Oblíbené biblické verše z Yuhanna 6

Sdílet

Yeeshu jawaab dees, “Jeewan ke roṭi ham hei! Jon koi bhi hamaar lage aay hei, u kabhi bhuuka nai rahi. Jon koi bhi ham pe biswaas kare hei, u pyaasa nai rahi.

Aatma hee jeewan dees hei! Manush ke taakat kuchh nai kare sake. Jon baat ham tum se bataaya hei, u jeewan de waala Aatma se aais hei.

Kharaab hoy waala khaana ke khaatir mehnat nai karo, lekin weisan khaana ke khaatir mehnat karo jon hardam rahe, aur u tumme khali Manush ke laṛka dei, kaahe ke Pita yaane Parmeshwar uspe aapan adhikaar dees hei.”

Hamaar Pita ke i ichchha hei ki jon koi bhi laṛka ke dekh ke aur uspe biswaas kari, u anant jeewan paai aur ham uske aakhri roj jinda kar dega.

Yeeshu jawaab dees, “Parmeshwar maañge hei ki tum uspe biswaas karo jiske u bhejis hei.”

Jon koi ke bhi aur jon bhi cheej hamaar Pita hamme dees hei, u hamaar lage aai, aur ham uske kabhi duur nai karega.

Saayman Peeṭa jawaab dees, “Prabhu, ham kiske lage jaai? Anant jeewan ke baat to khali tumhaar lage hei.

Hamahi u jeewan ke roṭi hei jon swarag se utris hei! Jon koi bhi i roṭi khaai u sab roj jinda rahi. Aur jon roṭi jeewan ke khaatir ham dunia ke log ke dega, u hamaar deñhi hei.”

Koi bhi hamaar paas nai aay sake, jab tak hamaar Pita jon hamme bhejis hei, nai maañgi. Agar ulog aai, to ham ulog ke aakhri roj jinda karega.

U Parmeshwar ke roṭi hei jon swarag se utar ke nichche dunia meñ aay ke jeewan de hei.”

Ham jeewan ke roṭi hei!

Tab Yeeshu aapan haath meñ roṭi le ke, Ishwar ke dhanbaad de ke jon sab laain meñ beiṭha rahin uske baaṭ dees. Wahi rakam machhri ke bhi karis, aur jetna ulog maañgat rahin, otna sab ke dees. Sab log jetna khaay sakat rahin, otna khaain, aur Yeeshu aapan chela log se bolis, “Jetna ṭukṛa hei, sab baṭor leo, ki jisse kuchh barbaad nai hoy.”

Jab ulog kareeban teen ya chaar kilomeeṭa bauṭ chalaay leen, tab dekhin ki Yeeshu paani pe chal ke ulog ke lage aay hei. Jeise jeise u nagichche aate gais, chela log ḍar gain. Lekin Yeeshu ulog se bolis, “Ham Yeeshu hei! Ḍaro nai!”