Oblíbené biblické verše z Utu 17

Sdílet

Abulahamu peavii na miyaka tisini na tisa, Bambu akamuhumalila na kumjovela, “Nene ndi Chapanga mwenivi na Makakala. Landayi genijova na ukitayi gegiganikiwa.

Yati ukemiwa lepi kavili lihina laku Abulahamu, nambu yati ukemelewa lihina laku Ibulahimu, muni nikukitili kuvya wa dadi wa vandu va milima yamahele.

Yati nitimilisa lilaganu langu na veve, viveleku vyaku na viveveleku vyavi vyoha magono goha gangali mwishu, kavili yati nivya Chapanga waku na Chapanga wa viveleku vyaku.

“Nivika lilaganu lenili na veve, yati uvya dadi wa vandu va milima yamahele.

Chapanga akamyangula, “Lepi! Mdala waku Sala yati akuvelekela mwana mgosi, na veve yati ukumkemela lihina laki Isaka. Yati nikamula lilaganu langu kwaki na viveleku vyaki, livya lilaganu la magono goha gangali na mwishu.

Yati nikuvapela mulima uwu wemwitama ngati vayehe uvya waku magono goha, ndi mulima woha wa Kanaani uvya waku magono goha gangali mwishu, na nene yati nivya Chapanga winu.

Penapo Ibulahimu akagundama mbaka pahi, akaheka na mutima waki kuhololela, “Wu, chakaka yihotoleka mwana kuvelekewa kwa mgogolo mweavi na miyaka miya yimonga? Wu, Sala mweavi na miyaka tisini, yati ihotola kuveleka mwana?”

Kangi Chapanga akamjovela Ibulahimu, “Kumvala mdala waki, yati ukumkemela lepi kavili Salai, nambu lihina laki yati livya Sala.

Yati mwidumuliwa jandu na yeniyo ndi yati yivya ulangisu wa lilaganu langu na nyenye.

Nambu lilaganu langu yati nitimilisa kwa Isaka, ndi Sala yati akuvelekela mwaka mweibwela lusenje ngati lwenulu.”

Kila mwana mgosi mweahikisi magono nane pagati yinu ndi yikumgana adumuliwa jandu. Kila mgosi pagati ya viveleku vinu, avya mvanda pamonga na mwevelekiwi panyumba yinu, pamonga na mweaguliwi kwa mashonga ginu kuhuma kwa myehe mweangavya chiveleku chaku. Ena, kila mmonga wavi mweavelekiwi munyumba yaku amala aguliwi kwa mashonga gaku, ndi yikumgana adumuliwa jandu. Lilaganu langu muhiga yaku, yati livya lilaganu la magono goha gangali na mwishu.