Oblíbené biblické verše z DITIRO TŠA BAAPOSTOLA 4

Sdílet

Ga go phološo go e mongwe; le gona ka tlase go legodimo ga go leina le lengwe le batho ba le neilwego, le re kago phološwa ka lona.

Ya re ge ba feditše go rapela, felo mo ba bego ba phuthegetše gona gwa šišinyega; ka moka ba tlala Moya o mokgethwa, ba bolela lentšu la Modimo ka mafolofolo.

Mme bjalo, Morena, bona kgalemo tša bona; mme bahlanka ba gago o ba fe mafolofolo ruri, ba bolele ntšu la gago.

Ke yena leswika le baagi ba le nyaditšego; le bile motheo wa sekhutlo.

Ge ba bona Petro le Johane ba bolela ba thabile, mola ba boditšwe gore ga se batho ba mangwalo, ga se barutegi, ba kgotsa; le gona ba be ba tseba ge e le ba ba bego ba na le Jesu.

Gomme lešaba la ba ba dumetšego e be e le ba pelo e tee le moya o tee. Go be go se motho e a rego dilo tše a nago natšo ke tša gagwe; ba be ba re ke tša bohle.