Oblíbené biblické verše z GENESIS 21

Sdílet

Áko Bóhólníihii t'áá ádííniidígi át'éego Sárah yaa naneeztą́ą́', áko t'áá haadzí'ígi át'éego Sárah yá yi'iilaa.

Áko Diyin God nilíinii ashkii yichago yidiizts'ą́ą́', áko Diyin God bidiyingo naal'a'í yá'ąąsh biyi'dę́ę́' Héígar yiyíízhi'go áyidííniid, Héígar, haashą' yinidzaa? T'áadoo nił yé'í; Diyin God éí ashkii sitínígíí yichago yidiizts'ą́ą́'. Nídiidááh, ashkii nídiiłteehgo dah yíłtééł, háálá ła' dine'é ayóó át'éii áhodeeshłííł.

Áko Sárah i'niiltsąąd, áádóó Éíbraham haastihdi índa biye' bá jishchį́; t'áá Diyin God hach'į' haadzí'íjį' ahoolzhiizhgo bohoolyaa.

Áko Sárah ádííniid, Diyin God yishdlohgo áshiilaa, áádóó t'áá ałtso deidiizts'ą́'ígíí shił daadloh dooleeł.

Nidi Diyin God éí Éíbraham áyidííniid, Ashkii índa naalte' asdzání biniinaa t'áadoo yínííł nílíní; Sárah áníłnínígíí t'áá ałtso yísíníłts'ą́ą́', háálá Áízak bits'ą́ą́dóó na'áłchíní náás ahoolchíiłii bíká ádahodoo'niid.

Asdzání naalte' nilínígíí ałdó' biyáázh ła' dine'é ádeeshłííł, háálá éí niye' át'é.