Oblíbené biblické verše z Luk 19

Sdílet

Kɛ ɣöö bä Gat Ran kɛ ɣöö bɛ nɛy ti ci bath ben go̱r, kä bɛ kɛ kän.”

wäkɛ i̱, “A puɔ̱th tekɛ kuäär min bëë kɛ ciöt Kua̱r ni Kuɔth! A mal te nhial kä a buay te ni puɔ̱ɔ̱rä nhial!”

Kä cu Yecu ɛ jiök i̱, “Walɛ ci ka̱n teekä ben cieŋ ɛmɛ, kɛ ɣöö jɛn bä ɛ gat A-bɛ-ram.

Mëë ci Yecu cop ɛn guäth ɛmɔ, cuɛ nhial liɛc kä cuɛ jɛ jiök i̱, “Dhɛ̈-ki-yäth, bër piny kɛ pɛ̈th, kɛ ɣöö bä dhil wä te cieŋdu ɛn walɛ.” Cuɛ ben piny kɛ pɛ̈th, kä cuɛ jɛ nyuɔ̱ɔ̱r kɛ tɛ̈th lɔaac.

Cu Dhɛ̈-ki-yäth cuɔ̱ŋ ɛn wi̱ni, kä cuɛ Kuäär ni Yecu jiök i̱, “Nɛn ɛ, Kuäärä, bä kui̱c kɛl kä nyinkä diaal ka̱m nɛy ti can. Kä mi cä raan mac kɛ duɔ̱ɔ̱r, bä jɛ cuɔ̱lɛ ni kä ŋuaan.”

Kä cu tha̱a̱ŋ ji̱ Pa-ri-thii ti te rɛy bunä jɛ jiök i̱, “Ŋi̱i̱c, luek ji̱ kɔaaru kɛ ɣöö bikɛ biɛt.” Cuɛ kɛ loc i̱, “Ɣän la̱rä jɛ yɛ, mi ci nɛy ti̱ti̱ biɛt, bi pääm pua̱nykiɛn ɛ tok kɛ mi rɔalkɛ.”