زەبوورەکان 1:140-13
زەبوورەکان 1:140-13 پەیمانی نوێ و زەبوورەکان بە سۆرانی (PNTZS)
ئه‌ی په‌روه‌ردگار، له كه‌سی به‌دكار ده‌ربازم بكه. له پیاوی سته‌مكار بمپارێزه. ئه‌وانه‌ی له دڵه‌وه بیر له خراپه ده‌كه‌نه‌وه و به‌درێژایی ڕۆژ خه‌ریكی شه‌ڕانگێزین. زمانیان وه‌ک زمانی مار تیژكردووه. كیسی ژه‌هری تیره‌مار له‌ژێر لێویانه. سیلاه. ئه‌ی په‌روه‌ردگار له ده‌ست به‌دكار ئاگادارم به. له پیاوی سته‌مكار بمپارێزه. ئه‌وانه‌ی پیلانیان داناوه تا قاچم بخلیسكێنن. لووتبه‌رزان ته‌ڵه‌یان بۆم ناوه‌ته‌وه. په‌ت و تۆڕیان بڵاو كردۆته‌وه. له ده‌م ڕێگا داویان بۆم ناوه‌ته‌وه. سیلاه. به په‌روه‌ردگارم وت: “تۆ خوداوه‌ندی منی”. ئه‌ی په‌روه‌ردگار، گوێ له ده‌نگی پاڕانه‌وه‌م بگره. ئه‌ی په‌روه‌ردگاری باڵاده‌ست، هێزی ڕزگاریم، له ڕۆژی شه‌ڕدا سه‌ری منت داپۆشی. ئه‌ی په‌روه‌ردگار، ئاره‌زووه‌كانی به‌دكار مه‌هێنه دی. لێمه‌گه‌ڕێ پیلانه‌كانی سه‌ربگرێت. تا لووتبه‌رز نه‌بن. سیلاه. با سه‌ری ئه‌وانه‌ی ده‌وریان داوم به خراپه‌ی لێویان بپۆشرێن. با پشكۆیان به‌سه‌ردا ببارێت. بكه‌ونه نێو ئاگره‌وه، بكه‌ونه نێو چاڵه‌وه، ڕاست نه‌بنه‌وه. با مرۆڤی بوختانكه‌ر له‌سه‌ر زه‌وی جێگیر نه‌بێت. با خراپه پیاوی سته‌مكار ڕاو بكات. ده‌زانم په‌روه‌ردگار دادوه‌ری ده‌كات بۆ هه‌ژاران. ماف ده‌دات به نه‌داران. خوداناسانیش سوپاسی ناوت ده‌كه‌ن. سه‌رڕاستان له ئاماده‌گیت داده‌نیشن.
زەبوورەکان 1:140-13 كوردی سۆرانی ستانده‌رد (KSS)
ئەی یەزدان، لە کەسی بەدکار دەربازم بکە، لە پیاوی توندوتیژ بمپارێزە، ئەوانەی لە دڵەوە بیر لە خراپە دەکەنەوە و هەموو ڕۆژێک خەریکی شەڕانگێزین. زمانیان وەک زمانی مار تیژکردووە، ژەهری تیرەمار لەژێر لێویانە. ئەی یەزدان، لە دەست بەدکار ئاگادارم بە، لە پیاوی توندوتیژ بمپارێزە، ئەوانەی پیلانیان داناوە بۆ ئەوەی قاچم بخلیسکێنن. لووتبەرزان تەڵەیان بۆم ناوەتەوە، پەت و تۆڕیان بڵاو کردووەتەوە، لە دەم ڕێگا داویان بۆم ناوەتەوە. بە یەزدانم گوت: «تۆ خودای منی!» ئەی یەزدان، گوێ لە دەنگی پاڕانەوەم بگرە. ئەی یەزدانی پەروەردگار، هێزی ڕزگاریم، لە ڕۆژی شەڕدا سەری منت داپۆشی. ئەی یەزدان، ئارەزووەکانی بەدکار مەهێنە دی، لێمەگەڕێ پیلانەکانی سەربگرێت، بۆ ئەوەی لووتبەرز نەبن. با سەری ئەوانەی دەوریان داوم بە خراپەی لێویان بپۆشرێن، با پشکۆیان بەسەردا ببارێت، بکەونە ناو ئاگرەوە، بکەونە ناو چاڵەوە، ڕاست نەبنەوە. با بوختانکەر لەسەر زەوی جێگیر نەبێت، با کەسی توندوتیژ ببێتە نێچیری خراپە. دەزانم یەزدان دادپەروەری دەکات بۆ هەژاران، ماف دەدات بە نەداران. بێگومان ڕاستودروستان ستایشی ناوت دەکەن، سەرڕاستان لە ئامادەبوونت دادەنیشن.