لۆقا 39:1-45 - Compare All Versions
لۆقا 39:1-45 PNTZS (پەیمانی نوێ و زەبوورەکان بە سۆرانی)
لهو ڕۆژانهدا، مهریهم ههستا و خێرا بهرهو چیاكان بۆ شاری ئیهوود چوو. چووه ماڵی زخهریا و سڵاوی له ئهلیسابات كرد. كاتێ ئهلیسابات گوێی له سڵاوهكهی مهریهم بوو، كۆرپهلهكه له سكیدا ههڵبهزی و ئهلیسابات پڕبوو له ڕووحی پارسا. به دهنگێكی مهزن هاواری كرد و وتی: “لهنێو ژناندا داڕشتكراویت، بهرههمی سكت پیرۆزه! ئهمهم لهكوێ بوو، دایكی پهروهردگارم بێته لام؟ ئهوهتا ههركه دهنگی سڵاوهكهت بهر گوێم كهوت، كۆرپهلهكه له خۆشیدا له سكم ههڵبهزییهوه. بهختهوهری بۆ ئهو كهسهی باوهڕی هێناوه كه له پهروهردگارهوه چی پێ وتراوه دێته دی”.
لۆقا 39:1-45 KSS (كوردی سۆرانی ستاندهرد)
لەو ڕۆژانەدا، مریەم هەستا و خێرا بۆ شارۆچکەیەک چوو لە ناوچە شاخاوییەکانی هەرێمی یەهودیا. چووە ماڵی زەکەریا و سڵاوی لە ئەلیسابات کرد. کاتێک ئەلیسابات گوێی لە سڵاوەکەی مریەم بوو، منداڵەکە لە سکیدا کەوتە جوڵەجوڵ و ئەلیسابات پڕبوو لە ڕۆحی پیرۆز. ئەلیسابات بە دەنگێکی بەرز هاواری کرد: «لەنێو ژناندا بەرەکەتداریت، بەرهەمی سکت بەرەکەتدار دەبێت! بۆ من کێم تاکو دایکی گەورەکەم بێت بۆ لام؟ چونکە هەرکە دەنگی سڵاوەکەت بەر گوێم کەوت، منداڵەکە لە خۆشیدا لە سکمدا هەڵبەزییەوە. خۆزگە دەخوازرێت بەوەی باوەڕی هێناوە کە لە یەزدانەوە چی پێ گوتراوە دێتە دی.»