Sahou ta Kindrei

<div class="version vid1106 iso6393lid" data-vid="1106" data-iso6393="lid">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s">Jises amekes lohowan ta ndramak ta lau tinan ta bahun amwenen ja</div><div class="r">(Metiu 8:5-13)</div><div class="p"> 1Jises asehek sahou tan i tiri lau doh ano, iy edek eme isos Kapena-um. 2Eme ndramak batun tinan ta atondrok lau ta bahun udu Kapena-um ale. Iy ma hawe ndramak ta lohowan tan, ma lohowan tan doh badeh, iy aseken iy tinan labai. Arile, iy badeh, ibo sik ma iy anya kimek. 3Eme ya, batun ta atondrok iri lau ta bahun anuhun Jises ndrame. Ya eme iy suni oro lau-en rayah badu Juwis badeh, ala anya katandra-un Jises keme kamekes lohowan tan dah, kamwenen. 4Eme oro ala asahan hawe Jises ma oro tiye sahou boto-on i tan anya, &#8220;Jises, ndramak ta atondrok iri lau ta bahun doh badeh, mwasin labai, ya iy aseken seben tam. 5Iy ndramak doh badeh, aseken taha labai, ma iy mene tahi asiu ta tukum tataha.&#8221; 6Ano Jises i hawe oro ili. Ya eme Jises bala mirihik ta asiu bwe le badeh, tinan ta lohowan dah, suni lau rayah ja ala tiye i tan: &#8220;Laban, ou sala mirihik ta asiu tan, tasah iy anya, iy ndramak ndra-in, iy winiyan baseken ou ta ala bolo asiu tan bwe. 7Eme ya iy salin amwenen bame batou ou bwai. Arile iy anya, ou sala, ou asehek le sahou, ya lohowan tan kamwenen ja. 8Tasah, iy amwenen asehek anya iy badeh, udu bahandra boto-on ta batun tinan ta tondrok lau mari ta bahun, ma iy badeh, tan lau rinek (100) ta bahun ale ado bahandran. I buku iy katiye ki ta ari lau anya, &#8216;Ou ala,&#8217; idah kameh iy ilih. Ya i buku iy katiye anya, &#8216;Ou ame,&#8217; idah kameh iy eme. I buku none iy katiye ki ta ndramak ta ndrahu so-ok tan anya, &#8216;Ou bwidi lahou doh,&#8217; ya idah kameh iy bwidiy.&#8221;</div><div class="p"> 9Ano Jises anuhun sahou doh, manin atur ta aliy. Eme iy tubuni batalan eme hamon, i tiri lau solo-an an hamon tan nane dah badeh, ma iy tiye anya, &#8220;Jo katiye tado kamwenen, jo bandruni ari lau badu Isra-el tan budon tinan bala buku iy lau dah bwe.&#8221; 10Ano oro lau nane ala iy suni oro ame dah, ala hamon ala asiu badeh, anyolom lohowan nane doh, ndramwenen ja.</div><div class="s">Jises mete-ei nadu badih nyau ari amak ja</div><div class="p"> 11Ano udu sese badeh, Jises hawe oro lau tan ma hawe iri lau mari nane are hamon tan badeh, ala kon tinan ari aloh Na-in. 12Eme iy ili mirihik ta madasan tinan ta ili bolo kon le badeh, iri bwese-ei nadu badih nyau ari badeh, ndramak in bada sau eme. Eme ya iri lau solo-an ale badu kon tinan an hawen ame. Badih nyau doh badeh, nadun mwan ari le doh, kabwe. 13Eme Laban Jises anyolom iy ma iy tikisi badih nyau dah, tinan labai. Ya eme Jises tiye i tan, &#8220;Balem sasin.&#8221;</div><div class="p"> 14Ano Jises edek ili badeh, atehei minen i bwele-e ndramak nane, iri su-i iy ma bwese-ei iy dah, eme iri ado rasi. Ano Jises tiye i ta ndramak loweu nane dah, anya, &#8220;Jo tiye tam, ou amak!&#8221; 15Eme ndramak loweu dah, suri iy ma iy asehek sahou. Ano Jises atehei iy i hawe tinen.</div><div class="p"> 16Eme iri lau mari badeh, boho iri asak ma iri atudun Kindrei. Ma iri anya, &#8220;Propet tinan ndrasahan bolo taha. Eme Kindrei badeh, ndrame ta aseben iri lau tan.&#8221; 17Eme ya sahou ta nyala Jises badeh, aseker ili bolo Judiya ma hawe aseker ili bolo kon tinan mirihik ale.</div><div class="s">Jises hawe Jon ta alomwa</div><div class="r">(Metiu 11:2-19)</div><div class="p"> 18Ano, oro lau ta Jon ame asehek nyalan, ta lakou mari oro nane anyolom. 19Eme Jon luhi uru lau tan la-uh ame, ano iy tiye i turu, &#8220;Ah kala hawe Laban badeh, kandremenya iy ki buku doh, &#8216;Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?&#8217;&#8221;</div><div class="p"> 20Eme uru ame hawe Jises, ma uru anya, &#8220;Jon ta alomwa badeh, suni aru ame dah ta ndremenya ou, &#8216;Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?&#8217;&#8221;</div><div class="p"> 21Na len doh badeh, amwenen ta Jises amekes sik udu tiri lau iu, hawe amekes iri lau malawin ndra-in udu la-u iri iu ale. Ma hawe iri lau batou kon bwe, atou kon ja. 22Eme Jises asumon boho oro i buku doh, &#8220;Ah kala hamon katiye ta Jon ta saba lakou ah ndratou, ma ndranyolom dah: Iri lau mada iri bwe, iri atou kon ja, ya iri kati iri ndra-in iri adek ja, ya iri lau lepra udu tiri, bada iri asahan amwenen, ya iri lau ndranye iri banuhun kon bwe, iri ndranuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe. 23Eme ya, sekesek ki toro lau heh le nane bataku ta budon toro bwe, tasah ta jo le.&#8221;</div><div class="p"> 24Ano uru lau ta Jon ma la-uh au ala hamon. Eme Jises asehek i tiri lau ta nyala Jon, &#8220;Buku sah, aha mene ala kon lomale an, anya katou sasah? Ari bwidiu awa-is nyukunyok ereu bolo jor neh? Sebwe, bwe nadeh! 25Ya ado ala atou sah? Ndramak ari atehei awin mwasin ereu badan? Bwe oh! Iri lau ta adeu kolau hawe awin nyikilikin badeh, ado kon ta ndrahu kabin. 26Eme ya ado ala anyolom are lau? Sebwe ado anya kala kanyolom propet? Ehe, ado atou iy, ma jo katiye tado kamwenen, iy badeh sakalawi iri lau mene ta atiye boho Kindrei ndra-au ndra bwena. 27Eme sahou torowenei udu bolo buk ndrabun tiye i buku doh,</div><div class="q">&#8216;Jo kameh suni ndramak ari ewek bwena tam.</div><div class="q">Iy kameh atehe san tam.&#8217; Malakai 3:1</div><div class="m"> 28Eme jo katiye kamwenen kewek tado, Jon badeh, sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.&#8221;</div><div class="p"> 29Eme iri mwan ma badih hawe iri lau ta akohok luk ta takis anuhun sahou Jises asehek ma oro barala tanan ai, sahou ta Kindrei badeh, mwasin handru. Tasah, oro mene, Jon ndranyu oro. 30Arile, iri Parasi hawe iri lau ta tanan ta kandriyen tiri Juwis ndra-au mene, baseken budon ta Kindrei bwe, ya eme Jon badeh, banyu iri bwe.</div><div class="p"> 31Eme iy asehek ili le, &#8220;Ya jo kasehek iri lau na len dah ki buku sah handru? Iri ki buku are handru? 32Iri badeh, i buku none le iri nah nadu bwisik manyah areu mada ba-en. Ra-on arah i ta ra-on i buku doh,</div><div class="q">&#8216;Aso oloh bala eu ta molak ewek tado,</div><div class="q">arile ado bada mana bwe;</div><div class="q">ya aso ayah wari ta kabek,</div><div class="q">arile ado bataya bwe.&#8217;</div><div class="m"> 33Tasah, kala Jon mene eme, iy abeles iy ta nyamon ta iy kedeu budon tan boto-on kili ta Kindrei, ma iy ba-un gwa waen bwe, eme ado anya, iy badeh, malawin ndra-in ereu la-un! 34Ya, jo Nadu Ndramak Awas, jo eme aimon nyamon ma a-un gwa waen hawe iri lau. Eme ma ado asehek jo i buku doh, &#8216;Aden, ado katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis,#(7:34) Iri abudon anya oro lau ta akohok luk ta takis doh badeh, lau ta amekes kandriyen ndra-in. ma iri lau ba-en hamon ta batanau ta Moses bwe?&#8217; 35Ehe, iri amekes sahou i buku doh. Arile, are lau mwan ma badih ale idih ta tanan mwasin ta Kindrei, ya iri lau kameh atana iri buku none ndramak doh asahan nadu Kindrei handru.&#8221;</div><div class="s">Badih ta karei asolou ndrelekei i kati Jises</div><div class="p"> 36Ano Parasi ari eme badeh, tiye Jises na beyeh ili aimon nyamon ili asiu tan. Eme iy ili manyah, udu andri ndrahu nyamon udu asiu ta Parasi dah. 37Eme ya badih ari ta madasan udu kon tinan doh badeh, anuhun Jises badeh, udu asiu ta Parasi aimon nyamon. Eme iy andrei bwisi ndrau ari suluw, 38ya eme iy ili ales udu hamon ta kati Jises eden, ma amekes wa-i madan i kona katin. Ano iy o-ou kona kati Jises na lami batun, ano iy aluh i andri atehei no-on i kati Jises. Ano ja, iy asolou ndrelekei i bwele-e katin.</div><div class="p"> 39Ya eme ndramak nane andrei Jises i asiu tan doh, anyolom badeh, iy lomondra udu budon tan anya, &#8220;Ki buku none ndramak kede-eh, ki ari propet, idah nane, iy ndratona i badih anyokar katin kede-en adeh? Ma iy ndratanan badih doh badeh, ta madasan adeh.&#8221;</div><div class="p"> 40Eme Jises tiye i ta Parasi doh anya, &#8220;Saimon, jo tek sahou udu tam.&#8221;</div><div class="p">Eme ya Saimon anya, &#8220;Sasah, ndramak ta leheya, ou tiye tek.&#8221;</div><div class="p"> 41Eme Jises anya, &#8220;Uru lau la-uh badeh, andrei luk rayah ta ndramak ari atehei i mine uru. Iy ari badeh, andrei rawa (K100), ya iy ari ja, andrei rinek (K10). 42Eme udu, uru ma la-uh badeh, winiyan batehei saluwe luk ta ndramak doh, bala hamon bwe. Ya eme tama luk doh, anya ndri-iy ai, bale ah kamaniy ai. Eme ya, Saimon, ou abudon are handru kameh aseken tama luk tinan labai.&#8221;</div><div class="p"> 43Eme Saimon anya, &#8220;Ta budon tek badeh, ndramak nane andrei luk solo-an.&#8221;</div><div class="p">Eme Jises anya, &#8220;Ou seleya badeh, amwenen.&#8221; 44Ano Jises tubuni batalan i ta i badih dah, ano Jises tiye i ta Saimon, &#8220;Ou ndratou badih dah amekes lahou dah? Jo eme asiu tam nane, ou badeu gwa ta sikine katik bwe. Arile, iy badeh, sikine katik na wa-i madan ma owei abosar na lami batun. 45Ou badeh, basekesek jo bwe, arile jo eme asiu le badeh, badih doh, baruwani no-on ta katik bwe le. 46Ma ou badeh, basolou suluw bala batuk bwe, arile iy badeh, asolou suluw i kona katik. 47Eme jo katiye tam kamwenen, karei tan mari badeh, ndrasikine ndrano ndra-au, tasah iy badeh, leheya kandriyen ta tikisiy tinan labai. Ya eme, are lau bala tanan ta iy, bamani karei tan ba-au bwe, iy ale winiyan batikisi ari ndramak bwe le.&#8221;</div><div class="p"> 48Ano Jises tiye i ta badih dah, &#8220;Kabwe, karei tam ndrasikinei ndra-au.&#8221;</div><div class="p"> 49Eme iri lau rayah nane aimon nyamon hawe oro asehek i toro ari ari anya, &#8220;Are ndramak kede-eh? Iy leheya anya iy winiyan sikine karei kede-eh?&#8221;</div><div class="p"> 50Ano Jises tiye i ta badih dah ja, &#8220;Ou au ma ou sabwerei, tasah budon tam handru le, sebenei ou.&#8221;</div>
 </div>
 </div>
</div>

Jises asehek sahou tan i tiri lau doh ano, iy edek eme isos Kapena-um. Eme ndramak batun tinan ta atondrok lau ta bahun udu Kapena-um ale. Iy ma hawe ndramak ta lohowan tan, ma lohowan tan doh badeh, iy aseken iy tinan labai. Arile, iy badeh, ibo sik ma iy anya kimek. Eme ya, batun ta atondrok iri lau ta bahun anuhun Jises ndrame. Ya eme iy suni oro lau-en rayah badu Juwis badeh, ala anya katandra-un Jises keme kamekes lohowan tan dah, kamwenen. Eme oro ala asahan hawe Jises ma oro tiye sahou boto-on i tan anya, “Jises, ndramak ta atondrok iri lau ta bahun doh badeh, mwasin labai, ya iy aseken seben tam. Iy ndramak doh badeh, aseken taha labai, ma iy mene tahi asiu ta tukum tataha.” Ano Jises i hawe oro ili. Ya eme Jises bala mirihik ta asiu bwe le badeh, tinan ta lohowan dah, suni lau rayah ja ala tiye i tan: “Laban, ou sala mirihik ta asiu tan, tasah iy anya, iy ndramak ndra-in, iy winiyan baseken ou ta ala bolo asiu tan bwe. Eme ya iy salin amwenen bame batou ou bwai. Arile iy anya, ou sala, ou asehek le sahou, ya lohowan tan kamwenen ja. Tasah, iy amwenen asehek anya iy badeh, udu bahandra boto-on ta batun tinan ta tondrok lau mari ta bahun, ma iy badeh, tan lau rinek (100) ta bahun ale ado bahandran. I buku iy katiye ki ta ari lau anya, ‘Ou ala,’ idah kameh iy ilih. Ya i buku iy katiye anya, ‘Ou ame,’ idah kameh iy eme. I buku none iy katiye ki ta ndramak ta ndrahu so-ok tan anya, ‘Ou bwidi lahou doh,’ ya idah kameh iy bwidiy.”
Ano Jises anuhun sahou doh, manin atur ta aliy. Eme iy tubuni batalan eme hamon, i tiri lau solo-an an hamon tan nane dah badeh, ma iy tiye anya, “Jo katiye tado kamwenen, jo bandruni ari lau badu Isra-el tan budon tinan bala buku iy lau dah bwe.” Ano oro lau nane ala iy suni oro ame dah, ala hamon ala asiu badeh, anyolom lohowan nane doh, ndramwenen ja.

Ano udu sese badeh, Jises hawe oro lau tan ma hawe iri lau mari nane are hamon tan badeh, ala kon tinan ari aloh Na-in. Eme iy ili mirihik ta madasan tinan ta ili bolo kon le badeh, iri bwese-ei nadu badih nyau ari badeh, ndramak in bada sau eme. Eme ya iri lau solo-an ale badu kon tinan an hawen ame. Badih nyau doh badeh, nadun mwan ari le doh, kabwe. Eme Laban Jises anyolom iy ma iy tikisi badih nyau dah, tinan labai. Ya eme Jises tiye i tan, “Balem sasin.”
Ano Jises edek ili badeh, atehei minen i bwele-e ndramak nane, iri su-i iy ma bwese-ei iy dah, eme iri ado rasi. Ano Jises tiye i ta ndramak loweu nane dah, anya, “Jo tiye tam, ou amak!” Eme ndramak loweu dah, suri iy ma iy asehek sahou. Ano Jises atehei iy i hawe tinen.
Eme iri lau mari badeh, boho iri asak ma iri atudun Kindrei. Ma iri anya, “Propet tinan ndrasahan bolo taha. Eme Kindrei badeh, ndrame ta aseben iri lau tan.” Eme ya sahou ta nyala Jises badeh, aseker ili bolo Judiya ma hawe aseker ili bolo kon tinan mirihik ale.


Ano, oro lau ta Jon ame asehek nyalan, ta lakou mari oro nane anyolom. Eme Jon luhi uru lau tan la-uh ame, ano iy tiye i turu, “Ah kala hawe Laban badeh, kandremenya iy ki buku doh, ‘Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?’”
Eme uru ame hawe Jises, ma uru anya, “Jon ta alomwa badeh, suni aru ame dah ta ndremenya ou, ‘Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?’”
Na len doh badeh, amwenen ta Jises amekes sik udu tiri lau iu, hawe amekes iri lau malawin ndra-in udu la-u iri iu ale. Ma hawe iri lau batou kon bwe, atou kon ja. Eme Jises asumon boho oro i buku doh, “Ah kala hamon katiye ta Jon ta saba lakou ah ndratou, ma ndranyolom dah: Iri lau mada iri bwe, iri atou kon ja, ya iri kati iri ndra-in iri adek ja, ya iri lau lepra udu tiri, bada iri asahan amwenen, ya iri lau ndranye iri banuhun kon bwe, iri ndranuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe. Eme ya, sekesek ki toro lau heh le nane bataku ta budon toro bwe, tasah ta jo le.”
Ano uru lau ta Jon ma la-uh au ala hamon. Eme Jises asehek i tiri lau ta nyala Jon, “Buku sah, aha mene ala kon lomale an, anya katou sasah? Ari bwidiu awa-is nyukunyok ereu bolo jor neh? Sebwe, bwe nadeh! Ya ado ala atou sah? Ndramak ari atehei awin mwasin ereu badan? Bwe oh! Iri lau ta adeu kolau hawe awin nyikilikin badeh, ado kon ta ndrahu kabin. Eme ya ado ala anyolom are lau? Sebwe ado anya kala kanyolom propet? Ehe, ado atou iy, ma jo katiye tado kamwenen, iy badeh sakalawi iri lau mene ta atiye boho Kindrei ndra-au ndra bwena. Eme sahou torowenei udu bolo buk ndrabun tiye i buku doh,
‘Jo kameh suni ndramak ari ewek bwena tam.
Iy kameh atehe san tam.’
Eme jo katiye kamwenen kewek tado, Jon badeh, sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.”
Eme iri mwan ma badih hawe iri lau ta akohok luk ta takis anuhun sahou Jises asehek ma oro barala tanan ai, sahou ta Kindrei badeh, mwasin handru. Tasah, oro mene, Jon ndranyu oro. Arile, iri Parasi hawe iri lau ta tanan ta kandriyen tiri Juwis ndra-au mene, baseken budon ta Kindrei bwe, ya eme Jon badeh, banyu iri bwe.
Eme iy asehek ili le, “Ya jo kasehek iri lau na len dah ki buku sah handru? Iri ki buku are handru? Iri badeh, i buku none le iri nah nadu bwisik manyah areu mada ba-en. Ra-on arah i ta ra-on i buku doh,
‘Aso oloh bala eu ta molak ewek tado,
arile ado bada mana bwe;
ya aso ayah wari ta kabek,
arile ado bataya bwe.’
Tasah, kala Jon mene eme, iy abeles iy ta nyamon ta iy kedeu budon tan boto-on kili ta Kindrei, ma iy ba-un gwa waen bwe, eme ado anya, iy badeh, malawin ndra-in ereu la-un! Ya, jo Nadu Ndramak Awas, jo eme aimon nyamon ma a-un gwa waen hawe iri lau. Eme ma ado asehek jo i buku doh, ‘Aden, ado katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis, ma iri lau ba-en hamon ta batanau ta Moses bwe?’ Ehe, iri amekes sahou i buku doh. Arile, are lau mwan ma badih ale idih ta tanan mwasin ta Kindrei, ya iri lau kameh atana iri buku none ndramak doh asahan nadu Kindrei handru.”

Ano Parasi ari eme badeh, tiye Jises na beyeh ili aimon nyamon ili asiu tan. Eme iy ili manyah, udu andri ndrahu nyamon udu asiu ta Parasi dah. Eme ya badih ari ta madasan udu kon tinan doh badeh, anuhun Jises badeh, udu asiu ta Parasi aimon nyamon. Eme iy andrei bwisi ndrau ari suluw, ya eme iy ili ales udu hamon ta kati Jises eden, ma amekes wa-i madan i kona katin. Ano iy o-ou kona kati Jises na lami batun, ano iy aluh i andri atehei no-on i kati Jises. Ano ja, iy asolou ndrelekei i bwele-e katin.
Ya eme ndramak nane andrei Jises i asiu tan doh, anyolom badeh, iy lomondra udu budon tan anya, “Ki buku none ndramak kede-eh, ki ari propet, idah nane, iy ndratona i badih anyokar katin kede-en adeh? Ma iy ndratanan badih doh badeh, ta madasan adeh.”
Eme Jises tiye i ta Parasi doh anya, “Saimon, jo tek sahou udu tam.”
Eme ya Saimon anya, “Sasah, ndramak ta leheya, ou tiye tek.”
Eme Jises anya, “Uru lau la-uh badeh, andrei luk rayah ta ndramak ari atehei i mine uru. Iy ari badeh, andrei rawa (K100), ya iy ari ja, andrei rinek (K10). Eme udu, uru ma la-uh badeh, winiyan batehei saluwe luk ta ndramak doh, bala hamon bwe. Ya eme tama luk doh, anya ndri-iy ai, bale ah kamaniy ai. Eme ya, Saimon, ou abudon are handru kameh aseken tama luk tinan labai.”
Eme Saimon anya, “Ta budon tek badeh, ndramak nane andrei luk solo-an.”
Eme Jises anya, “Ou seleya badeh, amwenen.” Ano Jises tubuni batalan i ta i badih dah, ano Jises tiye i ta Saimon, “Ou ndratou badih dah amekes lahou dah? Jo eme asiu tam nane, ou badeu gwa ta sikine katik bwe. Arile, iy badeh, sikine katik na wa-i madan ma owei abosar na lami batun. Ou badeh, basekesek jo bwe, arile jo eme asiu le badeh, badih doh, baruwani no-on ta katik bwe le. Ma ou badeh, basolou suluw bala batuk bwe, arile iy badeh, asolou suluw i kona katik. Eme jo katiye tam kamwenen, karei tan mari badeh, ndrasikine ndrano ndra-au, tasah iy badeh, leheya kandriyen ta tikisiy tinan labai. Ya eme, are lau bala tanan ta iy, bamani karei tan ba-au bwe, iy ale winiyan batikisi ari ndramak bwe le.”
Ano Jises tiye i ta badih dah, “Kabwe, karei tam ndrasikinei ndra-au.”
Eme iri lau rayah nane aimon nyamon hawe oro asehek i toro ari ari anya, “Are ndramak kede-eh? Iy leheya anya iy winiyan sikine karei kede-eh?”
Ano Jises tiye i ta badih dah ja, “Ou au ma ou sabwerei, tasah budon tam handru le, sebenei ou.”

Poslouchat Luk 7