زەبوورەکان 1:68-6
زەبوورەکان 1:68-6 پەیمانی نوێ و زەبوورەکان بە سۆرانی (PNTZS)
با خودا هه‌ستێت. با دوژمنانی په‌رشوبڵاو ببنه‌وه و ناحه‌زانی له ڕووی هه‌ڵبێن. وه‌ک به‌باكردنی دووكه‌ڵ به‌بایان بكه‌یت. وه‌ک توانه‌وه‌ی مۆم له به‌رده‌م ئاگر، با به‌دكارانیش له به‌رده‌م خودا له‌ناوبچن. با خوداناسانیش له به‌رده‌م خودا شاد و دڵخۆش بن، له‌خۆشیان هه‌ڵپه‌ڕن. گۆرانی بۆ خودا بڵێن، په‌سنی بۆ ناوی بڵێن. ئه‌وه‌ی سواری گالیسكه‌یه به‌سه‌ر هه‌وره‌كان به‌رز بكه‌نه‌وه، ناوی په‌روه‌ردگاره، له به‌رده‌می ده‌نگ هه‌ڵببڕن. باوكی هه‌تیوان و پارێزه‌ری بێوه‌ژنان، خودایه له نیشینگه‌ی پارسای خۆی. خودا ماڵ بۆ لانه‌وازان دابین ده‌كات، به‌ندكراوه‌كان ئازاد ده‌كات، به‌ڵام یاخییه‌كان له زه‌ویێكی سووتاو نیشته‌جێ ده‌بن.
زەبوورەکان 1:68-6 كوردی سۆرانی ستانده‌رد (KSS)
با خودا هەستێت، با دوژمنانی پەرشوبڵاو ببنەوە! با ناحەزانی لە ڕووی هەڵبێن! وەک بەباکردنی دووکەڵ بەبایان بکەیت، وەک توانەوەی مۆم لەبەردەم ئاگر، با بەدکارانیش لەبەردەم خودا لەناوبچن. بەڵام با ڕاستودروستان لەبەردەم خودا شاد و دڵخۆش بن، لە خۆشییان شاگەشکە بن. گۆرانی بۆ خودا بڵێن، مۆسیقا بۆ ناوی بژەنن، ئەوەی سواری گالیسکەیە بەسەر هەورەکان بەرزی بکەنەوە، ناوی یەزدانە، لەبەردەمی دڵشاد بن. باوکی هەتیوان و پارێزەری بێوەژنان، خودایە لە چادری پەرستنی پیرۆزی خۆی. خودا ماڵ بۆ لانەوازان دابین دەکات، بەندکراوەکان ئازاد دەکات، بەڵام یاخییەکان لە خاکێکی سووتاو نیشتەجێ دەبن.