زەبوورەکان 1:142-7
زەبوورەکان 1:142-7 پەیمانی نوێ و زەبوورەکان بە سۆرانی (PNTZS)
پڕ به ده‌نگم هاوار بۆ په‌روه‌ردگار ده‌كه‌م. به ده‌نگی خۆم له په‌روه‌ردگار ده‌پاڕێمه‌وه. سكاڵای خۆمی له به‌رده‌م هه‌ڵده‌ڕێژم. له به‌رده‌می باسی ته‌نگانه‌كانی خۆم ده‌كه‌م. له كاتی وره به‌ردانی ڕووحی خۆم. تۆ شاره‌زای ڕێڕه‌ومی. له‌و ڕێگایه‌ی پێیدا ده‌ڕۆم. ته‌ڵه‌یان بۆم ناوه‌ته‌وه. ئاوڕ به‌لای ڕاستدا بده‌وه و ببینه. كوا ناسیاوی من؟ په‌ناگا بۆ من قڕی تێكه‌وتووه. كوا پرسیاركه‌ر له ئه‌حواڵی من؟ هاوارم بۆ تۆ كرد ئه‌ی په‌روه‌ردگار. وتم: “تۆ په‌ناگامی. له زه‌ویی زیندووان تۆ به‌شی منی”. به وردی گوێ له لاوانه‌وه‌م بگره. چونكه زۆر زه‌لیلم. ده‌ربازم بكه له ده‌ست ڕاونه‌رانم. چونكه له من ڕه‌قترن. گیانم له به‌ندیخانه ده‌ربهێنه. بۆ ستایشی ناوت. ئینجا خوداناسان ده‌ورم ده‌گرن. چونكه چاكه‌م له‌گه‌ڵ ده‌كه‌یت.
زەبوورەکان 1:142-7 كوردی سۆرانی ستانده‌رد (KSS)
پڕ بە دەنگم هاوار بۆ یەزدان دەکەم، بە دەنگی بەرز لە یەزدان دەپاڕێمەوە. سکاڵای خۆمی لەبەردەم هەڵدەڕێژم، لەبەردەمی باسی تەنگانەکانی خۆم دەکەم. لە کاتی ورەبەردانی ڕۆحم، تۆ شارەزای ڕێڕەوی منی. لەو ڕێگایەی پێیدا دەڕۆم، خەڵک تەڵەیان بۆم ناوەتەوە. ئاوڕ بەلای ڕاستدا بدەوە و ببینە، کوا ناسیاوی من؟ پەناگا بۆ من قڕبووە، کوا پرسیارکەر لە ئەحواڵی من؟ ئەی یەزدان، هاوارم بۆ تۆ کرد، گوتم: «تۆ پەناگای منی، لە خاکی زیندووان تۆ بەشی منی.» بە وردی گوێ لە لاوانەوەم بگرە، چونکە زۆر زەلیلم، لە دەست ڕاونەرانم دەربازم بکە، چونکە لە من بەهێزترن. گیانم لە بەندیخانە دەربهێنە، بۆ ئەوەی ستایشی ناوت بکەم. ئینجا ڕاستودروستان دەورم دەگرن، چونکە چاکەم لەگەڵ دەکەیت.