If you would like a copy of this version please contact info@davarpartners.org

Ŋakarimojoŋ Old Testament

<div class="version vid2803 iso6393kdj" data-vid="2803" data-iso6393="kdj">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s">Tosub Akuj akwap</div><div class="r">(Akisy. 2:4b-9; Yob 38:4-11; Yoa. 1:1-5)</div><div class="p"> 1Anakisyakinet, abu Akuj tosub kidiama ka akwap. 2Arae akwap &#331;ina amam iborekitamet ka amam ibore ayai tooma ke&#331; ka arapuwarit akiryonut kidiama nenicukul daada&#331;, aryakiryaki Etau &#331;olo ka Akuj alokidiama &#331;akipi.</div><div class="p"> 3Tema nai Akuj, &#8220;Toyakaun akica;&#8221; ido abu akica toyakaun. 4Toanyu Akuj atemar ajok akica; totyaka Akuj akica anakiryonut. 5Tolimok Akuj ekiro ka akica &#8220;Apaaran&#8221; ka ekiro ka akiryonut &#8220;Akuwar.&#8221; Toyakaun atabo&#331; ka toyakaun ataparacu, arae &#331;in akolo&#331;it &#331;ina esyakinan.</div><div class="p"> 6Tema Akuj, &#8220;Toyakaun ariwo kidi&#331; &#331;akipi, ikotere totyakite &#331;akipi alokidi&#331;.&#8221; 7Tosub Akuj ariwo, totyak &#331;akipi, &#331;ace kwap ariwo ka &#331;ace kidiama ariwo. Apotu &#331;un kitiyakin. 8Tolimok Akuj ariwo kidiama. Toyakaun atabo&#331; ka toyakaun ataparacu, arae &#331;in akolo&#331;it &#331;ina a &#331;aarei.</div><div class="p"> 9Tema Akuj, &#8220;Tocunakinos nakibois apei &#331;akipi daada&#331; &#331;una eyakasi kwap ariwo, ido totakanu akwap neni aonon.&#8221; Apotu &#331;un kitiyakin. 10Tolimok Akuj neni aonon alokwap &#8220;Akwap&#8221; ka tolimok neni ecunanakina &#331;akipi &#8220;&#330;anamyo&#8221;, toanyu Akuj atemar ajokak &#331;un. 11Tema Akuj, &#8220;Kitolomu akwap &#331;ikito ka &#331;inya, &#331;inya &#331;ulu erayete &#331;icok a &#331;ikabilae kec ka &#331;ikito &#331;ulu erayete &#331;araito &#331;una eya &#331;icok a &#331;ikabilae kec.&#8221; Apotu &#331;un Kitiyakin. 12Kitolomu akwap &#331;ikito ka &#331;inya, &#331;inya &#331;ulu erayete &#331;icok a &#331;ikabilae kec ka &#331;ikito &#331;ulu erayete &#331;araito &#331;una eya &#331;icok a &#331;ikabilae kec. Toanyu Akuj atemar ajokak &#331;un. 13Toyakaun atabo&#331; ka toyakaun ataparacu, arae &#331;in akolo&#331;it &#331;ina a &#331;auni.</div><div class="p"> 14Tema Akuj, &#8220;Toyakaun &#331;iboorei &#331;ulu ecayete nariwo &#331;ina alokidiama, totyaka apaaran ka akuwar; toruworos ikes igyerito &#331;atubeta &#331;una ke ekaru, &#331;irwa ka &#331;ikaru. 15Toruwor ikes akica anariwo a &#331;ina alokidiama, kinwak akica kec akwap.&#8221; Apotu &#331;un kitiyakin. 16Tosub Akuj &#331;iboorei &#331;ulu ecayete &#331;uluarei &#331;ulu apolok, kipuka &#331;ini epol akica ke&#331; apaaran ka &#331;ini edit akica ke&#331; kipuka akuwar; tosub da&#331; Akuj &#331;ikacer. 17Kiwuak Akuj ikes nariwo kidiama, kinwak akica kec akwap, 18kipukata ikes apaaran ka akuwar, totyaka ikes akica ka akiryonut. Toanyu Akuj atemar ejokak &#331;un. 19Toyakaun atabo&#331; ka toyakaun ataparacu, arae &#331;in akolo&#331;it &#331;ina a &#331;aomwon.</div><div class="p"> 20Tema Akuj, &#8220;Toyakaun nakipi &#331;itya&#331; &#331;ulu elyato, &#331;ulu eyarete ka toporo &#331;ikyeny anariwo a &#331;ina alokidiama akwap.&#8221; 21Tosub Akuj &#331;itya&#331; &#331;ulu apolok &#331;ulu eya nanamyo ka &#331;isubuna &#331;ulu elyato anakipi, &#331;ulutya&#331; a &#331;ikabilae kec; ka &#331;ulukyeny &#331;ulu a &#331;abebenuk a &#331;ikabilae kec. Toanyu Akuj atemar ejokak &#331;un. 22Kiterere&#331; Akuj ikes tema, &#8220;Touryata, topita, kilelebunos nakipi &#331;una a &#331;anamyo; topita &#331;ikyeny da&#331; anakwap.&#8221; 23Toyakaun atabo&#331; ka toyakaun ataparacu, arae &#331;in akolo&#331;it &#331;ina a &#331;akan.</div><div class="p"> 24Tema nabo Akuj, &#8220;Toyakaun nakwap &#331;isubuna &#331;ulu eyarete &#331;ulu a &#331;olokabila: &#330;ibaren, &#331;itya&#331; &#331;ulu elyato ka &#331;itya&#331; &#331;ulu ka ariet &#331;ulu a &#331;olokabila.&#8221; Apotu &#331;un kitiyakin. 25Tosub Akuj &#331;itya&#331; &#331;ulu anakwap a &#331;ikabilae kec: &#330;ibaren a &#331;ikabilae kec, &#331;itya&#331; ada&#331; &#331;ulu elyato alokwap a &#331;ikabilae kec. Toanyu Akuj atemar ejokak &#331;ul.</div><div class="p"> 26Tema nai Akuj, &#8220;Osubutu &#331;itu&#331;a eyakatar &#331;asima yok, ikikwaan ka iwon; kipukata ikes &#331;itya&#331; &#331;ulu ka anam, &#331;ikyeny &#331;ulu alokidiama, &#331;ibaren ka &#331;itya&#331; daada&#331; &#331;ulu ka akwap ta ibore daada&#331; &#331;ini elyat alokwap.&#8221;</div><div class="q"> 27Tosub Akuj &#331;itu&#331;a eyakatar &#331;asima ke&#331;,</div><div class="q">alopite a &#331;olo eyakatar &#331;asima ke&#331;, abu tosub ikes.</div><div class="q">Tosub ekile ka aberu.</div><div class="m"> 28Kiterere&#331; Akuj ikes; tolimok tema, &#8220;Touryata, topita, kilelebun nakwap kipukata i&#331;es; kipukata &#331;itya&#331; &#331;ulu ka anam, &#331;ikyeny daada&#331; ka &#331;itya&#331; daada&#331; &#331;ulu elosete ta &#331;ulu elyato.&#8221; 29Tema Akuj, &#8220;Ki&#331;olikisi, akainak ayo&#331; iyes &#331;ikito daada&#331; ka &#331;inya daada&#331; &#331;ulu erayete &#331;icok anakwap, &#331;olokitoe eraii daada&#331;, eruwor &#331;araito ke&#331; akimuj kus. 30Akainak ayo&#331; iyes &#331;itya&#331; daada&#331; &#331;ulu ka akwap, &#331;ikyeny daada&#331;, &#331;iboorei daada&#331; &#331;ulu elyato ka &#331;inibore eyari alokwap daada&#331; ta &#331;ikito ka &#331;inya &#331;ulu alibak daada&#331;, akainak iyes toruworos akimuj kus.&#8221; Apotu &#331;un kitiyakin. 31Toanyu Akuj ibore daada&#331; &#331;ini abu i&#331;es tosub, toryamu kire ejokak nooi. Toyakaun atabo&#331; ka toyakaun ataparacu, arae &#331;in akolo&#331;it &#331;ina a &#331;akanikapei.</div>
 </div>
 </div>
</div>

Ngakarimojong Interconfessional Bible © Bible Society of Uganda, 2008.

Anakisyakinet, abu Akuj tosub kidiama ka akwap. Arae akwap ŋina amam iborekitamet ka amam ibore ayai tooma keŋ ka arapuwarit akiryonut kidiama nenicukul daadaŋ, aryakiryaki Etau ŋolo ka Akuj alokidiama ŋakipi.
Tema nai Akuj, “Toyakaun akica;” ido abu akica toyakaun. Toanyu Akuj atemar ajok akica; totyaka Akuj akica anakiryonut. Tolimok Akuj ekiro ka akica “Apaaran” ka ekiro ka akiryonut “Akuwar.” Toyakaun ataboŋ ka toyakaun ataparacu, arae ŋin akoloŋit ŋina esyakinan.
Tema Akuj, “Toyakaun ariwo kidiŋ ŋakipi, ikotere totyakite ŋakipi alokidiŋ.” Tosub Akuj ariwo, totyak ŋakipi, ŋace kwap ariwo ka ŋace kidiama ariwo. Apotu ŋun kitiyakin. Tolimok Akuj ariwo kidiama. Toyakaun ataboŋ ka toyakaun ataparacu, arae ŋin akoloŋit ŋina a ŋaarei.
Tema Akuj, “Tocunakinos nakibois apei ŋakipi daadaŋ ŋuna eyakasi kwap ariwo, ido totakanu akwap neni aonon.” Apotu ŋun kitiyakin. Tolimok Akuj neni aonon alokwap “Akwap” ka tolimok neni ecunanakina ŋakipi “Ŋanamyo”, toanyu Akuj atemar ajokak ŋun. Tema Akuj, “Kitolomu akwap ŋikito ka ŋinya, ŋinya ŋulu erayete ŋicok a ŋikabilae kec ka ŋikito ŋulu erayete ŋaraito ŋuna eya ŋicok a ŋikabilae kec.” Apotu ŋun Kitiyakin. Kitolomu akwap ŋikito ka ŋinya, ŋinya ŋulu erayete ŋicok a ŋikabilae kec ka ŋikito ŋulu erayete ŋaraito ŋuna eya ŋicok a ŋikabilae kec. Toanyu Akuj atemar ajokak ŋun. Toyakaun ataboŋ ka toyakaun ataparacu, arae ŋin akoloŋit ŋina a ŋauni.
Tema Akuj, “Toyakaun ŋiboorei ŋulu ecayete nariwo ŋina alokidiama, totyaka apaaran ka akuwar; toruworos ikes igyerito ŋatubeta ŋuna ke ekaru, ŋirwa ka ŋikaru. Toruwor ikes akica anariwo a ŋina alokidiama, kinwak akica kec akwap.” Apotu ŋun kitiyakin. Tosub Akuj ŋiboorei ŋulu ecayete ŋuluarei ŋulu apolok, kipuka ŋini epol akica keŋ apaaran ka ŋini edit akica keŋ kipuka akuwar; tosub daŋ Akuj ŋikacer. Kiwuak Akuj ikes nariwo kidiama, kinwak akica kec akwap, kipukata ikes apaaran ka akuwar, totyaka ikes akica ka akiryonut. Toanyu Akuj atemar ejokak ŋun. Toyakaun ataboŋ ka toyakaun ataparacu, arae ŋin akoloŋit ŋina a ŋaomwon.
Tema Akuj, “Toyakaun nakipi ŋityaŋ ŋulu elyato, ŋulu eyarete ka toporo ŋikyeny anariwo a ŋina alokidiama akwap.” Tosub Akuj ŋityaŋ ŋulu apolok ŋulu eya nanamyo ka ŋisubuna ŋulu elyato anakipi, ŋulutyaŋ a ŋikabilae kec; ka ŋulukyeny ŋulu a ŋabebenuk a ŋikabilae kec. Toanyu Akuj atemar ejokak ŋun. Kiterereŋ Akuj ikes tema, “Touryata, topita, kilelebunos nakipi ŋuna a ŋanamyo; topita ŋikyeny daŋ anakwap.” Toyakaun ataboŋ ka toyakaun ataparacu, arae ŋin akoloŋit ŋina a ŋakan.
Tema nabo Akuj, “Toyakaun nakwap ŋisubuna ŋulu eyarete ŋulu a ŋolokabila: Ŋibaren, ŋityaŋ ŋulu elyato ka ŋityaŋ ŋulu ka ariet ŋulu a ŋolokabila.” Apotu ŋun kitiyakin. Tosub Akuj ŋityaŋ ŋulu anakwap a ŋikabilae kec: Ŋibaren a ŋikabilae kec, ŋityaŋ adaŋ ŋulu elyato alokwap a ŋikabilae kec. Toanyu Akuj atemar ejokak ŋul.
Tema nai Akuj, “Osubutu ŋituŋa eyakatar ŋasima yok, ikikwaan ka iwon; kipukata ikes ŋityaŋ ŋulu ka anam, ŋikyeny ŋulu alokidiama, ŋibaren ka ŋityaŋ daadaŋ ŋulu ka akwap ta ibore daadaŋ ŋini elyat alokwap.”
Tosub Akuj ŋituŋa eyakatar ŋasima keŋ,
alopite a ŋolo eyakatar ŋasima keŋ, abu tosub ikes.
Tosub ekile ka aberu.
Kiterereŋ Akuj ikes; tolimok tema, “Touryata, topita, kilelebun nakwap kipukata iŋes; kipukata ŋityaŋ ŋulu ka anam, ŋikyeny daadaŋ ka ŋityaŋ daadaŋ ŋulu elosete ta ŋulu elyato.” Tema Akuj, “Kiŋolikisi, akainak ayoŋ iyes ŋikito daadaŋ ka ŋinya daadaŋ ŋulu erayete ŋicok anakwap, ŋolokitoe eraii daadaŋ, eruwor ŋaraito keŋ akimuj kus. Akainak ayoŋ iyes ŋityaŋ daadaŋ ŋulu ka akwap, ŋikyeny daadaŋ, ŋiboorei daadaŋ ŋulu elyato ka ŋinibore eyari alokwap daadaŋ ta ŋikito ka ŋinya ŋulu alibak daadaŋ, akainak iyes toruworos akimuj kus.” Apotu ŋun kitiyakin. Toanyu Akuj ibore daadaŋ ŋini abu iŋes tosub, toryamu kire ejokak nooi. Toyakaun ataboŋ ka toyakaun ataparacu, arae ŋin akoloŋit ŋina a ŋakanikapei.

Poslouchat Akisy. 1