Oblíbené biblické verše z GENESIS 9

Sdílet

Áádóó Diyin God ádííniid, Ni áádóó dahináanii nináneel'ą́ąjį' índa náásgóó da'ahílchíihii t'áá ałtso nihił ałha'dinisht'aah; díí bee ééhózin doo; éí k'os biyi' shinááts'íílid ninílá, áko shí áádóó nahasdzáán bił nihita'gi aha'deet'ą́ągo bee bééhózin doo.

K'os biyi' nááts'íílid ninádiłgo nánísh'įįh doo, áko Diyin God áádóó nahasdzáán bikáa'gi bits'íís dahináanii nináneel'ą́ąjį' hool'áágóó bił ahadi'nisht'ą́ągo bénáshniih doo.

T'áá háiida diné bidił bits'ánílį́ ájiilaii daaztsą́ągo hó ałdó' hadił hats'ánílį́ áhodi'doolníiłgo dazdootsaał, háálá Diyin God éí diné t'áá bináłt'éego áyiilaa.

Áko Diyin God éí Nóah áádóó biye'ké yik'ijisdli'go áyidííniid, Náásgóó niha'áłchíní náhoodleeł doo; k'ee'ąą dínóht'įįhgo nahasdzáán bikáá' nihináánółt'eeh.

Naaldeehii nináneel'ą́ąjį' nihich'iyą' doo, nanise' daadáanii nihaa diní'ánígi át'éego nihaa dinish'aah.

Nahasdzáán bikáa'gi naaldlooshii t'áá ałtso áádóó nidaat'a'ii t'áá ałtso áádóó nahasdzáán bikáá' naaldeehii t'áá ałtso índa táyi' naaldeehii t'áá ałtso ałdó' nihéédaaldzid doo, índa nihik'ee biyandahalyiz doo, áko bee nihídahólníih dooleeł.

Áádóó nihí niha'áłchíní nídahoodleełgo k'ee'ąą nooht'į́įł le', índa nahasdzáán bikáa'gi k'ee'ąą dínóht'įįhgo bilááh nááhdleeł le'.