un chij Yaꞌanj ado̱nj ―da̱nj caꞌmii natáj Jesús rihaan nij yuvii̱ a.
Cataj Jesús rihaan caꞌa̱nj síí rii xcuaj se vaa canoco̱ꞌ nij soꞌ man Jesús a
18ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a. 19Ne̱ cataj Jesús rihaan ro̱j soꞌ a:
―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús rihaan ro̱j tinu̱j ro̱j soꞌ a.
20Ne̱ nu̱ꞌ tanáj ro̱j soꞌ xnánj ro̱j soꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.
21Veé dan, ne̱ cachéé nij soꞌ doj, ne̱ queneꞌen Jesús man yavíj ro̱j tinu̱j ro̱j soꞌ a. ꞌO̱ soꞌ me síí cuꞌna̱j Jacobo, ne̱ tinúú soꞌ me síí cuꞌna̱j Juan, ne̱ taꞌníí síí cuꞌna̱j Zebedeo me ro̱j tinu̱j ro̱j soꞌ a. Dan me se nu̱u̱ ro̱j soꞌ rque rihoo chéé rihaan na ga̱ rej ro̱j soꞌ síí cuꞌna̱j Zebedeo, ne̱ naquiꞌyaj sa̱ꞌ nij soꞌ nanj rii xcuaj, ne̱ canacúún Jesús man ro̱j tinu̱j ro̱j soꞌ canoco̱ꞌ ro̱j soꞌ man Jesús a. 22Veé dan, ne̱ nu̱ꞌ tanáj ro̱j soꞌ rihoo do̱ꞌ, rej ro̱j soꞌ do̱ꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.
Nahuun ndoꞌo yuvii̱, quiꞌyaj Jesús a
23Veé dan, ne̱ cachéé Jesús nu̱ꞌ estadó Galilea, ne̱ tucuꞌyón soꞌ snana̱ Yaꞌanj man nij yuvii̱ nuu chre̱ꞌ rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ rihaan nij yuvii̱ cheꞌé da̱j vaa uun chij Yaꞌanj a. Ne̱ nahuun cunuda̱nj nij yuvii̱ ranꞌ do̱ꞌ, cunuda̱nj nij yuvii̱ ninaj do̱ꞌ, quiꞌyaj soꞌ a. 24Ne̱ cuchiꞌ nana̱ cheꞌé soꞌ nu̱ꞌ estadó Siria, ga̱a ne̱ nica̱j ndoꞌo nij yuvii̱ tuviꞌ nij yuvii̱ síí ranꞌ ndoꞌo, caꞌanj nij yuvii̱ rej va̱j Jesús a. Dan me se nij yuvii̱ ranꞌ ndoꞌo quiꞌyaj chiꞌii̱ do̱ꞌ, nij yuvii̱ aꞌngaj ndoꞌo cúú man do̱ꞌ, nij yuvii̱ nu̱u̱ nana̱ chre̱e nimán do̱ꞌ, nij yuvii̱ ranꞌ chiꞌii̱ snúú do̱ꞌ, nij yuvii̱ naꞌvee cache̱e̱ do̱ꞌ, cuchiꞌ rihaan Jesús, quiꞌyaj tuviꞌ nij yuvii̱, ne̱ nahuun cunuda̱nj nij soꞌ, quiꞌyaj Jesús na̱nj ado̱nj. 25Veé dan, ne̱ canocoꞌ queꞌe̱e̱ ndoꞌo yuvii̱ man soꞌ, ne̱ dan me se yuvii̱ ma̱n estadó Galilea do̱ꞌ, yuvii̱ ma̱n rej cuꞌna̱j Chi̱ꞌ Chumanꞌ do̱ꞌ, yuvii̱ ma̱n chumanꞌ Jerusalén do̱ꞌ, yuvii̱ ma̱n estadó Judea do̱ꞌ, yuvii̱ ma̱n nda̱a rne̱j tuꞌva chráá cuꞌna̱j Jordán do̱ꞌ, canocoꞌ man soꞌ na̱nj ado̱nj.
دیاریکراوەکانی ئێستا:
San Mateo 4: trc
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Wycliffe Bible Translators, Inc. 2024 segunda versión electrónica
San Mateo 4
4
Guun ndoꞌo rá Síí Chre̱e tiha̱ꞌ yuꞌunj soꞌ man Jesús a
1Ga̱a ne̱ caꞌanj Jesús rej tacaan naco̱o̱, quiꞌyaj Nimán Yaꞌanj, cheꞌé rej caꞌve̱e gu̱un rá Síí Chre̱e tiha̱ꞌ yuꞌunj Síí Chre̱e man Jesús a.
2Ne̱ vi̱j chiha̱a̱ (40) ya̱ güii quisíj Jesús tocoꞌ Jesús xꞌnaa man maꞌa̱n soꞌ cheꞌé se aráj gue̱e̱ soꞌ rihaan Yaꞌanj, ga̱a ne̱ quinaꞌaan ndoꞌo rque Jesús a. 3Dan me se cuchiꞌ Síí Chre̱e rihaan Jesús, ga̱a ne̱ guun rá soꞌ tiha̱ꞌ yuꞌunj soꞌ man Jesús ado̱nj. Cheꞌé dan cataj soꞌ rihaan Jesús a:
―Sese ya̱ ya̱ Taꞌni̱j Yaꞌanj mé so̱ꞌ, ne̱ cata̱j so̱ꞌ rihaan nij yahij nihánj se vaa gu̱un nij yoꞌ rachrúún cha̱ so̱ꞌ á ―taj Síí Chre̱e rihaan Jesús a.
4Ga̱a ne̱ cataj Jesús rihaan Síí Chre̱e a:
―Tza̱j ne̱ Danj Yaꞌanj taj a: “Né ina̱nj se chá me se achiin rihaan yuvii̱, ne̱ caꞌve̱e ca̱yáán sa̱ꞌ yuvii̱ maꞌ. Tana̱nj achiin cunuda̱nj snana̱ Yaꞌanj cuno̱ yuvii̱, ne̱ veꞌé ca̱yáán yuvii̱ ado̱nj.” Ina̱nj da̱nj taj Danj Yaꞌanj ―taj Jesús rihaan Síí Chre̱e yoꞌ a.
5Ga̱a ne̱ caꞌanj nica̱j Síí Chre̱e man Jesús chumanꞌ gue̱e̱ chumanꞌ Jerusalén, ne̱ tacavii soꞌ man Jesús raa̱ nuvií noco̱o, 6ne̱ cataj soꞌ rihaan Jesús a:
―Sese ya̱ Taꞌni̱j Yaꞌanj mé so̱ꞌ, ne̱ güe̱j so̱ꞌ, ne̱ nani̱j gue̱e̱ so̱ꞌ rihaan yoꞌóó á. ꞌO̱ se Danj Yaꞌanj taj a:
Caꞌne̱ꞌ Yaꞌanj suun rihaan nij se‑mo̱zó soꞌ
se vaa tu̱mé nij soꞌ mán so̱ꞌ,
ne̱ ca̱ráán raꞌa nij soꞌ mán so̱ꞌ,
se̱ gaa na̱nj cano̱ tacóó so̱ꞌ yahij a,
da̱nj taj Danj Yaꞌanj ―taj Síí Chre̱e rihaan Jesús ado̱nj.
7Ga̱a ne̱ cataj Jesús rihaan soꞌ a:
―Tza̱j ne̱ ne nó xcúnj qui̱ꞌyáj da̱nj maꞌ ꞌO̱ se taj uún Danj Yaꞌanj a: “Se̱ guun ra̱ꞌyunj so̱ꞌ man Yaꞌanj Si̱j ꞌNi̱j Raꞌa man níꞌ ne̱ ti̱háꞌ so̱ꞌ man soꞌ maꞌ.” Ina̱nj da̱nj aꞌmii Danj Yaꞌanj rihaan níꞌ ado̱nj ―taj Jesús rihaan Síí Chre̱e a.
8Ga̱a ne̱ nica̱j Síí Chre̱e man Jesús caꞌanj soꞌ raa̱ ꞌo̱ quij xca̱a̱n ndoꞌo uún a. Ne̱ tihaa̱n soꞌ man nu̱ꞌ chumanꞌ noco̱o na̱j rihaan cunu̱ꞌ chumii̱ rihaan Jesús, ne̱ tihaa̱n soꞌ rihaan Jesús se vaa niꞌndaj ya̱ veꞌé vaa nu̱ꞌ chumanꞌ noco̱o yoꞌ ado̱nj. 9Dan me se cataj uún Síí Chre̱e rihaan Jesús a:
―Gu̱un chij so̱ꞌ rihaan cunuda̱nj chumanꞌ noco̱o na̱j rihaan chumii̱, qui̱ꞌyáá ꞌu̱nj, sese ca̱yáán ru̱j so̱ꞌ cara̱a̱ gue̱e̱ so̱ꞌ rihaan ꞌu̱nj á ―taj soꞌ rihaan Jesús a.
10Ga̱a ne̱ cataj xnaꞌanj Jesús rihaan Síí Chre̱e a:
―Naxu̱u̱n yaníj so̱ꞌ mán so̱ꞌ, Síí Chre̱e. ꞌO̱ se Danj Yaꞌanj taj a: “Rihaan Yaꞌanj Si̱j ꞌNi̱j Raꞌa man níꞌ cara̱a̱ gue̱e̱ so̱ꞌ, ne̱ rihaan o̱rúnꞌ soꞌ cu̱nuû so̱ꞌ na̱nj á.” Da̱nj taj Danj Yaꞌanj ado̱nj ―taj Jesús rihaan Síí Chre̱e a.
11Ga̱a ne̱ tanáj Síí Chre̱e man soꞌ, caꞌanj Síí Chre̱e, ga̱a ne̱ ta̱j niꞌyo̱n cuchiꞌ nij se‑mo̱zó Yaꞌanj rihaan Jesús, rqué nij soꞌ me maꞌa̱n se cachiin rihaan Jesús a.
Caꞌanj Jesús estadó Galilea a
12Ga̱a cuno Jesús se vaa taꞌaa nij tanuu man síí cuꞌna̱j Juan, caxríj tanuu tagaꞌ man soꞌ, ne̱ caꞌanj Jesús estadó Galilea, 13tza̱j ne̱ ne ca̱yáán soꞌ chumanꞌ Nazaret maꞌ. Cavii soꞌ chumanꞌ Nazaret yoꞌ, ne̱ caꞌanj soꞌ cayáán soꞌ chumanꞌ Capernaum chumanꞌ na̱j tuꞌva na laguaná a. Chumanꞌ yoꞌ naj rihaan toꞌóó nij taꞌníí taꞌnij siꞌno̱ síí cuꞌna̱j Zabulón do̱ꞌ, síí cuꞌna̱j Neftalí do̱ꞌ, síí ma̱n ga̱a naá a. 14Dan me se da̱nj quiꞌyaj Jesús caꞌanj soꞌ rej yoꞌ, ga̱a ne̱ quisíj ya̱ nu̱ꞌ nda̱a vaa cachrón síí cuꞌna̱j Isaías síí nataꞌ snana̱ Yaꞌanj ga̱a naá a:
15Toꞌóó xꞌneꞌ Zabulón do̱ꞌ, toꞌóó xꞌneꞌ Neftalí do̱ꞌ,
rej tuꞌva laguaná, rej rne̱j chráá Jordán,
yoꞌóó Galilea, rej ya̱nj nij síí yaníj roꞌ,
16yuvii̱ ya̱nj rej yoꞌ me se cachéé nij soꞌ rej rmi̱ꞌ,
tza̱j ne̱ chugu̱u̱n ndoꞌo queneꞌen nij soꞌ a.
Yuvii̱ ya̱nj rej aráán scachu̱nꞌ se ꞌyaj aviꞌ yuvii̱ roꞌ, rangaꞌ rihaan nij soꞌ ado̱nj,
da̱nj vaa cachrón Isaías ga̱a naá a.
17Ga̱a ne̱ guun cheꞌe̱ Jesús caꞌmii natáj soꞌ rihaan yuvii̱, ne̱ cataj soꞌ a:
―Nuchra̱nꞌ nimán soj ne̱ ta̱náj soj chrej chiꞌi̱i̱ á. ꞌO̱ se a̱j nichrunꞌ se vaa gu̱un chij Yaꞌanj ado̱nj ―da̱nj caꞌmii natáj Jesús rihaan nij yuvii̱ a.
Cataj Jesús rihaan caꞌa̱nj síí rii xcuaj se vaa canoco̱ꞌ nij soꞌ man Jesús a
18ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a. 19Ne̱ cataj Jesús rihaan ro̱j soꞌ a:
―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús rihaan ro̱j tinu̱j ro̱j soꞌ a.
20Ne̱ nu̱ꞌ tanáj ro̱j soꞌ xnánj ro̱j soꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.
21Veé dan, ne̱ cachéé nij soꞌ doj, ne̱ queneꞌen Jesús man yavíj ro̱j tinu̱j ro̱j soꞌ a. ꞌO̱ soꞌ me síí cuꞌna̱j Jacobo, ne̱ tinúú soꞌ me síí cuꞌna̱j Juan, ne̱ taꞌníí síí cuꞌna̱j Zebedeo me ro̱j tinu̱j ro̱j soꞌ a. Dan me se nu̱u̱ ro̱j soꞌ rque rihoo chéé rihaan na ga̱ rej ro̱j soꞌ síí cuꞌna̱j Zebedeo, ne̱ naquiꞌyaj sa̱ꞌ nij soꞌ nanj rii xcuaj, ne̱ canacúún Jesús man ro̱j tinu̱j ro̱j soꞌ canoco̱ꞌ ro̱j soꞌ man Jesús a. 22Veé dan, ne̱ nu̱ꞌ tanáj ro̱j soꞌ rihoo do̱ꞌ, rej ro̱j soꞌ do̱ꞌ, ne̱ canocoꞌ ro̱j soꞌ man Jesús caꞌanj ro̱j soꞌ na̱nj ado̱nj.
Nahuun ndoꞌo yuvii̱, quiꞌyaj Jesús a
23Veé dan, ne̱ cachéé Jesús nu̱ꞌ estadó Galilea, ne̱ tucuꞌyón soꞌ snana̱ Yaꞌanj man nij yuvii̱ nuu chre̱ꞌ rá veꞌ tucuꞌyón nij yuvii̱ israelitá stucua̱nj Moisés a. Ne̱ caꞌmii natáj soꞌ nana̱ sa̱ꞌ rihaan nij yuvii̱ cheꞌé da̱j vaa uun chij Yaꞌanj a. Ne̱ nahuun cunuda̱nj nij yuvii̱ ranꞌ do̱ꞌ, cunuda̱nj nij yuvii̱ ninaj do̱ꞌ, quiꞌyaj soꞌ a. 24Ne̱ cuchiꞌ nana̱ cheꞌé soꞌ nu̱ꞌ estadó Siria, ga̱a ne̱ nica̱j ndoꞌo nij yuvii̱ tuviꞌ nij yuvii̱ síí ranꞌ ndoꞌo, caꞌanj nij yuvii̱ rej va̱j Jesús a. Dan me se nij yuvii̱ ranꞌ ndoꞌo quiꞌyaj chiꞌii̱ do̱ꞌ, nij yuvii̱ aꞌngaj ndoꞌo cúú man do̱ꞌ, nij yuvii̱ nu̱u̱ nana̱ chre̱e nimán do̱ꞌ, nij yuvii̱ ranꞌ chiꞌii̱ snúú do̱ꞌ, nij yuvii̱ naꞌvee cache̱e̱ do̱ꞌ, cuchiꞌ rihaan Jesús, quiꞌyaj tuviꞌ nij yuvii̱, ne̱ nahuun cunuda̱nj nij soꞌ, quiꞌyaj Jesús na̱nj ado̱nj. 25Veé dan, ne̱ canocoꞌ queꞌe̱e̱ ndoꞌo yuvii̱ man soꞌ, ne̱ dan me se yuvii̱ ma̱n estadó Galilea do̱ꞌ, yuvii̱ ma̱n rej cuꞌna̱j Chi̱ꞌ Chumanꞌ do̱ꞌ, yuvii̱ ma̱n chumanꞌ Jerusalén do̱ꞌ, yuvii̱ ma̱n estadó Judea do̱ꞌ, yuvii̱ ma̱n nda̱a rne̱j tuꞌva chráá cuꞌna̱j Jordán do̱ꞌ, canocoꞌ man soꞌ na̱nj ado̱nj.
© Wycliffe Bible Translators, Inc. 2024 segunda versión electrónica