زەبوورەکان 4:143-10
زەبوورەکان 4:143-10 پەیمانی نوێ و زەبوورەکان بە سۆرانی (PNTZS)
ڕووحم بێ ووره ده‌بێت. له ناخمدا دڵم ده‌به‌سترێت. ڕۆژگاری كۆن دێته‌وه یادم. له هه‌موو كرده‌وه‌كانت ورد ده‌بمه‌وه. سه‌رنج ده‌ده‌مه كرده‌وه‌كانی ده‌ستت. ده‌ستم بۆ تۆ پان ده‌كه‌مه‌وه، گیانم بۆ تۆ وه‌ک زه‌ویێكی تینووه. سیلاه. ئه‌ی په‌روه‌ردگار، زوو وه‌ڵامم بده‌ره‌وه. ڕووحم له‌ناوده‌چێت. ڕووی خۆتم لێ مه‌شاره‌وه، ئه‌گینا له‌وانه ده‌چم كه شۆڕده‌بنه‌وه نێو گۆڕ. با به‌یانیان گوێم له میهره‌بانیه‌كه‌ت بێت، چونكه من پشت به تۆ ده‌به‌ستم. ئه‌و ڕێگایه‌م پێ بناسێنه كه ده‌یگرمه‌به‌ر، چونكه گیانم بۆ تۆ به‌رز ده‌كه‌مه‌وه. ئه‌ی په‌روه‌ردگار، له دوژمنه‌كانم ده‌ربازم بكه. هانا بۆ تۆ ده‌هێنم. فێرم بكه به ڕه‌زامه‌ندیت بكه‌م، چونكه تۆ خوداوه‌ندی منی. ڕووحه چاكه‌كه‌ت ڕێنماییم ده‌كات له زه‌وییه‌كی ڕاست.
زەبوورەکان 4:143-10 كوردی سۆرانی ستانده‌رد (KSS)
ڕۆحم بێ ورە دەبێت، لە ناخمەوە دڵم دەبەسترێت. ڕۆژگاری دێرین دێتەوە یادم، لە هەموو کارەکانت ورد دەبمەوە، سەرنج دەدەمە کردارەکانی دەستت. دەستم بۆ تۆ پاندەکەمەوە، گیانم بۆ تۆ وەک خاکێکی وشکە. ئەی یەزدان، زوو وەڵامم بدەوە، ڕۆحم لەناودەچێت، ڕووی خۆتم لێ مەشارەوە، ئەگینا لەوانە دەچم کە دەچنە نێو جیهانی مردووان. با بەیانییان گوێم لە خۆشەویستییە نەگۆڕەکەت بێت، چونکە من پشت بە تۆ دەبەستم. ئەو ڕێگایەم پێ بناسێنە کە دەیگرمەبەر، چونکە گیانی خۆم بە تۆ دەسپێرم. ئەی یەزدان، لە دوژمنەکانم دەربازم بکە، هانا بۆ تۆ دەهێنم. فێرم بکە بە ڕەزامەندیی تۆ کار بکەم، چونکە تۆ خودای منی. با ڕۆحە چاکەکەت ڕێنماییم بکات لە زەوییەکی ڕاست.