Oblíbené biblické verše z Yohane 3

Sdílet

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana.

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Lawi Ia au hangangaa kahile-hilea tuwoNa, hai iko au hangangaa kakoi-koia tuwongku.”

Ope-ope tauna au mobabehi dake, mokahihihe Baa iti. Barahe mau mohungkuki Baa iti dati tongawa babehianda au kadake.

Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.

Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga, bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape

Pue Ala Umanta mampokaahi AnaNa hai Naweimi ope-ope kuasaNa.