کردار 12:12-17
کردار 12:12-17 پەیمانی نوێ و زەبوورەکان بە سۆرانی (PNTZS)
كه ئه‌مه تێگه‌یشت، هاته ماڵی مه‌ریه‌می دایكی یوخه‌ننه‌ن كه پێی ده‌ووترا مه‌رقوس، زۆر كه‌س له‌وێدا كۆببوونه‌وه نوێژیان ده‌كرد. كه په‌تڕۆس له ده‌رگای داڵانه‌كه‌ی دا، كه‌نیزه‌یه‌ک هات ناوی ڕه‌ودا بوو تاكو بزانێت. كاتێ ده‌نگی په‌تڕۆسی ناسییه‌وه له خۆشیان ده‌رگاكه‌ی نه‌كرده‌وه، به‌ڵكو ڕایكرده ژووره‌وه و خه‌به‌ری دا كه په‌تڕۆس له‌به‌رده‌رگا ڕاوه‌ستاوه. پێیان وت: “وڕێنه ده‌كه‌یت!”. به‌ڵام ئه‌و سووربوو كه وایه، جا وتیان: “ئه‌وه فریشته‌كه‌یه‌تی!”. په‌تڕۆسیش له لێدانه‌كه به‌رده‌وام بوو، كاتێ لێیان كرده‌وه و بینییان، سه‌رسامبوون. به ده‌ست ئاماژه‌ی بۆ كردن بێده‌نگ بن، ئینجا بۆی گێڕانه‌وه چۆن په‌روه‌ردگار له زیندان ده‌ریهێنا و وتی: “ئه‌مه به یاقووی برایان بڵێن”. ئینجا ده‌رچوو و بۆ شوێنێكی دیكه ڕۆیشت.
کردار 12:12-17 كوردی سۆرانی ستانده‌رد (KSS)
هەرکە بە تەواوی زانی چی ڕوویداوە، ڕۆیشت بۆ ماڵی مریەمی دایکی یۆحەنا کە پێی دەگوترا مەرقۆس، لەوێ خەڵکێکی زۆر کۆببوونەوە و نوێژیان دەکرد. کە پەترۆس لە دەرگای داڵانەکەی دا، کارەکەرێک کە ناوی ڕودا بوو، هات بۆ ئەوەی بزانێت کێیە. کاتێک دەنگی پەترۆسی ناسییەوە، بێ کردنەوەی دەرگاکە لە خۆشییاندا ڕایکردە ژوورەوە و خەبەری دا کە پەترۆس لە بەردەرگا ڕاوەستاوە. پێیان گوت: «وڕێنە دەکەیت.» بەڵام ئەو لەسەر قسەکەی سووربوو، گوتیان: «ئەوە فریشتەکەیەتی!» بەڵام پەترۆس لە لێدانەکە بەردەوام بوو، کاتێک لێیان کردەوە و بینییان، سەرسام بوون. بە دەست ئیشارەتی بۆ کردن بێدەنگ بن، ئینجا بۆی گێڕانەوە چۆن یەزدان لە زیندان دەریهێنا، پێی گوتن: «ئەمە بە یاقوب و خوشک و برایان بڵێن.» ئینجا چووە دەرەوە و بۆ شوێنێکی دیکە ڕۆیشت.