Urarina - 2006 Edition (NT)

<div class="version vid692 iso6393ura" data-vid="692" data-iso6393="ura">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Oo caje ichanaa Jesosone</div><div class="r">(Mt 28.1-10; Mr 16.1-8; Jn 20.1-10)</div><div class="p"> 1Nitohaneein nebetacaauruhane cojoanoo janohetiin jetaote, nii teeuruhane jaan ajeri jachu coaraa cuure nii acaauruacha ichai jujui amaain nii enecuru. 2Ecu turuhin coaracuruhane jana jetaote, elonanohi ne nii ajeri jachu fuuruhane jaa ajeri jaberoco. 3Nii jana enohin coaracuruhane jana jetaote, inae ecu Cana Curuaanaa Jesoso jaberoco eruurene.</div><div class="p"> 4Nii jaun jetaote, niicha ichanenu coitucuelanaala nesoonetooruhane jana jetao, somaratohanai que cajionequin, ecu luhecotariin acaauru aina ecocohin temeenete coroatajai cacha. 5Nii coaraain jetaote, nesoone caaun, suujua acatecuruhane coaaratiha nenoracaauruhane jana jetao:</div><div class="p">&#8220;Chanuna onacaauru jana, ichaohin nenaa ariiche inara. 6Inae ichanaane jaun, coatiha cau nihei. Tana Calileea inara aina nihane bana inara rai: 7&#8216;Acaihaniji cachaneein nejanoanaaneein nenaate, necha aansaineein ichaonacaauru rai tenojoineein niha cureein. Nii janate coroso que teein ateinaa cuurureein. Nete nichata janohane cuhane ichanareein&#8217;, narejetoha inara raine que nainaquichene&#8221;, naaure jetao ecu ecoonacaauru cachaauru.</div><div class="p"> 8Niritocuruha acaauru raine que nainaain jetaote, acaauru rai aitoroaetoha Jesosone coaaucure. 9Nitohaneein inae nainaain, nii atane bana caje jelaiha cauhin jetaote, jitariin nii acaauruacha coarai biha jetao cuure lechoonca leinjiin afosotooru rai, chaaen satiin acaauru aina nenacaauru cachaauru, naaonjoainuri rai. 10Nitohaneein coaraain afosotooru rai biha cunacaauru jetaote, Maadala bene Mariha, chaaen Joana, chaaen Saantiaao neba Mariha, chaaen leeochaauru enecuru acaauru aina cunacaauru, naaonjoainurine. 11Nitohaneein turuhin beeuruhane jana jetaote, acaauru esenetana jerecurene afosotooru. 12Nejetaote, nii acaauru esenetaaurenihane sainejeein soroneein jeluhariin cuhin turuhin, nii atane bana cuhanai coaraa Fedorone jana jetao, nii conaacuruhane jaa shojoeraacha ecu codoheque. Nitohaneein shojoeraacha eruhane jaun jetaote, jataain cojoelatiin jelaiha nenaanajau cauha cue Fedoro.</div><div class="s">Emaoso nese coero cuhane cuuruhane</div><div class="r">(Mr 16.12-13)</div><div class="p"> 13Nii bananeein jetaote, enoto chujutora rijiu fautaain amunaanaja itaanejeein nii Jerosaleen caje nenaa Emaoso neseu jetao, cuure coroatajai Jesoso aina nerelanacauru. 14Nitohaneein Jesoso atinaauruhane que ereerejeein bero cuhane cuujueeuruhane jana jetaote, 15jaiti que ereerejeeuruhane jana, acaauru rohan nichuutaain jetao, acaauru aina bero cuhane cuujue Jesoso. 16Nejetaote, acanihane coitucuurene, acanihane coitucuuruhane jereniha Jesosone jaun. 17Nitohaneein jetaote, acaauru rai:</div><div class="p">&#8220;Chaaquena bero cuhane ereerejeein cuujueeiche&#8221;, naa acaauru rai Jesosone jaun jetaote, ecu inaderatonanaain inacuhin jetao:</div><div class="p"> 18&#8220;Ii netonai Jerosaleeun neeinatiinna: &#8216;Naaonjoain ichacuruha caa janonaacha cuhanera&#8217;, naain coitucueneeite&#8221;, naain tonoraa nii bero cuhane cuujenaa coroataja Cureeofasine jaun jetaote:</div><div class="p"> 19&#8220;Chatohaneeuruhanaate aitohi&#8221;, naane jaun jetao:</div><div class="p">&#8220;Nasarete cocoaicha Jesoso, satiin cachaauru notaracae nere que irihane naitoonjoan ichaain, itolere que laraajiin Cana Coauneraacha letoai profetaneein nihanatiinte 20Romanocuru rai colurujueeure saseredotecuru curuaanaacuru, chaaen cana rai cocoainanacaihuri, naaonjoaihunri, coroso que teein atinaauruhane coina.</div><div class="p"> 21Canacaanune niqui, cairichaaerinojoineein neeuruha Isaraele cocoaicha nichaachene ichoteratihane cohajihacaanu. Nete inae nichata janoha nitohaneein atinaauruhane saijieein, 22canacaanu aina nenacaauru enecuru tabaauru, janonaa aonaain cuhin natane bana coaraa cuuruhane jana, 23ecu Jesoso jaberoco eruurenihane jaun, jelaiha nenaanajau cauhin canacaanu rai beein canacaanu socoinaaure. Acaauru rai ecocohin jete: &#8216;&#8201;&#8220;Coatiha cau nihei Jesoso jaberoco, inae oo caje ichanaane jaunta&#8221;, naaunre anjeraauru&#8217;, naain beeure. 24Niritocuruha turuhinne jaunte, canacaanu caje nenacaauru tabaauru netonai cuhin, nii atane bana coaraa cuure. Nii janate chuhisi, nii aitocuruha enecurune rijijieein, inae ecu nene Jesoso jaberoco. Niheichu nii Jesoso nihanatiin coaracuruhi&#8221;, nae jetao rai Cureeofasi.</div><div class="p"> 25Niritohane jaun jetaote acaauru rai:</div><div class="p">&#8220;Chanuna cha esenetana jerelanaala, nii aitocuruhalune profetacurune coacuhin esenetana jereneeiche. 26Tana jauriaanejeein dedeeu cusihane ajiniha, catohaneein necairicharichaain Mesihasine coitucuhicheneta&#8221;, naane baiha jetao, 27Moisesa quiricha caje coaauneein nunuheteein jetao, que aitiin laenacuruhalu profetacurune beebejeein jetao, acaauru rai ereereje Jesoso.</div><div class="p"> 28Nitohaneein nii cuuruhane jaan, Emaoso neseu turuuru jana jetaote, rauhijiriin situujiha cunaa rijijieein cuujue Jesoso. 29Nejetaote:</div><div class="p">&#8220;Cauna canacaanu aina nesuruure. Inae jataain sohane jaun necohejia natiin&#8221;, naain jetao chunaaure. Nitohaneein chunaauruhane jaun jetaote, ecu acaauru aina nesurue Jesoso.</div><div class="p"> 30Nitohaneein acaauru aina nesuruhin jetaote, lenonecuruhane coina nelauriaauruhane jana jetao, faa teberiaain Cana Coaunera bajaane baiha jetao, acaauru rai beeunebeeuneein te. 31Nitohaneein faan tihane que nainaain jetaote, Jesoso nihane coaraain acanihane coitucuuruhane jana jetao, inae acaauru caje jianatoraain amue.</div><div class="p"> 32Nitohaneein jianatoraain amuha acaauru cajene jana jetaote: ecu jelai nedaain ita rai nejesinajeein:</div><div class="p">&#8220;Esinae rauhijiriin acanihane jaun jiara bero cuhane uujueein, ereerejiha Cana Coaunera Quiricha inoaensi quene jana, aca netoojoaain naonae cana suujua cuhanaina&#8221;, naaure jetao ita rai.</div><div class="p"> 33Niritocuruhane baiha jetaote, caeneenejelanaala jelaiha bero cuhane soroneein cuhin Jerosaleen, ita taojiaain neeuruha lechoonca leinjiin nenacaauru afosotooru aina acaauru leeochaaurune jaan cauha cuure. Inae nii Jerosaleen nenacaauru rene turuuruhane jana jetaote:</div><div class="p"> 34&#8220;Esinae rauhijiriinte inae ichanae Cana Curuaanaara, Simoon raite inae ecocoe&#8221;, naain jetao acaauru rai beeure.</div><div class="p"> 35Niritocuruha acaauru raine jana jetaote, bero cuhane acaauru rai netonai ecocohin acaauru aina cuujihane beein, acaauru aina lenoneein faan teberiaain, Cana Coaunera bajaain acaauru rai tihane que nainacuruhane beeure jetao nii acaauru ajiniha netaojiaain nenacaauru rai, nii coroatajaihuri Emaoso coero cuhane cunacaauru.</div><div class="s">Aina nerelanacauru rai ecooca Jesosone</div><div class="r">(Mt 28.16-20; Mr 16.14-18; Jn 20.19-23)</div><div class="p"> 36Niritiin acaauru rai bero cuhane ecoocane que jaiti ereereecuruhane jana jetaote, luhecotariin acaauru cataaun neeoritiin:</div><div class="p">&#8220;Raotojoeein neeuche&#8221;, naa acaauru rai Jesosone jaun jetao: 37&#8220;Rai corii jecha coaracure&#8221;, naauruhane jaun jetao jataain nesoonetoore. 38Nitohaneein nesoonetooruhane jana jetaote:</div><div class="p">&#8220;Chanuna jataain nesoonetohiche. Chanuna nainanacharanejeein, baasoneein inara suujua cuhane coaauquiche. 39Cacoiichuru, catihacuru, naaonjoaihunri Coaracuchenachuhinti, jeelai cajabereeoneeite neeure caa cajabereeocuru. Cajabereeo mucuhin cacoharaauche. Leinjiin onaa corii, caa cacoaraaichene tocohaneein bucuhin, jaberoconeein nichaauraain nenaa naineriheita&#8221;, nae jetao acaauru rai Jesoso.</div><div class="p"> 40Niritiin jetaote, coroso que teein, rai tijia, biji, naaonjoain curuabaauruhane jaacuru coaarate acaauru que. 41Nejetaote, jataain esenetana jerecurene, jataain cojoelatiin rachoojoeeuruhane jaun. Nitohaneeuruhane jaun jetaote:</div><div class="p">&#8220;Tana cau enohalanohineein niha cau chaelai lenone nijine&#8221;, naain acaauru caje bajaane jaun jetao.</div><div class="p"> 42Niha ate basichone jaun, rai teeuruhane jaun jetao, 43ecu acaauru notaracae netiin que lenone. 44Nitohaneein lenonihane baiha jetaote acaauru rai:</div><div class="p">&#8220;Caa catohaneein caetecuruhane quene inara rai berejetoonlu, jaiti canu atinaaurenihane jana inara aina nihanune bana. Inae catohaneein caetecuruhane coina, rai quiricha cuhane itolereneein caque aitiin laenaelu Moisesane nainaain, chaaen aitiin quiricha cuhane laenacuruhalu profetacuru, Salmo naaonjoain cuhanene rijijieeine inae nainaaun&#8221;, naa acaauru raine baiha, 45Cana Coaunera Quiricha inoaensi cuhane aitohane rijijieein acaauru que coitucuerateein jetaote:</div><div class="p"> 46&#8220;Laenanohineein ne, canu Mesihasi nichaaunne ohanune baiha, nichata janohane cuhane ichanacaaunne que. 47Aihana jaun, canuhacha cocoainanohineein Jerosaleen caje nunuheteein, satiin atanecuru sacuritaain cachaauru rai, &#8216;Esinae rauhijiriinte, coreniha ichoteratenojoineein nerichaacheein&#8217;, naain beeuchete, nacoaauneein Cana Coaunera coacuhin suujua coreein neeuruhine acaauru osa caje acaauru ichoteratiha Cana Coaunerane coina. 48Inarate caa ohanune caje ichanacaaunne coaaraneein neeiche. 49Canune inara rai Ofa naitoonjoalu tereeunni. Aihane jaun, jiaonriha caa Jerosaleen caje amuhiche, laraajiin neeichene jaanu dede caje unaa raaichene reeitihaaineta&#8221;, nae jetao acaauru rai Jesoso.</div><div class="s">Dedeeu cauha cuha Jesosone</div><div class="r">(Mr 16.19-20)</div><div class="p"> 50Niritoha acaauru raine baiha jetaote, Jerosaleen caje amanajaain jetao, Betaniau turuanajaain, ecuun biji sijirichaain jetao acaauru cojiotae. 51Nitohaneein acaauru cojiotaain coroaenaacane baiha jetao, inae dedeeu cauha cue, ecu acaauru ratiriin. 52Nii jana jetaote, ecu Jesoso coroaecuruhane baiha, jataain rachoojoeein jelaiha Jerosaleeun cauha cuure. 53Nitohaneein cauhin jetaote, itolere bana Teenforo asae Cana Coaunera coroaerejetecurelu.</div>
 </div>
 </div>
</div>

Nitohaneein nebetacaauruhane cojoanoo janohetiin jetaote, nii teeuruhane jaan ajeri jachu coaraa cuure nii acaauruacha ichai jujui amaain nii enecuru. Ecu turuhin coaracuruhane jana jetaote, elonanohi ne nii ajeri jachu fuuruhane jaa ajeri jaberoco. Nii jana enohin coaracuruhane jana jetaote, inae ecu Cana Curuaanaa Jesoso jaberoco eruurene.
Nii jaun jetaote, niicha ichanenu coitucuelanaala nesoonetooruhane jana jetao, somaratohanai que cajionequin, ecu luhecotariin acaauru aina ecocohin temeenete coroatajai cacha. Nii coaraain jetaote, nesoone caaun, suujua acatecuruhane coaaratiha nenoracaauruhane jana jetao:
“Chanuna onacaauru jana, ichaohin nenaa ariiche inara. Inae ichanaane jaun, coatiha cau nihei. Tana Calileea inara aina nihane bana inara rai: ‘Acaihaniji cachaneein nejanoanaaneein nenaate, necha aansaineein ichaonacaauru rai tenojoineein niha cureein. Nii janate coroso que teein ateinaa cuurureein. Nete nichata janohane cuhane ichanareein’, narejetoha inara raine que nainaquichene”, naaure jetao ecu ecoonacaauru cachaauru.
Niritocuruha acaauru raine que nainaain jetaote, acaauru rai aitoroaetoha Jesosone coaaucure. Nitohaneein inae nainaain, nii atane bana caje jelaiha cauhin jetaote, jitariin nii acaauruacha coarai biha jetao cuure lechoonca leinjiin afosotooru rai, chaaen satiin acaauru aina nenacaauru cachaauru, naaonjoainuri rai. Nitohaneein coaraain afosotooru rai biha cunacaauru jetaote, Maadala bene Mariha, chaaen Joana, chaaen Saantiaao neba Mariha, chaaen leeochaauru enecuru acaauru aina cunacaauru, naaonjoainurine. Nitohaneein turuhin beeuruhane jana jetaote, acaauru esenetana jerecurene afosotooru. Nejetaote, nii acaauru esenetaaurenihane sainejeein soroneein jeluhariin cuhin turuhin, nii atane bana cuhanai coaraa Fedorone jana jetao, nii conaacuruhane jaa shojoeraacha ecu codoheque. Nitohaneein shojoeraacha eruhane jaun jetaote, jataain cojoelatiin jelaiha nenaanajau cauha cue Fedoro.


Nii bananeein jetaote, enoto chujutora rijiu fautaain amunaanaja itaanejeein nii Jerosaleen caje nenaa Emaoso neseu jetao, cuure coroatajai Jesoso aina nerelanacauru. Nitohaneein Jesoso atinaauruhane que ereerejeein bero cuhane cuujueeuruhane jana jetaote, jaiti que ereerejeeuruhane jana, acaauru rohan nichuutaain jetao, acaauru aina bero cuhane cuujue Jesoso. Nejetaote, acanihane coitucuurene, acanihane coitucuuruhane jereniha Jesosone jaun. Nitohaneein jetaote, acaauru rai:
“Chaaquena bero cuhane ereerejeein cuujueeiche”, naa acaauru rai Jesosone jaun jetaote, ecu inaderatonanaain inacuhin jetao:
“Ii netonai Jerosaleeun neeinatiinna: ‘Naaonjoain ichacuruha caa janonaacha cuhanera’, naain coitucueneeite”, naain tonoraa nii bero cuhane cuujenaa coroataja Cureeofasine jaun jetaote:
“Chatohaneeuruhanaate aitohi”, naane jaun jetao:
“Nasarete cocoaicha Jesoso, satiin cachaauru notaracae nere que irihane naitoonjoan ichaain, itolere que laraajiin Cana Coauneraacha letoai profeta neein nihanatiinte Romanocuru rai colurujueeure saseredotecuru curuaanaacuru, chaaen cana rai cocoainanacaihuri, naaonjoaihunri, coroso que teein atinaauruhane coina.
Canacaanune niqui, cairichaaerinojoineein neeuruha Isaraele cocoaicha nichaachene ichoteratihane cohajihacaanu. Nete inae nichata janoha nitohaneein atinaauruhane saijieein, canacaanu aina nenacaauru enecuru tabaauru, janonaa aonaain cuhin natane bana coaraa cuuruhane jana, ecu Jesoso jaberoco eruurenihane jaun, jelaiha nenaanajau cauhin canacaanu rai beein canacaanu socoinaaure. Acaauru rai ecocohin jete: ‘ “Coatiha cau nihei Jesoso jaberoco, inae oo caje ichanaane jaunta”, naaunre anjeraauru’, naain beeure. Niritocuruha turuhinne jaunte, canacaanu caje nenacaauru tabaauru netonai cuhin, nii atane bana coaraa cuure. Nii janate chuhisi, nii aitocuruha enecurune rijijieein, inae ecu nene Jesoso jaberoco. Niheichu nii Jesoso nihanatiin coaracuruhi”, nae jetao rai Cureeofasi.
Niritohane jaun jetaote acaauru rai:
“Chanuna cha esenetana jerelanaala, nii aitocuruhalune profeta curune coacuhin esenetana jereneeiche. Tana jauriaanejeein dedeeu cusihane ajiniha, catohaneein necairicharichaain Mesihasine coitucuhicheneta”, naane baiha jetao, Moisesa quiricha caje coaauneein nunuheteein jetao, que aitiin laenacuruhalu profeta curune beebejeein jetao, acaauru rai ereereje Jesoso.
Nitohaneein nii cuuruhane jaan, Emaoso neseu turuuru jana jetaote, rauhijiriin situujiha cunaa rijijieein cuujue Jesoso. Nejetaote:
“Cauna canacaanu aina nesuruure. Inae jataain sohane jaun necohejia natiin”, naain jetao chunaaure. Nitohaneein chunaauruhane jaun jetaote, ecu acaauru aina nesurue Jesoso.
Nitohaneein acaauru aina nesuruhin jetaote, lenonecuruhane coina nelauriaauruhane jana jetao, faa teberiaain Cana Coaunera bajaane baiha jetao, acaauru rai beeunebeeuneein te. Nitohaneein faan tihane que nainaain jetaote, Jesoso nihane coaraain acanihane coitucuuruhane jana jetao, inae acaauru caje jianatoraain amue.
Nitohaneein jianatoraain amuha acaauru cajene jana jetaote: ecu jelai nedaain ita rai nejesinajeein:
“Esinae rauhijiriin acanihane jaun jiara bero cuhane uujueein, ereerejiha Cana Coaunera Quiricha inoaensi quene jana, aca netoojoaain naonae cana suujua cuhanaina”, naaure jetao ita rai.
Niritocuruhane baiha jetaote, caeneenejelanaala jelaiha bero cuhane soroneein cuhin Jerosaleen, ita taojiaain neeuruha lechoonca leinjiin nenacaauru afosotooru aina acaauru leeochaaurune jaan cauha cuure. Inae nii Jerosaleen nenacaauru rene turuuruhane jana jetaote:
“Esinae rauhijiriinte inae ichanae Cana Curuaanaara, Simoon raite inae ecocoe”, naain jetao acaauru rai beeure.
Niritocuruha acaauru raine jana jetaote, bero cuhane acaauru rai netonai ecocohin acaauru aina cuujihane beein, acaauru aina lenoneein faan teberiaain, Cana Coaunera bajaain acaauru rai tihane que nainacuruhane beeure jetao nii acaauru ajiniha netaojiaain nenacaauru rai, nii coroatajaihuri Emaoso coero cuhane cunacaauru.


Niritiin acaauru rai bero cuhane ecoocane que jaiti ereereecuruhane jana jetaote, luhecotariin acaauru cataaun neeoritiin:
“Raotojoeein neeuche”, naa acaauru rai Jesosone jaun jetao: “Rai corii jecha coaracure”, naauruhane jaun jetao jataain nesoonetoore. Nitohaneein nesoonetooruhane jana jetaote:
“Chanuna jataain nesoonetohiche. Chanuna nainanacharanejeein, baasoneein inara suujua cuhane coaauquiche. Cacoiichuru, catihacuru, naaonjoaihunri Coaracuchenachuhinti, jeelai cajabereeoneeite neeure caa cajabereeocuru. Cajabereeo mucuhin cacoharaauche. Leinjiin onaa corii, caa cacoaraaichene tocohaneein bucuhin, jaberoconeein nichaauraain nenaa naineriheita”, nae jetao acaauru rai Jesoso.
Niritiin jetaote, coroso que teein, rai tijia, biji, naaonjoain curuabaauruhane jaacuru coaarate acaauru que. Nejetaote, jataain esenetana jerecurene, jataain cojoelatiin rachoojoeeuruhane jaun. Nitohaneeuruhane jaun jetaote:
“Tana cau enohalanohineein niha cau chaelai lenone nijine”, naain acaauru caje bajaane jaun jetao.
Niha ate basichone jaun, rai teeuruhane jaun jetao, ecu acaauru notaracae netiin que lenone. Nitohaneein lenonihane baiha jetaote acaauru rai:
“Caa catohaneein caetecuruhane quene inara rai berejetoonlu, jaiti canu atinaaurenihane jana inara aina nihanune bana. Inae catohaneein caetecuruhane coina, rai quiricha cuhane itolereneein caque aitiin laenaelu Moisesane nainaain, chaaen aitiin quiricha cuhane laenacuruhalu profeta curu, Salmo naaonjoain cuhanene rijijieeine inae nainaaun”, naa acaauru raine baiha, Cana Coaunera Quiricha inoaensi cuhane aitohane rijijieein acaauru que coitucuerateein jetaote:
“Laenanohineein ne, canu Mesihasi nichaaunne ohanune baiha, nichata janohane cuhane ichanacaaunne que. Aihana jaun, canuhacha cocoainanohineein Jerosaleen caje nunuheteein, satiin atanecuru sacuritaain cachaauru rai, ‘Esinae rauhijiriinte, coreniha ichoteratenojoineein nerichaacheein’, naain beeuchete, nacoaauneein Cana Coaunera coacuhin suujua coreein neeuruhine acaauru osa caje acaauru ichoteratiha Cana Coaunerane coina. Inarate caa ohanune caje ichanacaaunne coaaraneein neeiche. Canune inara rai Ofa naitoonjoalu tereeunni. Aihane jaun, jiaonriha caa Jerosaleen caje amuhiche, laraajiin neeichene jaanu dede caje unaa raaichene reeitihaaineta”, nae jetao acaauru rai Jesoso.


Niritoha acaauru raine baiha jetaote, Jerosaleen caje amanajaain jetao, Betaniau turuanajaain, ecuun biji sijirichaain jetao acaauru cojiotae. Nitohaneein acaauru cojiotaain coroaenaacane baiha jetao, inae dedeeu cauha cue, ecu acaauru ratiriin. Nii jana jetaote, ecu Jesoso coroaecuruhane baiha, jataain rachoojoeein jelaiha Jerosaleeun cauha cuure. Nitohaneein cauhin jetaote, itolere bana Teenforo asae Cana Coaunera coroaerejetecurelu.

Poslouchat Locasiicha Laenai 24