The Lozi Audio Bible

<div class="version vid825 iso6393loz" data-vid="825" data-iso6393="loz">
    <div class="book bkGEN">
        <div class="chapter ch3" data-usfm="GEN.3">
            <div class="label">3</div><div class="s1"><span class="heading">Ku wa kwa mutu</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">  </span><span class="note x"><span class="label">#</span><span class=" body">    
        But 2.24;   
        Sin 12.9; 20.2  </span></span><span class="content"> Noha i ne i fita lifolofolo z'a n'a ezize Mulimu Mu&#241;'a Bupilo kwa butali. Noha yeo kiha i buza musali, ya li, &#8220;Kana ki niti luli kuli Mulimu u mi bulelezi kuli mu si ke mwa ca muselo wa kota ifi ni ifi ye mwa simu mo?&#8221;</span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2" data-usfm="GEN.3.2"><span class="label">2</span><span class="content">Musali a alaba, a li, &#8220;Lu ka ca muselo wa kota ifi ni ifi mwa simu mo. </span></span><span class="verse v3" data-usfm="GEN.3.3"><span class="label">3</span><span class="content">Kono ha lu koni ku ca muselo wa kota ye mwahal'a simu. Mulimu u ize lu si ke lwa ca muselo wa kota yeo, nihaiba ku i swala feela, kakuli ha lu ka eza cwalo, lu ka shwa.&#8221;</span></span></div><div class="p"><span class="verse v3" data-usfm="GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Noha ya alaba, ya li, &#8220;Ku shwa! Batili, yeo ha si niti! Ha mu na ku shwa. </span></span><span class="verse v5" data-usfm="GEN.3.5"><span class="label">5</span><span class="content">Mulimu u bulezi cwalo kakuli wa ziba kuli ha mu ka i ca, mu ta ba ni kutwisiso, inge yena, mi mu ka ziba ze nde ni ze maswe.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Musali a bona bunde bwa kota yeo, a lemuha ku lakazeha kwa miselo ya yona, mi a hupula kuli ne i ka ba hande ku ba ni butali. Cwale, kiha s'a nga ye mi&#241;wi ya miselo yeo, mi a i ca. Ye mi&#241;wi a fa munn'a hae, mi ni yena a ca. </span></span><span class="verse v7" data-usfm="GEN.3.7"><span class="label">7</span><span class="content">Ha ba se ba cile, ba ba ni kutwisiso, mi ba ipona kuli ba mapunu. Cwale ba ngungahanya matali a kota ya feiga, mi ba itama ona.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">Manzibwana a lona lizazi leo, ba utwa Mulimu Mu&#241;'a Bupilo a zamaya-zamaya mwa simu, kiha ba ipata mwa likota. </span></span><span class="verse v9" data-usfm="GEN.3.9"><span class="label">9</span><span class="content">Kono Mulimu Mu&#241;'a Bupilo a biza munna, a li, &#8220;U inzi kai?&#8221;</span></span></div><div class="p"><span class="verse v9" data-usfm="GEN.3.9"><span class="content">  </span></span><span class="verse v10" data-usfm="GEN.3.10"><span class="label">10</span><span class="content">Munna a alaba, a li, &#8220;Ni ku utwile ha n'o li mwa simu, mi ne ni saba kakuli ne ni li mapunu. Kihona ha ne ni ipatile.&#8221;</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">Mulimu Mu&#241;'a Bupilo a mu buza, a li, &#8220;Ki ma&#241;i ya ku bulelezi kuli u inzi mapunu? Kana, kikuli u cile muselo wa kota ye ne ni ize u si ke wa u ca, nji?&#8221;</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">Munna a alaba, a li, &#8220;Musali y'o ni ezelize, ki yena ya ni file kuli ni ce, kiha se ni ca.&#8221;</span></span></div><div class="p"><span class="verse v12" data-usfm="GEN.3.12"><span class="content">  </span></span><span class="verse v13" data-usfm="GEN.3.13"><span class="label">13</span><span class="content">  </span><span class="note x"><span class="label">#</span><span class=" body">    
        2 Bakor 11.3; 1 Tim 2.14  </span></span><span class="content"> Mulimu Mu&#241;'a Bupilo a buza musali, a li, &#8220;Ki&#241;i ha u ezize cwalo?&#8221;</span></span></div><div class="p"><span class="verse v13" data-usfm="GEN.3.13"><span class="content">Yena a alaba, a li, &#8220;Ni pumilwe ki noha, mi ki yona ye ize ni ce.&#8221;</span></span></div><div class="s1"><span class="heading">Sikuto sa Mu&#241;'a Bupilo</span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">Cwale Mulimu Mu&#241;'a Bupilo a li kwa noha,</span></span></div><div class="q1"><span class="verse v14" data-usfm="GEN.3.14"><span class="content">&#8220;Ka s'o ezize, u ta fiwa mulatu.</span></span></div><div class="q1"><span class="verse v14" data-usfm="GEN.3.14"><span class="content">U kutilwe mwahal'a lifolofolo kaufela.</span></span></div><div class="q1"><span class="verse v14" data-usfm="GEN.3.14"><span class="content">Ku zwa hona fa, u ta hohoba ka mba,</span></span></div><div class="q1"><span class="verse v14" data-usfm="GEN.3.14"><span class="content">mi liluli i ta ba sona sico s'o ta ca.</span></span></div><div class="q1"><span class="verse v14" data-usfm="GEN.3.14"><span class="content">  </span></span><span class="verse v15" data-usfm="GEN.3.15"><span class="label">15</span><span class="content">  </span><span class="note x"><span class="label">#</span><span class=" body">    
        Sin 12.17
        </span></span><span class="content"> Wena ni musali mu ta toyana.</span></span></div><div class="q1"><span class="verse v15" data-usfm="GEN.3.15"><span class="content">Peu ya hae ni ya hao ba ka toyana.</span></span></div><div class="q1"><span class="verse v15" data-usfm="GEN.3.15"><span class="content">U ta pyata toho ya hao,</span></span></div><div class="q1"><span class="verse v15" data-usfm="GEN.3.15"><span class="content">mi wena u ta mu luma kwa lisito.&#8221;</span></span></div><div class="b"></div><div class="q1"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">Kih'a li ku musali,</span></span></div><div class="q1"><span class="verse v16" data-usfm="GEN.3.16"><span class="content">&#8220;U ta nyanda ha u itwezi,</span></span></div><div class="q2"><span class="verse v16" data-usfm="GEN.3.16"><span class="content">mi u ta utwa butuku hahulu ha u pepa.</span></span></div><div class="q1"><span class="verse v16" data-usfm="GEN.3.16"><span class="content">Kono u ta lakaza hape munn'a hao,</span></span></div><div class="q2"><span class="verse v16" data-usfm="GEN.3.16"><span class="content">mi u ta ku busa.&#8221;</span></span></div><div class="b"></div><div class="q1"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">  </span><span class="note x"><span class="label">#</span><span class=" body">    
        Maheb 6.8
        </span></span><span class="content"> Cwale a li ku Adama,</span></span></div><div class="q1"><span class="verse v17" data-usfm="GEN.3.17"><span class="content">&#8220;Wena u teelelize musal'a hao,</span></span></div><div class="q2"><span class="verse v17" data-usfm="GEN.3.17"><span class="content">mi u cile muselo o ne ni ize</span></span></div><div class="q2"><span class="verse v17" data-usfm="GEN.3.17"><span class="content">u si ke wa u ca.</span></span></div><div class="q1"><span class="verse v17" data-usfm="GEN.3.17"><span class="content">Kabakala s'o ezize, lifasi li kutilwe!</span></span></div><div class="q1"><span class="verse v17" data-usfm="GEN.3.17"><span class="content">U ta sebeza ka tata mwa bupilo</span></span></div><div class="q2"><span class="verse v17" data-usfm="GEN.3.17"><span class="content">bwa hao kaufela</span></span></div><div class="q1"><span class="verse v17" data-usfm="GEN.3.17"><span class="content">kuli lifasi li ku meliseze lico</span></span></div><div class="q2"><span class="verse v17" data-usfm="GEN.3.17"><span class="content">ze likana.</span></span></div><div class="q1"><span class="verse v17" data-usfm="GEN.3.17"><span class="content">  </span></span><span class="verse v18" data-usfm="GEN.3.18"><span class="label">18</span><span class="content">Li ta ku meliseza macacani</span></span></div><div class="q2"><span class="verse v18" data-usfm="GEN.3.18"><span class="content">a miutwa ni liseto,</span></span></div><div class="q2"><span class="verse v18" data-usfm="GEN.3.18"><span class="content">ha u nze u ca miselo ya mwa nahe&#241;i.</span></span></div><div class="q1"><span class="verse v18" data-usfm="GEN.3.18"><span class="content">  </span></span><span class="verse v19" data-usfm="GEN.3.19"><span class="label">19</span><span class="content">U ta fufulelwa ni ku sebeza ka tata</span></span></div><div class="q2"><span class="verse v19" data-usfm="GEN.3.19"><span class="content">kuli u fumane lico,</span></span></div><div class="q1"><span class="verse v19" data-usfm="GEN.3.19"><span class="content">ku fitela f'o ta kutela mwa mubu</span></span></div><div class="q2"><span class="verse v19" data-usfm="GEN.3.19"><span class="content">mo n'o zwisizwe.</span></span></div><div class="q1"><span class="verse v19" data-usfm="GEN.3.19"><span class="content">N'o ezizwe ka mubu,</span></span></div><div class="q2"><span class="verse v19" data-usfm="GEN.3.19"><span class="content">mi u ta kutela mwate&#241;i hape!&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">Munna a beya musal'a hae libizo la Eva, kakuli ki yena m'ahe batu kaufela. </span></span><span class="verse v21" data-usfm="GEN.3.21"><span class="label">21</span><span class="content">Mi Mulimu Mu&#241;'a Bupilo a ezeza bo Adama ni musal'a hae Eva liapalo za matalo a lifolofolo, mi a ba apesa.</span></span></div><div class="s1"><span class="heading">Adama ni Eva ba zwiswa mwa simu</span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">  </span><span class="note x"><span class="label">#</span><span class=" body">    
        Sin 22.14
        </span></span><span class="content"> Mulimu Mu&#241;'a Bupilo kih'a li, &#8220;Mutu cwale s'a swana ni luna, kakuli s'a ziba bunde ni bumaswe. A si ke a lumelelwa ku ca miselo kwa kota ya bupilo, kuli a pile kuya kuile.&#8221; </span></span><span class="verse v23" data-usfm="GEN.3.23"><span class="label">23</span><span class="content">Kabakaleo, Mulimu Mu&#241;'a Bupilo a mu leleka mwa simu ya Edeni, mi a mu luma ku y'o lima mubu mw'a n'a zwisizwe. </span></span><span class="verse v24" data-usfm="GEN.3.24"><span class="label">24</span><span class="content">Mulimu a leleka mutu cwalo, mi fa munyako wa simu ya Edeni a beya kerubime ni sabule ye tuka mulilo, o n'o fetaulelwa mwa maneku kaufela, ku sabisa ufi ni ufi ku taha kwa kota ya bupilo.</span></span></div>
        </div>
    </div>
</div>

Lozi Interconfessional Bible, Catholic Edition © Bible Society of Zambia, 2009.

Noha i ne i fita lifolofolo z'a n'a ezize Mulimu Muñ'a Bupilo kwa butali. Noha yeo kiha i buza musali, ya li, “Kana ki niti luli kuli Mulimu u mi bulelezi kuli mu si ke mwa ca muselo wa kota ifi ni ifi ye mwa simu mo?”
Musali a alaba, a li, “Lu ka ca muselo wa kota ifi ni ifi mwa simu mo. Kono ha lu koni ku ca muselo wa kota ye mwahal'a simu. Mulimu u ize lu si ke lwa ca muselo wa kota yeo, nihaiba ku i swala feela, kakuli ha lu ka eza cwalo, lu ka shwa.”
Noha ya alaba, ya li, “Ku shwa! Batili, yeo ha si niti! Ha mu na ku shwa. Mulimu u bulezi cwalo kakuli wa ziba kuli ha mu ka i ca, mu ta ba ni kutwisiso, inge yena, mi mu ka ziba ze nde ni ze maswe.”
Musali a bona bunde bwa kota yeo, a lemuha ku lakazeha kwa miselo ya yona, mi a hupula kuli ne i ka ba hande ku ba ni butali. Cwale, kiha s'a nga ye miñwi ya miselo yeo, mi a i ca. Ye miñwi a fa munn'a hae, mi ni yena a ca. Ha ba se ba cile, ba ba ni kutwisiso, mi ba ipona kuli ba mapunu. Cwale ba ngungahanya matali a kota ya feiga, mi ba itama ona.
Manzibwana a lona lizazi leo, ba utwa Mulimu Muñ'a Bupilo a zamaya-zamaya mwa simu, kiha ba ipata mwa likota. Kono Mulimu Muñ'a Bupilo a biza munna, a li, “U inzi kai?”
Munna a alaba, a li, “Ni ku utwile ha n'o li mwa simu, mi ne ni saba kakuli ne ni li mapunu. Kihona ha ne ni ipatile.”
Mulimu Muñ'a Bupilo a mu buza, a li, “Ki mañi ya ku bulelezi kuli u inzi mapunu? Kana, kikuli u cile muselo wa kota ye ne ni ize u si ke wa u ca, nji?”
Munna a alaba, a li, “Musali y'o ni ezelize, ki yena ya ni file kuli ni ce, kiha se ni ca.”
Mulimu Muñ'a Bupilo a buza musali, a li, “Kiñi ha u ezize cwalo?”
Yena a alaba, a li, “Ni pumilwe ki noha, mi ki yona ye ize ni ce.”

Cwale Mulimu Muñ'a Bupilo a li kwa noha,
“Ka s'o ezize, u ta fiwa mulatu.
U kutilwe mwahal'a lifolofolo kaufela.
Ku zwa hona fa, u ta hohoba ka mba,
mi liluli i ta ba sona sico s'o ta ca.
Wena ni musali mu ta toyana.
Peu ya hae ni ya hao ba ka toyana.
U ta pyata toho ya hao,
mi wena u ta mu luma kwa lisito.”

Kih'a li ku musali,
“U ta nyanda ha u itwezi,
mi u ta utwa butuku hahulu ha u pepa.
Kono u ta lakaza hape munn'a hao,
mi u ta ku busa.”

Cwale a li ku Adama,
“Wena u teelelize musal'a hao,
mi u cile muselo o ne ni ize
u si ke wa u ca.
Kabakala s'o ezize, lifasi li kutilwe!
U ta sebeza ka tata mwa bupilo
bwa hao kaufela
kuli lifasi li ku meliseze lico
ze likana.
Li ta ku meliseza macacani
a miutwa ni liseto,
ha u nze u ca miselo ya mwa naheñi.
U ta fufulelwa ni ku sebeza ka tata
kuli u fumane lico,
ku fitela f'o ta kutela mwa mubu
mo n'o zwisizwe.
N'o ezizwe ka mubu,
mi u ta kutela mwateñi hape!”
Munna a beya musal'a hae libizo la Eva, kakuli ki yena m'ahe batu kaufela. Mi Mulimu Muñ'a Bupilo a ezeza bo Adama ni musal'a hae Eva liapalo za matalo a lifolofolo, mi a ba apesa.

Mulimu Muñ'a Bupilo kih'a li, “Mutu cwale s'a swana ni luna, kakuli s'a ziba bunde ni bumaswe. A si ke a lumelelwa ku ca miselo kwa kota ya bupilo, kuli a pile kuya kuile.” Kabakaleo, Mulimu Muñ'a Bupilo a mu leleka mwa simu ya Edeni, mi a mu luma ku y'o lima mubu mw'a n'a zwisizwe. Mulimu a leleka mutu cwalo, mi fa munyako wa simu ya Edeni a beya kerubime ni sabule ye tuka mulilo, o n'o fetaulelwa mwa maneku kaufela, ku sabisa ufi ni ufi ku taha kwa kota ya bupilo.

Poslouchat Simuluho 3