پەندەکانی سلێمان 1:1-9
پەندەکانی سلێمان 1:1-9 كوردی سۆرانی ستانده‌رد (KSS)
پەندەکانی سلێمانی کوڕی داود، پاشای ئیسرائیل، بۆ زانینی دانایی و تەمبێکردن، بۆ پەیبردن بە وشەکانی تێگەیشتن، بۆ وەرگرتنی تەمبێکردن و وریایی، ڕاستودروستی و دادپەروەری و ڕاستەڕێیی، بۆ بەخشینی ژیری بە ساویلکە، بە لاویش زانیاری و سەلیقە، (دانا گوێی لێ دەگرێت و فێربوونی زیاد دەبێت، تێگەیشتووش ڕاوێژی باشی دەست دەکەوێت،) بۆ تێگەیشتنی پەند و نموونە، قسەی دانایان و مەتەڵەکانیان. لەخواترسی سەرەتای زانیارییە، بەڵام گێلەکان سووکایەتی بە دانایی و تەمبێکردن دەکەن. ڕۆڵە، گوێ لە تەمبێکردنی باوکت بگرە و فێرکردنی دایکت پشتگوێ مەخە، چونکە تاجەگوڵینەی نیعمەتن بۆ سەرت، گەردانەن بۆ ملت.
هاوبەشی بکە
پەندەکانی سلێمان 1 بخوێنەوە