Oblíbené biblické verše z Lukas 23

Sdílet

De Una wosumbayang wotemo, “Baba, tanu ona nasiapongu! O kia ona yaaaka gena ona yanakowa.” O bi prajurit o Yesus wisidodasangahadika, ona magena Awi baju imatekesikotoku yaaka moi-moi de manga gimina yamote o undi ma rabaka.

So o Yesus wotemo unaka, “Ngonaka igogou tonisingangasu, o wange manena dabolo ngona dede Ngohi o Firdaus ma rabaka.”

Dabolo de una wotemo, “Yesus, tanu noisininga ngohi, ma orasi Ngona nokolano!”

Dabolo de o Yesus womatoore de wotemo, “Baba! Ai gurumi tosisaraha Ani gia ma sohaka!” Wotemo komagena, de wosoneka.

Itekawa, de ona imasidiado o riho moi ma ronga o Sahe ma Papala ma Riho, so kagena de gila-gila ona wisidasangahadi. De o orasi magena kanagali o nyawa ma dorou yasinoto gena yasidasangahadi ka o wange moi, so moi Una Awi girinaka de moili Awi gubalika.

La o wange itotiai, de o doku ma sigilolino magegena dapuputuka ma deka o orasi saange, sababu o wange lo idadi dapuputuka. Ato imatodoka o baro isifafati o Gikimoi Awi Tahu ma rabaka gena iraca de ileta sinotoka.

O prajurit-prajurit manga kapita moi o kia naga idadadi magena wakelelo, de una o Gikimoi wigiliri, de wotemo, “We! O nyawa Una manena igogou Awi sala ihiwa!”